ودعــــنــــي

[سمج]

ودعتني ضي عيني وبتروح
وادفن بقلبي هوانا للأبد

واتركت عقب الفراق من الجروح
ما تداوى لو يطول بها الأمد

كنها يوم تركتني مثل روح
غصب داعي الموت خذها من الجسد

اذرف الدمعة على الخدين بوح
غير خدي ما درى بسري أحد

وش يسوي لا غدا خله شحوح
حاير يرجي من اللقيا وعد

ضايع عمره على حب مزوح
والمحبة وهم والفرقا كمد

ما شكيت بجور فرقاك القروح
دامها ترضيك هي ثلج وبرد

مسكنك في القلب لو نبضه فضوح
يفضحك لو تحفظك عيني الرمد

وارحلي وانسيني ما ينساك نوح
بين نفسي وبين طيفك والسهد

كيف بنسى ونور وجهك لو يلوح
ارتعش وامد لك بالشوق يد

ليت وقت قد جمعنا ما يروح
لكن اللي راح ما منه مرد

وان رجعتي يا نظر عيني أبوح
واشتكي لك ليه ما صنتي العهد

وانتشي لك عطر بانسامه يفوح
وابرقي دانة وخفاقي رعد

لا يغرك لوم عاذل لي نصوح
إيه احبك حب ما مثله أبد

كنت صادق معك في الحب بوضوح
وش بعد تبغين مني وش بعد

[زهرة الحنين]

انا فعلا احيي فيك قلمك
لانه قلم ملئ بالاحساس
جميل هو بوحك ,, وإحساسك .. ولكنـــ
لي ملحوظه بعد كل خاطرة وخاطر خلي متسع من الوقت

دام لنا القلم وصاحب الاحساس