ما هو رأى الشباب فى هذا الكلام؟؟؟؟ [الأرشيف]

سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث

مشاهدة النسخة كاملة : ما هو رأى الشباب فى هذا الكلام؟؟؟؟

سـلـوى

29-09-2005, 06:22 PM

اولا احب اهنئ مرة اخرى بهذة القاعة الجميلة
و ان شاء الله تكون من القاعات الهامة

و القاعة من اسمها طلائع المستقبل
و الشباب هم المستقبل و من هنا جاء موضوعى هذا

كتير بسمع و اكيد الكل برضو ان شباب هذا الزمن و الفترة دى خاصة
شباب مدلع و هايف
كل ما يشغلة ان كان شاب او فتاة هى المنظرة و ان يعجب كل منهما الاخر
و متابعة الامور التافهة

و غير قادر على تحمل المسؤلية
و لا يسعى جيدا للبحث عن مجال للعمل

و من النقاط الهامة التى لفتت نظرى القول بان شباب اليوم لا يسعى إلا الى العمل المريح
و المناسب لوضعة الاجتماعى و العلمى فقط

لا يسعى الى انة يشغل نفسة فى وقت الفراغ خاصة
بأى امور و لو حتى هواية

و نادر او قلة من هم جادين و زى ما بيقولوا رجالة بمعنى الكلمة

و لو كان فية حد متدين بيكون متزمد او متدين روحيا و لكن لا يعمل جيدا

ــــــــــــــــــــــــــــــــــــــــــــــــــ ـــــــــــــ

هل أنتم شايفن كدة صحيح؟؟؟؟؟؟

و أية سبب هذة النظرة؟؟

و لو كانت صحيحة فهل العيب من التربية فقط؟؟
و دور الشاب مع نفسة و الاصدقاء؟؟

هنتظرك إجاباتكم

:) باشمهندسة عسولة

osha

29-09-2005, 10:33 PM

بسمة أمل

01-10-2005, 03:41 PM

سـلـوى

02-10-2005, 05:10 PM

اهلا بيكي يا سلوى قبل كل شئ ومنورة دايما ان شاء الله
بالنسبةلكلامك انا اعتقد ان كتير من الشباب اللي بيتقال عليهم الكلام دا بيكونوا مفتقدين للهدف أومفتقدين للنموذج اللي لازم يحتذوا به

افتقاد الهدف شئ خطير جدا لان لو الواحد عنده هدف وعاوز يحققه دا حيكون دافع ليه انه ينمي كل الاستعدادات اللي عنده لغاية لما تبقى قدرات يقدر يحقق بيها هدفه ويوصل ليه
ولعلمك في السكة كمان حيقدر انه يحقق ذاته من خلال النجاحات المختلفة اللي حيحققها واللي حتكون حافز ليه انه ينجز اكتر واكتر

افتقاد النموذج لان كتير من الناس اللي مفروض انهم قدوة للشباب دا للأسف مش بيكونوا قدوة حسنة
زي الأم مثلا اللي تلبس خليع وتدخن امام طفلتها وبعدين ترجع تعيط لما بنتها تسلك سلوك غير قويم

اتمنى اني اكون اجبتك بقدر المستطاع واهلا بيكي مرة ثانية

ربنا يخليكى يا رشا
اسعدنى تواجدك
و مرة اخرى الف مبروك على الاشراف *3* *3*

و انتى اشرتى الى نقطتين هامين جداااااااااا

اولهم الهدف: لان الانسان عندما يضع امامة هدف محدد بيسعى علية و يسعى الى ان يكون عندة قوة و شجاعة للوصول الية

ثانيا النموذج الجيد: و للاسف اصبح الان هذا النموذج هم الفنانين و ما شابة
و دة غلط جدااااا
و خاصة كما قلتى عندما يجدوا والدهم ووالدتهم غير كفء و لا يحيطونهم برعايتهم و مراقبتهم
او يكونوا هم نفسهم مش كويسين

بارك الله فيكى و قدرك على اضرائة

و يا بر تشوفى الوادك حاجة عظيمة خلقا و علما

سـلـوى

02-10-2005, 05:14 PM

بسم الله الرحمن الرحيم
موضوع مهم يا سلوى وخصوصا فى هذه القاعة
انا رأيى اننا نبص هل الكلام دة حقيقى وبنسبة كام انا صراحة شايفة انه بنسبة 80 %
وبيرجع اولا للاهل اما الاهل ما ربوش كويس يعنى مثلا البنت اللى بتلبس وحش اما مامتها بتلبس كدة او ما متها مش اخدة بالها منها اصلا
او يكون الاهل ما حطوش حدود لاولادهم من ناحية المجتمع يعنى فى اهالى يقولوا احنا مالناش سبب دة المجتمع
مع ان هم السبب لان مش كل حاجة يشوفها الانسان يقلدها لكن فى حدود دينية واخلاقية
لو قولنا برضةالاعلام فعلا الاعلام مصايبه كتيرة لكن برضة لو كل واحد عنده وقاية ضد امراض الاعلام والمجتمع مفيش فيروس من فيروساتهم هيأثر فيه ... والوقاية دى بالتربية على الاخلاق الاسلامية والسنة النبوية
انا عن نفسى بقيت بحس ان اغلب الشباب والبنات هايف وانا طبعا من الجيل دة بس برضة فى نماذج تشرف وكويسة جدا بس قليلة اوىىى
يلا نبدأ بنفسنا علشان ما يطلعش ولادنا والجيل اللى بعدينا زى جيلنا
وشكرا يا سلوى على الموضوع المميز*8*

اختى الحبيبة بسمة
اسعدنى تواجدك جدااااااااا كالعادة
ربنا يخليكى يا رب
و كلامك جميل
و التربية ليها عامل كبير جداااااااااااا حقيقى

بس برضو لازم يكون للفرد عامل و تاثير على نفسة
بدليل ان هناك كتير بيكون اهلم كويسين و لكنة انجرف نحو الخطا
و دة بيكون ناتج من ضعف داخلة و احيانا بل غالبا الصحبة

و علشان كدة انا سالت دور الصداقة
فلها عامل كبيرررررررررررر

و زى ما قلتى ان لازم نبدأ بنفسنا و نركز فى تربية اولادنا علشان يطلعوا احسن مننا

بارك فيكى و قدرك على اضرائة
خالص حبى و احترامى

Bloody Tears

05-10-2005, 08:30 PM

انه حقا ملاحظ الكلام ده بس في كتير جادين
منهم اصدقاء لي وانا :) ههههههههههه
عموما انا كنت شغال الصيف الي فات وناوي كل صيف وكل اجازه باذن الله
وموضوعك شيق جدا وفيه كلام كتير اوووووووووووووووووييييييييييي
:)
yours

سـلـوى

06-10-2005, 10:40 AM

اكيد فية ناس جاديبن
لانزى ما فية الكويس فية الوحش
و ممكن يكون الكويسين اكتر من الغير جادين
و لكنهم غير ظاهرين

شكرا لمرورك و تعليقك
حفظك الله

دكتور مهندس جمال الشربينى

17-10-2005, 03:01 PM

إبنتى العزيزة باشمهندسة عسولة

أنهيت موضوعك بالأسئلة الآتية:

هل أنتم شايفن كدة صحيح؟؟؟؟؟؟
و أية سبب هذة النظرة؟؟
و لو كانت صحيحة فهل العيب من التربية فقط؟؟
و دور الشاب مع نفسة و الاصدقاء؟؟
هنتظرك إجاباتكم

تسمحى لى يا باشمهندسة أن أشارك فى موضوعك رغم أن سنى تجاوزالـ63 عاما بعدة أيام فقط و لكننى بدأت الكتابة متفرغا منذ سنتان فقط لذا قلمى يكاد يحبو فى سنواته الأولى..

أبدأ الموضوع بتذكيرك بحكاية التفاحة الفاسدة الموضوعة فى سلة تفاح سليم...الفساد سينتقل من تلك التفاحة الفاسدة إلى كل التفاح السليم و فى النهاية خسارتك لكل التفاح الموضوع فى السلة أليس كذلك؟!...لو كنا من البداية لاحظنا وراقبنا سلة التفاح كنا لاحظنا تلف و فساد تلك التفاحة و من ثم إبعادها عن سلة التفاح و بذلك نحافظ على بقية التفاح أليس كذلك؟!... التفاحة الفاسدة ماذا كان يحيط بها من كل جانب؟...التفاح السليم و الفساد أنتقل من تفاحة واحدة فقط إلى كل التفاح تدريجيا...هذا الفساد من جانب تفاحة واحدة أفسدت الكل أو المجموع...هناك جانب آخر لفساد كل التفاح بدون وجود تلك التفاحة الفاسدة ألا و هو أن نضع سلة التفاح فى مكان (بيئة) رطب و حار فيه سيفسد كل التفاح فى مدة زمنية بسيطة أليس كذلك؟!...نفس الوضع ينطبق على الأسرة و التى هى أصغر خلية فى المجتمع و فى الأسرة نفسها تجدى الفرد هو أصغر خلايا الأسرة...مهما حاولت و أجتهدت الأسرة فى أن تكون صالحة و كل أفرادها صالحين ما الفائدة إذا لم يتزامن مع ذلك صلاح البيئة حول الأسرة و البيئة هنا تصاعدية إبتدءا من البيت ثم الشارع ثم المدرسة ثم الحى ثم مكان العمل ثم المدينة ثم الحكومة وصولا للحاكم نفسه على قمة كل خلايا المجتمع...إذا حدث غير ذلك فصلاح الأسرة و أفراد الأسرة فقط لن يدوم طويلا طالما البيئة المحيطة فاسدة و تلك آلية عطب و فساد كل التفاح بسبب عدم ملائمة و فساد البيئة...و بيقولوا "يد واحدة لا تصفق" أليس كذلك؟!...و صدق الذى قال "إن صلاح الراعي يكون بصلاح الرعية وإن صلاح الرعية يكون بصلاح الراعي فكل منهما إذا لم يصلح لم يصلح الآخر وإذا صلح أحدهما صلح الآخر"...و أحدهما الأخيرة تعود بكل تأكيد على الطرف "الأقوى" و "المؤثر" فى المعادلة ألا و هو الراعى (الرئيس و الحكومة بجميع مؤسساتها و أجهزتها و إعلامها)...الراعى هنا هو البيئة الصالحة التى تلملم و تحيط بكل الأسر فى المجتمع بالثواب و العقاب و بالمثل العليا و القدوة ...أما إذا حدث العكس و هو ما حادث فعليا فى مصر منذ سنوات طويلة تزيد على سنوات عمرك فقولى على شبابنا السلام مهما بذلت كل أسرة جهدها لتكون صالحة فكأنما هى تنفخ فى قربة مقطوعة و فى قول آخر كأنما هى تؤذن فى مالطة!...

و لكن ما زال هناك بصيص من الأمل فى المستقبل القريب من هنا حتى الإنتخابات الرئاسية القادمة فى 2011 أو حتى 2017 ببزوغ من يكون قدوة صالحة لحكم و قيادة مصر و لإحداث تغيير شامل قبل الأنهيار الأكبر لجيلكم و الذى سيكون سببه طول مدة الحكم الشمولى منذ يوليو 1952 حتى يومنا هذا!

دكتور مهندس جمال الشربينى

الحزب الأخضر الإشتراطى

(تحت التأسيس)

لا تتردد وسارع بالإنضمام للمؤسسين للحزب لصنع مستقبل نظيف وإشتراطى لمصر

gmsherbini@msn.com (gmsherbini@msn.com)

سـلـوى

17-10-2005, 08:42 PM

والدى و استاذى القدير جدا جمال الشربينى

كلام حضرتك سليم جدا

لان صعب جدا ان ننهض بالامة و يحيط بها من كل جانب حكام فاسدين
بدليل ان كل شئ كويس للاسف بيدمروة باى شكل

و كأن كل ما يسعون الية ان يحطموا كل ما هو جميل او ممكن ان يساعد على تقدم او وعى الشعب

بس دة مش يمنع ابدا اننا نسعى الى ان نربى ابنائنا و اجيالنا جيدا و ان نكون احسن من كدة
لسبب واحد

اننا نتعلم ازاى ناخد حقنا و مش نجعل الفاسدين من يتحكموا فينا

اكيد حضرتك فاهم قصدى

و زى ما بيقولوا نأخد اللقمة من فم الاسد

و يا رب ياتى اليوم و نحقق ما نريد و لو بعد حين

خالص تقديرى و احترامى
و شكرى الشديد
و مرور حضرتك شرف لى بجد

badry_1986

18-10-2005, 03:15 AM

السلام عليكم ورحمه الله وبركاته *6*
فى البدايه احيكى يا سلوى على دماغك العاليه اللى خلتك تبصى للموضوع ده
احب اوضح من وجهه نظرى الشخصيه ليه موضوع ده منتشر فى النقطه الاولى وازاى الحل فى النقطه التانيه
النقطه الاولى:الموضوع ده انتشر اولا: بسبب الاعلام وغياب الوعى فى التحكم فى البرامج الاجنبيه الموجهه للشعب
ثانيا: نظره الاهل انى الجيل الجديد ليه دماغ جديده وظروف جديده وعلشان كده يسبونا نعمل اللى نعمله علشان منتهمهمش بالرجعيه او عدم التحضر.
والسبب الاول والتانى كان سبب فى وجودهم غياب التربيه الاسلاميه الصحيحه & وعدم الاخد بالقراءن الكريم والسنه النبويه فى كل افعالنا
ومفيش حاجه فى الدنيا الا وحلها فى القراءن الكريم ولو كانوا خدوا بالاسلام المسئولين على الاعلام مكنش هيدخلنا اعلام هادم اثر على اعلامنا واهدر صوره الحق واظهار الباطل على انه هو الحق & وخلى النموزج للشاب المثالى هو الشاب اللى بيكلم البنات وبيلبس على الموضه وبيعرف يغنى اجنبى وحافظ اسامى الماشهير الغرب واسمه ميدو ههههههههههه (اللهم احفظنا)*7*
ومتهيقلى انى من الاسباب اتضح الحل
الا وهو الرجوع الا الاسلام فى كل شئ
الا سلام هو الحل يا جماعه
وهنا احب اعلق على كلامك يا سلوى انتى كنتى بتقولى اللى بيدتين بيتزمد لا ده مش تدين لاتنى الدين مش تزمد
الدين رساله والمفروض انى كل انسان يؤديها بالشكل اللى هيكون فى النهايه نتيجته فى صالح الامه الاسلاميه بخير
يبقى المفروض انى ادعى للهدى بالعقل واقرب اللى حولين منى لي ولا ايه
ويا رب الاقى كل الشباب فهموا الموضوع ويعرفوا هم عاوزين ايه من الحياه
ويعرفوا هم هيوصلولوا ازاى
ويبدائو باول خطوه علشان ربنا يساعدهم*15*
وعلى العموم اتمنى انى مكنش طولت عليكم
ولا اله الا الله ...............................................

سـلـوى

20-10-2005, 03:20 PM

ومتهيقلى انى من الاسباب اتضح الحل
الا وهو الرجوع الا الاسلام فى كل شئ
الا سلام هو الحل يا جماعه
وهنا احب اعلق على كلامك يا سلوى انتى كنتى بتقولى اللى بيدتين بيتزمد لا ده مش تدين لاتنى الدين مش تزمد
الدين رساله والمفروض انى كل انسان يؤديها بالشكل اللى هيكون فى النهايه نتيجته فى صالح الامه الاسلاميه بخير
يبقى المفروض انى ادعى للهدى بالعقل واقرب اللى حولين منى لي ولا ايه
ويا رب الاقى كل الشباب فهموا الموضوع ويعرفوا هم عاوزين ايه من الحياه
ويعرفوا هم هيوصلولوا ازاى
ويبدائو باول خطوه علشان ربنا يساعدهم*15*
وعلى العموم اتمنى انى مكنش طولت عليكم
ولا اله الا الله ...............................................

اولا شكرا لمرورك
و كلامك سليم
و انت قلت الاساس و هو التربية السليمة اللى بيبكون فيها و تجمل الهدف و القدوة

بس للاسف مش سهل ان تجد بيت بيربى اولادة و يعلمهم منذ الصغر الدين و القيم الجيدة

و انت مش طولت عادى

و اشكرك جدا على اضافتك الرائعة

بارك الله فيك
و رفعك الى اعلى درجاتة

badry_1986

22-10-2005, 03:46 PM

مرسى على زوقك العالى يا بشمهندسه يا عسوله فى ردودك وادام الله نضج عقلك

سـلـوى

24-10-2005, 11:29 AM

ربنا يخليك يا رب
الشكر ليك و لعوددتك بالرد الكريم
و تقبل الله دعائك و لنا جميعا

خالص شكرى و احترامى

رفعت أسماعيل

17-11-2005, 03:53 PM

صو يا جماعغه هحطلكم موضوع أسمه شباب عاوز الحرق قرأته علي موقع أخر بس هيعجبكو
بيتكلم في الموضوع ده
يالا باي
استنو الموضوع
التوقيع
رفعت

سـلـوى

17-11-2005, 05:36 PM

اهلا بك يا استاذ رفعت

و فى انتظار الموضوع بأذن الله

رفعت أسماعيل

17-11-2005, 05:40 PM

استاذ رفعت ؟؟؟؟؟؟؟؟؟؟؟؟؟ هههههههههههه اسمها عمو رفعت يا وحشه
يا بنتي أنا قدك بالظبط
مش عارف ايه السن اللي مكتوب ده هغيره حاضر
يالا بااااااااااااي
التوقيع
رفعت اسماعيل

سـلـوى

18-11-2005, 01:01 AM

انا اسفة
حصل خير

badry_1986

18-11-2005, 03:24 PM

خير حصل *5*

سـلـوى

19-11-2005, 01:09 AM

اممممممممممم

اين هو الرابط؟

badry_1986

19-11-2005, 02:13 PM

رابط ؟؟؟؟؟؟؟
يمكن مربوط *5*

رفعت أسماعيل

19-11-2005, 08:54 PM

رفعت أسماعيل يحدثكم ( الظاهر هيتنه يحدثكم لحد ميموت ولا أيه )
المهم
أناحطيت الموضوع اللي قولت عليه
أي خدمه
طبعا انا شايف انه موضوع أكثر من رائع لأن اللي كاتبه رجل عبقري هو أحمد خالد توفيق
ان شاء الله يعجبكو
واقروه عشان فيه نظره منصفه فعلا
كان معكم
هو هو متغيرش

سـلـوى

21-11-2005, 11:44 AM

شكرا لك يا رفعت

تقبل تحيتى

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث