مشاهدة النسخة كاملة : boukybouky علي كرسي التعارف
أم أحمد
06-02-2006, 01:17 AM
السلام عليكم ورحمة الله وبركاته
اخواتي واخواني في الله
سوف تندهشون اليوم من طريقة واسلوب عرض عضو علي كرسي التعارف
فكما تعودنا ان يكون معنا كل اسبوع عضو جديد علي كرسي التعارف
وجدتها فرصة ان نتعرف اكثر عن من تقدم الموضوع معي بوكي بوكي
فلابد ان نعطي لها حقها ونكرمها من خلال هذا الموضوع لدورها الواضح في المنتدي
ضيفتنا اليوم هي من اجمل اعضاء المنتدي قلبها مليئ بالمحبة و الخير و النقاء .
ضيفتنا اليوم هي بوكي بوكي......
إنضمت إلى لؤلؤة المشرق العربي منذ حوالي ما يقرب من العامين..
استطاعت في هذه الفترة بسمو فكرها و صفاء روحها و طيب أخلاقها أن تنال محبة و احترام و تقدير الجميع .
تتميز باسلوب اخاذ بطرحها للمواضيع وحضورها المميز ومشاركتها التي تدل علي تفكير خصب بناء ينم عن ثقافة ووعي
ربما يصعب الحديث عنها في كلمات قليلة انما يمكن وصفها بانها انسانة مصرية جدعة جدا وبتقدم الخير للجميع بدون مقابل تسعي دائما لتقريب وجهات النظر مهما كانت نتيجة سعيها لا تبغي من وراء ذلك كلمة شكر
تثبت وجودها في جميع القاعات لا احد ينكر دورها الجميل ومواضعيها الاجمل في قاعة الديكور
وايضا مواضيعها الشيقة في الاختبارات النفسية سواءا في القاعة العامة او قاعة صحتك تهمني
واكيد طبعا لا ننسي المسابقة الدينية في قاعة لقاءات في حب الله
يعجز القلم عن التعبير اكثر عن ضيفتنا اليوم في كرسي التعارف ولو انني تمنيت كثيرا ان استطيع ان اعبر اكثر ولكن القلم دائما يخونني في تلك المواقف
ولذلك ادعوكم اخوتي ان نبدأ في التعرف اكثر علي بوكي بوكي من خلال كرسي التعارف
أم أحمد
06-02-2006, 01:33 AM
بيانات بوكي بوكي الشخصية كما وردت في ملفها الشخصي بالمنتدي
تاريخ الميلاد:
May 7, 1972
العمر:
33
الجنسية:
مصرية
البلد:
القاهرة
الوظيفة:
مهندسة ديكور
الجنس:
female
حنـــــان
06-02-2006, 01:38 AM
الحمد لله...
جيت من أول الموضوع المرة دي!
أهلا بيكي عالكرسي يا بوكي بوكي... منورة
حافكر لك في كام سؤال وآجي :)
boukybouky
06-02-2006, 02:59 AM
أم أحمد حبيبتي قلبي بجد بجد مش عارفة أقولك ايه
محرجة جداً جداً من كلامك الجميل ده :$ لدرجة اني فضلت
ثابتة أمام الصفحة لا أعرف ماذا أكتب كرد عليك و علي زوقك الفائق
أشعر أن هذا كله كثير عليّ ربنا يخليكِ يا قمر :love:
و ربنا وحده يعلم معزتك عندي و يا رب يديمنا أخوات متحابين فيه
ده انا اللي يعجز قلمي عن شكرك http://smilies.sofrayt.com/fsc/blow%20kisses.gif
في رعاية الله ،،،
zizo_ya_zizo
06-02-2006, 04:17 AM
بسم الله الرحمن الرحيم
شكرا يام احمد انك استضافتى بوكى على كرسى التعارف
بنتدى الاسئله بقى انا مش هزود ومش هتقل عليكى فى الاسئله يابوكى
1- ايه هيا الهوايات بتاعتك يابوكى ؟
2- ايه الصفه الى انتى مفتقداها ونفسها تكون عندك ؟
3 - ايه فعلا اللحظه الى انتى نفسك تتكرر على طول ومتنتهيش وايه الى اللحظه الى عدت عليكى ونفسك ماترجعش تانى ؟
حلو كده علشان زى مابيقلو اول الغيث قطره :$شرفتينا ونورتى الكرسى بوجودك
Abdou Basha
06-02-2006, 06:34 AM
إزيك يا بوكي بوكي..؟؟
شفتي... أهه جه اليوم اللي احنا نسألك فيه... الدنيا بتلف صحيح .. :d
أنا سعيد جدا إنك النهاردة على كرسي التعارف ..
أسئلتي بقى *9* :
- أكتر صفة ممكن تكرهيها في إنسان ... إيه هي ..؟
- جذورك البعيدة (العائلية).. بتنتمي لأي محافظة أو أقليم..؟؟
- إيه الرسالة اللي بتحسي إنه من واجبك إنك تقدميها للناس ...؟
وكفاية كده حاليا .
وبالتوفيق باذن الله .
*3*
عصفور الشعر
06-02-2006, 06:54 AM
الاخت الفاضله : بوكى بوكى
كانت مفاجأه جميله حقا :hey: .. ولم تكن فى الحسبان ... أن تكونى ضيفتنا لمدة أسبوع على كرسى التعارف ... فكل الشكر والعرفان للأخت الكريمه أم احمد .. لأختيارها الطيب .. لانسانه طيبه :f2:
والأن إسمحى لى أختاه أن أطرح عليكِ بعضا من الاسئله .. بغية التعرف عليكِ أكثر وأكثر:smart:
1- ما هى حكايتك مع علم النفس ((بالتفصيل بقى مش حوصيكى)) .. رغم أنه بعيد عن مجال دراستك وعملك ؟
2- كيف نشأت تلك الصداقه الجميله والثريه ... بينك وبين أم احمد؟
3- لو لم تكونى مهندسة ديكور .. ما ذا كنتى تتمنين أن تكونى ؟
4- احكى لنا عن موقف انسانى مأساوى .. يدمى قلبك كلما تتذكريه
والأن السوأل المعتاد والذى أسأله للجميع
املأى الفراغ بالعضو المناسب ((مع مراعاة عدم اختيار المحاور عصفور الشعر.. لملء أى فراغ ))
عضو يعجبك اسمه ..........
عضو تحسه هادىء .........
عضو تتمنى تشوفيه .........
عضو نفسك تهديه باقة ورد
عضو مشااارك وفعال .......
عضو مجنون شويتين .......
عضو رقيق جدا ..............
عضو تحسيه مرتب جدا في مواضيعه
عضو بسرعة يغضب ........
عضو تحبى تتابعى مواضيعه...
عضو ما بتشوفوش بالمنتدى الا نادرا ونفسك يشارك على طول
عضو يحب الخير لاخوانه بالمنتدى
عضو يحب يجادل كثير
عضو تحبى تغير اسمه
مع تحياتى وتقديرى
خوكى
توت
حبيبتى الجميلة بوكى
اولا منورة كرسى التعارف بجد ويمكن قبل ما اعرف الخبر كنت لسة بفكر اننا كمان عايزين نتعرف عليكى اكتر وعلى الانسانة الرائعة اللى كلنا بنحبها وبنقدرها جدا وانا عرفتك اولا من خلال الردود وكان بيعجبنى اسلوبك جدا ولما اتعرفت عليكى اكتر وجدتك انسانة جميلة ورائعة قلبك جميل ومليان با المحبة والخير للكل جميلة ورقيقة وزى ما قالت ام احمد بنت مصرية جدعة فعلا انا لمست دة فيكى وكمان مش بيعجبك الحال المايل هههههههههههههههههههههههههههه وبتقدرى تقولى كلمة الحق
الحقيقة يا بوكى لو كتبت عنك هكتب كتير
لكن انا هسألك اسئلة انتى وجهتيهم ليا على الكرسى واحب اسألهم لبوكى
1- بماذا تحلم بوكى بوكى لمستقبلها؟
2- ما رأيك في إزدواج المعايير و تطبيقها عند الرجل الشرقي؟
3- تصرف ندمت عليه ما هو ؟ و لماذا؟
كفاية دول و انا عارفة الله يكون فى عونك على الردود هتتسمرى على الكرسى كتير
بس هتنورينا وهنعرفك اكتر
وفقك الله
الصعيدي
06-02-2006, 07:50 AM
معقول جه يومك يا بوكي بوكي .. ههههههههههه .. كلنا اتزنقنا الزنقة دي .. أهلا بيكي في موضوعك الجميل *8*
بداية أحب أهنيكي علبى تواجدك الهادئ الجميل بالمنتدى .. وعلى فكرة أنا أول احتكاك لي في المنتدى مع بوكي بوكي كان في موضوع الفوازير الطازة للأخ الحبيب أحمد ناصر .. وكان فيه بيننا منافسة شديدة .. واسترعى انتباهي ثقافة بوكي بوكي العالية واهتمامها الشديد بالأسئلة ذات الطابع الثقافي بالذات
بوكي بوكي لها تواجد طيب وجميل في قاعة لقاءات في حب الله .. واستغلت هوايتها استغلال طيب في عمل مسابقات ثقافية دينية على القاعة .. جزاها الله كل خير وربنا يجعله في ميزانها
أحب أسأل بوكي بوكي :
- تحبي تقري لمين من الكتاب سواء في الصحف أو الكتب ؟؟
- وتحبي تقري لمين من الأعضاء في المنتدى ؟؟
- من إمتى بدأ عندك التوجه الثقافي .. والديني ؟؟
- أي برامج التليفزيون تحرصي على متابعته ؟؟
وكفاية كده عشان أسيبك لك فرصة للتواصل مع الأعضاء .. تقبلي تحياتي أختي الكريمة *8*
فاليريا
06-02-2006, 07:55 AM
ممكن اسالك انا بقا
ماذا يعني لك كل من :
البحر...
الاسكندرية ....
القمر ...
الصداقة .....
الدمع ....
النار ....
الزهرة ....
علاء الدين فوزي
06-02-2006, 09:36 AM
اولا اهلا وسهلا بيكي يا بوكي بوكي فى موضوعيك
وهى دي الدنيا يوم لك ويوم عليك ههههههههههههههههههه
المره دى جيت بدرى علشان اسأل بقى كل مره ما الحقش اسأل
1ـ بوكي بوكي ليه اختارى الاسم ده وماذا يعنى لكى الان ؟
2ـ شخص موجود فى المنتدى فرحتى جدا عند انضمامه للمنتدى وقلتى الحمد لله فاز المنتدى به ؟:y1:
3ـ شخص تعرفيه مش مشترك فى المنتدى ونفسك يكون مشترك معانا ؟
4ـ شخص موجود فى المنتدى ومشترك معانا ولما تلاقي مشاركته تقولى يييييييييييييه يا ريتك ما جيت ؟ :'( (اتكلمى بصراحه) هههههههههههه
5ـ رسالة حب تقدميها لمين وتقولى فيها ايه ؟
6ـ رساله لوم تبعتيها لمين وتقولى فيها ايه ؟
7ـ رساله اعتذار تبعتيها لمين وتقولى فيها ايه ؟
كفايا عليكي كده لتضربيني ولا حاجه:xx: هههههههههههههههههههههههههه
مستنى الردود بقى:4:
boukybouky
06-02-2006, 12:11 PM
الحمد لله...
جيت من أول الموضوع المرة دي!
أهلا بيكي عالكرسي يا بوكي بوكي... منورة
حافكر لك في كام سؤال وآجي :)
حمد اله علي السلامة :)
ده نورك يا حنان الله يخليكي
بس كدة تحت أمرك أي وقت تتفضلي بيتك و مطرحك :1:
في رعاية الله ،،
boukybouky
07-02-2006, 02:10 AM
بسم الله الرحمن الرحيم
شكرا يام احمد انك استضافتى بوكى على كرسى التعارف
بنتدى الاسئله بقى انا مش هزود ومش هتقل عليكى فى الاسئله يابوكى
اهلاً بك يا زيزو لا براحتك يا سيدي تقل و لا يهمك :)
1- ايه هيا الهوايات بتاعتك يابوكى ؟
هواياتي يا سيدي ... انا بحب سماع الموسيقي و كان نفسي زمان أتعلم أعزف جيتار بس مش حصل نصيب بحب موسيقي البيانو و الجيتار و بعض الموسيقي الكلاسيك، بحب الأشغال اليدوية زي الكروشيه و الكانافا و كثير من الأعمال الفنية اليدوية ... بحب الطهي جداً و بحب ابتكر و أجرب و تستهويني التجارب من أكلات لبلاد مختلفة، القراءة بس مش بقدر كبير يعني لو كتاب لفت نظري اقرأ فيه لكن ليس في المطلق.
2- ايه الصفه الى انتى مفتقداها ونفسها تكون عندك ؟
إني أكون أكثر تسامحاً .. أن أصل إلي درجة أن أنسي و ليس أن اتناسي.
عارف يا زيزو المشكلة اني أي وقت بحاول فيه أن أكون متسامحة واتغاضي هو نفس الوقت الذي أندم بعده فأعود و أقول لم يكن يجب أن أكون متسامحة مع فلنة أو فلانة أو مع الموقف هذا ... لكن برجع و أقول لنفسي لا تدعي يا ريهام أي شئ أو أي أحد يغير في تكوينك الداخلي ..يعني ربنا يعينا جميعاً
3 - ايه فعلا اللحظه الى انتى نفسك تتكرر على طول ومتنتهيش وايه الى اللحظه الى عدت عليكى ونفسك ماترجعش تانى ؟
امممم لما كنت في العمرة أول مرة و كانت والدتي الله يرحمها معي كنت بين صلاة المغرب و العشاء بحب أصعد للدور العلوي و أصلي في أول صف حتي تكون الكعبة أمامي علي طول و اضحة أراها كاملة أتمني أن أقف هكذا علي طول حقاً فرؤية الكعبة لا يوجد ما يعادله.
لحظة وفاة والدتي أمامي كانت لحظة قاسية جداً و صعبة فمؤلم جداً أن تري الروح و هي تخرج من إنسان ليتحول في لحظات أو أقل، من إنسان حي إلي إنسان في عداد الأموات.. أتمني أن لا أمر بها مع أي عزيز لدي.
حلو كده علشان زى مابيقلو اول الغيث قطره :$شرفتينا ونورتى الكرسى بوجودك
ده الشرف لي أنا و ده نورك يا زيزو و اهلاً بك أي وقت
في رعاية الله ،،،
boukybouky
07-02-2006, 02:11 AM
بسم الله الرحمن الرحيم
شكرا يام احمد انك استضافتى بوكى على كرسى التعارف
بنتدى الاسئله بقى انا مش هزود ومش هتقل عليكى فى الاسئله يابوكى
اهلاً بك يا زيزو لا براحتك يا سيدي تقل و لا يهمك :)
1- ايه هيا الهوايات بتاعتك يابوكى ؟
هواياتي يا سيدي ... انا بحب سماع الموسيقي و كان نفسي زمان أتعلم أعزف جيتار بس مش حصل نصيب بحب موسيقي البيانو و الجيتار و بعض الموسيقي الكلاسيك، بحب الأشغال اليدوية زي الكروشيه و الكانافا و كثير من الأعمال الفنية اليدوية ... بحب الطهي جداً و بحب ابتكر و أجرب و تستهويني التجارب من أكلات لبلاد مختلفة، القراءة بس مش بقدر كبير يعني لو كتاب لفت نظري اقرأ فيه لكن ليس في المطلق.
2- ايه الصفه الى انتى مفتقداها ونفسها تكون عندك ؟
إني أكون أكثر تسامحاً .. أن أصل إلي درجة أن أنسي و ليس أن اتناسي.
عارف يا زيزو المشكلة اني أي وقت بحاول فيه أن أكون متسامحة واتغاضي هو نفس الوقت الذي أندم بعده فأعود و أقول لم يكن يجب أن أكون متسامحة مع فلان أو فلانة أو مع الموقف هذا ... لكن برجع و أقول لنفسي لا تدعي يا ريهام أي شئ أو أي أحد يغير في تكوينك الداخلي ..يعني ربنا يعينا جميعاً
3 - ايه فعلا اللحظه الى انتى نفسك تتكرر على طول ومتنتهيش وايه الى اللحظه الى عدت عليكى ونفسك ماترجعش تانى ؟
امممم لما كنت في العمرة أول مرة و كانت والدتي الله يرحمها معي كنت بين صلاة المغرب و العشاء بحب أصعد للدور العلوي و أصلي في أول صف حتي تكون الكعبة أمامي علي طول و اضحة أراها كاملة أتمني أن أقف هكذا علي طول حقاً فرؤية الكعبة لا يوجد ما يعادله.
لحظة وفاة والدتي أمامي كانت لحظة قاسية جداً و صعبة فمؤلم جداً أن تري الروح و هي تخرج من إنسان ليتحول في لحظات أو أقل، من إنسان حي إلي إنسان في عداد الأموات.. أتمني أن لا أمر بها مع أي عزيز لدي.
حلو كده علشان زى مابيقلو اول الغيث قطره :$شرفتينا ونورتى الكرسى بوجودك
ده الشرف لي أنا و ده نورك يا زيزو و اهلاً بك أي وقت
في رعاية الله ،،،
زهرة الحنين
07-02-2006, 02:20 AM
بسم الله الرحمن الرحيم
اهلا بيكي بوكي بوكي
منووووووووووووووورة اكيد:good:
وجيباااااااااااالك شويه اسأله :1:
اعانك الله :2:
1- مـــــن هــــــي قدوتكِ في الحــــــــياة؟
2- مـــــاهو هدفـــكِ في الحــــــياة ؟
3 - ماهــــي الصفات التي تتمنين وجودها في صديقتكِ؟
4- كـــيف تقضين أوقات فراغـــــكِ؟
5- ماذا تعنـــــي لكِ المحبة في الله ؟
و اعذريني يمكن اسالتي كثيره:f:
سلالالالالالالالالالامي:bye:
:f: حنين:f:
boukybouky
07-02-2006, 02:38 AM
إزيك يا بوكي بوكي..؟؟
شفتي... أهه جه اليوم اللي احنا نسألك فيه... الدنيا بتلف صحيح .. :d
أنا سعيد جدا إنك النهاردة على كرسي التعارف ..
إزيك يا Abdou Basha انا الحمد الله بخير
آه شوفت بقي و الله كنت بقول لأم أحمد يعني بعد ما كنا بنعمل في الناس هتيجي الناس تعمل فينا ههههههه
الله يخليك و يسعدك يا رب
أسئلتي بقى *9* :
- أكتر صفة ممكن تكرهيها في إنسان ... إيه هي ..؟
الغباء ... و توجد مليون صفة تندرج تحت الغباء....
بكره من يعتقد نفسه يعرف كل شئ و يعتقد بجهله أنه يستطيع إستغفال من حوله و التلاعب بهم
أذكر مثل كانت جدتي الله يرحمه تقوله دائماً:"ما يغفلش الناس إلا المغفل"
- جذورك البعيدة (العائلية).. بتنتمي لأي محافظة أو أقليم..؟؟
و الله فيما يخص والدي هو من زمان خالص في القاهرة من الجدود البعيدة
فيما يخص والدتي الله يرحمها فهي من القليوبية
- إيه الرسالة اللي بتحسي إنه من واجبك إنك تقدميها للناس ...؟
و الله عامة في مجال الحياة أري أن المرأة بصفة عامة إذا لم يكن لها إحتياج ملح للعمل فهي واجبها هو الإشتراك في الجمعيات و المؤسسات الإجتماعية الخيرية فمهما بلغ عدد المتطوعين و المتطوعات فهو قليل جداً مقارنة بعدد من يحتاج ....واجبنا أن نشعر بمعاناة من حولنا حتي نشكر ربنا علي حالنا أولاً ثم تقديم المساعدة في وقتها ... في مجال النت كنت أري أن واجب كل من يعرف يوصل معلومة أويتكلم أن يعين غيره أبسطها نكون قدوة لغيرنا نساعد علي رقي من يتعامل معنا بأسلوبنا لا أجزم أن هذا ينجح و لكن كما يقال شرف التجربة يكفيني
وكفاية كده حاليا .
وبالتوفيق باذن الله .
الف شكر لك Abdou Basha تواجدك أسعدني
في رعاية الله ،،،
boukybouky
07-02-2006, 03:42 AM
الاخت الفاضله : بوكى بوكى
كانت مفاجأه جميله حقا :hey: .. ولم تكن فى الحسبان ... أن تكونى ضيفتنا لمدة أسبوع على كرسى التعارف ... فكل الشكر والعرفان للأخت الكريمه أم احمد .. لأختيارها الطيب .. لانسانه طيبه :f2:
الله يخليك يا توت الجميل هو التواجد بينكم أخوة و أخوات بعزهم حقاً
والأن إسمحى لى أختاه أن أطرح عليكِ بعضا من الاسئله .. بغية التعرف عليكِ أكثر وأكثر:smart:
1- ما هى حكايتك مع علم النفس ((بالتفصيل بقى مش حوصيكى)) .. رغم أنه بعيد عن مجال دراستك وعملك ؟
اتفضل تحت أمرك :)
امممم ... أنا أعشق كل ما يتكلم عن النفس البشرية ربما ترضي غروري في معرفة اغوارها...
أنا أصلاً من النوع القلق في العادة و الذي يؤثر فيه الأحداث المحيطة سريعاً تلك التأثيرات جعلتني أبحث عن مسبباتها و كيفية الخروج منها و كانت البداية ..معرفة لماذا ننفعل..لماذا نغضب .. و أول ما بدأت أن اقرأ كان في هذا المجال أذكر أول كتاب في علم النفس قرأته كان إسمه "الدافعية و الإنفعال" رغم أنه كتاب أكاديمي و يشرح بالتجارب التي تمت علي فئران التجارب و لكن استفدت منه جيداً..و أري أيضاً أن معرفة النفس البشرية يساعد الإنسان علي التأقلم الأسرع في حياته و التكيف معها ..
2- كيف نشأت تلك الصداقه الجميله والثريه ... بينك وبين أم احمد؟
أم أحمد ديه حبيبتي بجد و ربنا يديمنا أخوات متحابين فيه .. بداية الصلة كانت من خلال المنتدي أول ما إشتركت هي، أرسلت لي رسالة و من بعدها ابتدينا نتعامل من خلال الماسنجر و كانت تشعر بغربة في المنتدي و رويت لها كيف فضلت شهور علي ما اعتدت المنتدي و من فيه و يوم عن يوم كانت صداقتنا تزيد و تنمو، و الحمد الله ربنا أكرمني و تعرفت عليها عندما جاءت في زيارة لمصر و كانت فرحتي بها كبيرة فعلاً شعرت أني أعرفها جيدا و لم يكن يختلف شئ عن ما كنا هنا نتكلم فالصادق ينقلك الأحاسيس صادقة.. حقاً انا بحبها فعلاً و أشهد الله علي ذلك
3- لو لم تكونى مهندسة ديكور .. ما ذا كنتى تتمنين أن تكونى ؟
جراحة مخ و أعصاب أو جراحة قلب.... كان نفسي ابقي كده فعلاً لكن من أولي ثانوي أدركت أن قدراتي للجلوس علي الكتاب قليلة جدا مقارنة برسم لوحة فأدركت انه يجب دخول ما يلائمني و لذلك قررت فنون جميلة و الحمد الله دخلتها
4- احكى لنا عن موقف انسانى مأساوى .. يدمى قلبك كلما تتذكريه
و الله لم يدمي قلبي غير موقف وفاة والدتي .... فأنا كنت معها أنا و والدي و هي كانت في شبه غيبوبة و كانت متكررة فكنت أعتقد أنها ستفيق منها ككل مرة ولم أكن أتصور بأي حال من الأحوال أن ينتهي الموقف هكذا ...لكنها إرادة الله سبحانه و تعالي و الحمد الله علي كل شئ لكن أعذرني لن أستطيع أن أحكيه فما أن أشرع في الكتابة عنه لا تسعفني دموعي التي توقف يدي عن الكتابة ...... رحمها الله هي و جميع موتي المسلمين
والأن السوأل المعتاد والذى أسأله للجميع
املأى الفراغ بالعضو المناسب ((مع مراعاة عدم اختيار المحاور عصفور الشعر.. لملء أى فراغ ))
ربنا يستر :)
عضو يعجبك اسمه ..........
صفحات العمر
عضو تحسه هادىء .........
الأزهري المصري
عضو تتمنى تشوفيه .........
كتير بجد خايفة أنسي حد، علي سبيل المثال ..ديدي ..نوسة..أوشا ...رحمة ...وردة النيل....بسنت ...lost و غيرهم كتير بجد نفسي اشوفهم كلهم
عضو نفسك تهديه باقة ورد
أحمد ناصر
عضو مشااارك وفعال .......
زيزو... مظلوووم ...هشام نصار
عضو مجنون شويتين .......
هتزعل الناس منا ليه ههههههههههههه
عضو رقيق جدا ..............
ديدي
عضو تحسيه مرتب جدا في مواضيعه
د.عادل.. فاضل
عضو بسرعة يغضب ........
مؤخراً أصبح الكثيرون هكذا ... و كل لبيبٍ بالإشارةٍ يفهمُ :)
عضو تحبى تتابعى مواضيعه...
و الله فيه الكثير ..علي سبيل المثال لا الحصر ... الصعيدي ... فاضل...أوشا...
عضو ما بتشوفوش بالمنتدى الا نادرا ونفسك يشارك على طول
جوليا
عضو يحب الخير لاخوانه بالمنتدى
ماما زوزو
عضو يحب يجادل كثير
هم عارفين نفسهم :-s
عضو تحبى تغير اسمه
yallayad
مع تحياتى وتقديرى
خوكى
توت
اهلاً بك توت حقيقي نورتني
دمت بكل خير
في رعاية الله ،،،
boukybouky
07-02-2006, 04:02 AM
حبيبتى الجميلة بوكى
اولا منورة كرسى التعارف بجد ويمكن قبل ما اعرف الخبر كنت لسة بفكر اننا كمان عايزين نتعرف عليكى اكتر وعلى الانسانة الرائعة اللى كلنا بنحبها وبنقدرها جدا وانا عرفتك اولا من خلال الردود وكان بيعجبنى اسلوبك جدا ولما اتعرفت عليكى اكتر وجدتك انسانة جميلة ورائعة قلبك جميل ومليان با المحبة والخير للكل جميلة ورقيقة وزى ما قالت ام احمد بنت مصرية جدعة فعلا انا لمست دة فيكى وكمان مش بيعجبك الحال المايل هههههههههههههههههههههههههههه وبتقدرى تقولى كلمة الحق
الحقيقة يا بوكى لو كتبت عنك هكتب كتير
ده نورك يا نوسة الله يخليكي
و الله كلامك ده بجد يسعدني و يشرفني و يحرجني في آن واحد فلا أستطيع الرد إلا بالدعاء :
"اللهم اجعلني كما يظنون و اغفر لي ما لا يعلمون"
و انت كمان بجد أسعدني التعرف عليك أكثر و معرفتك عن قرب ربنا يخلينا لبعض
لكن انا هسألك اسئلة انتى وجهتيهم ليا على الكرسى واحب اسألهم لبوكى
ههههههههههههههههههههههه طيب ليه الإحراج ده :$
1- بماذا تحلم بوكى بوكى لمستقبلها؟
تصدقيني لو قلت لك مش بحلم .....و هذا ليس عدم طموح حتي لا يحدث خلط و إنما فقط تمر بالإنسان لحظات يشعر خلالها أن كل شئ زي بعضه ... إنما بحلم أعيش في صفاء نفس و رضا ..بحلم أن يعم السلام علينا جميعاً بحلم أن أستطيع مساعدة كل من يحتاج إليّ و أن يقدرني ربي علي ذلك ....
2- ما رأيك في إزدواج المعايير و تطبيقها عند الرجل الشرقي؟
امممممم بتوقعيني في شر أعمالي يعني هههههههههه
للأسف هناك إزدواجية واضحة جداً و لا أعلم ما هو سببها هل لأننا مجتمع ذكوري أم ماذا !!!!
ما أعرفه أن من يري شئ معين هو الصح يعمله بصرف النظر عن أي شئ لكن ليس صح لي و غلط علي غيري ليس حلال لي و حرام علي غيري بحجة أني رجل لا يوجد ما يعيبني.. لأنه يوجد ما يعيبك... أن تكون تتكلم بما لا تفعل ..أستعجب لهؤلاء الرجال الذين يُنَصِبون أنفسهم شيوخاً و يتكلمون عن الشرع مع ذويهم و هم أبعد ما يكون عنه فهم كمن يأمرون الناس بالبر و ينسون أنفسهم
3- تصرف ندمت عليه ما هو ؟ و لماذا؟
ندمت علي صبري في موقف و تمنيت لو رجع بي الموقف ليكون رد فعلي مختلف ...
فللأسف الناس لا تفهم أن الصبر عليهم في النقاش و التغاضي عن كلامهم الجارح في بعض الأحيان هو ليس معناه تأشيرة للتمادي و لكن مجرد أترك خط رجعة للتراجع منهم لكن للأسف القليل من يفهم ذلك و يُقَدِر
كفاية دول و انا عارفة الله يكون فى عونك على الردود هتتسمرى على الكرسى كتير
بس هتنورينا وهنعرفك اكتر
وفقك الله
الله يخليك يا نوسة و انت تنوري اي وقت
في رعاية الله ،،،
اسكندرانى
07-02-2006, 04:17 AM
الاخت الرقيقه boukybouky
ارق تيحاتى لك وتقبلى هديتى
سؤال صغير جدا وهو اكيد اتسألتى عليه كتير
من اول ما شفت اسمك علق فى ذهنى وكلما قرات لك موضوع او تعليق
يجول فى خاطرى سؤال
boukybouky معناه ايه
ارق تحياتى لك ولكل الاخوة والاحباب الموجودين فى الموضوع http://www.egyptsons.com/misr/attachment.php?attachmentid=12276&stc=1&d=1138114877
Amira
07-02-2006, 08:20 AM
منورة الكرسي يا بوكي :f2:
بصراحة المقدمة بتاعة أم أحمد جميلة جدااااااااااا تسلم أيدها و هي فعلا قالت واقع أنا لمسته شخصيا في شخصيتك
أنا هسأل سؤال واحد بس علشان شايفة ماشاء الله كم هائل من الأسئلة - ربنا يحبب فيكي خلقه كمان و كمان
السؤال بقي :
ما هو مبدأك التي تعتمدي عليه في حياتك بشكل عام - و علي أي أساس بتختاري أصدقائك - و حكمة تؤمنين بها ؟
بس. شفتي أزاي هو سؤال واحد ;)
تمنياتي الطيبة لكي دوما بحياة سعيدة و هانئة :f: :f:
مظلوووم
07-02-2006, 08:51 AM
ان ان ان ان ااااااااااااااااااااااان تشششششششش
بقى يا جماعه الهندسه يبقى على الكرسى وماحدش يقولى :d
على العموم حبيت اعدى واقول مبروووك على الكرسى جلوس عضوه محبوبه وممتازه من الاعضاء كلهم وان شاء الله يكون اسبوع جميل *8*
طبعا لسه ما حضرتش اسئله *23*
بس ان شاء الله هايكونوا سهلين ههههههههههه *9*
ربنا يقويكى يا ريهام على الاجابات *15*
ويجعلوا عاااااااااااااااااااامر بيك يا باشا
انوووووووبيس
أحمد ناصر
07-02-2006, 09:13 AM
أخيرا بوكى بوكى على كرسى التعارف
:4:
الخطوة دى إتأخرت حبتين
لكن كل تأخيرة وفيها خيرة
كنت عايز أقول نفس الكلام الذى قاله أخى محمد عبد السلام (الصعيدى)
وسبحان الله على توارد الخواطر
بالفعل يا بوكى بوكى أنت من أعز إخوتى بالمنتدى
ومكانتك عالية وغالية ليس عندى فقط ولكن عند الكثير من أعضاء المنتدى
لأنك دائما ما تسبغين على الموضوعات التى تشاركين بها صبغة خاصة
فشخصيتك المتميزة وحضورك القوى لا تخطئه عين
أسأل الله لك يا أختى الغالية أن يسعدك وأن يرضى عنك وأن يرزقك الرضا عنه
أسئلتى:
هل أضفت لمساتك كمهندسة ديكور على منزلكم أم أن باب النجار مخلع؟
بصفتك مهندسة ديكور
ما هى أجمل الألوان التى تحبى أن تستخدميها
وهل تحبين الأثاث المودرن أكثر أم الكلاسيك أم أى نوع آخر؟
سؤالى الأخير:
ما هو تعليقك على الأحداث الأخيرة التى حدثت بالدنمارك وهل ترين أن ردود أفعال المسلمين على نفس مستوى الحدث؟
boukybouky
07-02-2006, 03:23 PM
معقول جه يومك يا بوكي بوكي .. ههههههههههه .. كلنا اتزنقنا الزنقة دي .. أهلا بيكي في موضوعك الجميل *8*
بداية أحب أهنيكي علبى تواجدك الهادئ الجميل بالمنتدى .. وعلى فكرة أنا أول احتكاك لي في المنتدى مع بوكي بوكي كان في موضوع الفوازير الطازة للأخ الحبيب أحمد ناصر .. وكان فيه بيننا منافسة شديدة .. واسترعى انتباهي ثقافة بوكي بوكي العالية واهتمامها الشديد بالأسئلة ذات الطابع الثقافي بالذات
بوكي بوكي لها تواجد طيب وجميل في قاعة لقاءات في حب الله .. واستغلت هوايتها استغلال طيب في عمل مسابقات ثقافية دينية على القاعة .. جزاها الله كل خير وربنا يجعله في ميزانها
أهلاً بك الصعيدي تشريفك يزيد الموضوع جمالاً
الله يخليك يا رب ..أيوة فاكر في موضوع الفوازير ..كنت مش بتديني فرصة ههههههه و فاكر قصة المخدر اللي هنحطه لك علشان نعرف نرد إحنا و تدينا فرصة ههههههههه يا ريت أحمد يرجع يكمله تاني
أحب أسأل بوكي بوكي :
- تحبي تقري لمين من الكتاب سواء في الصحف أو الكتب ؟؟
بصراحة مش حد معين لأني كما أشرت في ردي علي سؤال سابق ليست لدي هواية القراءة في المطلق و إنما فقط أقرا ما يشد إنتباهي و يلفت نظري ... لكن بخصوص الصحف يعجبني أسلوب عاطف الغمري و لو أنه في بعض الأحيان يكون أسلوبه ليس سَلِس ..بعض ما يكتب فهمي هويدي...
بخصوص الكتاب عامة ليس أحد محدد لكن أحب الأسلوب المبسط و و ليس التعقيد في الكلام و في نفس الوقت يكون هادف مثال لذلك : محمد الغزالي...عائض القرني
- وتحبي تقري لمين من الأعضاء في المنتدى ؟؟
و الله فيه الكثيرون ممن يجيدون الكتابة و أعجب بأسلوبهم .. لكن ربما أنا لا تستهويني القصص و الأعمال الأدبية عامة لكن في كتابة المواضيع .. فحضرتك الصعيدي من الناس التي أحب أن أتابع ما تكتب ..كذلك يعجبني ألسوب فاضل و أوشا ... و د. عادل لأني أعشق كل ما يتكلم عن النفس البشرية .. في الشعر العامي أعشق كل ما يكتب أخينا صفحات العمر
- من إمتى بدأ عندك التوجه الثقافي .. والديني ؟؟
لا أستطيع إدعاء أن لي توجه ثقافي محدد لكن أحاول منذ فترة طويلة تنمية الموضوع لدي
بخصوص التوجه الديني فالفضل لله ثم لوالدتي رحمها الله فهي كانت بالنسبة لي مدرسة دينية ، فتعملت منها الكثير و يرجع لها الكثير مما أنا عليه الآن ..رحمها الله هي و جميع أموات المسلمين
- أي برامج التليفزيون تحرصي على متابعته ؟؟
بصراحة انا مش لي في التليفزيون خالص يعني تستطيع القول أني نادراً ما أشاهد أي شئ لكن نظراً لحبي لطبيعة المعرفة عن طريق السؤال و الجواب أحب برنامج "عم يتساءلون" ...كان فيه برنامج من زمن كان إسمه " كنت مسؤلاً" كان يأتي علي قناة الأخبار كنت أحبه و أتابعه و توقفت و لا أعلم إن كان مازال مستمراً أم لا .
وكفاية كده عشان أسيبك لك فرصة للتواصل مع الأعضاء .. تقبلي تحياتي أختي الكريمة *8*
ده انت نورتني و الله ..كل الشكر لك و دمت بكل خير
في رعاية الله ،،،
ميمة اسلام
07-02-2006, 04:04 PM
يا اهلا بالعضوة النشيطة اوي بوكي بوكي
في الفترة الضغيرة اللي قعدة فية علي المنتدي قريت كتير من مواضيعك وبجد عجبتني اوي
وفكرة كراسي الاعتراف عجباني جدا ومرسية اوي علية عشان بتخليني اعرف اكتر عن الاعضاء الجمال في المنتدي اللي نفسي اقرب منهم اوي
مش حطول عليكي يا جميل وعلي فكرة عجبني اوي تخصصك عشان انا بعشق الهندسة
ممكن اعرف بيانات شخصية عنك
يعني الاسم ومنين حبتي اسمك المستعار في المنتدي
وحكتفي بسوال واحد بعد كدة هو
اية مفهومك وفلسفتك عن الكلمات الثلاثة الحب , الحرية , الحياة ؟؟؟
ومرسية اوي ليك واتمني ان اكون عضوة فعالة زيك في المنتدي وما انقطعش علية ابدا
boukybouky
07-02-2006, 09:17 PM
ممكن اسالك انا بقا
ماذا يعني لك كل من :
البحر...
الاسكندرية ....
القمر ...
الصداقة .....
الدمع ....
النار ....
الزهرة ....
طبعاً ممكن ده لي الشرف ..اهلاً بك فاليريا :f:
البحر .........الحرية
الإسكندرية ... رحلة للإستجمام و ليست للإقامة
القمر ........ خيال بعيد
الصداقة ..... الحقيقية منها جوهرة يجب التمسك بها و الحفاظ عليها
الدمع ....... فرج في لحظات الضعف
النار ....... ربنا يحفظنا من شرها
الزهرة ..... تمسح همومنا
كل الشكر لك و سعدت بمشاركتك
في رعاية الله ،،،
boukybouky
07-02-2006, 11:23 PM
اولا اهلا وسهلا بيكي يا بوكي بوكي فى موضوعيك
وهى دي الدنيا يوم لك ويوم عليك ههههههههههههههههههه
ههههه ايه يا جماعة انتم فرحانين فية كده ليه :4:
اهلاً بك يا علاء منور
المره دى جيت بدرى علشان اسأل بقى كل مره ما الحقش اسأل
1ـ بوكي بوكي ليه اختارى الاسم ده وماذا يعنى لكى الان ؟
موضوع الإسم ده كتير بيسألوا ههههه .. الإسم ده يرجع لييجي 20 سنة مثلاً هههههه
كنت في مدرسة و نقلت مدرسة تانية و اتعرفت علي مجموعة أصحاب و فيه واحدة منهم قررنا اننا نعمل نك نيم للفصل كله و اختارنا الأسامي مع بعض و هي إختارت إسمي و انا إخترت إسمها و ده كان إسمي و من يومها أصحابي بينادوني به حتي الآن و لما دخلت عالم النت في البداية مش فكرت في نك نيم فكتبته و لأن أبناء مصر كان أول منتدي فدخلت بنفس الإسم اللي كنت بدأت به بس ..لكن انا بحب الإسم جداً له ذكريات سنين طويلة
2ـ شخص موجود فى المنتدى فرحتى جدا عند انضمامه للمنتدى وقلتى الحمد لله فاز المنتدى به ؟:y1:
فيه ناس كتيرة المنتدي فاز بهم بجد و مش هقدر أحصرهم لكن سعدت جداً بعودة الأزهري المصري للمنتدي من جديد
3ـ شخص تعرفيه مش مشترك فى المنتدى ونفسك يكون مشترك معانا ؟
امممممم .... فيه ناس مشتركة بالفعل لكن لا تتواجد و هم دول اللي نفسي يتواجدوا من جديد بس إعفيني من ذكر الأسامي
4ـ شخص موجود فى المنتدى ومشترك معانا ولما تلاقي مشاركته تقولى يييييييييييييه يا ريتك ما جيت ؟ :'( (اتكلمى بصراحه) هههههههههههه
هههههههههههههههههههههههههههههههههههههههه
لا بقي انت عايز توقعني مع الناس ايه يا علاء ليه كده بقي :sad:
مافيش حد مضايقة منه للدرجة ديه بجد و اللي مش بيعجبني أسوبه غيري بيعجب به
يعني الموضوع نسبي و انا حرة أقرأ ما أريد و أمحي من أمامي ما لا أريد
5ـ رسالة حب تقدميها لمين وتقولى فيها ايه ؟
أقدمها لكل إنسان في المنتدي يعزني و يحبني في الله
و أقول فيها : "أحبك الله الذي أحببتني فيه"
6ـ رساله لوم تبعتيها لمين وتقولى فيها ايه ؟
اممممممممممم أبعتها لمين :sad:
أقول فيها: "حسبي الله و نعم الوكيل"
7ـ رساله اعتذار تبعتيها لمين وتقولى فيها ايه ؟
لا أذكر أني زعلت أحد مني في المنتدي أو غلطت فيه
أقول : أنا آسفة و عذراً لو كنت أسأت و لكن يشفع لي أني لم أتعمد يوم الإساءة لأحد
كفايا عليكي كده لتضربيني ولا حاجه:xx: هههههههههههههههههههههههههه
مستنى الردود بقى:4:
لا ازاي انت تنور اي وقت ..ضرب ايه :xx: هههههههههههه
في رعاية الله ،،،،
boukybouky
08-02-2006, 12:07 AM
بسم الله الرحمن الرحيم
اهلا بيكي بوكي بوكي
منووووووووووووووورة اكيد:good:
اهلاً بك زهرة الحنين يا الف مرحب
وجيباااااااااااالك شويه اسأله :1:
اعانك الله :2:
1- مـــــن هــــــي قدوتكِ في الحــــــــياة؟
مش أحد واحد ... في الحياة عامة في التعامل و الأسلوب هي والدتي رحمها الله
بس اري أن لكل مجال قدوة ... ف رأي أن يحالو الإنسان التعلم في كل مجال ممن يجيده
2- مـــــاهو هدفـــكِ في الحــــــياة ؟
أن ارضي الله و أرضي عن نفسي و أشعر بسلام داخلي يصفي نفسي
3 - ماهــــي الصفات التي تتمنين وجودها في صديقتكِ؟
الوفاء ..الصدق ..الإخلاص... الحب
4- كـــيف تقضين أوقات فراغـــــكِ؟
أحاول شغلها قدر المستطاع في مختلف المجالات
الحمد الله مشتركة في أنشطة و منظمة لها وقت كعمل يجب تنفيذه
اقدس العلاقات الإجتماعية الأسرية و أحرص أن يكون لها دور مهم في حياتي
أشياء أخري لكن خليها مع نفسي أفضل :f2:
5- ماذا تعنـــــي لكِ المحبة في الله ؟
المحبة بدون غرض دنيوي..ان تحب شخص بدون إنتظار المقابل نظير هذا الحب
حب مجرد بدون سبب أو نفع أو عائد يعود عليك غير حب الله
و اعذريني يمكن اسالتي كثيره:f:
سلالالالالالالالالالامي:bye:
:f: حنين:f:
لا يا زهرة براحتك و في إنتظارك مجدداً
في رعاية الله ،،،
boukybouky
08-02-2006, 12:13 AM
الاخت الرقيقه boukybouky
ارق تيحاتى لك وتقبلى هديتى
سؤال صغير جدا وهو اكيد اتسألتى عليه كتير
من اول ما شفت اسمك علق فى ذهنى وكلما قرات لك موضوع او تعليق
يجول فى خاطرى سؤال
boukybouky معناه ايه
ارق تحياتى لك ولكل الاخوة والاحباب الموجودين فى الموضوع
الف شكر لك إسكندراني مقبولة منك و ربنا يخليك
هههههههههههههههه ايوة عارفة اسمي عامل مشكلة :uff:
فكرتني بأول دخولي المنتدي و سمسمة كانت بتقول عليه يوكي يوكي وكانت
بتقولي اني جاية من اليابان ههههههههههههه
سأرد بردي علي علاء الدين فوزي و هو ...موضوع الإسم ده كتير بيسألوا ههههه .. الإسم ده يرجع لييجي 20 سنة مثلاً هههههه
كنت في مدرسة و نقلت مدرسة تانية و اتعرفت علي مجموعة أصحاب و فيه واحدة منهم قررنا اننا نعمل نك نيم للفصل كله و اختارنا الأسامي مع بعض و هي إختارت إسمي و انا إخترت إسمها و ده كان إسمي و من يومها أصحابي بينادوني به حتي الآن و لما دخلت عالم النت في البداية مش فكرت في نك نيم فكتبته و لأن أبناء مصر كان أول منتدي فدخلت بنفس الإسم اللي كنت بدأت به بس ..لكن انا بحب الإسم جداً له ذكريات سنين طويلة
دمت بكل خير
في رعاية الله ،،،
عصام كابو
08-02-2006, 12:30 AM
الاخت العزيزة بوكى بوكى
انا عارف انك متعرفنيش وده لان معظم مشاركاتى فى قاعة الرياضة
انا معنديش اسئلة محددة و ان شاء الله اتعرف عليكى اكثر من خلال اسئلة الاخوة الزملاء
اتمنى لك التوفيق الدائم ومنورة كرسى التعارف
boukybouky
08-02-2006, 12:50 AM
منورة الكرسي يا بوكي :f2:
بصراحة المقدمة بتاعة أم أحمد جميلة جدااااااااااا تسلم أيدها و هي فعلا قالت واقع أنا لمسته شخصيا في شخصيتك
ده نورك يا أميرة ..أيوة مقدمة بصراحة مش قادرة أنطق بعدها ربنا يخليها و يبارك لها أم أحمد
و الف شكر لك يا حبيبتي علي كلامك الجميل ده بجد بجد مش عارفة أوصف سعادتي بكم
أنا هسأل سؤال واحد بس علشان شايفة ماشاء الله كم هائل من الأسئلة - ربنا يحبب فيكي خلقه كمان و كمان
يا رب اللهم آمين ياااااااااااه يا أميرة الدعوة ديه بحبها خالص دعوة ماما الله يرحمها لي كانت دائماً
ما هو مبدأك التي تعتمدي عليه في حياتك بشكل عام - و علي أي أساس بتختاري أصدقائك - و حكمة تؤمنين بها ؟
بصي يا سيتي انا بحب الأمثال جداً و تقدري تقولي بخرج منها بمادئ
اهمها إمشي عدل يحتار عدوك فيك ...الدقة أساس النجاح
و الله ماحدش بيختار بحس إن الأصدقاء بتتلاقي اللي بنفس الروح، بنلاقي بعض و بنتآلف مع بعض
سبحان الله بجد بس زي ما قلت في رد سابق لازم فيه صفات أساسية ..الصدق ..الإخلاص ..الوفاء...الحب
و طبعاً يكونوا علي قدر من دينهم و ده الأساس القدر الذي يجعلهم يعينوني علي الطاعة و اعينهم انا أيضاً
فالمرء علي دين خليله
اللي يبيعنا نبيعه و نطلع كسبانين فيه
بس. شفتي أزاي هو سؤال واحد ;)
تمنياتي الطيبة لكي دوما بحياة سعيدة و هانئة :f: :f:
يا قمر 100 حتي انت تؤمري
الله يخليكي الف شكر يا أميرة
في رعاية الله ،،،
فاضــل
08-02-2006, 09:56 AM
اختيار رائع لعضوة من الأعضاء الرائعين
أهلا و سهلا ببوكي بوكي التي كثيرا ما أنارت القاعة مضيفة .. و يأتي دورها اليوم كضيفة اللقاء فأنعم بها من ضيفة
هناك من تحس أنك تعرفهم عندما تقابلهم لأول مرة .. و هذا الإحساس لا ياتي من فراغ .. ففي أول مرة تستطيع إدراك الكم المشترك من الصفات و الميول التي عندما تجدها كثيرة تدرك بوضوح لماذا انتابك هذا الإحساس بأنك تعرف هذا الشخص من قبل ..
و بمضي الوقت تكتشف أن معرفتك تزداد .. و شيئا فشيئا تتيقن من صحة تلك المعرفة
الصدق .. البساطة .. الوضوح .. الصراحة .. حسن معرفة الذات .. كلها صفات تلحظها في بوكي بوكي عندما تعرفها لأول مرة .. و تتيقن تلك المعرفة بالوقت
لها مداخلات فريدة في نوعيتها أدركت عند قراءتي لردودها السر وراء تلك الردود .. فلها اهتمام واضح بسبر اغوار النفس البشرية .. و يعزز هذا الاهتمام القدرة على المصارحة و إبداء الراي بوضوح
تحية إعزاز و تقدير لبوكي بوكي
و لو كان لي من سؤال فهو سؤال احد
يظن البعض ان الديكور مجرد لمسات جمالية تضاف للمكان
و لكنه في حقيقة الأمر علم واسع
ما نسبة ما يطبق من علم الديكور في واقع الحال؟
و أجدد التحية
مع وافر التقدير
محمود زايد
08-02-2006, 10:14 AM
اهلا اهلا بيك يابوكى منوره الكرسى
والله انت من الشخصيات المحترمه فى المنتدى اللى بحترمها وبقدرها لاسلوبك السلس والمتميز فى الردود ورجاحه العقل :f:
ندخل بقى على الاسئله
1- ماهو اول موضوع قرأتيه فى المنتدى وقمتى بالرد عليه ؟
2-ماهو اهم موضوع طرحتيه واستطاعتى من خلاله ايصال وجهه نظرك لاعضاء المنتدى؟
3- هل تمنيتى ان تكون شخصيه مختلفه عن شخصيتك الحاليه ؟
4- ماذا يمثل ليكى المنتدى واعضائه ؟
وكفايه كده علشان ما نتقل عليكى
واتمنى لكى التوفيق دائما وحياه سعيده باذن الله :f2:
boukybouky
08-02-2006, 12:35 PM
ان ان ان ان ااااااااااااااااااااااان تشششششششش
بقى يا جماعه الهندسه يبقى على الكرسى وماحدش يقولى :d
على العموم حبيت اعدى واقول مبروووك على الكرسى جلوس عضوه محبوبه وممتازه من الاعضاء كلهم وان شاء الله يكون اسبوع جميل *8*
طبعا لسه ما حضرتش اسئله *23*
بس ان شاء الله هايكونوا سهلين ههههههههههه *9*
ربنا يقويكى يا ريهام على الاجابات *15*
ويجعلوا عاااااااااااااااااااامر بيك يا باشا
انوووووووبيس
ههههههههههههههههههههه حلوة الموسيقي التصويرية ديه يا شتري
الله يبارك فيك انتم السابقون و نحن اللاحقون هههه
تتفضل أي وقت يا سلااام .............. حَضَر ما يهمكش
الله يكرمك منتظراك
في رعاية الله،،،
الدكتورة نسيبة
08-02-2006, 02:15 PM
منورة الكرسى يا بوكى
اتبسطت خالص لما عرفت انك ع الكرسى بس بما انى كنت سعيدة الحظ واتعرفت عليكى
فانا دلوقتى مفيش حاضرة فى دماغى اى اسئلة بس انا قولت بس اسلم واهنى الكرسى عشان انتى قعدتى عليه
منورة الكرسى يا جميل
boukybouky
09-02-2006, 12:03 AM
أخيرا بوكى بوكى على كرسى التعارف
:4:
الخطوة دى إتأخرت حبتين
لكن كل تأخيرة وفيها خيرة
كنت عايز أقول نفس الكلام الذى قاله أخى محمد عبد السلام (الصعيدى)
وسبحان الله على توارد الخواطر
بالفعل يا بوكى بوكى أنت من أعز إخوتى بالمنتدى
ومكانتك عالية وغالية ليس عندى فقط ولكن عند الكثير من أعضاء المنتدى
لأنك دائما ما تسبغين على الموضوعات التى تشاركين بها صبغة خاصة
فشخصيتك المتميزة وحضورك القوى لا تخطئه عين
أسأل الله لك يا أختى الغالية أن يسعدك وأن يرضى عنك وأن يرزقك الرضا عنه
آه شوفت بقي ههههههه يا ألف مرحب بك يا أحمد
الله يخليك و الله الواحد مش عارف يقول ايه بجد كلامكم ده شرف لي
و أنا سعيدة بجد أن أنعم الله عليّ بأخوة و أخوات مثلكم ربنا يبارك لكم
الف شكر بجد يا أحمد انت أخ عزيز و غالي بجد :f2:
أسئلتى:
هل أضفت لمساتك كمهندسة ديكور على منزلكم أم أن باب النجار مخلع؟
هومش مخلع أوي يعني نص نص :4: هههههههههه
و الله لو بيدي كنت اقلب الشقة بس تعمل ايه بقي
بس الحمد الله توجد الكثير من اللمسات التي أعتز أنا شخصياً بها
بصفتك مهندسة ديكور
ما هى أجمل الألوان التى تحبى أن تستخدميها
عادة أنا ليس لي لون مفضل في المطلق لكن في كل لون توجد درجة أحب أستخدامها
مثلاً في البنيات أفضل إستخدام درجة (السينيا) و هي البني الغامق القريب من السواد و أيضاً درجة فاتحة التي يطلق عليها (قهوة باللبن) ده أقرب تشبيه لها هههههههه
في الأزرقات درجة البروسيان و هي أيضاً الأزرق الداكن و درجة الأزور
في الأخضرات أفضل درجة الزمرد
في الأحمر أفضل درجة الأحمر القرمزي
وهل تحبين الأثاث المودرن أكثر أم الكلاسيك أم أى نوع آخر؟
لا يستهويني الأثاث المودرن خالص ممكن أراه عند أحد و يكون شكله حلو لكن أنا لا أستحمله شهر علي بعضه.... من عيوب المودرن أن العين تمل منه سريعاً
عادة بحب الكلاسيك لكن ليس القديم منه... يعني عصر الروكوكو ، ممكن قبله ببسيط الباروك لكن ليس عودة إلي عصر النهضة لأنه أثاث كلاسيك زيادة و قطعة ضخمة و أنا لا أفضل الأجام الكبيرة
سؤالى الأخير:
ما هو تعليقك على الأحداث الأخيرة التى حدثت بالدنمارك وهل ترين أن ردود أفعال المسلمين على نفس مستوى الحدث؟
أحداث الدنمارك لهي أحداث متوقعة و لكن تختلف الحيثيات
فديننا الحنيف مستهدف حقاً و لكن لي وقفة... ماذا نتوقع من ردود أفعال ؟؟
ماذا نتوقع رد فعل من مسلمين يعتدمودن في معيشتهم و قوتهم و كل سبل الحياة علي هؤلاء الغرب !!!
كي نأخذ موقف و نكن علي قدر من تحقيقه يجب أن نستطيع فعلاً أخذ هذا الموقف ليس أفراداً بل حكومات إسلامية.. ليس السبيل حرق السفارات والرد علي الخطأ بخطأ يوقعنا في سلسلة مشاكل أخري
بل أن نعمل علي الإعتماد علي نفسنا و علي بعضنا كمسلين حتي إذا قلنا سنأخذ موقف موحد نستطيع تحقيقه .. و لا يسعني غير أن أقول حسبي الله و نعم الوكيل
كل الشكر لك لتواجدك و مشاكرتك التي أسعدتني كثيراً
و لي طلب عندك أن ترجع من تاني الفوازير الطازة ..ياريت لو وقتك يسمح :f2:
في رعاية الله ،،،
boukybouky
09-02-2006, 12:53 AM
يا اهلا بالعضوة النشيطة اوي بوكي بوكي
في الفترة الضغيرة اللي قعدة فية علي المنتدي قريت كتير من مواضيعك وبجد عجبتني اوي
وفكرة كراسي الاعتراف عجباني جدا ومرسية اوي علية عشان بتخليني اعرف اكتر عن الاعضاء الجمال في المنتدي اللي نفسي اقرب منهم اوي
مش حطول عليكي يا جميل وعلي فكرة عجبني اوي تخصصك عشان انا بعشق الهندسة
أهلاً و مرحباً بك ميمة اسلام منوراني يا جميل
الله يخليكي و يبارك فيك يا قمر ده شرف لي إطلاعك علي مواضيعي
فكرة الموضوع بصراحة هي فكرة أم أحمد في الأساس و هي تفضلت شاكرة بالسماح لي بالتعاون معها فيها
براحتك يا ميمة طولي يا سلاام :f2: الف شكر لك
ممكن اعرف بيانات شخصية عنك
يعني الاسم ومنين حبتي اسمك المستعار في المنتدي
أنا اسمي ريهام .. و تخصصي مهندسة ديكور و درست أيضاً شهادة في إدارةالمشروعات
مصرية من مواليد القاهرة و تاريخ ميلادي 7 مايو 1972
موضوع إسمي المستعار واضح أنه محير الكثيرون هنا ههههههه حاضر يا قمر هقولك:
الإسم ده يرجع لييجي 20 سنة مثلاً هههههه
كنت في مدرسة و نقلت مدرسة تانية و اتعرفت علي مجموعة أصحاب و فيه واحدة منهم قررنا اننا نعمل نك نيم للفصل كله و اختارنا الأسامي مع بعض و هي إختارت إسمي و انا إخترت إسمها و ده كان إسمي و من يومها أصحابي بينادوني به حتي الآن و لما دخلت عالم النت في البداية مش فكرت في نك نيم فكتبته و لأن أبناء مصر كان أول منتدي فدخلت بنفس الإسم اللي كنت بدأت به بس ..لكن انا بحب الإسم جداً له ذكريات سنين طويلة
وحكتفي بسوال واحد بعد كدة هو
اية مفهومك وفلسفتك عن الكلمات الثلاثة الحب , الحرية , الحياة ؟؟؟
ومرسية اوي ليك واتمني ان اكون عضوة فعالة زيك في المنتدي وما انقطعش علية ابدا
اممممم ......
الحب هو هو التوازن بين هذا الشعور المتدفق الذي يملء قلبك بالفرحة والأمل، وذلك الشعور الصعب بالصبر والاحتساب ..وأنت ترعى آمال هذا الآخر أو تشاركه آلامه ..
هو التوازن بين تمتعك بوجوده شابًّا وصحبتك لرفقته شيخًا ..
هو التوازن بين الرضى به والنشوة والسعادة التي يمكن أن تشعر بها لمجرد رؤيتك إياه أو جلوسه معك
فالحب الصادق ليس مشاعر وأحاسيس فقط
بل أخلاق وقيم عظيمة
الحرية هي المسؤلية توجد مقولة تقول "رفضك أن تكون مسؤلاً إنما هو رفضك لأن تكون حراً" الحرية هي ان تحلق كيفما تشاء و أينما تشاء و لكن و أنت حريص ألا تجرح أحد أو تسئ إلي احد فيما ذلك نفسك
الحياة هي رحلة قصيرة و سريعة يجب الخروج منها مستفيد و إلا لن ينفع الندم...
الشكر لك انت بتواجدكم معي و مشاركتك و ان شاء الله أراكي دائماً معنا و شاركة وسطنا
في رعاية الله ،،،
السلام عليكم :f2:
أصدق تمنياتي بالتوفيق بإذن الله ...
boukybouky
09-02-2006, 01:43 AM
الاخت العزيزة بوكى بوكى
انا عارف انك متعرفنيش وده لان معظم مشاركاتى فى قاعة الرياضة
انا معنديش اسئلة محددة و ان شاء الله اتعرف عليكى اكثر من خلال اسئلة الاخوة الزملاء
اتمنى لك التوفيق الدائم ومنورة كرسى التعارف
لا طبعا إزاي بقي و هل يخفي القمر :)
بس يمكن لم يسعفني الحظ للتحاور معك في المواضيع و هذا للسبب الذي أشرت إليه
كل الشكر لك و لمشكرتك معنا هنا
ده نورك و أي وقت لو تحب تسأل و دمت بكل خير
في رعاية الله ،،،
boukybouky
09-02-2006, 03:52 AM
اختيار رائع لعضوة من الأعضاء الرائعين
أهلا و سهلا ببوكي بوكي التي كثيرا ما أنارت القاعة مضيفة .. و يأتي دورها اليوم كضيفة اللقاء فأنعم بها من ضيفة
هناك من تحس أنك تعرفهم عندما تقابلهم لأول مرة .. و هذا الإحساس لا ياتي من فراغ .. ففي أول مرة تستطيع إدراك الكم المشترك من الصفات و الميول التي عندما تجدها كثيرة تدرك بوضوح لماذا انتابك هذا الإحساس بأنك تعرف هذا الشخص من قبل ..
و بمضي الوقت تكتشف أن معرفتك تزداد .. و شيئا فشيئا تتيقن من صحة تلك المعرفة
الصدق .. البساطة .. الوضوح .. الصراحة .. حسن معرفة الذات .. كلها صفات تلحظها في بوكي بوكي عندما تعرفها لأول مرة .. و تتيقن تلك المعرفة بالوقت
لها مداخلات فريدة في نوعيتها أدركت عند قراءتي لردودها السر وراء تلك الردود .. فلها اهتمام واضح بسبر اغوار النفس البشرية .. و يعزز هذا الاهتمام القدرة على المصارحة و إبداء الراي بوضوح
تحية إعزاز و تقدير لبوكي بوكي
أهلاً بك يا فاضل منور و الف الف شكر علي المقدمة الأكثر من رائعة
بجد الواحد بيعجز عن الكلام و كتابة الرد اللائق علي ما اقرأه
حقاً من دواعي سروري أن أري تلك الأراء الجميلة و الكلمات الراقية من أخوة و أخوات مثلكم
أعتز بهم و بتواجدي وسطهم ..سبحان الله حقاً عندما أري ذلك أتذكر دعوة والدتي رحمها الله لي التي كانت
دوماً ترددها "ربنا يحبب فيكي خلقه" ،،،فالحمد الله أن أنعم علي بذلك
و لو كان لي من سؤال فهو سؤال احد
يظن البعض ان الديكور مجرد لمسات جمالية تضاف للمكان
و لكنه في حقيقة الأمر علم واسع
ما نسبة ما يطبق من علم الديكور في واقع الحال؟
و أجدد التحية
مع وافر التقدير
اتفضل تحت أمرك
القليل جداً للأسف..........لأن هذا المجال يدخل فيه كل من يعتقد نفسه يعرف تنسيق الألوان
و يضيف من عنده و منهم من يَُوَفق في ذلك و منهم من يُحدِث نشاذاً لكن بمعارفه و صلاته الواسعة
يصبح ستايل جديد :nono:
الديكور ليس فقط إضافة لمسات بل هو الإستغلال الأمثل للفراغ
فهو توظيف الوحدات المتاحة في المساحة المتاحة .... ضيف أيضاً أن هذا الإستغلال يتطلب في بعض الأحيان إلي تغير بعض الوحدات و هذا كله يُعتبر أشياء مكلفة، يراها البعض رفاهية فبالتالي لا يطبقها.
سعدت بتواجدك و بكلماتك الراقية مثلك
دمت بكل خير
في رعاية الله ،،،
boukybouky
09-02-2006, 04:33 AM
اهلا اهلا بيك يابوكى منوره الكرسى
والله انت من الشخصيات المحترمه فى المنتدى اللى بحترمها وبقدرها لاسلوبك السلس والمتميز فى الردود ورجاحه العقل :f:
يا أهلاً وسهلاً بك محمود
الله يحفظك يا رب متشكرة جداً :f2:
التميز حقاً هو تواجدك و المشاركة معي هنا
ندخل بقى على الاسئله
1- ماهو اول موضوع قرأتيه فى المنتدى وقمتى بالرد عليه ؟
أول موضوع يااااااااااه ده زمان أوي
امممممممممم أظن كان موضوع لعضوة ليست معانا الآن و كان أسئلة خفيفة لمعرفة الشخصية
أنا بعشق المواضيع اللتي بها أسئلة
2-ماهو اهم موضوع طرحتيه واستطاعتى من خلاله ايصال وجهه نظرك لاعضاء المنتدى؟
هو فيه أكثر من واحد لكن أتذكر مؤخراً موضوع " عيبي إني طيب"
3- هل تمنيتى ان تكون شخصيه مختلفه عن شخصيتك الحاليه ؟
لا ليست شخصية مختلفة لكن أحب تعديل بعض الصفات لدي
4- ماذا يمثل ليكى المنتدى واعضائه ؟
بجد زمان مش كنت متصورة ان يكون لي هذا الشعور تجاه المنتدي و أعضاءه
أول ما إشتركت كنت أري المنتدي غريب و تايهة وسطه و لا أعلم أحد... مفتوح واقع لا يهم و لا يفرق
مع مرور القوت و زيادة التعرف بين الناس من خلال الردود بينا أصبحت توجد ألفة بيننا جميلة
ألفة تجعلنا نشتاق لحوارات بعض و تواجدنا في هذا المكان .. سبحان الله الآن مهما كنت مضايقة من أي شئ فيه أو من مشاكل صغيرة لكن عندما يقع بصبح متضايقة جداً ساعات بقول ابن البلد الظاهر عاملنا عمل علشان نفضل مرتبطين بالمنتدي كده هههههههههههه بجد مكان أفخر بتواجدي فيه :f2:
وكفايه كده علشان ما نتقل عليكى
واتمنى لكى التوفيق دائما وحياه سعيده باذن الله :f2:
لا إزاي ده انت منورني
الف شكر لك و دمت بكل خير
في رعاية الله ،،،
boukybouky
09-02-2006, 04:36 AM
منورة الكرسى يا بوكى
اتبسطت خالص لما عرفت انك ع الكرسى بس بما انى كنت سعيدة الحظ واتعرفت عليكى
فانا دلوقتى مفيش حاضرة فى دماغى اى اسئلة بس انا قولت بس اسلم واهنى الكرسى عشان انتى قعدتى عليه
منورة الكرسى يا جميل
ده نورك د/ نُسَيبة
ده انا اللي سعيدة بتعرفي عليك حقاً فهو شرف لي أنا يا قمر
بس كده أي وقت تحت أمرك تتفضلي بيتك و مطرحك :love:
دمتِ بكل خير
في رعاية الله ،،،
boukybouky
09-02-2006, 04:38 AM
السلام عليكم :f2:
أصدق تمنياتي بالتوفيق بإذن الله ...
و عليكم السلام و رحمة الله و بركاته
يا مرحب بك يراع
الله يحفظك متشكرة جداً و دمت بكل خير
في رعاية الله ،،،
boukybouky
أولا : .. مرحب بيكي ...
ثانيا : .. أتمنى ان .. تكون أسئلتنا .. خفيفه على قلبك
ثالثا :.. أجيبي عن خمسة أسئله فقط مما يأتي ...:good:
:
:
س1_ مارأيك في هذه المـ..شاعر------ الحزن - الفرح - الخوف ؟
س2_ كيف ترين غروب .. وشروق الشمـ..س ؟
س3_ مارأيك العام في .. النصـ..ف الآخــــــر من البشر ؟
س4_ من أين أستوحيت .. bouky...bouky؟
س5_ هل لديك مـ..شاريع أو أمـ..اني قادمه ؟؟
:
:
عفوا .. مقدما :f:
بسمة أمل
09-02-2006, 12:03 PM
بسم الله الرحمن الرحيم
صراحة يا ريهام انا كنت سعيدة جدا انى تعرفت عليكى
وانا اسعد دلوقتى ان ام احمد اديتلنا الفرصة علشان نستجوبك :cop: .... قصدى نتعرف عليكى اكتر ;)
بس لانى جيت متاخر للاسف فمش لاقية اسئلة كتير فهسألك سؤال واحد
ايه اليوم المثالى بالنسبالك يعنى لو عندك يوم ماوركيش فيه حاجة خالص وممكن تروحى اى مكان تحبيه تروحى فين وتقابلى مين و و و....
وبس
والسلام عليكم:l2:
weighty_m_m_z
09-02-2006, 12:18 PM
انا لسه عضو جديد ودية تاني مشاركه ليا
بس اللي فهمته ان كلهم عليكي
وطبعا لمبدأ انصر المظلوم
انا هخليني مع الغالب ومليش دعوة بالمظلوم هو انا ناقص هم:4: :-s :-s :-s
bedo_ic
09-02-2006, 12:25 PM
بوكى بوكى .. موجودة على كرسى الاعتراف ... ده ايه الهنا ده .. دى اللحظة اللى كنت منتظرها اهلا بيكى يا ست الكل...
بصى بقى ..
اول سؤال... اكتر وقت بتحبى تقضية وتكونى سعيده فيه ايه هو .. التليفون .. النوم .. القهوة ؟؟
لو عندك اجابه تانية ياريت اعرفها ؟؟ ممكن
لسة طبعا انا مخلصتش بس راجع لك تانى....
قلت خليني في الآخر عشان نفسك يكون اتقطع
سؤالي هو:
انت طيبة جدا ودي ميزة حلوة ناس كتير تتمناها
ليه بقى بتتضايقي من الصفة دي?
وردة النيل
09-02-2006, 08:00 PM
:f2: :f2: :f2: :hey: :hey: بوكى نورتى الكرسى منورة بجد انا فرحانه اوى اوى انك موجودة ومنورنا بصى يا ستى انا مش عارفه اسالك ايه ولا ايه هخلى فى سؤالى الصغير المعتاد وهجيلك تانى ان شا ءالله :hey: ماذا تعنى عند بوكى هذة المرادفات
(الخير . الشر.الحب.البغض ,الوفاء.الخيانه ,الصداقه .الاخوة فى الله . التسامح . الغرور.الثقه بالنفس . الدنيا . الدار الاخرة . السما . البحر ,التفائل ,التشائم. الطبيه .الساذجه , الحكمه ) ما تشعرين عند رؤيه بكاء او ضحك طفل وايضا بكاء او ضحك رجل او امرءاة كبيرة ؟
لخصى شخصيتك فى جمله مين احب شخصيه ليكى من زوجات الرسول مع التعليل
كفايه كده ولا اكمل هههههههههههههههههههه:gp: ه:sh: خلاص انا هسكت بس هجى تانى اوعى تنسى كلمه واحده من الى سالت عليهم انا راجعه بجد انا سعيده لانك من احب الشخصيات لقلبى واكيد لكل المنتدى بردوا من احب الشخصيات ربنا يزيدك من حبه وحب الناس من اختك وردة النيل انى احبكم فى الله :f2: :f2: :f2:
boukybouky
10-02-2006, 09:51 PM
أولا : .. مرحب بيكي ...
ثانيا : .. أتمنى ان .. تكون أسئلتنا .. خفيفه على قلبك
ثالثا :.. أجيبي عن خمسة أسئله فقط مما يأتي ...:good:
مرحباً بك مجدداً يراع
ربنا يستر هههههههههههههه :4:
س1_ مارأيك في هذه المـ..شاعر------ الحزن - الفرح - الخوف ؟
الحزن شعور إنساني عميق يولد معنا و يسيطر علينا أكثر من أي شعور و لا نعلم السبب ،أهو قدرنا أم نحن قدر هذا الشعور
الفرح أحساس جميل يا رب يدوم
الخوف .......... شعور غير منظم عندما يسيطر علينا و يتملكنا
س2_ كيف ترين غروب .. وشروق الشمـ..س ؟
غروب الشمس رغم جمال منظره إلا أنه يبعث عليّ بالقلق و الترقب لشئ سئ سيحدث او خبر غير سار
شروق الشمس عادة لا أراه و لا أعرف إذا كان له دلالة عندي أم لا ....بصراحة
س3_ مارأيك العام في .. النصـ..ف الآخــــــر من البشر ؟
النصف الآخر من البشر !!!!!! و الله يا يراع نظراً لأنك في كلامك بتحمل الكثير من المعاني
فأفضل الإنتظار حتي توضح مفهوم النصف الآخر من البشر هههههههههههههه
س4_ من أين أستوحيت .. bouky...bouky؟
ههههههههههههه اسم بوكي بوكي غير مستوحي من أي شئ و هقولك مجدداً السبب وراء هذا الإسم
الإسم ده يرجع لييجي 20 سنة مثلاً هههههه
كنت في مدرسة و نقلت مدرسة تانية و اتعرفت علي مجموعة أصحاب و فيه واحدة منهم قررنا اننا نعمل نك نيم للفصل كله و اختارنا الأسامي مع بعض و هي إختارت إسمي و انا إخترت إسمها و ده كان إسمي و من يومها أصحابي بينادوني به حتي الآن و لما دخلت عالم النت في البداية مش فكرت في نك نيم فكتبته و لأن أبناء مصر كان أول منتدي فدخلت بنفس الإسم اللي كنت بدأت به بس ..لكن انا بحب الإسم جداً له ذكريات سنين طويلة
س5_ هل لديك مـ..شاريع أو أمـ..اني قادمه ؟؟
اممممممممممم تصدق لو قلت لك مش عارفة !! :(
كل أمنياتي أن أعيش في صفاء نفس و سلام داخلي
أن أبيت و ليس في قلبي ذرة ضيق من أي إنسان
أما مشاريع فليس لي فيها ..أتمني فقط أن ربنا يوفقني و أنجح في أي شئ أقوم به
كل الشكر لك يراع و دمت بكل خير
في رعاية الله ،،،
boukybouky
10-02-2006, 10:37 PM
بسم الله الرحمن الرحيم
صراحة يا ريهام انا كنت سعيدة جدا انى تعرفت عليكى
وانا اسعد دلوقتى ان ام احمد اديتلنا الفرصة علشان نستجوبك :cop: .... قصدى نتعرف عليكى اكتر ;):l2:
أهلاً بك بسمة أمل يا قمر انا اللي أسعد يا خبر هو انا أطول
الله يبارك لك يا رب ..ايه بس الكلام الحو ده ربنا يسعدك
بس لانى جيت متاخر للاسف فمش لاقية اسئلة كتير فهسألك سؤال واحد
ايه اليوم المثالى بالنسبالك يعنى لو عندك يوم ماوركيش فيه حاجة خالص وممكن تروحى اى مكان تحبيه تروحى فين وتقابلى مين و و و....وبس
والسلام عليكمl2:
اممممممم أروح فين ...أروح فين ....تم تم تم تم تم أروحي فين !!!!
أقابل كل أهلي و الف عليهم كلهم و معارفي وكل الناس اللي بحبهم وبيحبوني بجد
إحساس لا يوصف عندما يكون الواحد في وسط إناس يشعر بحبهم في الله دون أي غرض
نورتيني يا بسمة و يا رب يوفقك و يحقق لك كل أمانيكي
في رعاية الله ،،،
boukybouky
10-02-2006, 10:49 PM
انا لسه عضو جديد ودية تاني مشاركه ليا
بس اللي فهمته ان كلهم عليكي
وطبعا لمبدأ انصر المظلوم
انا هخليني مع الغالب ومليش دعوة بالمظلوم هو انا ناقص هم:4: :-s :-s :-s
يا ألف مرحب بك weighty_m_m_z :hey: نورت المنتدي و نورت الموضوع
يا رب تسعد وسطنا و تنعم بالصحبة الصالحة :f2:
بسم الله ما شاء الله بداية موفقة :evil:
ماشي يا سيدي :) شرفتني
في رعاية الله ،،،
boukybouky
10-02-2006, 11:09 PM
بوكى بوكى .. موجودة على كرسى الاعتراف ... ده ايه الهنا ده .. دى اللحظة اللى كنت منتظرها اهلا بيكى يا ست الكل...
بيدو ازيك :f: وصلت لسؤالك أخيراً :good: اتفضل خد راحتك
بصى بقى ..
اول سؤال... اكتر وقت بتحبى تقضية وتكونى سعيده فيه ايه هو .. التليفون .. النوم .. القهوة ؟؟
سؤال خبيث ما جاوبش عليه ههههههههههههههههههه
بكون سعيدة في أي وقت بعمل فيه حاجة بحس فيها بنفسي و بإني عضو نافع في الدنيا ديه لي و لغيري
أي وقت أحس فيه بالرضا.... يا رب أكون ماشية ،اكون بفكر، أكون مع حد..... بشرب بقي قهوة.. و الا شاي.... مش مهم المهم الرضا :f: :f:
لو عندك اجابه تانية ياريت اعرفها ؟؟ ممكن
لسة طبعا انا مخلصتش بس راجع لك تانى....
انا فعلاً كانت عندي إجابة تانية و جاوبتها فوق
انت تنور يا عمرو أي وقت و اسأل براحتك
دمت بكل خير
في رعاية الله ،،،
boukybouky
10-02-2006, 11:27 PM
قلت خليني في الآخر عشان نفسك يكون اتقطع
هههههههههههههههههههههههه ماشي يا قمر آخد نفسي و انتعش لك
سؤالي هو:
انت طيبة جدا ودي ميزة حلوة ناس كتير تتمناها
ليه بقى بتتضايقي من الصفة دي
هقولك يا سيتي ......
للأسف يا رشا انه يوجد الكثير من لا يقدر تلك الصفة و لذلك يتعامل علي اساس انك طيبة يعني هتسكتي يعني هتفوتي يعني هتقبلي اي حاجة فتجدي من أمامك و من صبرت عليه بطيبتك يتمادي ففجأة تحسي أنه لماذا أصبر و لماذا أفوت ولماذا ...و لماذا ..و لماذا ...الخ و فجأة تجدين نفسك أمام سؤال هل لأني طيبة هذا معناه أن يحدث كل ذلك؟؟؟ هل من ليس طيب كان ممكن أن يجرؤ أحدهم بمعاملته هكذا ؟؟؟ هل لهذه الدرجة وصل بنا الحال في التعامل ؟؟؟ هل...؟؟؟ هل .....؟؟؟؟ و هل ...؟؟؟؟.....الخ
و أسئلة كثيرة لا تنتهي ..لكن أيضاً في بعض الأحيان أقول دع الخلق للخلق لن أنظم الكون فهكذا هم البشر منهم المتفهم ومنهم المستغل و يجب عليّ أنا أن أفهم نوعية من أمامي ومن أصبر و أظهر له طيبتي و من لا كما قالت دارية في ردها عليّ في موضوعي "عيبي اني طيب" و تأملت ردها في فكرة إخفاء هذه الصفة عن الناس حتي لا يسيئوا إستغلالها و لكن هل أتي علينا وقت نخفي فيه محاسننا!!!!!
و أختم كلامي كما قلت لها ..عجبت لك يا زمن
كل الشكر لك يا أوشا و دمتِ بكل خير
في رعاية الله ،،
أختى الغالية جدا ريهام
أعرف أنكِ تعبتِ من كثرة الردود على الأسئلة الواردة و لكنى حبيبتى لن أرهقكِ كثيرا فأنا عرفتك من خلال كلامى معكِ و لمحت من خلال بعض المواقف من أنتِ فوجدتك نعم الفتاه الطيبة التى تقف بجانب الآخرين و تتعامل مع من حولها بكل إحترام .
دخلت فقط لأقول لكِ أننى أحبك فى الله و أسأل الله أن يوفقكِ بكل حياتك و يسعد أيامك و يمتعك بكل صحة و عافية و يديم صداقتنا و محبتنا و لا أنسى بهذا الدعاء أختى الغالية أم أحمد و لكل أمة المسلمين
اللهم آمين
أنفـــــال
11-02-2006, 07:25 PM
بسم الله الرحمن الرحيم
الغالية ريهام ..
السلام عليكم و رحمة الله و وبركاته ..
جميل أن تكون هذه فرصة لأقف معك قليلاً هنا .. و أضع لكِ خمسة أسئلة ..
هذه الأسئلة قد لا تشبه كثيراً الأسئلة السابقة .. و لكنني في كل مرة أسأل فيها أحد الضيوف إنما أسعى إلى اكتشاف جانب فيه يظهر في إجابته .. و قد لا يظهر في باقي الحكي ..
ريهام الغالية .. أنت أجمل كثيراً مما قد يظن الآخرون .. بارك الله بكِ .. و وفقك إلى كل خير..
ننتقل الآن إلى الأسئلة ..
السؤال الأول :
" حين يمد القلب شريانه قبل يمناه .. لا تصدقه و لا تكذبه أيضاً.. "
كيف تبدو الجملة السابقة .. في عقل ريهام .. ؟
السؤال الثاني :
" الرجال من المريخ .. و النساء من الزهرة "
لماذا ؟؟ و ما مدى صحة الجملة السابقة .. ؟
السؤال الثالث :
عند إعادة ترميم مكان ما .. يتم إخلاؤه .. ثم التخلص مما يشوهه ..و من ثم تجديده .. و كلنا يلجأ لترميم حياته في وقت من الأوقات ..
هل قامت ريهام بترميم حياتها فيما سبق ؟؟ مم تخلصت ؟؟ و ما التجديدات التي أضافتها ؟
السؤال الرابع :
متى وقفت ريهام في مفترق طرق .. و كيف اختارت الطريق الذي تراه أكثر ربحاً.. أو أقل خسارة ؟
السؤال الخامس :
زهرة وردية .. و رسالة مطوية.. لمن ؟ و ما محتوى الرسالة ؟
هذا فقط .. :)
إنتهى ..
خالص تقديري و احترامي ..
و عميق حبي.. :h:
دمتِ كما أنتِ .. نقية كماء نبع ..
:f2:
boukybouky
12-02-2006, 12:26 AM
:f2: :f2: :f2: :hey: :hey: بوكى نورتى الكرسى منورة بجد انا فرحانه اوى اوى انك موجودة ومنورنا بصى يا ستى انا مش عارفه اسالك ايه ولا ايه هخلى فى سؤالى الصغير المعتاد وهجيلك تانى ان شا ءالله :hey:
وردة منورة يا قمر
أنا كمان فرحانة بك و بتواجدك..تنوري اي وقت
ماذا تعنى عند بوكى هذة المرادفات
(الخير . الشر.الحب.البغض ,الوفاء.الخيانه ,الصداقه .الاخوة فى الله . التسامح . الغرور.الثقه بالنفس . الدنيا . الدار الاخرة . السما . البحر ,التفائل ,التشائم. الطبيه .الساذجه , الحكمه )
الخير .... الرخاء و البركة
الشر..... ربنا يكفينا منه
الحب .... نعمة ربنا علينا
البغض..... الشعور الذي يرهق النفسدون طائل
الوفاء..... اساس العلاقات
الخيانة..... إنعدام الضمير
الصداقة.... الصادقة منها فضل من ربنا علينا
الأخوة في الله ... مش عايزة حاجة أكتر من كده
التسامح.... صفة الكرام يا رب يوعدنا
الغرور..... تقدير خاطئ للنفس
الثقة بالنفس.... مهمة جداً لكن الأهم تكون تقديرها صح فهي ضرورية جدا جدا جدا
الدنيا.... لا تأمن لها حتي لا تطعنك في ظهرك
الدار الآخرة .... النهاية الحتمية
السماء.... الإنطلاق و الحرية
البحر... التنفس بعمق
التفاؤل .... رؤية الأشياء بجمال
التشاؤم .... من الشيطان
الطيبة.... صفة حميدة لكن مع إزديادها تصبح عيب
السذاجة.... الإعتقاد أن الناس كلهم طيبون
الحكمة ..... تدبر المعاني للوصول لها
ما تشعرين عند رؤيه بكاء او ضحك طفل وايضا بكاء او ضحك رجل او امرءاة كبيرة ؟
بكاء الطفل يزعجني و يؤرقني لأانه لا يستطيع التعبير غير ببكائه و ضحكة أشعر به أن الدنيا كلها تضحك
بكاء رجل أو إمرأة كبيرة يشعرني بحالة من الإحباط و الإكتئاب رهيبة أشعر أن الدنيا كلها اسودت حتي تجعل الدموع تنزل من هؤلاء البَرَكة التي معنا في دنيتنا..و ضحكتهم مثل ضحك الأطفال يفرحون بها و نفرح لهم
لخصى شخصيتك فى جمله
جملة ..اسئلتك صعبة أوي يا وردة :f2:
إنسانة عادية جداً أحاول جاهدة التطلع للأفضل
مين احب شخصيه ليكى من زوجات الرسول مع التعليل
السيدة خديجة ....... فهي نموزج للمرأة المسلمة و الزوجة الصالحة المراعية لحقوق زوجها و بيتها
ليتنا جميعاً نقتدي بها
كفايه كده ولا اكمل هههههههههههههههههههه:gp: ه:sh: خلاص انا هسكت بس هجى تانى اوعى تنسى كلمه واحده من الى سالت عليهم انا راجعه بجد انا سعيده لانك من احب الشخصيات لقلبى واكيد لكل المنتدى بردوا من احب الشخصيات ربنا يزيدك من حبه وحب الناس من اختك وردة النيل انى احبكم فى الله :f2: :f2: :f2:
يا قمر براحتك قولي و اسألي معاكي للصبح هههههههه
لا يا حبيبتي جاوبت عليهم كلهم
يااااه أحلي دعاء .....أحببك الله الذي أحببتي فيه
في رعاية الله ،،،
boukybouky
12-02-2006, 12:31 AM
أختى الغالية جدا ريهام
أعرف أنكِ تعبتِ من كثرة الردود على الأسئلة الواردة و لكنى حبيبتى لن أرهقكِ كثيرا فأنا عرفتك من خلال كلامى معكِ و لمحت من خلال بعض المواقف من أنتِ فوجدتك نعم الفتاه الطيبة التى تقف بجانب الآخرين و تتعامل مع من حولها بكل إحترام .
دخلت فقط لأقول لكِ أننى أحبك فى الله و أسأل الله أن يوفقكِ بكل حياتك و يسعد أيامك و يمتعك بكل صحة و عافية و يديم صداقتنا و محبتنا و لا أنسى بهذا الدعاء أختى الغالية أم أحمد و لكل أمة المسلمين
اللهم آمين
رحمة منوراني
لا يا حبيبتي انت تؤمري و تسألي براحتك ياه ده انا لي الشرف في تواجدك
الف شكر لك يا رب بجد كلامك الجميل ده مش عارفة أقولك ايه حقيقي :f:
يا رب يكرمك و يدم علينا الأخوة في الله
و أنا كمان بحبك و ربنا يعلم ..أحببك الله يا أمل الذي أحببتني فيه :h:
في رعاية الله ،،،
حسام عمر
12-02-2006, 04:24 AM
الاخت الفاضله بوكي بوكي
اهلا وسهلا بكى على كرسى التعارف
كل الاسئله اللى في بالى سئلوها الاخوه
ولكن لكى سؤلى التقليدى
لو عزمتى ناس من المنتدى
على الغدا وانا منهم طبعا
اشرحى بكل اسهاب ايه اللى حيكون موجود على المائده؟؟؟؟؟؟؟؟؟؟
واتمنى لكى التوفيق الدائم
الصاعق
12-02-2006, 06:04 AM
سؤالي مختلف
من هو اكثر عضو تمتعت باستضافته على كرسي التعارف وما هو اكثر موضوع كتبتيه تعتزي به ؟
Bloody Tears
12-02-2006, 06:18 AM
بادي التحيه دلوقتي
وباذن الله الاسئله جايه قريب
هلا وارحب بك
اسال بدايه ما هو تعريفك لكل من ؟؟
الحب
الصداقه
الرومانسيه
الاخوه
وماذا يعني لك هذه الالوان
الابيض
الاحمر
الاسود
الاصفر
الي اللقاء
أشرف المجاهد
12-02-2006, 09:29 AM
..
http://saaid.net/twage3/136.gif
بسم الله الرحمن الرحيم
http://www.alfrasha.com/up/11291835091678756868.gif
هااااااااااااام :
ادخلو الي هذا الموقع وصوتو بلا ...
Should the European press have published cartoons of the Prophet Mohammad?
الجملة بتقول هل يجب على الصحافة الأوروبية نشر الروسم المتعلقة بالرسول محمد ( ص)
وهذا هو الرابط ..
http://edition.cnn.com/2006/WORLD/europe/02/02/france.cartoon.ap/index.html
جزاكم الله خيرا ...
أختى الطيبة بوكى بوكى
هلا بأختنا الغالية وأنت تستاهلى كل خير يا بوكى
ومجهودك وعطائك الطيب المفيد واضح فى المنتدى
أحببت أن أشارك بكلماتى البسيطة فأنت أخت طيبة وغالية عندنا جميعا
ولا تنس ذكر الله
لا اله الا الله
بارك الله فيك
http://saaid.net/mohamed/img/3.gif
جزاك الله خيرا
http://saaid.net/twage3/136.gif
الأزهري المصري
12-02-2006, 10:54 AM
السلام عليكم ورحمة الله وبركاته
أختنا الفاضلة الكريمة ريهام كيف حالك
طبعا أنا حاسس بيكي وانتي على كرسي الاعتراف:)
ربنا معاكي
نبدأ بالاسئلة:
من هي ريهام؟
من الشخص الذي تتمنين رؤيته ولم تريه من قبل ؟
ما الشيء الذي فعلتيه ثم ندمتي عليه؟
شعورك نحو الايام القادمة على المستوى المصري والعربي والاسلامي
Basio
12-02-2006, 10:55 AM
مبرووك وربنا يعينك ياغالية......... :f2:
ماما زوزو
12-02-2006, 11:16 AM
بسم الله الرحمن الرحيم
السلام عليكم ورحمة الله وبركاته
ابنتى الحبيبة الغالية بوكى بوكى
:h: :h: :h: :h: :h: :h:
حقيقى الكرسى والصفحة نوروا بيك
طبعا زى ماقلتلك انا داخلة بس
عشان اكون متواجدة وليس لاسألك
فأنت أبنة لى والحمد لله فأنت بالنسبة
لى كتاب مفتوح قرأت صفحاته الرائعة
بارك الله فيك ياابنتى ودائما أنت بيننا
وردة جميلة موردة ...
:f2: :f2: :f2: :f2: :f2:
...................................
بنت مصر
12-02-2006, 11:38 AM
حبيبة قلبي الغالية ريهام
كالعادة أنا جاية متأخرة يا ريري
بس والله اليومين دول مشغولة خالص
أنا جاية عشان أقول لك ان الكرسي منور وانتي عليه
والمنتدى كله منور بيكي وبمشاركاتك ومواضيعك الرائعة
واحب اسأل أسئلة بسيطة يارب ما تكونش تقيلة عليكي
1- ماذا اخذت من النت وماذا اعطيتيه ؟
2- رأيك في منتدى أبناء مصر (مزايا وعيوب) مقارنة بمنتديات أخرى
3- ما هو الشيء الذي يجعلك تتمسكين بالصديقة رغم عيوبها .. وما هو الشيء الذي
تقررين قطع علاقتك بصديق رغم مزاياها؟
دعاء الكروان
12-02-2006, 02:19 PM