مشاهد من كاس الامم الافريقيه

[طارق المملوك]

مشاهد من كاس الامم الافريقية
حلوة يا بلدى لما ولادك.. يدوا بحب ..
حلوة يا بلدى لما نشوف ..الفرحة بجد..
لما نشوف دراعات الدنيا ..
تفتح حضن ماهياش سد ..
فرحان بيكى و بانتصاراتك ..
فرحة وجاية باسم ولادك ..
فرحة قوية ..
فرحة تفرح قلب العاجز ..
فرحة تكسر كل حواجز ..
بينا وبين الفرح المنسي بقاله سنين ..
اصحى يا بلد المصريين ..
اصل ولادك .. جالهم فترة ..
نسيوا اننا كنا الابطال ..
عشنا سنين وسنين حرمان ..
حرمان حتى الحلم يجينا ..نصير ابطال ..
كان الحلم الشخصى تملى ..
شهرة رخيصة .. وتل المال ..
واحنا بلادنا كانت زعلانه ..
زعلانه منا ..
ليها الحق انها تتصالح ..
ليها الحق نرد امبارح ..
نرسم بكرة اللى بنتمنى ..
يكون افراح ......

* * * *

حلوة يا بلدى يكونلك اب ..
ريس يطلع شايل كاس ..
تبكى عيونا .. لكن م الفرحة ..
فرحة وجايه لكل ولادك ..
خلقوا الفرحة ف ليل العيد ..
فرحة كابتن شال الكاس ..
لعب الكورة بكل حماس ..
وباحساس ابن العشرين ..
كل الملعب كان ابطال ..
بس الكابتن شفت دموعه ..
واثر فيا ..
لما اتقدم شال الفرحة ..
ميداليه وكاس ..
دمعت عينه ..
واحنا بكينا لكن م الفرحة ..
مكنش مصدق .
ان العالم شاف الفرحة ف عين المصرى ..
باس الكابتن راس الريس ..
حلوة يا بلدى يكونلك اب ..
نرمى الفرحة على اعتابه ..
ياخدنا ف حضنه ..
حلو الريس يصبح اب لكن مواطن ..
يجرى يطبطب ..
يجرى يطيب جرح المصري ..
مات غلبان م الغلب الازلى ..
مات غرقان ..
مات قرفان ..
مات طهقان و ارتاح م الغلب ..
يمكن يجيى اليوم ده قريب ..
وده شئ سهل ماهواش صعب ..
حلوه يابلدى يطونلك اب ....

* * * *

حلوة يا بلدى وتحيا مصر ..
هدفك .. عزمك ..
مش راح وحده يجيب النصر ..
لازم حب يعدى مداه ..
حب الوطن المليان خير ..
اللى تملى الناس حسداه ..
اللى تملى ولاده حضناه ..
ياولاد بلدى يا مصريين ..
املوا الوطن المليان حزن ..
باحلى سنسن ..
كاس وزينات .. اعلام .. افراح ..
مخلوط بيها ايمان و كفاح ..
عشتوا و عشنا ليوم الدين ..
نحيا نعيش مده منتصرين ...

* * * *

حلو المشهد كده على بعضه ..
مصرى وشايل علمه ف حضنه ..
حلوة يا بلدى لما ولادك ..
خلوا العلم المصري يرفرف ..
فوق عماراتك ..
جوا شوارعك ..
والله زمان ..
رسموا وشوشهم ..
ابيض واسود واحمر زاهى ..
لفوا العلم المصري عليهم ..
وبيدفوا ف عز البرد ..
حلوة يا بلدى نبوس الارض .. المليانه خير ..
حلوة الفرحة تخفف حزن ..
نفرح .. نرقص على مزيكة .. تحيا مصر ..
حلوة يا بلدى ف يوم النصر ..

* * * *

حلوة يا بلدى .. لما تلاقى ..
جوا قلوب الخضر ولادك ..
حب كبير .. وبيصحى عباد ..
حب الله ورسول الله ..
اجمل شئ كان ف الاستاد ..
ان رسولنا الغالى علينا ..
كان وسطينا ...
جوا اليفط المتشاله شيل ..
جوا فريق المصريين ..
شالوا قلوبهم ..
حطوا بدالها .. كلمة جميله ..
احنا فداك يا رسول الله ..
قدام كل العالم قلنا ..
ابدا .. ابدا .. مش راح نسكت ..
تظلموا ممكن نسكت حبه ..
تقتلوا ممكن تلقوا الرد ..
بس الحد ما بينا وبينكم ..
حبنا لجل رسول الله ..
ممكنم نقلب كل الدنيا ..
عاليها واطيها ..
ده احنا فداك يا حبيب الله ..
كل معانى الفخر لقيتها ..
دنيا ودين ..
عشنا و عاش المصريين ..
فرحة و نصره ..
واجمل حب ..
حب بيعرف يلقى اصحابه ..
حب بيعرف فين احبابه ..
حب بيطلع بعد الاه ..
حب بيرضى الرب معاه ..
عزة .. وقوة ..
عشنا فداك يا رسول الله ..
حلوة الفرحة يكونلها رب ..
حلوة الفرحة ف وسط العيله ..
وحضن الاب ..
حلوة يابلدى .. ياللى ناديتى ..
الابن الغايب وسط همومه ..
يفرح فرحة بتملى القلب ..
يسجد بعدها راضى وشاكر ..
لجل الرب ..

طارق المملوك
14/2/2006

[عصام علم الدين]

أخي الحبيب طارق
أقولك إيه؟
بالرغم من ومن ومن
إلا إن ـ ـ ـ
القصيده حاجه تِجن

ومن ومن ومن
مالهُمش أي علاقه
بقلَمَك اللي كُلُه فَن
ولا ليهُم أي عِلاقه
بشعرِك الجميل ـ لَكِن!

أقولَك إيه؟
مبروك علينا الكاس
واللي يرن ـ يرن
إن شاالله ماتو الناس
أو طفل نام
ولحضن أبوه بيحِن
أبوه بِجَد
مش أي حَد
يمسح دموعه لما يأن

عصام علم الدين

[سومه]

قصيده جميله استاذ طارق
انا حاولت اتخيراجمل جزء منها اقتبسه وجدت نفسى هقتبس القصيده كلها
بارك الله فيك
ومبروك علينا الكاس والقصيدة الرائعه:no1:

[بنت مصر]

أخي طارق المملوك المبدع
قصيدة جميلة جداااااا رغم حزنها
جزاك الله كل الخير على عمق هذه المشاعر

بسنت

[طارق المملوك]

أخي الحبيب طارق
أقولك إيه؟
بالرغم من ومن ومن
إلا إن ـ ـ ـ
القصيده حاجه تِجن

ومن ومن ومن
مالهُمش أي علاقه
بقلَمَك اللي كُلُه فَن
ولا ليهُم أي عِلاقه
بشعرِك الجميل ـ لَكِن!

أقولَك إيه؟
مبروك علينا الكاس
واللي يرن ـ يرن
إن شاالله ماتو الناس
أو طفل نام
ولحضن أبوه بيحِن
أبوه بِجَد
مش أي حَد
يمسح دموعه لما يأن

عصام علم الدين
الله الله الله عليك اخى العزيز عصام
نورت الصفحة كلها بردك الجميل ده
يشرفنى دائما مرورك العاطر وااسف للتاخير فى الرد

[طارق المملوك]

قصيده جميله استاذ طارق
انا حاولت اتخيراجمل جزء منها اقتبسه وجدت نفسى هقتبس القصيده كلها
بارك الله فيك
ومبروك علينا الكاس والقصيدة الرائعه:no1:
الاخت العزيزة سومة
نورتى بجد ومتشكر جدا على كلماتك الرقيقة
مبروك عليكى و على كل الشعب الغلبان المسكين الحزين اللى كان مستنى اى حاجة تمسح دموعه ةتفرحه شوية

[طارق المملوك]

أخي طارق المملوك المبدع
قصيدة جميلة جداااااا رغم حزنها
جزاك الله كل الخير على عمق هذه المشاعر

بسنت
my dear sister basant
thanks for being here in my page
as usual i am so happy to see yr name appearing in my pages
thanks my dear

[د. جمال مرسي]

أخي الحبيب طارق
قصيدة أقل ما يقال عنها أنها جميلة جدا
و حملت كل مشاعر مواطن مسلم عربي مصري و بكل فخر
نعم أخي الحبيب انها الفرحة الغائبة عنا نحن المصريين من زمان
و جاءت و كنا في شوق جارف لها
و لكن كان معها و بكل الأسف ما نغصها و لم يجعلها تتم بشكل الذي أردناه تماما .,
نعم .. الحدث الجلل بنشر الصور المسيئة لخير البرية عليه أفضل السلام و أتم التسليم
و الحدث الآخر .. هو أرواح ضحايانا الأف أو يزيد الذين راحوا ضحية الاهمال و الستهتار بأرواح المصريين في السلام 98
و كما قال أخي عصام علم الدين في قصيدته.....
رغم لكن و لكن و لكن ...
إلا أنها تظل قصيدة رائعة تؤرخ لحدث تاريخي في سجلات انتصارات مصر
تقبل المودة يا صديقي و سامحني على التأخير
أخوك د. جمال

[طارق المملوك]

أخي الحبيب طارق
قصيدة أقل ما يقال عنها أنها جميلة جدا
و حملت كل مشاعر مواطن مسلم عربي مصري و بكل فخر
نعم أخي الحبيب انها الفرحة الغائبة عنا نحن المصريين من زمان
و جاءت و كنا في شوق جارف لها
و لكن كان معها و بكل الأسف ما نغصها و لم يجعلها تتم بشكل الذي أردناه تماما .,
نعم .. الحدث الجلل بنشر الصور المسيئة لخير البرية عليه أفضل السلام و أتم التسليم
و الحدث الآخر .. هو أرواح ضحايانا الأف أو يزيد الذين راحوا ضحية الاهمال و الستهتار بأرواح المصريين في السلام 98
و كما قال أخي عصام علم الدين في قصيدته.....
رغم لكن و لكن و لكن ...
إلا أنها تظل قصيدة رائعة تؤرخ لحدث تاريخي في سجلات انتصارات مصر
تقبل المودة يا صديقي و سامحني على التأخير
أخوك د. جمال
اخى العزيز و استاذنا د.جمال
اشتقت اليك فعلا و الى تعليقاتك و مرورك العاطر على صفحاتى المتواضعة التى تكسب الكثير و الكثير بمرورك عليها
اشكر لك مرورك و تعليقك الجميل الذى هو وسام على صدرى
دمت لى ناصحا و مشجعا

[LORDKAZA]

اخي العزيز م طارق ما اجمل طعم الفرحه لما بتييجي وسط الاحزان وما اجمل ما سطرته يديك جميلة حماسية رائعه فكرتني فعلا بيوم الفوز شكرا على ابداعاتك م طارق

[طارق المملوك]

اخي العزيز م طارق ما اجمل طعم الفرحه لما بتييجي وسط الاحزان وما اجمل ما سطرته يديك جميلة حماسية رائعه فكرتني فعلا بيوم الفوز شكرا على ابداعاتك م طارق
my dear brother lordkaza
thanks for your nice words
really me dear it was a wonderfulk day
hope allah makes our all days full of happieness
thanks again my dear