هل من الخطأ أن ينادي الطفل أبويه باسميهما؟

[mshmsh73]

هل من الخطأ أن ينادي الطفل أبويه باسميهما؟


ينزعج بعض الآباء من إقدام أطفالهم على مناداتهم بأسمائهم، بدلاً من بابا وماما، خصوصاً أمام الغرباء، ولكن إذا عادوا بذاكرتهم إلى الوراء سيتذكرون أنهم هم أول من شجعهم على ذلك عند بداية النطق، وكانوا يفرحون كثيراً عندما يستجيب الطفل وينادي أحدهم باسمه. بشكل عام، لا نستطيع أن نقول إن الأمر سيئ إلى حد كبير، ولكن لكي لا يمتد الأمر إلى مناداة الغرباء أو الأقارب بأسمائهم، يتوجب على الأبوين حث أطفالهم على مناداتهما بـ "ماما" و "بابا". وهذا يتطلب من كل واحد منهما أن يشير إلى لقبه وصفته كلما تحدث مع الطفل. والشيء نفسه عند الحديث عن أحد الأقارب أو الأصدقاء، وبما أن الطفل يقلد والديه دائماً، فعليهما أن يراعيا ذلك أثناء التحدث مع أحد المعارف في وجوده، إذ يجب أن ينادياه بصفته أو لقبه عند توجيه الحديث إليه. بهذه الطرق البسيطة يمكنهما أن يتداركوا الأمر.

[أم أحمد]

انا بصراحة مش عارفة هو صح ولا غلط لاني بافرح لما احمد ينطق اسمي ويناديني بيه وخصوصا اول مرة ناداني بيه وساعات هو بيستغل ده يعني لما ينادي عليه ويقولي ماما مثلا ومش ارد عليه واكون مشغولة بحاجة تاني يقوم مناديني باسم بغرض جذب الانتباه بس بصراحة ما جربتش ده لسه قدام احد من الضيوف او حد غريب ومش عارفة هضايق ساعتها ولا هيكون رد فعلي ايه

[mshmsh73]

شكرا ام احمد على المرور
انا من رأى ان الام والاب من الافضل ان ينادوا بالالقاب كنوع من الاحترام والمكانه فما الفرق اذن بينهما وبين اى شخص عادى فى المناداه مكانه الام والاب عظيمه اعرف شخصا احيانا ينادى امه باسمها ويكون رد فعلها انها تقول له قول ماما احسن ثم ان كلمه ماما لها مكانه فى قلب الام فهى تلد لتكون ماما وليس سامه او ماجده او رشا فمن الافضل ان نعودهم على تكل الكلمه المذكورة فى اللقران فهى كلمه لها قدسيتها ومكانتها حتى عندالله وعند رسوله صلى الله عليه وسلم والحديث ان الجنه تحت اقدام الامهات وليس تحت اقدام النساء الوالدات
و هذا رأى

[حنـــــان]

في هزار... وفي جد... في احترام... وفي تعدي للحدود

لو الموضوع اتقال كام مرة بهزار واتقبل بروح حلوة يبقى شئ جميل... يمكن الأهل بيفرحوا ويحسوا ان ولادهم كبروا لما ينادوهم بأساميهم كام مرة بهزار في ساعة صفا...

انما التعود على ان الواحد ينادي أهله بأساميهم بدل ماما وبابا في رأيي له عيبين...

الأول زي ماقلتي يا مشمش... التقليل من الاحترام وضياع شأن الكلمتين العظيمتين دول... في رأيي من المحافظة على "هيبة" العلاقة بين الأهل وأولادهم... بجانب طبعا الاحترام والطاعة... مناداتهم بألقابهم.

الثاني.. أهلنا ممكن نكون قريبيين منهم وممكن يكونوا أصحابنا الانتيم كمان... بس هما في الأول أهلنا... دي علاقة مش حتكرر في حياة أي شخص... الأهل اللي بيربوا وبيكبروا وينصحوا ويستحملوا أشكال وألوان منا!... ليه أحرم نفسي من اني أقول لماما يا ماما ولا بابا يا بابا؟ عمري ما حاقولها لحد تاني وعمري ما حلاقي زيهم في الدنيا.

ربنا يخليهم ليا ويطول لي في عمرهم ويديهم الصحة ويبعد عنهم ولاد الحرام ويعفوا عنهم ويعينهم على طاعته ويبعد عنهم عذاب القبر والنار ويدخلهم جناته أمين يارب.

شكرا يا مشمش عالموضوع الجميل.

[mshmsh73]

شكرا يا حنان على كلامك الجميل وفعلا شئ رائع ان ننطق كلمه ماما وبابا
شكرا على المرور

[SANDY]

اخت مشمشة

طبعا كل واحد لية اختلاف فى الراى انا عن نفسى ابنى او بنتى اكتر الوقت بيندهونى باسم الدلع اللى ابوهم بيندهلى بية مش معنة كدة ان لا يوجد احترام مبنا لا بالعكس كل واحد فيهم عارف حدودة كويس اما بقى الولد لما يكون عاوز حاجة ويفضل يدلع علية يندهلى بلغات الامهات كلها مامى يامامتى يا ماما يا امى هاهاهااهاها وعلى فكرة ابوهم ساعات بيقولى بدلهم ياماما


SANDY

[mshmsh73]

اخت ساندى زى ما قلت كل واحد له رأى
شكرا على المرور