فنان قووى
23-02-2006, 03:08 AM
فى مواسم العطش
والقلب اللى كان محروم من الميه
وف عز عز الجفاف
والريق اللى ماداق من زمان
ولا شاف
نقطة ندا على وردة مروية
رميت نفسى فى ( بحر الشوق )
طلعتلى جنية
على راسها تاج من العاج
وخدودها وردية
صدرها مرمر منور
وعيونها عسلية
شعرها مفرود وروود .... ممدود
مليانة حنية ...
قالت : تعالى .... وحياة عنيك ماتخاف
انا قولت لاء .... وقلبى نازل فيا زق !!
بيقولى لساك جبان بتخاف ؟؟؟؟
طب نام يا اخويا وشد اللحاف
أو روح وكلك لقمة حاااف
أوعاك ... تفكر ان خوفك فى المواسم نجاه
أوعاك ... تفكر انك قافل على بابك حياه
رديت بصرخة جرحت حلقى ( انا مش جبان )
أنا انسان ...
ومانيش اهبل ولا مجنون ..
ولا اكذوبة فى ( الفتارين )
ولا برواز بيتكلم بلمبة نيون
انا ايش اكـــــون ؟؟؟
عشان اروح لجنية
مافيش جمالها فى هذا الكون
خلينى قاعد لوحدى
قافل عليا زنزانتى
وحيد مسجــــــــــــــــــــون .......
رد قلبى وقال
تقعد لوحدك لية ؟
قاعد حتعمل اية ؟
زمنك قرب يخلص
ولا عدش فية
ولا بسمة تبل ( الريق )
والكون عليك ( بيضيق )
حتى الصديق ( الرقيق )
مابقاش يجيلك ( برىء )
وانت القوى (الجرىء )
بقيت تلج قايد نار ( حـــريــق )
وانت القوى الجرىء
بقيت تلج قايد نار
خد قرار
أخــد قــــرار !!!
اصعب مافى الدنيا القرار
كفايانا حرقة دم
ولعلمكم .......
الدم مابقاش كرات بيضا وكرات حمرا
اصبح عديم اللون
وماسخ
بارد ..... وبايخ
كل الامور اتسيبت
لا الليل بقى ضلمة
ولا الشمس معناها النهار
اخد قرار ؟؟
اصعب مافيكى يا دنيا الانتظار
وقت المحن ....
مع اننا عايشين فى اخر زمن ...
ماشين على السلخانة
زى البقر...... زى الغنم !!
دبحتنا كلمة لاء
حدفتنا جوه العدم
متنا بمحض ارادتنا
وبنقول بمحض ارادتنا
نعم ... نعم .... نعم ....
لآن كلمة( لاء ) تعبتنى ... قاتلتنى
وفى وسط موج الرفض .. حدفتنى
وما بين سحاب الألم .... خنقتنى و فاتتنى .... ويااا جروح الزمن
مكتوب عليك يا قلبى ... تعيش عطشان وتموت ناشف
مكتوب عليك يا قلبى .... تكون سجان لجميع مشاعرك
جبان خايف
زى ( الأخرس )
يتكلم قد مايتكلم
يتألم قد مايتألم
كل الكلام بيمووت جواااااااه
صعبة قوى الحيــــــــــــــــاة
عالية قوى القضبــــــــــــان
يا قلبى خليك سعيد .... فرحان
واياك فى يوم اشوفك حزين ... غضبان
مهما كانت مشاعرك
مهما كان عمق جرحك
مهما كان اللى جرحك
اضحك ... وأضحك .... وأضحك ...
أما انا ......
حلملم كل جرحى جوه سحابة صيف
أو حتى فى لقمة ناشفة جوة رغيف
واطعمة لكل طيور السما
بينما ....
دمعى انا ....
حيسقى كل العطشانين المغرمة
ويملا كاس ورا كاس
يكفى كل الناس
ويداوى الجراح المؤلمة
ويدور يداور فى عتمة النبض الاخير
على لتر دم ... وحقنة .... وملاية سرير
يدفى بيها ( السقعانين )
البردانين ...
من ( حر ) السنين اللعين
ويحفر ضحكة فى وش النهار الحزين
و( ويزرع ) جوه فدان الجراح
زهرة امل ...
إية العمل ؟؟؟
لما يكون حزن الفراشة
قد الجمل !!!
إية العمل ؟؟؟
لما تشوف ضحكتك مدفونة تحت الجبل ...
وانت حزين !!!!
مليان جراح ....
ندمان على العمر اللى راح
باب الأمل مقفول ... ضيعت انا المفتاح
ياما نفسى اقول لكل الزعلانين .... سماح
يا ما نفسى اطبب على الخير اللى جوه القلوب
وادوب ...
فى لحظة يا دووب ..... اتوب
وارجع حر وطليق
أكون ( قشة ) فى حضن الغريق
أكون ( عدالة ) فى وش البرىء
أكون ( دليل ) لكل تايه فى عتمة الليل الزليل
يمكن ....
فى مواسم العطش
والقلب اللى كان .... محرووم من الميه
وفى عز عز الجفاف
والريق اللى ماداق من زمان ولا شاف
نقطة ندا ... على وردة مروية
القى نفسى
القى نفسى
القى نفسى
(( الفنـــــــان ))
والقلب اللى كان محروم من الميه
وف عز عز الجفاف
والريق اللى ماداق من زمان
ولا شاف
نقطة ندا على وردة مروية
رميت نفسى فى ( بحر الشوق )
طلعتلى جنية
على راسها تاج من العاج
وخدودها وردية
صدرها مرمر منور
وعيونها عسلية
شعرها مفرود وروود .... ممدود
مليانة حنية ...
قالت : تعالى .... وحياة عنيك ماتخاف
انا قولت لاء .... وقلبى نازل فيا زق !!
بيقولى لساك جبان بتخاف ؟؟؟؟
طب نام يا اخويا وشد اللحاف
أو روح وكلك لقمة حاااف
أوعاك ... تفكر ان خوفك فى المواسم نجاه
أوعاك ... تفكر انك قافل على بابك حياه
رديت بصرخة جرحت حلقى ( انا مش جبان )
أنا انسان ...
ومانيش اهبل ولا مجنون ..
ولا اكذوبة فى ( الفتارين )
ولا برواز بيتكلم بلمبة نيون
انا ايش اكـــــون ؟؟؟
عشان اروح لجنية
مافيش جمالها فى هذا الكون
خلينى قاعد لوحدى
قافل عليا زنزانتى
وحيد مسجــــــــــــــــــــون .......
رد قلبى وقال
تقعد لوحدك لية ؟
قاعد حتعمل اية ؟
زمنك قرب يخلص
ولا عدش فية
ولا بسمة تبل ( الريق )
والكون عليك ( بيضيق )
حتى الصديق ( الرقيق )
مابقاش يجيلك ( برىء )
وانت القوى (الجرىء )
بقيت تلج قايد نار ( حـــريــق )
وانت القوى الجرىء
بقيت تلج قايد نار
خد قرار
أخــد قــــرار !!!
اصعب مافى الدنيا القرار
كفايانا حرقة دم
ولعلمكم .......
الدم مابقاش كرات بيضا وكرات حمرا
اصبح عديم اللون
وماسخ
بارد ..... وبايخ
كل الامور اتسيبت
لا الليل بقى ضلمة
ولا الشمس معناها النهار
اخد قرار ؟؟
اصعب مافيكى يا دنيا الانتظار
وقت المحن ....
مع اننا عايشين فى اخر زمن ...
ماشين على السلخانة
زى البقر...... زى الغنم !!
دبحتنا كلمة لاء
حدفتنا جوه العدم
متنا بمحض ارادتنا
وبنقول بمحض ارادتنا
نعم ... نعم .... نعم ....
لآن كلمة( لاء ) تعبتنى ... قاتلتنى
وفى وسط موج الرفض .. حدفتنى
وما بين سحاب الألم .... خنقتنى و فاتتنى .... ويااا جروح الزمن
مكتوب عليك يا قلبى ... تعيش عطشان وتموت ناشف
مكتوب عليك يا قلبى .... تكون سجان لجميع مشاعرك
جبان خايف
زى ( الأخرس )
يتكلم قد مايتكلم
يتألم قد مايتألم
كل الكلام بيمووت جواااااااه
صعبة قوى الحيــــــــــــــــاة
عالية قوى القضبــــــــــــان
يا قلبى خليك سعيد .... فرحان
واياك فى يوم اشوفك حزين ... غضبان
مهما كانت مشاعرك
مهما كان عمق جرحك
مهما كان اللى جرحك
اضحك ... وأضحك .... وأضحك ...
أما انا ......
حلملم كل جرحى جوه سحابة صيف
أو حتى فى لقمة ناشفة جوة رغيف
واطعمة لكل طيور السما
بينما ....
دمعى انا ....
حيسقى كل العطشانين المغرمة
ويملا كاس ورا كاس
يكفى كل الناس
ويداوى الجراح المؤلمة
ويدور يداور فى عتمة النبض الاخير
على لتر دم ... وحقنة .... وملاية سرير
يدفى بيها ( السقعانين )
البردانين ...
من ( حر ) السنين اللعين
ويحفر ضحكة فى وش النهار الحزين
و( ويزرع ) جوه فدان الجراح
زهرة امل ...
إية العمل ؟؟؟
لما يكون حزن الفراشة
قد الجمل !!!
إية العمل ؟؟؟
لما تشوف ضحكتك مدفونة تحت الجبل ...
وانت حزين !!!!
مليان جراح ....
ندمان على العمر اللى راح
باب الأمل مقفول ... ضيعت انا المفتاح
ياما نفسى اقول لكل الزعلانين .... سماح
يا ما نفسى اطبب على الخير اللى جوه القلوب
وادوب ...
فى لحظة يا دووب ..... اتوب
وارجع حر وطليق
أكون ( قشة ) فى حضن الغريق
أكون ( عدالة ) فى وش البرىء
أكون ( دليل ) لكل تايه فى عتمة الليل الزليل
يمكن ....
فى مواسم العطش
والقلب اللى كان .... محرووم من الميه
وفى عز عز الجفاف
والريق اللى ماداق من زمان ولا شاف
نقطة ندا ... على وردة مروية
القى نفسى
القى نفسى
القى نفسى
(( الفنـــــــان ))