سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : فكى قيودك واحلمى

د. حورية البدرى
16-08-2002, 08:38 PM
حلم وخيال
أو احتمال
لكن بيقدر ينطلق فوق الزحام
يرسم على البردى النقوش الملهمه 00
مصرى أنا
وانتى أنا
منقوش كلامى بالغنا فوق سكّتك
سابق خطايا ناحيتك
سامعك بقلبى بتقوليه من كام سنه 00
باحلم ، وايه يمنعنى أحلم لو أريد
لو ينطفى حلمى أقيد من غنوتى أحلام جديده تضمنا
والصوم عن الأحلام حرام فى شرعنا
مش راح نغيّر جلدنا
مش راح نلوّن وشنا
أو نخفى أحلامنا بمسخ الأقنعه
فيه ناس تقول " الماسك " يطرد الشيطان ويخوّفه
لكنى باأقدر أطرده لو أكشفه 00
مصرى أنا / من طبعى أصدق فى الكلام
وانتى أنا / منقوش على قلبك كلامى وغنوتى
غنى معايا كلمتى
غنى معايا غنوتك
رافع جبينى ناحيتك
بانقش على البردى حلاوة بسمتك
لكنها متردده
بيهزها زيف القلوب
ضعف النفوس يمطر كروب
خايف عليكى منّها
ح اغزل كلامى فوق كتافك شال محبه سندسى
مصرى أنا / صادق غنايا والكلام
وانتى أنا / خايف عليكى منّهم
لو انهم تكبر مخالبهم ويصغر حجمهم 00
لكن باأقول لك ماتخافيش
ح اعند مع الضلمه واعيش
واهزم جبال الزيف بسيف صدق الكلام
تتحرر الأحلام ؛ نطير فوق الهرم
00000000000
مصرى أنا
وانتى أنا
فكى قيودك واحلمى
أو عودى للحلم القديم
ده الصوم عن الأحلام ندم
الصوم عن الأحلام عدم 00

------------------ د0 حورية البدرى
ابن مصر
16-08-2002, 08:52 PM
بسم اللة الرحمن الرحيم

مش عارف ابتداء ازاي


اولا اهلاا بك مرحبا عضوء جديدمعنا

ثانيا - كلا م عظيم وبداية حقيقي
ممتازة - بارك فيك اللة

اختنا- -horeyat

مصري ك
د. حورية البدرى
16-08-2002, 10:07 PM
الأخ الفاضل / مصرى كندى

أشكرك للترحيب والكرم المصرى 00

وتحية لجمال القصيدة المرفقة 00

ومع الشعر نلتقى باذن الله

---------- د0 حورية
ابن البلد
17-08-2002, 01:15 PM
يا جماعة عايز أقول أني مبسوط جدا بوجودكم كلكم بالمنتدي وبكتابتكم جميعا
و الله أنتم فعلا نورتم المنتدي والمنتدي من غيركم لا يساوي شيء

و جعلتوا لعملي بالمنتدي هذا قيمة
بارك الله فيكم جميعا
د. حورية البدرى
17-08-2002, 09:54 PM
أخى ابن البلد
أشكرك 00
ثم 00 كيف لايكون لعملك معنى وأنت ابن صنّاع الحضارة !

أشكرك 00وأنت نفسك صانع حضارة بعملك هذا باذن الله 00
ابن البلد
25-08-2002, 12:36 PM
ربنا يخليكي دكتورة حريه هذا فقط من زوقكك :100:
ابن مصر
02-09-2002, 01:38 PM
كلنا اولاد مصر
اذا كلنا اولاد حلال
جدعان بلدي اهل كرم
واللة مصر عرفت تربي اولادها
كل كلامكم في
ذوق+اخلاق+طيبا+
كرم+ حساسية في الكلام
اشياء اخرة كتيررررررررررر
احيانا تكسب واخري تخسر
معكم الان انا كسبنا

كسبنكمممممممممممممممممم
اخواتي في اللة وما اجمل هذا
ما ميشششششششششششش
اخوكم عماد الدين
د. حورية البدرى
02-09-2002, 02:07 PM
ولك طلّه كما الأفراح
وتعرف أد ايه باحسد أنا نفسى
على الصحبه
وطيبة قلبكوا الغالبه
تنسينى جراح الشوك وأحزانى
وألقى الهم ينسانى
وكان دايما مابيسيبنيش
بيتبدد فى طلتكم
ويبعد لما صحبتكم
تطل كشمس يوم فرحان:7:
ابن مصر
02-09-2002, 03:14 PM
اللة اللة اللة
اية دة - هو انا حا قدرعلي دة
للعلمك انا طباعة تقربيا
كل مقاللتك لانني احب القراء جدا
واحنا في انتظار قصئدئك الجيلة
ويا سلام لو كانوا زاي مسلسل
الواحد يستننا من وقت لوقت






انا حتقولي طماع

غسبعني:D
د. حورية البدرى
02-09-2002, 03:26 PM
ماتستناش

لأنى مش ح اغيب 00

دايما ح اكون وياك 00
ابن مصر
02-09-2002, 04:05 PM
علي راي فريد
وياك وياك المنتدي
عظيم وجميل وياك
عاجز عن الشكر
د. حورية البدرى
02-09-2002, 04:24 PM
وان راح منّك ياعين 0000 ح يروح من قلبى فين

بالصوت المصرى الجميل : شادية

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث