د. حورية البدرى
18-08-2002, 06:52 PM
بافتّح عينى م العتمه
ومن كل اللى شفته وكان مالوش لازمه
يهدهدنى رضا قلبك
يمرجحنى مابين شمسك وبين أمسى
يقول لى : " انسى " 00
أفوق من غفوتى ناسيه
ورغم ان الجراح باينه ودقّات الألم قاسيه
أدق معاك مشاتل فى الأراضى البور
نخضّرها
ونضحك لما يضحك وش أزهارها
وتاخدنى اديك وندور
تفرجنى على الدنيا امّا غاب ليلها اللى كان دامس
يميل عودك على قنديل علاء الدين
تبان قلعة صلاح الدين
ويوصل لى أدان المسجد الأقصى
ولكن سكّتى الصعبه تخلينى - على مااوصل -
أقضّى الفرض متأخر
وبتقول لى : مانيش فلاح
ولكن باعرف ازرع لك عنب أو تين وزيتونه
مانيش مدّاح
واحط اديّه فوق وشك وارتّل لك ؛ تشوفى النور
مانيش سواح ولكنى ح اكون تايه اذا كنتى بعيد عنّى 00
تاخدنى اديك
تطوف بيّه
تبان الدنيا لعنيّه بخيرها أو قساوتها 00
يفوت صوتك
ترن ف ودنى ضحكتها 00
أخاف حلمى الجميل يرحل
أشد اديّه من ايدك
وأتكحّل بترديدك حروف اسمى
هديته لك
ح تفضل حتّه من اسمى ؛
فلسطينى
ح تفضل حتّه من قلبى ومن طينى
ومن خضرة بساتينى
ومن نقشة فساتينى
ومن علمى الفلسطينى 00
000000
كسر قنديلك الضلمه
وفتّح عينى م العتمه
ومن كل اللى عيشته وكان مالوش لازمه 00
-------------- د0 حورية البدرى
ومن كل اللى شفته وكان مالوش لازمه
يهدهدنى رضا قلبك
يمرجحنى مابين شمسك وبين أمسى
يقول لى : " انسى " 00
أفوق من غفوتى ناسيه
ورغم ان الجراح باينه ودقّات الألم قاسيه
أدق معاك مشاتل فى الأراضى البور
نخضّرها
ونضحك لما يضحك وش أزهارها
وتاخدنى اديك وندور
تفرجنى على الدنيا امّا غاب ليلها اللى كان دامس
يميل عودك على قنديل علاء الدين
تبان قلعة صلاح الدين
ويوصل لى أدان المسجد الأقصى
ولكن سكّتى الصعبه تخلينى - على مااوصل -
أقضّى الفرض متأخر
وبتقول لى : مانيش فلاح
ولكن باعرف ازرع لك عنب أو تين وزيتونه
مانيش مدّاح
واحط اديّه فوق وشك وارتّل لك ؛ تشوفى النور
مانيش سواح ولكنى ح اكون تايه اذا كنتى بعيد عنّى 00
تاخدنى اديك
تطوف بيّه
تبان الدنيا لعنيّه بخيرها أو قساوتها 00
يفوت صوتك
ترن ف ودنى ضحكتها 00
أخاف حلمى الجميل يرحل
أشد اديّه من ايدك
وأتكحّل بترديدك حروف اسمى
هديته لك
ح تفضل حتّه من اسمى ؛
فلسطينى
ح تفضل حتّه من قلبى ومن طينى
ومن خضرة بساتينى
ومن نقشة فساتينى
ومن علمى الفلسطينى 00
000000
كسر قنديلك الضلمه
وفتّح عينى م العتمه
ومن كل اللى عيشته وكان مالوش لازمه 00
-------------- د0 حورية البدرى