نفسك تطلع إيه ؟

[هبهوبة المحبوبة]

أكيد كل واحد فينا لسة بيذاكربيحلم إنه يكون حاجة في المستقبل :)
تعالوا نفكر مع بعض نفسك تطلع إيه ؟؟؟؟ *14* هو سؤال يحيّر شوية *4*



http://www.3e6r.net/data/media/5/1_2.jpg



*7*يا ريت تعجبكم الفكرة *9*

[ضابط شرطة]

أنا نفسي أطلع ضابط شرطة
لكن...........
ماليش نصيب فيها
وبقيت......
في كلية تجارة يعني مستقبلي محاسب

شكرا على الفكره يا هبهوبة

[هبهوبة المحبوبة]

أنا نفسي أطلع مهندسة ديكور ...... أو معرفش بصراحة ..
. ممكن أعرف أراء تانيه لو سمحتم ......

[ابن البلد]

معلش أنا هشارك معاكم مشاركة ممكن :$
أصل الفكرة عجبتني :$
الحقيقة أنا نفسي أكون أيه الأمنية دي أتغيرت كتير أوي مع تقدم العمر بي
يعني وأنا في سن 10 سنين مكنش لي نفس أطلع حاجه
ولما بقيت 12 كان نفسي أطلع لاعب كرة قدم ( مع أني مش حريف )
ولما كبرت ودخلت ثانوي كان نفسي أطلع مدرس رياضة لاني كنت بحب الرياضة جدا ( حساب يعني )
ولما دخلت الجامعه مفكرتش أطلع أيه لاني خلاص هكون محاسب والسلام
ودلوقتي بعد ما أتخرجت وأشتغلت بقالي ست سنين مش عارف نفسي أكون أيه :2:

[حنـــــان]

سبحان الله وأنا اللي فاكره اني عجيبة غريبة عشان لسه مش عارفه عايزه أبقى ايه يا ابن البلد... مع اني اتخرجت 2002!

وأنا صغيرة قوي كان نفسي أبقى حاجات كتيييير... مضيفة طيران وممثلة عالمية ومدرسة... ومنى توفيق في رجل المستحيل وأشتغل في المخابرات بقى!!! أو ... كان أسمها ايه زوجة نور الدين في ملف المستقبل؟؟

وبعدين الواحد كل ماكان يكبر يحتار أكتر... لحد ما خلصت الثانوية العامة وجا وقت الاختيار ومابقيتش عارفه عايزه ايه...خليت الدرجات تحدد... ولحد النهاردة مش عارفه اذا كان الطريق اللي مشيت فيه صح ولا غلط...

النصيحة الوحيدة اللي أقدر أقدمها هنا يا هبهوبة...ان كل واحد فينا لازم في يوم يقعد مع نفسه ويفكر بعمق وجدية ويحاول يعرف هو عايز ايه من حياته. لو مش عارف نفسك اتعرف عليها... بالهوايات والنشاطات والشغل. جرب كل حاجه... عشان لما يجي وقت الاختيار... تختار وانت واثق ان هو ده الطريق اللي انت عايز تمشي فيه.

و لو حد منكوا عارف هو عايز ايه... يجري وراه لحد مايطوله... مهما كان سنه ... على رأي المثل...
it's never too late

وآخر وأهم حاجة... أوعى تختار كلية عشان درجاتك أو ضغط من اللي حواليك... اختار الشئ اللي انت غاويه وحابه.

والله ولي التوفيق :)
شكرا يا هبهوبة عالموضوع الجيمل ده.

[MaTR|X]

كان نفسى أكون طيار



والحمد لله دخلت تجارة
*13* *13* *13*

[امير كريم]

انا الان في الولايات المتحدة اعمل في الابحاث الفيزيائية وبصراحة نفسي ارجع مصر بس مفيش في مصر اهتمام بالعلم بمعني اصح كل واحد عاوز يروح بيته عشان ياكل و ينام فقد!!!!!!!!!!!!!!!

[هبهوبة المحبوبة]

كويس إن الفكره عجبه الكل ...والله فعلاً عندك حق يا أبن البلد الواحد مش عارف نفسه يطلع إيه .... او يكون إيه ..
أختي حنان والله كلامك حلو وأنت كمان عندك حق في كل إللي قلتيه خصوصاً آخر حاجة قلتيها..
ليه طيب كده يا ماتريكس ...
أمير كريم بصراحة مش عارفة أقلك إيه ويارب ترجع مصر في أقرب وقت .......

والله الواحد بيستفاد حاجات كتير منكم ...

[SANDY]

الســـــــلام علــــــيـــــكـــــم

انا من سن 13 سنة كان نفسى ادخل اداب انجليزى او ترجمة فورية لانى كان نفسى اطلع مضيفة جوية
لكن حالفنى الحظ ودخلت كلية تجارة وبقيت محاسبة بس مع ايقاف التنفيذ لانى مو بشتغل بيها
وبينى وبنكم ادخل الكليات دة ازاى وانا ضعيفة جدا فى اللغة الانجليزية :d بس اهى كانت امنية وخلاص

SANDY

[هبهوبة المحبوبة]

كليه التجارة أخدت كل أمنيات الناس بالمصري يعني (كلية نحس) ......ههههههههه

[mido_vib]

الحمد لله من صغرى وانا نفسى اطلع صيدلى

والحمد لله

دخلت صيدلة

موضوع جميل يا هبهوبة

[سمسمة]

ممكن اشارك معاكم لو سمحتم *59*

انا.......











انا......







انا نفسى اطلع






نفسى اطلع..............








نفسى اطلع من الكلية :d

[هبهوبة المحبوبة]

طب الحمدلله د\ احمد أنك دخلت الكليه إللي عايزها .....

إن شاء الله تطلعي يا سمسمة ...... ممكن أسأل سؤال .... أنت في كليه إيه ؟؟؟؟؟؟

[سمسمة]

انا ياهبهوبة فى كلية الحقوق - جامعة المنصورة بعمل دبلومة قانون جنائي

تقوليلى بقة اطلع ايه اقولك...................يعنى مؤقتا وكيلة نيابة لحد مالاقى الوظيفة اللى تريحنى:d

[أحمد المليجي]

أنا نفسي أطلع ضابط شرطة
لكن...........
ماليش نصيب فيها
وبقيت......
في كلية تجارة يعني مستقبلي محاسب

شكرا على الفكره يا هبهوبة

:d :d
و الله يا جدع فكرتني بنفسي زمان اول مادخلت تجارة كنت في حالة احباط شديد
بس بعد ماخرجت منها و الله بقيت سعيد جدا بس لغاية انهاردة مش عارف سعيد لية
:d
فكرة حلوه يا هبوبة بس انتي تعرفي زمان كان اخرنا نقول مدرس و ظابط و دكتور بس يبدو ان دخل معاهم مهندس ديكور .... لا يعني شوف الدقة*14*

[بنوتة مصرية]

الصراحة يا هبهوبة موضوعك جميل جدا
بصي ياستي
انا بحب الرسم
ونفسي أطلع رسامة في مجلة أطفال مثلا يعني حاجة تتعلق بالرسم
ونفسي أدخل كلية الفنون الجميلة
وانت بقي عايزة تدخلي كلية ايه؟

[zikas]

اسمها سلوي يا حنان



رفعت

[zikas]

يعيني عليكي يا بنوته يا مصريه
انا برده كان نفسي ادخلها بس للأسف مدخلتهاش برده
وااااااااااااااااااء

[هبهوبة المحبوبة]

أنا نفسي أدخل ........

مهندسة ديكور .....بصراحة مش عارفة ...*8*8*8*8*8*8*

[zikas]

علي فكره ىا هبهوبه أحنا كلامنا نفسك تطلعي غيه مش تدخلي غيه ههههههههههههههههههههههههههههههههههههههههههههه هههه
ويا ريت اللي يقول يقول ليه


رفعت

[ha-eing-s]

*أنا كان نفسي أكون دكتوره إما في الطب البشري أوالألسنان أو الصيدله وبعد ما حصلت على نسبه عالية كان باقي على 100% نسبة واحده فقط ما دخلت لا البشري ولا الأسنان ولا الصيدله لأن مكتب التنسيق المصري قال اللي حصل على ثانويه سعوديه عشان يدخل الأقسام ديه لازم يكون حاصل على اكثر من 99,50% إيه رأيكم في الكلم ده طبعا التنسيق ده خاص بالبنات أما الأولاد لهم تنسيق أخريعني الولد اللي حاصل على 98,80% ممكن يدخل صيدله شفتوا وللأسف دخلت كلية الهندسه اللي بكرها طول عمري طبعا أنا ما سكت سبت البلد ورجعت السعوديه بعد ما حصلت على نسبه عاليه في الثانويه العامه.........*9*

[هبهوبة المحبوبة]

طب أنا برحب بيكي في موضوعي يا ha-eing-s بصراحة ربنا يكون في عونك أصدي لما يكون الواحد ناوي على حاجة ومتحصلش بيتعقد مش كده .....

[آخر العنقود]

انا كان نفسى اطلع سباح ولكن لكى احمى جميع وطنى انا حاليا نفسى اطلع ضابط

[بنوتة مصرية]

يعيني عليكي يا بنوته يا مصريه
انا برده كان نفسي ادخلها بس للأسف مدخلتهاش برده
وااااااااااااااااااء


يا ZIKASأنا لسة في أولي ثانوي وفيه أمل إني ادخلها إن شاء الله:y1:

[abdo_1st]

انا نفسي اطلع مهندس بترول أو مهندس ميكانيكا