العشرة أخطاء الأكثر شيوعاً في عالم الأعمال

[اسكندرانى]

العشرة أخطاء الأكثر شيوعاً في عالم الأعمال


1 الفشل في التخطيط

يجب أن تكون خطة عملك بمثابة الخريطة والدليل في عالم التجارة والأعمال وأن تكون أيضا مفصلة بدرجة كبيرة، من حيث خطط التمويل، والتسويق، ومستوى جاهزية الموظفين، وإذا فشلت في التخطيط الدقيق والحازم لا تخاطر بالاستعجال والبدء في المشروع، ضع الأهداف الملموسة، والتواريخ، ونقاط التحول، والميزانيات، ووزع مسؤوليات الإدارة وأيضا ضع نفسك بين جميع الاحتمالات.


2 نقص التركيز

منذ أن تتضح استراتيجياتك، أهدافك وخطط عملك، ألتزم بهم. تذكر أن استراتيجية التجارة المؤثرة هي التركيز على الأهداف المتظمنة في خطة العمل، قسّم الأهداف ورتبها من حيث الأهمية وتأكد أن توجد هناك أهداف رئيسية، وتحقق من تحقيق تلك الأهداف.


3 تصور الإيرادات الضخمة

قد يلازم كثير من الأعمال الفشل بسبب عملية خفض التمويل، فمن الأفضل دائما الاستهانة بدلا عن المغالاة في تقديرك لمبيعاتك ومكاسبك، ستحتاج لقابلية كبيرة في تحمل نقدك على نفسك كما تحتاج الحفاظ على نمو تجارتك بتصورات في المبيعات ودائما ضمن قواعد ثابتة وسيناريوهات أسوأ في توقع نموك.


4 فشل في التعرف على سوقك المستهدف

يمكنك فقط مقابلة حاجات سوقك المستهدف إذا عرفت من هم. وستجد أن عملك مرتبط بشكل وثيق بذلك السوق، يجب أن تكون إحدى أهدافك هو معرفة كل شئ تستطيع عن العملاء المحتملين مثل العمر والوظيفة، وما يحبون ويكرهون، القيم والعادات، بالإضافة إلى حجم العائلة وما شابه ذلك من علاقات مستمرة، وإن لم تهتم بسوقك المستهدف ستفشل تجارتك في النمو على مدى الزمن الطويل، استهدف الخبراء في سوقك المستهدف في البداية وراقب دائما حركة السوق بدقة وتركيز.



5 الفشل في التعرف على الطلب ? العرض

للوقوف بشكل بارز وواضح في وسط سوق اليوم المكتظ يجب أن يكون لدى تجارتك الافتراض الذي يميزه من الحشد بشكل واضح، افتراضات الطلب والعرض ينبغي أن تعمل بشكل توكيدي من حيث العميل المتوقع ? تساؤل لماذا منتجك أو خدمتك فريدة من نوعها ويجب أن تختار بدلا من ما يقدمه منافسيك، دع جميع افتراضاتك واضحة وغير مبهمة، ومنتجك الأكثر انخفاضا في السعر هو الأفضل في الجودة، هل مدة العرض هي 24 ساعة لمدة سبعة أيام في الأسبوع، خدمة العملاء هل هي مجانية وهل هناك أي ضمانات مطلوبة من قبل العملاء، يجب أن تتركز استراتيجية التسويق على المناطق وليس على المنافسين، على سبيل المثال الاعتماد بدرجة كبيرة على وضعية منافسك وتخصصه عكس خط المنتج الواسع، دعم العميل الشامل، جودة منتج عالية بسعر أفضل، بالإضافة إلى التعرف على آليتك التسويقية واستراتيجياتها المختلفة في التسويق المختلفة من سوق لآخر.


6 الفشل في المرونة

في سوق اليوم العالي التنافس يجب أن تبحث باستمرار عن الطرق التي تجعل منتجك مختلف عن الآخرين ويرضي عملائك ويكن لهم بالإخلاص، وتفوق المتنافسين الجدد المحتملين، يجب أن تكون حذر باستمرار ومتجاوب إلى توجهات السوق والابتكارات والتغيرات في عادات العملاء والطلب، بالإضافة إلى تطورات المنافسة لتحتفظ بعملائك وتزيدهم على المدى البعيد.


7 الفشل في البحث عن النصيحة

رجال الأعمال الأذكياء يفهمون أهمية البحث عن النصيحة وأخذها بعين الاعتبار، فهم يحيطون أنفسهم بالبطانة المهنية النصوحة والمفيدة، فالبحث عن النصيحة في المراحل المبكرة للمشروع يساعد في تجنب الوقوع في الأخطاء الغالية لاحقا، تحدث مع المحامين والمحاسبين والمصرفيين ورجال الأعمال في خططك التجارية بينما أنت تبني خطة عملك وتحاول الحصول على كل النصيحة، بذلك يمكنك إيجاد الاتجاهات والقرارات الأكثر إطلاعا وتبني الإستراتيجيات الأفضل للنمو.


8 الفشل في إرضاء مواردك الثمينة

مواردك الثمينة هم موظفوك، تعامل معهم بهذه السياسة، استغرق معهم الوقت للوصول إليهم وإمدادهم بالجو المؤدي إلى نموهم المهني والشخصي، اكسب إخلاصهم وثقتهم وتعرف على عملهم وإنجازاتهم، كافئهم على التزامهم وتفانيهم، وحاول رفع روحهم المعنوية حتى لا تفقد الأداء الانتاجي الفعال.


9 صعوبة التعامل معك

قد يكون لديك أفضل منتج للبيع, ولكن قد لا تملك الوسيلة الأفضل للوصول إلى العملاء، تأكد من مرونة التعامل معهم وإشعارهم بأن إرضاءهم هو على رأس قائمة أولوياتك، أجعل الشراء من لديك سهلا ودع مكالماتهم واستفساراتهم ترد بشكل سريع ومؤدب وأضمن بأن الإجابة على أسئلتهم تكون من قبل موظفين يلمون إلماما تاما بالمنتج ومميزاته. ولا تنسى المكان المناسب لعرض منتجك حتى لا يبقى طويلا على الرف.


10 فشل مخطط الحملة التسويقية

معرفة السوق هو الهدف الأول حيث لا تكفي الافتراضات لوضع خطة التسويق المناسبة، لنجاح الحملة التسويقية يجب أن تتابع الحملة التسويقية عن كثب وإمعان بحيث تعرف ما هو مناسب لمنتجك، إحرص على فاعلية الحملات الإعلانية من أصغرها إلى أكبرها، مثل البريد المباشر والإعلانات التلفزيونية، وتأكد أنها لا تعمل سلبا، وإن وجدت شيئا ما يعمل جيدا ألتزم به وهو قد يكون وسيلتك نحو الأفضل.

[أحمد المليجي]

4 فشل في التعرف على سوقك المستهدف


الملحوظة دي بالاخص سهل جدا تجدها في اي مشروع عربي و الامثلة كثيرة علي سبيل المثال عندما تجد موقع مصمم من عربي و موجة للعربي و صفحة الرئيسية بالانجليزي - او مثلا المشاريع اللي هنا في مصر تلاقي واحد فتح بتاع عصير تلاقي 10 واحد جنبة فتح بتاع عصير "و الرقم دي حقيقي مش هزار" مع ان الناس دي لو راحت المدن الجديدة اللي تفتقر الي اي خدمة هيكون افضل لهم بكثير جدا بس مين اللي يقتنع
علي فكرة هي كل نقطة في الموضوع تتناقش بس دي النقطة اللي لفتت انتباهي لاني بشوفها علي طول و دائما بتكلم عنها بس مين اللي يسمع
الموضوع عموما جميل جدا جدا
تحياتي لك اخي الفاضل
:f: :f:
:f:

[saladino]

جميل اوى الموضوع
وخاصة ان العمود الفقرى الادارى يعانى من انزلق غضروفى من الفقرة الاولى الى اخرفقرة

شكرا اسكندرانى على الموضوع

[بنت مصر]

موضوع أكثر من رائع .. ومفيد جدا
شكرا لك أخي الغالي اسكندراني


بسنت

[عـزالديـن]

بحث مفيد وثرى

ألف شـكر يا اسكندرانى

ننتظر المزيد مما تقدمه لنا من إفادة

لك منى كل التحية والتقدير

[عبدالله ابوالسعود]

9 صعوبة التعامل معك

قد يكون لديك أفضل منتج للبيع, ولكن قد لا تملك الوسيلة الأفضل للوصول إلى العملاء، تأكد من مرونة التعامل معهم وإشعارهم بأن إرضاءهم هو على رأس قائمة أولوياتك، أجعل الشراء من لديك سهلا ودع مكالماتهم واستفساراتهم ترد بشكل سريع ومؤدب وأضمن بأن الإجابة على أسئلتهم تكون من قبل موظفين يلمون إلماما تاما بالمنتج ومميزاته. ولا تنسى المكان المناسب لعرض منتجك حتى لا يبقى طويلا على الرف.

هذه النقطه سيدى قد تتطلب مرونه اكثر من اللازم
منها على سبيل المثال لا الحصر
التعامل مع الوسيط الا وهو فى بعض الاحيان (الصنايعى) اذا كان المنتج يحتاج الى مصنعيه
لابد عليك ان تراعى (الصنايعى) فى البقشيش والعموله والا شيضطر (الصنايعى) لان يوجه الزبون الى منتج اخر ربما اقل من منتجك جوده
واذا انت راضيت (الصنايعى) سيكون منتجك اغلى من المنافس
واحيانا (الصنايعى) يقاسمك مكسبك علاوه على مصنعيته
فماذا تفعل ؟

[عادل الخطيب]

الموضوع ده ياجماعه كلام نظرى اما ارض الواقع شىء مخالف تمام
سيدى الفاضل بصفتى فى السوق منذ اكثر من 10 سنوات واليات السوق تحكمنا جميعا بمعنى كمل الى انته حضرتك بتخطط له على خلفيات اقتصاديه معينه محسوبه بالورقه والقلم ودراسة جدوى من بيوت الخبره واصحاب مهارات وعندك عقليه تجاريه وخبره ممتازه تفاجاء بالعجب العجاب قرار وزارى يطلع تلاقى الشركة بتعتك ومشاريعك كلها ضاعت انا بتكلم عن تجربه مثلا انا بشتغل فى مجال قطع غيار السيارات وحضراتكم عرفين حجم السوق العالمى فى هذا المنتج ووارث المهنه دى ابا عن جد وفاهم وعندى السيوله تفاجاء برتفاع مباشر فى الاسعار يعنى الانسان العادى يقول تمام كده انا هاكسب عشان عندى فى المخازن بضاعه طبعا لاء انته بتخسر ليه لاانك المفروض لو هاتكسب مكسبك فى فرق الاسعار مش ليك لاانك تشترى المنتج بعد كده بسعر اعلى يعنى الفرق فى جيب المستورد بمعنى فيه منتج ثمنه جمله 100 جنيه قبل الارتفاع بتكسب فيه هامش ربح مثلا 15% يعنى تبيعه ب 115 جنيه وارتفع سعر الجمله الى سعر 180 جنيه يعنى هنا فى فرق ليك لو بعت ب 195 مثلا كدا كدا مكسبك 15 جنيه عشان الفرق بيروح فى الذياده للمنتج مش ليك
ثانيا الاسعار فى لحظه تهبط يبقى النتيجه انك خسرت مرتين فى الاول الفرق راح للمنتج والمصنع وفى التانيه راح ضرورى تنزل بالسعر فى المنتج عشان المنافس بيبيع بالسعر الجديد
ثانيا اترتفاع الاسعار اكيد بيخلى المستهلك مايشتريش الا لما العربيه توقف وبضر يفاصل ويناقش وينزل فى السعر تكون النتيجه مثلا مابتحققش التارجت بتاع المبيعات وفى نفس الوقت السلعه مرتفعة الثمن مابتقدرش تحطلها نسبة ربح عاليه لاانك مش هاتعرف تمسك السوق
ثالثا المفروض ان تنفصل القرارات السياسيه عن القرارات لاان السياسه لو دخلت فى البزنس اكيد يبقى صاحب المصلحه اهل السياسه الى بقوا كلهم تجار ومايهمهمش غير الكسب بس
وحجات كتير جدا فى السوق الى بتقول عليه ده سيدى الفاضل نظريات مجرد كلام على الورق اما احنا بقى فى بلد زى مصر ماتعرفش ايه النظام الاقتصادى الى بيحكم البلد لاهو اشتراكى ولا هوا رئسمالى
ولاتعرفله اى شكل قانونى وطول ماحنا كده مافيش مجال غير للحيتان يبقى ماتتكلمش عن شىء عباره عن وهم مجرد وهم وكلام ينفع خارج مصر مثلا عندك الامارات العربيه المتحده بلد تجاريه من النظام الفريد وبيحققوا مكسب بمعدلاات فظيعه ليه عشان هما عارفين بيعملوا اه فنطر احنا كتجار ورجال اعمال نحول كل شغلنا لدوله زى الامارات بعد فتره مش هطول يحصل تشبع للسوق الاماراتى ويقف الحال نتيجه لذياده الاثتثمارات الى داخل سوق هواصلا عنده تخمه ماليه وهروب الاستثمارات من دول زى مصر وليبيا ودول تانيه كتير يكون السبب فى هبوط معدل التنميه فى البلاد دى يبقى المفروض العكس ضخ الاموال الخليجيه فى الدول الفقيره فى الموارد البشريه والغنيه فى الموارد البشريه والمواد الخام وبكده ممكن نعمل حاجه وحاجه تخلينا افضل 1000من اوروبا ومن اميركا
ده حلم بس ممكن يتحققق مش مستحيل اسف الموضوع كبير جدا
والحمد الله السوق علمنى كتير بس فين السوق الى اقدر انفذ فيها مشاريع مش مهم رأس مال ضخم اهم حاجه العقل الى يشتغل والخبره والسمعه ليك فى السوق كدا اتعلمنا من الاكبر منا
شكرا لكم وشكرا لك ايها الرائع على هذا الموضوع
الشاعر
عادل الخطيب

[Dragon Shadow]

برغم وجود بعض الإختلافات بين الواقع العملي والنظريات دوماً إلا أنني أرى هذه النقاط مفيدة للغاية ويجب التحسب لها عند صناعة القرار ، كما أرى أن الخلل يكون دوماً في التطبيق أكثر من كونه في النظرية ...
موضوع جميل ومفيد أخي الكريم
دمت بخير
:f:

[اسكندرانى]

اخى أحمد المليجي
شكرا على تعليقك واتفق معك فى رايك
او مثلا المشاريع اللي هنا في مصر تلاقي واحد فتح بتاع عصير تلاقي 10 واحد جنبة فتح بتاع عصير "و الرقم دي حقيقي مش هزار"
وده فى حد ذاته يدل على ان مفيش حد بياخذ الامور بجديه لكن الكل ينظر ويقلد تقليد اعمى
شكرا على مرورك

[اسكندرانى]

مرحب اخى saladino
سعدت بمرورك وتعليقك

[اسكندرانى]

اختى بسنت بنت مصر
اى موضوع ينول شرف وجودك فيه ده فى حد ذاته تقدير لكاتبه
شكرا لتقديرك واعتز به

[اسكندرانى]

اخى عـزالديـن
مرحبا بك ولك خالص احترامى وتقديرى على تشجيعك

[اسكندرانى]

اخى ebnzaydoon
التعامل مع الوسيط الا وهو فى بعض الاحيان (الصنايعى) اذا كان المنتج يحتاج الى مصنعيه
لابد عليك ان تراعى (الصنايعى) فى البقشيش والعموله والا شيضطر (الصنايعى) لان يوجه الزبون الى منتج اخر ربما اقل من منتجك جوده
واذا انت راضيت (الصنايعى) سيكون منتجك اغلى من المنافس
واحيانا (الصنايعى) يقاسمك مكسبك علاوه على مصنعيته
فماذا تفعل ؟

للاسف اخى الفاضل انت ذكرت الحقيقه
بس اضيف لك هو الان موجود صنايعى اصلا للاسف انتهت الصنعه والحرف فى مصر
انا اعرف واعلم ورايت بعينى اصحاب صناعات وحرف اغلقوا الورش الخاصه بهم
ويسافر الى الصين وينزل فى فندق معزز مكرم ويأتى اليه صاحب المصنع الصينى ليطلب ما يريده ويحدده ويقوم الصينيين بتجهيزة ووضع التكت باللغة العربيه عليه وانه صنع فى مصر ويقوم بكل اجراءات الشحن حتى مصر
ولما سألت باستغراب واستنكار
كان الرد ( بلا وجع دماغ الصنيعيه ودلعهم وقلة ادبهم ريح دماغك شرى العبد ولا تربيته )
للاسف دى مأساة
واقول لك اخى ebnzaydoon السبب ؟
لاننا فى وقت من الاوقات زرعت الدوله فى بدايات الثورة داخل النفوس احتقار الصنيعيه وانهم طبقه دونيه واهتمت الاسر بالتعليم ولازم كل واحد يبقى معاه شهاده وياريت التعليم كان مفيد او مثمر ولكن كان فى النهايه مأساة اخرى واصبحت الشهاده مجرد ورقه لا تساوى ثمنها ومجرد ديكور علشان لما يتقدم لاسرة عروسه يقول لهم انه خريج كلية كذا وانتهى الامر على كده

[اسكندرانى]

اخى عادل الخطيب
المفروض ان تنفصل القرارات السياسيه عن القرارات لاان السياسه لو دخلت فى البزنس اكيد يبقى صاحب المصلحه اهل السياسه الى بقوا كلهم تجار ومايهمهمش غير الكسب بس

عندك حق واتفق معك
ولاتعرفله اى شكل قانونى وطول ماحنا كده مافيش مجال غير للحيتان

عندك حق كمان مره
عندك الامارات العربيه المتحده بلد تجاريه من النظام الفريد وبيحققوا مكسب بمعدلاات فظيعه ليه عشان هما عارفين بيعملوا اه
وانت عارف يا اخى الحبيب مين اللى بيشغل السوق فى الامارت ومين اللى وضع لها النظم الاقتصادية ومين اللى وضع القوانين الاستثماريه وتشجيع الاستثمار طبعا انت عارف من ثقافتك وخبرتك فى السوق انت عارف
للاسف مصريين بس وجدوا مناخ يستطيعو فيه ان يبدعو وينجحو بعيد عن الاستغلاليين
ده حلم بس ممكن يتحققق مش مستحيل
كل تقدم تحقق فى تاريخ البشرية بدأ بحلم
وانا معك انه ممكن يتحقق لو خلصت النوايه بين العرب
بس لو
اخى بجد مشاركتك قويه واثارت موضيع كثيرة وكل كلمة فيها تحتاج لتعليق
بس العيب فينا نحن وليس فى العلم اللى على الورق
للاسف العيب فى اللى بينفذ ويحول كل شىء الى مصلحه خاصه فقط

[اسكندرانى]

اخى Dragon Shadow
كما أرى أن الخلل يكون دوماً في التطبيق أكثر من كونه في النظرية ...

اتفق معك جدا ان الخطأ فى التطبيق

[Amira]

موضوع جميل و مفيد جدااا أخي أسكندراني
زي ما ذكرت حضرتك دي بتكون الأسس العلمية لأنجاح أي مشروع جديد
و لكن بعض الشركات لا تطبق هذه الأنظمة العلمية و لا أي أنظمة و بتكون شركات ناجحة و مستمرة ما بال لو أعتمدو بقي علي الأساس العلمي كمان - أكيد الوضع هايفرق معاهم كتير
أشكرك مرة أخري علي موضوعك القيم
خالص تحياتي :f:

[عبدالله ابوالسعود]

اخى اسكندرانى
بالمناسبه انا احب الاسكندريه ولا اشجع اى نادى سوى القومى
انا اعانى من مشكله الصنايعى والصنايعيه حتى كتابه هذه السطور
واحترمت كلمه الرسول من غشنا فليس منا
ورفضت البقشيش والاتاوه للصنايعيه
لانها ستكون على حساب المنتج
وفعلا تركونى واستجابوا لرغباتهم عند المنافسين قليلى الذمه
ماذا تفعل سيدى؟
ساستمر على المبدأ مهما كان
والله يقول
ورزقكم فى السماء وما توعدون
صدق الله العظيم

[عبدالله ابوالسعود]

و لكن بعض الشركات لا تطبق هذه الأنظمة العلمية و لا أي أنظمة و بتكون شركات ناجحة و مستمرة ما بال لو أعتمدو بقي علي الأساس العلمي كمان - أكيد الوضع هايفرق معاهم كتير
أشكرك مرة أخري علي موضوعك القيم
خالص تحياتي :f:

اختى اميره
فعلا معكى حق فى ان الاساس العلمى فى كل شئ سيكون له نتائج فعاله
ولكن مشاكل السوق المصرى كتيره جدا وممكن تفسد اى تخطيط مهما كان من دقته
ماذا تفعلين مع كلمه خليها على الله
ماذا تفعلين مع كلمه اللى من نصيبك يصيبك
ماذا تفعلين مع كلمه نفع قريبك اولى من الغريب
ماذا تفعلين مع كلمه الجار اولى بالشفعه
ماذا تفعلين مع كلمه البقشيش يا باشا
ماذا تفعلين مع كلمه الصنايعى والصنايعيه
ماذا تفعلين مع كلمه علشان خاطرى
ماذا تفعلين مع كلمه فلان بيجرى على كوم لحم
ماذا تفعلين مع كلمه عاوزين ناكل عيش
اذن حركه السوق المصرى بها كثير من السلبيات
مهما كانت دقه التصميم
ايه رأيك؟

[اسكندرانى]

الاخت اميرة Princess
فعلا لو طبقنا العلم اكيد حنستفيد اكتر من الفهلوه
ولازم نعرف ان كل النظريات هى اراء استرشادية وكل صاحب تخصص يستطيع ان يطبق ما ينفع مجاله او يطوعه ليواكب تخصصه
اشكرك على مدخلتك
واذ كنتى من المهتمين بمجال تطبيقات الادارة فى مجال الاعمال
هناك موضوعين اخرين يمكنك الاطلاع عليهم
الاول بخصوص دراسات الجدوى الاقتصادية
http://www.egyptsons.com/misr/showthread.php?t=45880

والثانى بخصوص نصائح وارشادات للمتحدثين
http://www.egyptsons.com/misr/showthread.php?t=44168

[اسكندرانى]

اخى ابن زيدون
موضوع الصنايعية دة موضوع مثير فعلا ومشاكله كتيرة بس بصراحه انا شفت نماذج اداريه قويه استطاعت ان تطوع الصنايعيه وتروضهم بنجاح
ولهم عدة اساليب منها
- ان تعطى الاجير حقه كاملا واولا باول + والعقاب الشديد على الاخطاء
ماذا تفعلين مع كلمه خليها على الله
ماذا تفعلين مع كلمه اللى من نصيبك يصيبك
ماذا تفعلين مع كلمه نفع قريبك اولى من الغريب
ماذا تفعلين مع كلمه الجار اولى بالشفعه
ماذا تفعلين مع كلمه البقشيش يا باشا
ماذا تفعلين مع كلمه الصنايعى والصنايعيه
ماذا تفعلين مع كلمه علشان خاطرى
ماذا تفعلين مع كلمه فلان بيجرى على كوم لحم
ماذا تفعلين مع كلمه عاوزين ناكل عيش
بتر كل هذه الكلمات من قاموس العمل وعدم التجاوب معها او مع من يرددها او من يتوسط لها
- من يدير عمل عليه ان يكون متواضع وفى نفس الوقت يحافظ على الفرق بين الرئيس والمرؤوس
- تحديد اهداف يمكن قياسها امام الصنايعى مثلا ( الطريحه او الكميه المطلوبه ) وربط الاجر على تحقيق الهدف
- وضع اسلوب للحوافز مثلا اذا حقق الهدف هذا له اجر + زيادة عن الهدف له حافز اضافى
- فى حالة عدم تحقيق الهدف يكون ايضا هناك عقاب وخصم
اخى ابن زيدون موضوع كبير ومحتاج كثير جدا جدا جدا هذه بعض القشور من كثير
شكرا لك اخى على مداخلتك

[حسام عمر]

موضوع أكثر من رائع



شكرا لك أخي اسكندراني

[اسكندرانى]

اخى حسام عمر
شرف لى ان يكون هذ رايك فى الموضوع اشكر لك مرورك واتمنى دائما وجودك ولا يحرمنا من مشاركاتك القيمة

[مروان كريم]

كلامك يا استاذ عادل فعلا هو الواقع اللى احنا عايشينه .. مش عارف ليه دايما البلد دى كل ماحد يمسكها تحلو اوى ف عينه ويقوم واكلها مع انها مش مستحملة
وكل ما نقول اهه يمكن تتعدل نبص نلاقى الحال زى ما هوا ويمكن اسوأ
كل اللى بيقعد على الكرسى ..اى كرسى .. على طول يفكر ف مصلحته ومصلحة حبايبه
وتتحرق البلد باللى فيها ..... ورغم كل ده لسة بنحبها بس هما يرحموها شوية
موضوع جميل جدا يا اسكندرانى

[savana]

الموضوع
جامد جدا
وانا من العجبين بية ولكن
لو كل مستثمر اتبع التخطيط الجيد واساساتة المبتعة في العالم اجمع كان من الطبيعي ان يصل اللاهداف المطلوبة
ولكن من المستحسن للمدير ان يضع البيئة في المقام الاول عند التخطيط
والقصد البيئة الاقتصادية بالمعني الواسع من خلال الموسسات المساعدة للمستثمر والقوانين واللوائح والدولة والدور الذي تلعبة في الاقتصاد والسوق
ومساحة التدخل في الانشطة ومن الطبيعي للمستثمر ان يحدد الاعداء في الاسواق قبل الشروع فى اتخاذ قرار الاستثمار للنشاط الاقتصادي ومن ثم وضع خطط السابقة ومن الضروي ان نضع البئية في المقام الاول قبل التخطيط على
اساس
هام
جدا ان التخطيط نشاط اداري قلبل للتعديل على حسب اسلوب الوصول للاهداف بعكس البيئة الاقتصادية التي من مميزاتها ان سرعة التغير في 89% من العناصر الموجودة بها من المسحيل ان تتغير مع اختلاف اسلوب التخطيط المتبع من قبل الادارة
وتقبلوا فائق احترامي

[اسكندرانى]

اختى الكريمة savana
سعدت جدا بمشاركتك وتعليقاتك القيمة
واحب ان نستفيد كلنا من مشاركاتك القيمة
لك دائما ارق تحياتى وخالص تقديرى واحترامى

[savana]

شكرا على الرد استاذ
اسكندراني
وارجوا من سيادتك ان
تكون الموضوع القادم عن
الاستثمار العقاري
وطرقة في السوق المصرية
واجوا من سيادتك التكرم واعطاء المعلومات الكافية حول الموضوع ليخرج الى الوجود
وتقبل فائق احترامي