ممكن استشارة فى شراء السيارات؟

[liana]

يا ترى ايه هى احسن سياة الواحد ممكن يشتريها لو معاه 30 الف جنيه ؟
تكون من موديلات التسعينات ولا ايه ؟
يا ريت اقتراحات يا جماعه و كل واحد ييقول ايه السبب اللى خلاه يرشح السيارة دى
و ايه رايكو فى ال 128 الجديدة نازلة ب 35 الف جنيه.. ؟؟
و الف شكر :)

[ضابط شرطة]

والله يا ليانا هو موضوع محير فعلا

لان قدامك دلوقتي اكتر من رأي يعني ممكن تجيبي الـ 128 وطبعا لان سعرها مناسب سعر السيارة ( 34950 ) جنيها مصريا ( يضاف 515 جنيها للألوان الميتالك ) وطبعا هتيجي جديده وقطع غيارها رخيصة ومتوفرة بالتأكيد ولانها كويسه في البنزين و شكلها مقبول والدليل ان نص مصر 128
ودي مواصفات الــ 128 الجديدة
قدرة المحرك 60 حصان .
سعة المحرك 1300 Cc .
سرعة دوران المحرك 5800 لفة / دقيقة .
اقصى عزم 93 نيوتن / متر .
عند سرعة 3400 لفة / دقيقة .
راديو كاسيت بالسماعات .
فوانيس شبورة - سبويلر خلفى .

الرأي التاني هو الشاهين بس طبعا مستعمله برضه والشاهين كلها مميزات من حيث الشكل والمضمون فهتلاقي الشاهين جميلة وقطع الغيار متوفرة ورخيصة والشاهين صيانتها متوفرة بسهولة
مواصفات الشاهين
حقن إلكتروني .
قدرة المحرك 78 حصان .
سعة المحرك 1400 Cc .
سرعة دوران المحرك 5500 لفة / دقيقة .
راديو كاسيت مزود بعدد(4) سماعات .
فوانيس شبورة .


وفيه برضه الفلوريدا جميلة برضه و سعرها جديد حوالي 45 الف يعني ممكن تحصليها لو مستعمله استعمال خفيف
ودي مواصفاتها
قدرة المحرك 71 حصان .
سعة المحرك 1400 Cc .
سرعة دوران المحرك 6000 لفة / دقيقة .
تكييف هواء .
سنتر لووك .
راديو كاسيت مزود بعدد(4) سماعات .
فوانيس شبورة - سبويلر خلفى .
مساحة خلفية .
زجاج كهرباء أمامي - زجاج ملون .
اكصدامات بلون السيارة .

المهم ان كلها عربيات مصرية وشجع المنتج المصري وربنا يهديك للاختيار الموفق

[liana]

الف الف شكر على الرد

بجد ميرسى و ان شاء الله اول ما اقرر اقولكم :)

[عاشق النيل]

سوري ال هذى مافهمت شو بتعني

انا بصراحة غير المورسيدس

مع اعتبرها سيارة

حتى لوكان في مديل متوسط

أكرر اسفي اختي لاني ما عرفت شو بتقصدي السيارة ال

[ahmed_]

أنا بقالى فتره بادور على عربيه فى الحدود دى ولقيت إن أحلا عربيه بالمبلغ ده سيات إبيزا مو 96 أو 97 بالكماليات و فى سكودا فيليشيا متينه شويه عنها بس الغبيزا اروش منها و فى جولف مو 90 بحوالى 36 ألف
بس أنا عن نفسى بافضل الإبيزا
لكن فى عربيه بناتى قوى و ناعمه جدا إسمها فيات أونو و دى بتعمل من 30 ل 32 ألف مكيفه مو 97 أو 98
و ياريت تطمنينا إشترتى إيه و مبروك مقدما :y1:

[zizo_ya_zizo]

يا ترى ايه هى احسن سياة الواحد ممكن يشتريها لو معاه 30 الف جنيه ؟
تكون من موديلات التسعينات ولا ايه ؟
يا ريت اقتراحات يا جماعه و كل واحد ييقول ايه السبب اللى خلاه يرشح السيارة دى
و ايه رايكو فى ال 128 الجديدة نازلة ب 35 الف جنيه.. ؟؟
و الف شكر :)


ازيك يالينا منورانا فى السيارات

بصى ياهانم انتى ممكن بال 35 الف تقدرى تجيبى دايو ماتيز موديل 2000 تعملها 33 الف

http://www.carsurvey.org/images/daewoo_matiz_1.jpg

وعندك مثلا هونداى اتوس موديل 1998 تعمل 30 الف جنيه وحالتها جيده

http://www.entrepostovh.pt/noticias/images/news990223_1.jpg

وممكن الفيات بونتو موديل 1995 تبتدى من 35 الف جنيه

http://www.autobaselli.it/3926/0PUNTO-1.7-TD-LATEXT.jpg

وال 128 كويسه ادام جديده وكده بس انا اعتمدت على اختيارى على شكل العربيه انها لبنت وهما كويسين كلهم فى الامكانيات
شرفتينا ويارب اكون قدرت افيدك ولو فيه استفسار احنا هنا فى الخدمه :f:

[Dr_Muhsin_Ali]

Thanks for this information

[Dr_Muhsin_Ali]

Used Hyundai accent in good condition