ما تيجو ندردش شوية.......؟

[ابن البلد]

النهارده عايز أدردش معاكم عن شيء مهم جدا وهو
الفهم !!
أيوه الفهم
يعني أنت بتفهم ولا بتحفظ ولا أحنا ماشين في الحياة ازاي
الحقيقة واللي يمكن غايبه عننا كلنا او يمكن بتعيب عن بعضنا هي أننا بنحفظ بدون فهم وبنردد كتير من الكلام بدون ما نفهم معانيه
عارفين بجد أنا في سنة أولي كليه
كان عندنا مادة أسمها إقتصاد
الماده دي ظاهره يقول أنها ماده أدبية بحته أو بمعني أصح عايزة الحفظ
فضلت زي البغبغان أحفظ فيها سنتين :d
أولي وثانية
في سنة أولي جيبت 50% فيها يعني مقبول
اما في سنة تانيه فجيبت برضك 50% فيها يعني مقبول برضك :d
وده طبعا بستر ربنا أني قدرت أوصل لل 50% دي

في سنة تالته وأنا قاعد بذاكر اليوم اللي قبل امتحان الأقتصاد كالعاده بحفظ وبصم وبحاول أبرق في المنحيات مرة طلب ومره عرض ومره داخلين في بعض ومره معرفش أيه
حسيت اني متخلف
بجد حسيت أني مش فاهم اي حاجه واللي بعمله أني بحفظ وبس
وسألت نفسي هو انا داخل امتحن علشان انجح ولا علشان أيه ؟
وبعدين بصيت من بعد كده نظره تفحص *14* وقلت ما تيجي نفهم طيب المنحنيات دي شغاله أزاي
ياعم هو انت عندك وقت
أحفظ دلوقتي بس وبعدين أبقي أفهم بعدين
لا لا أنا هفهم وزي ما تيجي
وبالفعل أخد الموضوع مني حوالي خمس ساعات بفهم المنحنيات وبدات أفهم يعني أيه إقتصاد وبدأت أفهم الكلام اللي بردده علي الفاضي زي البغبغان بيشير إلي أيه ...
يا حلاوة يا ولاد ده كلام متين أوي ومفهوم
ويوم الإمتحان حليت كل الأسئلة بالفهم مش بالحفظ
والحمد لله
سنة تالتة وسنة رابعة
أمتياز الإقتصاد علي طول حتى في الترم التاني كان الإقتصاد بالإنجليزي وكان جاي صعب جدا الحمد لله جيبت فيه جيد ( يمكن علشان انا مش بفهم إنجليزي *7* )

المشكلة بقه مش في اني أفهم دروسي والكلام اللي بنسمعه كل شوية في التليفزيون ومن بابا وماما وحتى اخويا الكبير او أصحابي اللي بس بيرددوا الكلمة من أجل انهم يقولوا كلام كبير
لا المشكلة في الكلام نفسه

بجد لو فكرنا في معني الكلام اللي بنقوله يوميا فيه كلام كتير أوي يمكن منرددوش وفيه كلام كتير أوي هنلاقيه أنه ملهوش معنى بس اهوو بنردده لاننا حفظينه زي البغبغان وبس
أيوه أنا بغبغان وانت بغبغان لو بنردد الكلام بدون فهم
تعالي معايا كده نشوف كلمة من اللي بنقولها بدون فهم
اسم النبي حرصه وصاينه
؟؟؟ يعني أيه ؟
لا دي واحده بتسمي علي ابن من العين ؟؟
أيوه برضك يعني أيه اللي قلته
قالت
اسم النبي حرسه وصاينه !
الجملة دي لو فكرنا فيها شوية هنلاقي أنها بتدهل تحت بند الحرمانيه :nooo:
حرمانيه ليه يا عم هو النبي حرام
لا بس الحامي هو الله والحارس هو الله
آه يعني قصدك تقول أننا نقول
اسم الله عليه
أيوه اسم الله عليك أديك قولتها
طيب يعني أيه اسم الله عليك ؟؟
والله يا بني ما انا عارف
بس أهو كلام بنردده يمكن نقول كده زي الله ينور عليك أو ربنا يفتحها عليك
طيب يا سيدي ربنا يفتحها علينا جميعا
فيه كلام تاني برضك مدمج ويمكن مش بنفكر فيه شوية بس مفهوم معناه زي
بعد الشر ....إن شالله العدوين
إن شالله اللي يكرهوك

فيه كلام بقه حلو أوي بس لو نفهمه يمكن لو خدناه كله علي بعضه كده يطلع مش قد كده
يعني مثلا فيه جمله وكانت عنوان لموضوع هنا في المنتدى أسمها
"إلا الحماقة أعيت من يداويها"
الجملة دي لو فهمناها كويس هنلاقي فيها معاني جامد
وهو أن اللي بيحاول يفهم غبي :d للآسف هيتعدي منه ويبقه غبي زيه :stpd: للآسف يعني
فيه جملة كمان بالعامية ( زي ما انا عمال اكلمكم كده بالعامية ) بتقول
"العملات المزيفة متستاهلش الكيس اللي هتتحط فيه"
الجملة دي سمعتها في فيلم لسه جاي قريب
لو فكرنا في الجملة دي شوية بالرغم من أنها بالعامية إلا أنها ليها معاني كتير
ده حتى الأغاني يا جماعة اللي بنرددها فيها كلمات كويسة أوي ... بالرغم من أن الغناء بقه واخد إيقاع أسرع وبالرغم يمكن من بعض تفاهة بعضها إلا أن في بعضها معاني
تعالوا ناخد مثال علي جمل من أغاني لمحمد منير
"كل شيء بيدبل لوحده في الخريف عيش سنين حياتك بقلب مش ضعيف"
"بعد ما أدي وبعد ماخد ... بعد ما هد وبني وأحتد شد لحاف الشتا من البرد"
لو قعدنا وركزنا في الجمل هنطلع منها بمعنى جميل جدا

زمان لما كنت بشوف جمل مش مفهومه كده وبحس أنها مكعبله كده كنت بحس بزهق وباني عاجز لكن لما فهمتها عجبتني أوي وحسيت أني المفروض اقول كلام زي ده
أنت كمان ممكن تعجبك ببعض الشعارات وممكن انت نفسك تطلع شعارات دول شوية جمل ممكن تكون جمل قصيرة وممكن تكون كبيرة بس المعنى هنا هو المقصود مش كبر أو صغر الجملة

"في الحرب الكل خاسر"
"عندما نعجز عن التنفس لا يمكنا الصراخ"
"إذا ضاقت مساحة واقعك فأترفع لأعلي بخيالك"
"الأم مدرسة إذا اعددتها أعددت شعبا طيب الاعراق"
"الإسلام هو الحل"
"بين العبقرية والجنون شعره"
"عليك العمل وليس عليك إدراك النجاح"
"لا يمكنك توجيه الرياح ولكنك تتحكم بالشراع"
"الصانع المهمل يتشاجر مع أدواته"
"اللي يتلسع من الشربه ينفخ في الزبادي"
"صاحب السبع صنايع لا يتقن أي صنعة"
"الموهوب يُولد ولا يُصنع"
"لا تظن كل ما يلمع ذهبا"
"لابد للكلب يوما أن ينبح"
"لا تصدق كل ما تراه ولا نصف ما تسمعه"
"رأيان خير من رأي"
"ذو العقل يشقى في النعيم بعقله ... وأخو الجهالة في الشقاوة ينعم"
"عندما يكون الجهل نعمة من الحماقة أن تكون حكيما"

كفايا علينا كلام كبير النهارده
بس هل فيه حد منكم عنده جمل لها معاني مختبيء في فهم الجملة نفسها؟؟
ياريت كلنا نضيف لو عندنا جمل لها معاني مرموقه بس ياريت نكون فهمين الاول معنى الجملة قبل إضافتها
معلش طولت عليكم
بس انتم اللي سمعتوا دردشتي من الأول
لكم مني كل التحية والتقدير
ومنجلكوش في حاجه وحشه ;)
احمد صلاح*8*

[ahmedab216]

تحياتي لك اخي العزيز ..ابن البلد
و كل عام و انت و الاسرة و كل اعضاء المنتدي بكل خير و صحة و سعادة بمناسبة بدء عام جديد, اتمني من الله ان يكون عام 2006 خير من 2005.

موضوعك اخي العزيز جذاب و لابد ان يغري بالمشاركة لكل من يطلع عليه.
هناك جمل او امثال يتداولها الناس بتلقائية و فعلا كما تقول بلا ادني فهم او تفكير...مثل

رزق الهبل عالمجانين........ لا شك انها حرام
و فيه حاجات تدل علي الحرص الزائد
اللي اتلسع من الشوربة ينفخ في الزبادي
و فيه اللي دمه خفيف و يدل علي انها ما تفرقش ..خربانه خربانه
الاعور وسط العميان مفتح
و فيه اللي بيتقال بعد المصيبة ما تحصل...زي
تيجي تصيده يصيدك
و فيه بعد الزمبة........
خير تعمل...شر تلقي

لك خالص تحياتي

أحمـد

[العمرساعه]

اشكرك فعلا وقولا يابن البلد: صحيح كل ماكتبت,,, لكن السؤال لماذا وصلنا لهذه الحاله ؟؟ انا اعرف ان زمان كان الشخص يقول الكلمه ولها معنى فعلي قبل ان يكون لها صدى سمعي.. لن اطيل فأنت لم تترك لي فرصه ,. فقد كتبت بوضوح عن هذا الموضوع’’’’ اشكرك""""

[سـلـوى]

موضوع جميل جدااااااا يا استاذ احمد
و اسلوب حضرتك جميل فى الطرح
و للاسف حقيقى احنا كتير بنردد كلمات او جميل دون فهمها جيدا
حتى الاغانى زى ما قلت فية كتير بيحفظوها و يغنوها من غير ما يفهموها

و دة عيب فينا

يمكن لاننا بناخذ الامور بسطحية او بنكبر دماغنا
او متعودناش منذ الصغر على السعى للفهم الجيد
و حاجات كتير بتختلف من شخص للاخر

*11* بس انا بصراحة مش فاكرة جمل حاليا

هرجع ان شاء الله لو افتكرت حاجة


خالص تقديرى و احترامى

[boukybouky]

ايه الكلام الجامد ده يا ابن البلد :)

انا من النوع اللي بحب اوي اني استشهد في كلامي بأمثال و أقوال مأثورة

و تلاقي دايماً لي جمل انا مشهورة اني بقولها

مرة كنت بشوف فيلم لـ فان دام و كان له جملة رغم اني مش بحب افلامه اصلاً بس لفت نظري

و عجبتني و كان بيقول في الفيلم "لا تراجع و لا إستسلام" تأملت الجملة و عجبتني اوي

و يمكن بقيت مستعملها في مواقف كتيرة و بقوا اللي حولي يقولوا علي رأي ريهام هههههههههه

من أمثلة الأقوال و الجمل التي بها معني معبر و أستعملها :

"زعم الفرزدق أنه سيقتل مربعة *** أبشر بطول سلامة يا مربعة"

"إن رأيتن أنياب الليث بارزة *** لا تظنن أن الليث يبتسم"

"كتر الأسي يعلم البكي"

"الدقة أساس النجاح"

"ما شتمك إلا من بلغك"

"الحداية ما بترَميش كتاكيت"

"اللي مابيشوفش من الغربال يبقي أعمي"

"اللي ما يرضي بالخوخ ،يرضي بشرابه"

"ما يغفلش الناس الا المغفل"

"اللي ربي خير من اللي اشتري"

يلا كفاية كده انا لو فتحت مش هسكت ههههههههههههههههه

شكرا يا أحمد و دمت بكل خير

في رعاية الله،،،

[ابن البلد]

تحياتي لك اخي العزيز ..ابن البلد
و كل عام و انت و الاسرة و كل اعضاء المنتدي بكل خير و صحة و سعادة بمناسبة بدء عام جديد, اتمني من الله ان يكون عام 2006 خير من 2005.

موضوعك اخي العزيز جذاب و لابد ان يغري بالمشاركة لكل من يطلع عليه.
هناك جمل او امثال يتداولها الناس بتلقائية و فعلا كما تقول بلا ادني فهم او تفكير...مثل

رزق الهبل عالمجانين........ لا شك انها حرام
و فيه حاجات تدل علي الحرص الزائد
اللي اتلسع من الشوربة ينفخ في الزبادي
و فيه اللي دمه خفيف و يدل علي انها ما تفرقش ..خربانه خربانه
الاعور وسط العميان مفتح
و فيه اللي بيتقال بعد المصيبة ما تحصل...زي
تيجي تصيده يصيدك
و فيه بعد الزمبة........
خير تعمل...شر تلقي

لك خالص تحياتي

أحمـد
وأنت بصحة وسعاده وسلام
أ/ أحمد
كل الشكر لك علي إضافتك وعلي إطراءك :f:
لك مني كل التحية والتقدير

[ابن البلد]

اشكرك فعلا وقولا يابن البلد: صحيح كل ماكتبت,,, لكن السؤال لماذا وصلنا لهذه الحاله ؟؟ انا اعرف ان زمان كان الشخص يقول الكلمه ولها معنى فعلي قبل ان يكون لها صدى سمعي.. لن اطيل فأنت لم تترك لي فرصه ,. فقد كتبت بوضوح عن هذا الموضوع’’’’ اشكرك""""
العفو العمر ساعة
وكنت أتمنى أن تضيف ما في جعبتك :f:
ولكن مرورك يشرفني ويكفي لك مني كل التحية والتقدير :f2:

[الصعيدي]

إيه داااااااااا .. ابن البلد يخرج من صمته الرهيب*9* .. ويدردش مع عامة الشعب .. هههههههه .. :d الله ينور .. طلّع ياعم طلّع .. تعتع الحجر اللي كاتم على قلبك ( مش الحجر اللي ف بالك ) :d
موضوعك جميل جدا يا احمد *15* .. واجمل ما فيه انه زي ماقلت دردشة .. يعني مش مقال كده واحد كاتبه يفرض بيه رأي .. وإنما مشاعر حبيت نشارك بعض فيها .. أحييك على طرحه .. بس المشكلة انك ماسبتلناش حاجة نقولها*5*

"في الحرب الكل خاسر"
"عندما نعجز عن التنفس لا يمكنا الصراخ"
"إذا ضاقت مساحة واقعك فأترفع لأعلي بخيالك"
"الأم مدرسة إذا اعددتها أعددت شعبا طيب الاعراق"
"الإسلام هو الحل"
"بين العبقرية والجنون شعره"
"عليك العمل وليس عليك إدراك النجاح"
"لا يمكنك توجيه الرياح ولكنك تتحكم بالشراع"
"الصانع المهمل يتشاجر مع أدواته"
"اللي يتلسع من الشربه ينفخ في الزبادي"
"صاحب السبع صنايع لا يتقن أي صنعة"
"الموهوب يُولد ولا يُصنع"
"لا تظن كل ما يلمع ذهبا"
"لابد للكلب يوما أن ينبح"
"لا تصدق كل ما تراه ولا نصف ما تسمعه"
"رأيان خير من رأي"
"ذو العقل يشقى في النعيم بعقله ... وأخو الجهالة في الشقاوة ينعم"
"عندما يكون الجهل نعمة من الحماقة أن تكون حكيما"

من الأبيات الشعرية اللي بتعجبني جدا قول الشاعر
ومن لا يحب صعود الجبال .. يعش أبدالدهر بين الحفر*15*
باحس ان البيت ده بيلخص فلسفة الإيجابية والطموح في كلمات قليلة جميلة .. وعشان اسيب فرصة لغيري .. مش هاقول كل اللي عندي*5* .. انت عارفني .. موسوعة .. ههههههههههه:d

[MaTR|X]

موضوعكم جميل جدا يا ابن البلد
وبالمناسبه انا عندى امتحان اقتصاد يوم الثلاثاء القادم .. بس المنحنيات اتلغت السنة دى يعنى مش هتعب كتير :d:d

المهم أن احنا اتعودنا على الجمل دى من زمان وبنرددها على الفاضى والمليان ومن غير ما نفكر فيها .. أو جايز احنا مش عاوزين نفكر فيها ولا نفهمها ( أحنا شعبنا بيخاف يفهم حاجة )

وانا كمان فى جمل جميله جدا بتقابلنى وبحاول افهمها كويس وأرددها بس بيكون ليها معانى عميقه
زى مثلا : كالسراب يغر من رآه، ويخلف من رجاه
وكمان لأننا نتقن الصمت .. حملونا وزر نوايانا

على فكره يا ابن البلد مواضيعك بتعجبنى جدا لأنها بتكون بسيطه ومعبره فى نفس الوقت
بس أنت مش بتكتب كتير .. يا ريت تذود الجرعه شويه

أرق تحياتى يا أبو يوسف
*3* *3*

[ضابط شرطة]

عارفين بجد أنا في سنة أولي كليه
كان عندنا مادة أسمها إقتصاد
الماده دي ظاهره يقول أنها ماده أدبية بحته أو بمعني أصح عايزة الحفظ
فضلت زي البغبغان أحفظ فيها سنتين :d
أولي وثانية
في سنة أولي جيبت 50% فيها يعني مقبول
اما في سنة تانيه فجيبت برضك 50% فيها يعني مقبول برضك :d
وده طبعا بستر ربنا أني قدرت أوصل لل 50% دي

في سنة تالته وأنا قاعد بذاكر اليوم اللي قبل امتحان الأقتصاد كالعاده بحفظ وبصم وبحاول أبرق في المنحيات مرة طلب ومره عرض ومره داخلين في بعض ومره معرفش أيه
حسيت اني متخلف
بجد حسيت أني مش فاهم اي حاجه واللي بعمله أني بحفظ وبس
وسألت نفسي هو انا داخل امتحن علشان انجح ولا علشان أيه ؟
وبعدين بصيت من بعد كده نظره تفحص *14* وقلت ما تيجي نفهم طيب المنحنيات دي شغاله أزاي
ياعم هو انت عندك وقت
أحفظ دلوقتي بس وبعدين أبقي أفهم بعدين
لا لا أنا هفهم وزي ما تيجي
وبالفعل أخد الموضوع مني حوالي خمس ساعات بفهم المنحنيات وبدات أفهم يعني أيه إقتصاد وبدأت أفهم الكلام اللي بردده علي الفاضي زي البغبغان بيشير إلي أيه ...
يا حلاوة يا ولاد ده كلام متين أوي ومفهوم
ويوم الإمتحان حليت كل الأسئلة بالفهم مش بالحفظ
ومنجلكوش في حاجه وحشه ;)
احمد صلاح*8*
نفس المشكل يابن البلد يا كبير :no:
بس تصدق الواحد يفهم واللي يحصل يحصل :-s
نيجي لموضوعنا الجميل
فيه كلام برضه زي
"يدي الحلق للي بلا ودان " >>> وده معناه ان ربنا مش بيعرف يوزع الرزق (حاشي لله)
"رزق الهبل ع المجانين" >>> حرام برضه لان الارزاق على الله

بس ... ده اللي في بالي دلوقتي وشكرا ليك ع الموضوع الجميل

[ابن البلد]

شكرا باشمهندسه عسولة علي مرورك
وعلي إطرائك وفي انتظار جملك :)

[ابن البلد]

ايه الكلام الجامد ده يا ابن البلد :)

انا من النوع اللي بحب اوي اني استشهد في كلامي بأمثال و أقوال مأثورة

و تلاقي دايماً لي جمل انا مشهورة اني بقولها

مرة كنت بشوف فيلم لـ فان دام و كان له جملة رغم اني مش بحب افلامه اصلاً بس لفت نظري

و عجبتني و كان بيقول في الفيلم "لا تراجع و لا إستسلام" تأملت الجملة و عجبتني اوي

و يمكن بقيت مستعملها في مواقف كتيرة و بقوا اللي حولي يقولوا علي رأي ريهام هههههههههه

من أمثلة الأقوال و الجمل التي بها معني معبر و أستعملها :

"زعم الفرزدق أنه سيقتل مربعة *** أبشر بطول سلامة يا مربعة"

"إن رأيتن أنياب الليث بارزة *** لا تظنن أن الليث يبتسم"

"كتر الأسي يعلم البكي"

"الدقة أساس النجاح"

"ما شتمك إلا من بلغك"

"الحداية ما بترَميش كتاكيت"

"اللي مابيشوفش من الغربال يبقي أعمي"

"اللي ما يرضي بالخوخ ،يرضي بشرابه"

"ما يغفلش الناس الا المغفل"

"اللي ربي خير من اللي اشتري"

يلا كفاية كده انا لو فتحت مش هسكت ههههههههههههههههه

شكرا يا أحمد و دمت بكل خير

في رعاية الله،،،
جملك كويسة أوي يا بوكي بوكي
ولو اني مفهمتش بعضها :)
بس إن شاء الله أفهمه كله
كل الشكر لمرورك :f:

[ابن البلد]

إيه داااااااااا .. ابن البلد يخرج من صمته الرهيب*9* .. ويدردش مع عامة الشعب .. هههههههه .. :d الله ينور .. طلّع ياعم طلّع .. تعتع الحجر اللي كاتم على قلبك ( مش الحجر اللي ف بالك ) :d
موضوعك جميل جدا يا احمد *15* .. واجمل ما فيه انه زي ماقلت دردشة .. يعني مش مقال كده واحد كاتبه يفرض بيه رأي .. وإنما مشاعر حبيت نشارك بعض فيها .. أحييك على طرحه .. بس المشكلة انك ماسبتلناش حاجة نقولها*5*



من الأبيات الشعرية اللي بتعجبني جدا قول الشاعر
ومن لا يحب صعود الجبال .. يعش أبدالدهر بين الحفر*15*
باحس ان البيت ده بيلخص فلسفة الإيجابية والطموح في كلمات قليلة جميلة .. وعشان اسيب فرصة لغيري .. مش هاقول كل اللي عندي*5* .. انت عارفني .. موسوعة .. ههههههههههه:d
ربنا يخليك يارب
آه طبعا أنت موسوعة يا أستاذي ربنا يبارك لك
والجملة الحقيقة اللي قلتها أكثر من رائعة
وفي إنتظار جمل آخري :2:

[ابن البلد]

موضوعكم جميل جدا يا ابن البلد
وبالمناسبه انا عندى امتحان اقتصاد يوم الثلاثاء القادم .. بس المنحنيات اتلغت السنة دى يعنى مش هتعب كتير :d:d

المهم أن احنا اتعودنا على الجمل دى من زمان وبنرددها على الفاضى والمليان ومن غير ما نفكر فيها .. أو جايز احنا مش عاوزين نفكر فيها ولا نفهمها ( أحنا شعبنا بيخاف يفهم حاجة )

وانا كمان فى جمل جميله جدا بتقابلنى وبحاول افهمها كويس وأرددها بس بيكون ليها معانى عميقه
زى مثلا : كالسراب يغر من رآه، ويخلف من رجاه
وكمان لأننا نتقن الصمت .. حملونا وزر نوايانا

على فكره يا ابن البلد مواضيعك بتعجبنى جدا لأنها بتكون بسيطه ومعبره فى نفس الوقت
بس أنت مش بتكتب كتير .. يا ريت تذود الجرعه شويه

أرق تحياتى يا أبو يوسف
*3* *3*
يارب تكون حليت كويس يا ماتركيس
والجملة اللي ضيفتها دي مفيش إتنين يختلفوا عليها
"لأننا نتقن الصمت .. حملونا وزر نوايانا"
يمكن دي مش بتحصل معايا كتير لاني مش دايما بسكت إلا مع اللي بحبهم وعلشان كده بعد شوية مش بحبهم :)

إن شاء الله يكون فيه مواضيع كتيرة بس يعني سلفني شوية وقت وإن شاء الله كل حاجه تكون موجوده :f:

[ابن البلد]

نفس المشكل يابن البلد يا كبير :no:
بس تصدق الواحد يفهم واللي يحصل يحصل :-s
نيجي لموضوعنا الجميل
فيه كلام برضه زي
"يدي الحلق للي بلا ودان " >>> وده معناه ان ربنا مش بيعرف يوزع الرزق (حاشي لله)
"رزق الهبل ع المجانين" >>> حرام برضه لان الارزاق على الله

بس ... ده اللي في بالي دلوقتي وشكرا ليك ع الموضوع الجميل
لا يا باشاا أفهم أرجوك
وجرب مره طعم الفهم
وطعم النجاح بفهم مش بحفظ أو بغش :)
وإن شاء الله ربنا يوفقك
طبعا الجمل اللي انت قلتها ممكن تكون تعدي في اللفظ والقول وربنا يغفر لنا زلات اللسان

[osha]

موضوع جميل وطرح متميز
انا فيه جملة دائما بتداعب ذهني
" ما لم يكن لك - لم يكن أبدا لك"
يعني بالبلدي ماتحاولش في حاجة مش ليك
وكمان لازم تؤمن ان المكتوب لك فقط هو ما ستحصل عليه وليس ما تريد انت
احيانا اشعر انها جملة محبطة ولكني اراها تريح العقل ....أحيانا

[ابن البلد]

موضوع جميل وطرح متميز
انا فيه جملة دائما بتداعب ذهني
" ما لم يكن لك - لم يكن أبدا لك"
يعني بالبلدي ماتحاولش في حاجة مش ليك
وكمان لازم تؤمن ان المكتوب لك فقط هو ما ستحصل عليه وليس ما تريد انت
احيانا اشعر انها جملة محبطة ولكني اراها تريح العقل ....أحيانا
أيوه هي فعلا محبطة أوي يا أوشا
بس تعرفي
بتفكرني بمحاولة إجتهادي للتكلم بالفصحي أو بأي لغة حتى وإن كانت العربية

دايما مش ليا اللغات دي :d :$

شكرا يا أوشا والحمد لله أن الموضوع عجبك

[Hesham Nassar]

موضوع جميل و شائك ..
و بالمناسبه بقى ..:mazika2:
جملة " رزق الهبل على المجانين " مش حرام ..

لو ركزنا فيها شويه هنلاقي إنها كنايه عن الشخص اللي بيصرف فلوسه أو رزقه بأسلوب غبي أو غير مدروس ..http://www.egyptsons.com/misr/images/smilies/old/idiot_alam.gif
فبيتم تشبيهه بالأهبل اللي بيصرف فلوسه على المجانين ..

خد عندك المثل ده ..
في مثل بيقولك " الإيد البطاله نجسه"

في واحد بيفهم من المثل ده إن الإيد البطاله اللي هي الإيد العاطله ..
و في اللي بيفهم منها إن الإيد البطاله هي الإيد اللي مشيها بطال ..النشاله يعني ..http://smilies.sofrayt.com/%5E/u/robber.gif

فالواحد فعلاً لازم يفهم عشان يقدر يحفظ ..

لكن المشكله الحقيقيه هنا يا ابن البلد هي إزاي بنفهم و ازاي بنفكر ..
لإن ممكن حاجه واحده تتفهم بأكتر من طريقه .
و كل واحد بيفهم أو بيفلسف الكلام على هواه أو بما يتفق مع وجهة نظره ..

زي الجمله اللي فاتت و قولتها دي " رزق الهبل على المجانين "..
و ربنا يستر و ميحصلش مشاكل عليها ..http://www.egyptsons.com/misr/images/smilies/080402cool_prv.gif

موضوع حلو يا ابن البلد و متجدد ..:y:

تحياتيhttp://www.egyptsons.com/misr/images/smilies/smile.gif

[nariman]

ياااااه يا أحمد فكرتنى بايام الثانويه العامه الحفظ كان على ودنه والكلام الفارغ مفيش أكتر منه فى الكتب
ولا قعدتى فى لجنه الامتحان وأنا عماله أبص على العيال الحفيظه وهما قاعدين يكتبوا ..يكتبوا كأنهم بيكتبوا جرايد
اما أنا بصراحه اللى كنت بفهمه كان بيثبت معايا انما الطلاسم اللى عايزه حفظ كنت بتعب معاها قوى
وكمان دلوقتى فى الكليه بقعد نفس القعده وأبص على الحفيظه بتوعنا لكن بصراحه مش فى كل المواد بيبقى فيه دش وحفظ لأنى فى قسم عبرى ومعظم المواد لغه ..وانت عارف ياأحمد مينفعش فيه حفظ
انما بقى مواد التاريخ لليهود ..ايه ده كله ..على رأى الريحانى

وبالنسبه للجمل المتكرره معايا ..امممممممم
بصراحه مفيش حاجه معينه فى دماغى ..
بس يمكن فيه جمله من رباعيات صلاح جاهين بلاقيها معبره أوى
ضريح رخام فيه السعيد اندفن
وحفره فيها الشريد منغير كفن
ياللعجب ..مريت عليهم
الاتنين ريحتهم لها نفس العفن

وكمان الجمله اللى فى توقيعى برضه لصلاح جاهين

ياخبر ..ايه الرغى بتاعى ده ....معلش ياابن البلد
تحياتى للجميع

[سومه]

الفهم !!
أيوه الفهم
يعني أنت بتفهم ولا بتحفظ ولا أحنا ماشين في الحياة ازاي
الحقيقة واللي يمكن غايبه عننا كلنا او يمكن بتعيب عن بعضنا هي أننا بنحفظ بدون فهم وبنردد كتير من الكلام بدون ما نفهم معانيه

موضوع جميل ابو يوسف
بالنسبه للفهم انا بحب افهم بس فى الواقع بحفظ
ده بالنسبه ليا متوقف على المادة وشرح الدكتور
يعنى كان عندى السنه الى فاتت نقد ادبى فى الشعر الجاهلى والاموى والعباسى جبت فيها امتياز
لان الدكتورة كانت بتشرح وكانت ممتازة
انت عارف كانت بتشرح الابيات والابيات الى نتذوقها ونفهمها نحفظها:good:
لكن السنه دى خت نقد ادبى حديث الدكتورة كانت بتعلم لنا على السطور الى نحفظها:n:
ربنا يستر على النتيجه
الفهم بيتوقف على الدكاترة وطريقه شرح المادة
اما بالنسبه للكلمات الغلط
تلاقى حد يقول على الميت ربنا افتكرة ازاى وربنا لا ينسى احد من عبادة
وكلمه يدى الحلق للى بلا ودان
اعتذر على الاطاله
:f2:

[ابن البلد]

موضوع جميل و شائك ..
و بالمناسبه بقى ..:mazika2:
جملة " رزق الهبل على المجانين " مش حرام ..

لو ركزنا فيها شويه هنلاقي إنها كنايه عن الشخص اللي بيصرف فلوسه أو رزقه بأسلوب غبي أو غير مدروس ..http://www.egyptsons.com/misr/images/smilies/old/idiot_alam.gif
فبيتم تشبيهه بالأهبل اللي بيصرف فلوسه على المجانين ..

خد عندك المثل ده ..
في مثل بيقولك " الإيد البطاله نجسه"

في واحد بيفهم من المثل ده إن الإيد البطاله اللي هي الإيد العاطله ..
و في اللي بيفهم منها إن الإيد البطاله هي الإيد اللي مشيها بطال ..النشاله يعني ..http://smilies.sofrayt.com/%5E/u/robber.gif

فالواحد فعلاً لازم يفهم عشان يقدر يحفظ ..

لكن المشكله الحقيقيه هنا يا ابن البلد هي إزاي بنفهم و ازاي بنفكر ..
لإن ممكن حاجه واحده تتفهم بأكتر من طريقه .
و كل واحد بيفهم أو بيفلسف الكلام على هواه أو بما يتفق مع وجهة نظره ..

زي الجمله اللي فاتت و قولتها دي " رزق الهبل على المجانين "..
و ربنا يستر و ميحصلش مشاكل عليها ..http://www.egyptsons.com/misr/images/smilies/080402cool_prv.gif

موضوع حلو يا ابن البلد و متجدد ..:y:

تحياتيhttp://www.egyptsons.com/misr/images/smilies/smile.gif




عندك حق يا هشام
وفعلا ممكن الواحد يفهم الجملة الواحدة باكثر من معنى علي حسب برضك طريقة تفكيره وفهمه للأمور
كل التحية لك علي إضافتك :f:

[daria]

طيب انا اقولك حاجة بقى يا احمد
نطلع المستخبي شوية

انا كنت في الثانوية العامة بحاول بصراحة افهم الاول
لو لقيت الكلام عجيب كدة ومصمم يتحفظ
باحفظه
ولما اجي احفظ بقى حصل معايا حاجة
مثلا فقرة عن اهداف حاجة معينة
1_ العمل على ......
2_التوسع في ......
3_ العمل على .....
وهكذا
اقوم اجيب اي حاجة متشابهة فيهم
يعني مثلا فقرة الاهداف فيها 3 العمل على و2 التوسع فيه
" كأني على قهوة 2 قهوة و3 شاي !!"
المهم
لقيت اني بعد ما بقعد اشوف الحاجات ببقى فهمت شوية
يعني من كتر تكراري للقراية للجزئية عشان اطلع اي حركة احفظ بيها باكون فهمت
يعني المفروض افهم بعد 3 او رابع مرة
مش من اول مرة
قدرات بقى هههههههههه
من ساعتها وانا رجت تاني لحكاية الفهم دي :gp:


بالنسبة للحكم والاقوال المأثورة
فأنا كل شوية تعجبني جملة وامشي بيها
وبعد فترة بانسى الجملة ويفضل المغزى او المعنى جوايا

الجملة اللى عجباني دلوقتي
" سيبوني في حالى " ههههههههه
بجد بحاول الاقي جملة بتعبر عن ان الواحد لوحده افضل
بس دي غالبا حالاقيها في كتاب امراض العصر النفسية مش كتاب الحكم
طولت عليك
بس انت قولت ندردش وانا ماصدقت

موضوعك حلو يا احمد
والردود هايلة
تحية طيبة للجميع
إيمان

[ابن البلد]

كل الشكر لك يا إيمان علي المرور وعلي المستخبي :d
:f:

دي جمله جديدة سمعتها إمبارح برضك

"أحيانا بإسم الحب قد ترتكب أفظع الجرائم"

[ابن البلد]

ياااااه يا أحمد فكرتنى بايام الثانويه العامه الحفظ كان على ودنه والكلام الفارغ مفيش أكتر منه فى الكتب
ولا قعدتى فى لجنه الامتحان وأنا عماله أبص على العيال الحفيظه وهما قاعدين يكتبوا ..يكتبوا كأنهم بيكتبوا جرايد
اما أنا بصراحه اللى كنت بفهمه كان بيثبت معايا انما الطلاسم اللى عايزه حفظ كنت بتعب معاها قوى
وكمان دلوقتى فى الكليه بقعد نفس القعده وأبص على الحفيظه بتوعنا لكن بصراحه مش فى كل المواد بيبقى فيه دش وحفظ لأنى فى قسم عبرى ومعظم المواد لغه ..وانت عارف ياأحمد مينفعش فيه حفظ
انما بقى مواد التاريخ لليهود ..ايه ده كله ..على رأى الريحانى

وبالنسبه للجمل المتكرره معايا ..امممممممم
بصراحه مفيش حاجه معينه فى دماغى ..
بس يمكن فيه جمله من رباعيات صلاح جاهين بلاقيها معبره أوى
ضريح رخام فيه السعيد اندفن
وحفره فيها الشريد منغير كفن
ياللعجب ..مريت عليهم
الاتنين ريحتهم لها نفس العفن

وكمان الجمله اللى فى توقيعى برضه لصلاح جاهين

ياخبر ..ايه الرغى بتاعى ده ....معلش ياابن البلد
تحياتى للجميع
كل الشكر لك نريمان
مش عارف أزاي أنا رديت علي داريا قبليكم آسف جدا والله

انا كمان بحب الأبيات دي
ضريح رخام فيه السعيد اندفن
وحفره فيها الشريد منغير كفن
ياللعجب ..مريت عليهم
الاتنين ريحتهم لها نفس العفن


بس الحقيقة مكنتش عارف هي لمين


الثانوية العامه أنا مقتنع تماما أنها مش مقياس لمدى كفاءة وذكاء الشخص
الإمتحانات بوجهه عام مش هي اللي بتحدد بنسبة كبيرة
ولكن التجربه والمواقف المتكرره وطريقة التفكير هي خير برهان

كل الشكر لك مرة أخري نريمان
وآسف علي التأخير وعلي اللخبطة
:f:

[**أمة الله**]

جزاك الله خيراً يا أخ أحمد على موضوعك
فعلاً كلامك مظبوط، الحفظ من غير فهم ( :thumbdown: )
أحب أطرح بعض الحكم اللى مقتنعة بيها جداً...
( ان الله لا يضيع أجر من أحسن عملاً )
( لله الأمر من قبل ومن بعد )
( القناعة كنز لا يفنى )
( قطرة الماء قد تثقب الحجر )
( إذا نسيت إساءة الآخرين...دام لك ودهم )
( يد الله مع الجماعة )

[هايدى دياب]

موضوعك حلو أوى يا ابن البلد

وأسلوبك سهل وبسيط وفعلاً موضوع مهم

إننا قبل ما تردد الكلامات نعقلها ونوزنه كويس

زى كلمات كتير منها

لما حد يحلف حد ويقلوا والنبى إعملى حاجه ...........

الحلفان بالنبى حرام لإن الحلفان بغير الله باطل

وكمان لما حد يحلف حد ويقلوا ورحمة فلان لإنت عامل كذا

او إتنين حبيبه وتقعد تحلفه وتقولوا وحياتى إعمل كذا

وهما بينفزوا وكأنها حلفته بحاجه مهمه

المشكله إننا نعرف مخارج كلماتنا لإنها ممكن تحملنا زنوب دون شعور

بس الحلفان بغير الله حرام وباطل

علشان كده حبيت اضيف الجمل دى

من الجمل إللى بنرددها ومش عارفين عقابها

أشكرك على الطرح المميز يابن البلد

تحياتى

[محمد غباشى]

تسلم على الدردشة الجميلة دى وبجد الكلام دة عادى الواحد اتعود يسمعة من الناس بس الحمد للة محولتش اعود نفسى على الكلام دة وشكرا

[وديعة الغالية]

[QUOTE=سـلـوى;440993][b][size="4"]
بسم الله الرحمن الرحيم

موضوع جميل جدااااااااخي الكريم احمد

و اسلوب حضرتك جميل فى الطرح

و للاسف حقيقى احنا كتير بنردد كلمات او جميل دون فهمها جيدا

حتى الاغانى زى ما قلت فية كتير بيحفظوها و يغنوها من غير ما يفهموها

و دة عيب فينا

يمكن لاننا بناخذ الامور بسطحية او بنكبر دماغنا

او متعودناش منذ الصغر على السعى للفهم الجيد

و حاجات كتير بتختلف من شخص للاخر

*11* بس انا بصراحة مش فاكرة جمل حاليا

هرجع ان شاء الله لو افتكرت حاجة

[bodbod]

جزاك الله خيراً يا أخ أحمد على موضوعك
فعلاً كلامك مظبوط، الحفظ من غير فهم ( )
أحب أطرح بعض الحكم اللى مقتنعة بيها جداً...
( ان الله لا يضيع أجر من أحسن عملاً )
( لله الأمر من قبل ومن بعد )
( القناعة كنز لا يفنى )
( قطرة الماء قد تثقب الحجر )
( إذا نسيت إساءة الآخرين...دام لك ودهم )
( يد الله مع الجماعة

[bodbod]

اهلا بالحب الحب جاجة جميله جدا واللى مجربها عارف كده ولا ايه؟

[شعاع من نور]

على فكرة أنا بصيت كتير على اسم اللي كاتب الموضوع عشان اتأكد بس :$

عجبتني جداً الدردشة دي الحقيقة...
فعلاً احنا عندنا بغبغانات كتير جداً بيرددوا كلام لمجرد انهم سمعوه من واحد تاني...من غير ما يفهموه أو يحسوه..

بس هل فيه حد منكم عنده جمل لها معاني مختبيء في فهم الجملة نفسها؟؟
ياريت كلنا نضيف لو عندنا جمل لها معاني مرموقه بس ياريت نكون فهمين الاول معنى الجملة قبل إضافتها

"العبرة بالخواتيم"
"كن كالنخيــل...يقذف بالحجر فيرمي أطيب ثمر"

في جملة عامية...بس بجد صح قوي قوي..

"اللي ما يعرفك يجهلك"

الجمل دي اللي على بالي دلوقتِ...بحس في معانيها بعمق ومعنى قويين جداً لما بيوصلوا للشخص..

على فكرة أنا عندي 17 سنة عليهم 6 سنين

موضوع جميل جداً على فكرة..

تقديري و إحترامي..
:f2::f2::f2:

[عاشقه البحر]

للاسف احنا في مجتمع بيحفظ وبس
وده اللي ربونا عليه
وسبب معاناتي دلوقتي في الكليه
زمان في المدرسه كان كل حاجه حفظ حفظ حفظ كلمه فهم دي كانت نادره شويه
وفي ثانويه عامه برضو كانت حفظ حفظ حفظ والفهم فيها كان قليل برضو
دخلت الكليه بقى شويه يقولو فهم وشويه يقولو حفظ
ونتوه احنا في النص خصوصا اني كليه عمليه
فدلوقتي بقى بحاول افهم افهم افهم
ومن كتر ما بقيت اشغل مخى باظ منى للاسف
كل ده اصلا اخطاء متراكمه واحنا اللي بنتعب في الاخر