أرجو الدخول لأمر هام خاصة المشرف العام ......

[Mr.HuLkInHo]

من تجولي في المنتدى و جدت الكثييير من العيوب :


1- عدم الإهتمام بالمنتدى من حيث الإستيل و الكراكات و غيرها من الأشياء

2- إغلاف بعض المنتديات و هذا قد يضر بكم وينفر الكثييير من الأعضاء

3- أختفاء الكثيييييير من المنتديات المهمة

فأرجو الإهتمام بالموقع أو تسليمه لشركة متخصصة لأن هذا الموقع يحمل أسم دولة كلنا و لدنا فيها و نحبها حبا يملأ بحور فيجب أن يليق المنتدى بالإسم الذي تحمله


هذا رأيي و إذا كان هناك أحد يؤيدني فارجو دخوله ........


وشكرا

مع تحياتي

( شخص خائف على المنتدى و الإسم الذي يحمله )



(Mr.HuLkInHo )

[بسمة أمل]

بسم الله الرحمن الرحيم
ياريت حضرتك لو همك تطوير المنتدى تقول ايه المنتديات اللى مهملة وايه المنتديات المختفية كما تقول سيادتك
وصراحة انا لا أويدك فى اى مما قلته فبالنسبة للاستايلات فلا اجد منتدى به هذا الاهتمام بالاستيلات واضافة كل جديد والتطوير المستمر اما بالنسبة للمنتديات فانا ارى الشكل الحالى متكامل ولا نفتقد اى قسم فاى موضوع تجد له قسم مناسب لوضعه فيه
اخى الفاضل لو كان هدفك النصيحة فلها اسلوبها كما يجب عليك توضيح نصيحتك
السلام عليكم

[ابن البلد]

في البداية أشكر بسمة :f:


الأخ الكريم مشكور علي النصائح وإن شاء الله سنحاول جاهدين أن نجعل الموقع علي أعلي مستوى
وبالسبه للإستايلات بالفعل يوجد عدد لا بأس به من الإستايلات والتي تتغير علي حسب المناسبات التي تكون موجوده

لك مني كل التحية والتقدير

[عاشقة السراب]

الأخ الكريم...

اظن من وجهة نظري التي اظن ان العديد من الأعضاء قد يوافقونني عليها،ان المنتدى مميز بالتأكيد على ساحة المنتديات العربي،ولا شك ايضا ان السادة المشرفين والمراقبين وكذلك الأعضاء يبذلون جهدا خيرا للمحافظة على المنتدى.
ربما يكون هناك بعض الأخطاء التي نتجت رغم انف الجميع،ولكن نرجو ان يتم توضيح هذه الأخطاء ليتم تلافيها.
ودمت بخير

[saladino]

مش فاهم بعض النقاط فى طلب الاخ الفاضل
برجاء التوضيح اكثر
شكرا لك اخى على الاهتمام

[Mr.HuLkInHo]

آنسة بسمة أمل

أشكرك على المرور ولكن أنا إذا كنت أنصح فلدي أسلوبي سواء كان هذا أو غيره ......

1 - ( منتديات غير موجودة )
هذه ليست نصيحة هذا طلب لإعادة الإهتمام أكثر بالمنتدى لأتك لو جربت تدخلي على أي منتدى ( لا أريد ذكر أسماء حتى لا تكون دعاية ) سوف تجدين أقسام كثيييير ة رائعة و منها( منتدى الهاكات - الهكرز - الإستيلات ) و أيضا تخصيص منتديات فرعية داخل المنتدى الرئيسي على سبيل المثال (الرياضي يكون به مصارعة و سيارات و كرة قدم ..........) منتدى الموبايل تخصيص ( صوت - جميز موبيل ...) حتى يسهل عملية البحث .

2- ( منتديات مهملة )
مان لدي عدة أفلام رائعة و لما دخلت و أردت إضافتها لقيت قاعة راديو وتلفزيون أء مصر مغلق عن المشاركة .....

هذا هو ردي عليك أيها الأخت الفاضلة .

أما بالنسبة للأخ ابن البلد المشرف العام فشكرا لك على المرور
1 - ( الهاكات )
طريقة إضافة موضوع أو رد على هذه هي الطريقة المعتمدة وأين هي الهاكات ( سؤال خارجي أنت مركب كام هاك على المنتدى بأمانة ؟؟؟) ثلاث إلى ستة هاكات بالكثييير يوجد هاكات موجودة حاليا تزيد من المشاركات وتحسن وضع المنتدى و لو لم تجدها أخبرني وأنا أحضرها لك ......

2- ( الإستيل )

الإستيل هو عنوان المنتدى و بشكله قد يشارك البعض و قد يهرب البعض المنتديات من غير ستيل جميييل لا تكون منتديات و اسمحلي يعني استيل المنتدى ده ( لا يليق باسمه أو ببعض المشاركين فيه أو بالمواضيع المطروحة فيه ) و أنا أقسم بالله لا أقصد الإهانة لك أو لغيرك و لكني يهمني أمر هذا المنتدى لأني أعتبره ملك عام ( ملك مصر و واجهتها للعالم الخارجي )

والإستيلات كثيييير و مليانة و يجد استيلات تليق بمصر من وجهة نظري المتواضعة تليق على هذا المنتدى أكثر من غيرها ....


أما بالنسبة للأخت عاشقة السراب فاشكرها على المرور و أوضح لها :

أن كل ابن آدم خطاء و خير الخطائون التوابون وهذا هو المغزى المراد أخطأنا في حقوق المنتدى فلماذا لا نصلحها طالما ندري أين الخطأ

أما بالنسبة للأخ saladino المشكور على المرور فأرجو قراءة هذه المشاركة وسوف يفهم

وشكرا على استحمالكم لي وارجو ان لا اكون قد اطلت عليكم و ارجو مسامحتيب في حال اخطأت لاني لست معصوم من الخطا خاصة الانسة بسمة امل *13*

[ابن البلد]

أشكرك أخي الكريم
بخصوص الهاكات نحن نحاول جاهدين أن نقدم ما نستطيع الاعتماد عليه والذي لا يأثر علي بطيء التصفح أو مليء الصفحات بمعلومات تزيد عن حاجه العضو

بالنسبه للإستاايلات لو وضعنا كل إستايلات العالم الموجوده لن توافق جميع الأذواق

ولهذا فهذا الموقع هكذا هو بحلوه بمره من يريدنا علي حالنا أهلا به ومن لا يريدنا فنشكره علي تشريفنا
كل الشكر لك أخير الكريم

[مظلوووم]

المنتدى كدا ميت فل واربعتاشر
بل وخمستاشر كمان ههههههههههههههههههههههههه
االلى بعدوووووووووووووا
انوووووووووووبيس

[mad boy]

عاوز افهم حاجه ازاى يكون منتدى مصرى وعنوان لمصر وتوجد به منتديات مثل (منتدى الهاكات - الهكرز)

شكرا يا عضونا الكريم على محاوله افادتنا ولكن المنتدى فى غايه الجوده واحسن من الكثير من المنتديات الاخرى

[القلب الحنون]

انا واللهى ياجماعه ما عارف اقول لكم اية
انا بصراحه مش شايفه حاجة وحشة في المنتدى
بالعكس المنتدى جميل جدا وانا فخورة بيه
وفخورة اكتر باللى عرفنى علية
وبشكره قوى انو عرفنى بالمنتدى دة
وبوجه له الشكر وهو
بحر الاسكندرية
*8*

[zizo2000]

فى الحقيقة يا جماعة المنتدى مش وحش هو كويس
يمكن الاخ HuLkInHo قصده ان المنتدى يحاول يغير شوية من الاستيلات
او ان المنتدى يزود المنتديات عشان تبقى عملية البحث اسهل شوية
مفيش مشاكل ده شى طبيعى لان الكمبيوتر معروف انه مالهوش كبير اكيد فيه احسن
مادام الهدف كويس وفى صالح المنتدى ايه يعنى لو يتطور احسن واحسن
انما نقول هو كده وخلاص لا مينفعش لا طبعا وانا شايف ان الرد الاخير لابن البلد (المشرف العام)
(الموقع هكذا هو بحلوه بمره من يريدنا علي حالنا أهلا به ومن لا يريدنا فنشكره علي تشريفنا )
مش لذيذ لان معناه عجبك عجبك مش عجبك بالسلامة وانا اعتقد ان ده مش قصده والا ايه؟؟؟؟؟؟؟؟

[ابن البلد]

فى الحقيقة يا جماعة المنتدى مش وحش هو كويس
يمكن الاخ HuLkInHo قصده ان المنتدى يحاول يغير شوية من الاستيلات
او ان المنتدى يزود المنتديات عشان تبقى عملية البحث اسهل شوية
مفيش مشاكل ده شى طبيعى لان الكمبيوتر معروف انه مالهوش كبير اكيد فيه احسن
مادام الهدف كويس وفى صالح المنتدى ايه يعنى لو يتطور احسن واحسن
انما نقول هو كده وخلاص لا مينفعش لا طبعا وانا شايف ان الرد الاخير لابن البلد (المشرف العام)
(الموقع هكذا هو بحلوه بمره من يريدنا علي حالنا أهلا به ومن لا يريدنا فنشكره علي تشريفنا )
مش لذيذ لان معناه عجبك عجبك مش عجبك بالسلامة وانا اعتقد ان ده مش قصده والا ايه؟؟؟؟؟؟؟؟
لا أنا أعني الكلمة بحذافيرها
الموقع هكذا علي قدر ما نستطيع أن نقدم
وليس في الإمكان أفضل مما كان
ان كان يرضيك البقاء علي الحال كما هو أهلا بك معانا أن كان لا يرضيك فسعدنا بتشريفك ومقترحاتك:)

[bedo_ic]

طبعا أنت خايف على المنتدى شكرا ليك............

[سموره]

مالقوش في الورد عيب قالو خدودوا حمرا:) :d

[ابن البلد]

انا واللهى ياجماعه ما عارف اقول لكم اية
انا بصراحه مش شايفه حاجة وحشة في المنتدى
بالعكس المنتدى جميل جدا وانا فخورة بيه
وفخورة اكتر باللى عرفنى علية
وبشكره قوى انو عرفنى بالمنتدى دة
وبوجه له الشكر وهو
بحر الاسكندرية
*8*
وأحنا فخورين بتواجدك معانا القلب الحنون

[سمسمة]

أهلا بيك يامستر Mr.HuLkInHo

شكرا على اهتمامك بالمنتدي ، بالنسبة لان بعض المنتديات مش موجودة زي منتدي الافلام او كدة
فالاخ حسام عمر دايما يضع هذه الافلام ولكن مش كتيرة عشان تبقة لها منتدي مخصوص
بمعنى ان اهتمام الاعضاء بوضعها فى المنتدي قليل
يعنى هى اوضاع بتفرض نفسها احيانا ،،،،،
بالنسبة للهاكات هي ممكن تكون قليلة بس هنحتاج ايه اكتر من كدة:d

هات لنا هاكات جديدة ياابن البلد *15*

http://members.lycos.co.uk/smsma20//welcome/welcomesmsma3.gif

[نوسة]

اهلا بيك يا Mr.HuLkInHo
مشكور لمقترحاتك
بس احب اوضح ليك ان المشرف العام يبذل اقصى جهدة للوصول با المنتدى للصورة اللى انت شايفاها وكلنا بنحية عليها وبنشكرة فعلا
المنتدىجميل والاستيل رائع ودة بيتنا الجميل

[zizo2000]

لا أنا أعني الكلمة بحذافيرها
الموقع هكذا علي قدر ما نستطيع أن نقدم
وليس في الإمكان أفضل مما كان
ان كان يرضيك البقاء علي الحال كما هو أهلا بك معانا أن كان لا يرضيك فسعدنا بتشريفك ومقترحاتك:)
واضح انك مش عايز حد يبدى اى راى لو كان ده ضدك او ضد المنتدى.
لازم تعرف يا (ابن البلد) ان مقولة ليس فى الامكان احسن مما كان دى غلط لانها كلمة تعنى الكمال
والكمال لله وحده سبحانه وتعالى كما تعرف.
وفى نفس الوقت مش معنى ان حد يقول رايه فى اى موضوع ويكون الراى ده مخلاف ليك انك تقوله لا بالسلامة فلو حد قال ان المنتدى فى حاجة ناقصاه مش معناه كده انه وحش بالعكس ده واحد زار المنتدى وعجبه و حب يضيف حاجة تانية ليه وده شى كويس ام نقباله ونطلب منه اضافة فعلية (مش اى كلام يقوله وخلاص) او نرفضه ونبرر سبب الرفض بس مش نقوله عجبك عجبك مش عجبك بالسلامة
انا ماكنتش متوقع منك وانت المشرف العام على المنتدى انك تقول كلام زى ده .
كمان انت لو معتقد ان المنتدى كده احسن حاجة على مستوى المنتديات ده للاسف اسمه غرور.
احنا نقول ان المنتدى يرحب بكل الاراء اللى تمثل اضافة بجد للمنتدى.
ممكن المنتدى يكون كويس وممكن فعلا انه يكون الاحسن بس ده مايمنعش انه يتطور ده شى طبيعى كل حاجة فى الدنيا تتغير.
انا مش عايزك تكون مضايق من كلامى زى مانا قولت ان المنتدى عجبنى زى ماهوا بس انا حبيت اقول راى!!!!!!!

[حتة سكرة]

شوف يا Mr.HuLkInHo انا مش شايفة اي مشاكل في منتدانا بل عكس كل الي اعرفهم واشتركو فية مبسوطين جدااا

لأنة منتدى كامل

وياريت تعرض سلبيات المنتدى بوضوح
وشكرا ليك

[عـزالديـن]

كثرة الهاكات الغير ضرورية فى المنتدى تعمل على البطء الشديد فى التعامل مع قاعدة البيانات وهذا قد يزعج البعض بدون داعى

بعض الإستيلات تكون بطيئة فىالتحميل وتصيب المنتدى بالبطء الشديد أثناء التصفح وكلما زادت الزينة والديكور فى الأستايل كان التصفح أكثر بطءاً وهذا سيزعج الكثيرون

يجب ان يكون تفكيرنا فى الأمر عام وليس خاص فالبعض يعانى من البطئ فى سرعة الانترنت فلماذا نزيد من اعبائه بزيادة بطئ المنتدى

قاعة الهاكنج غير مفيدة , قاعدة الاستيلات لها منتديات متخصصة ومتفوقة , تقسيم بعض القاعات قد يحرم العضو الزائر والمتصفح من نيل الفائدة من مواضيع أخرى تحت نفس التخصص ولكن فى قسم آخر وقد يقال انها عملية تنظيمية ونرد ونقول أن التقسيم عملية تنظيمية والمنتدى بالفعل مقسم ولكن المغالاة فى التقسيم ليس فى صالح المنتدى ولا المتصفح للمنتدى

ونقدم الشكر لصاحب الإقتراح ولجميع من شاركوا بالموضوع

مع اطيب تمنياتى بالتوفيق

[ضابط شرطة]

السلام عليكم ورحمة الله وبركاته

اشكر الاخ على اثارة الموضوع

اول شيء المنتدى الحمدلله تمام اوي وزي ما قال مظلوم انه ميت فل وتمنتاشر لا باقوله وتسعتاشر بقى *9* والتطوير اللي بيقول عليه المستر مش للدرجه دي لان الاستايل الموجود بجد بجد ومن غير مجامله رائع جدا ومريح للغاية في الوانه وتصميمه وكل حاجه

ثانيا بالنسبة للقاعات هي كده تمام التمام ده حتىلا الواحد مش بيلحق يلفها كلها في وقت واحد بالرغم من اني باقعد اقل حاجه ساعتين متواصل :) يعني يادوب الواحد يشارك ويكتب وكده يعني وخصوصا ان قاعة زي الهاكينج دي مالهاش ناس هنا والمشاركة فيها هتبقى مش ولابد

وفي الختام نرمي السلام ونقول المنتدى ده احسن من غيره كتيييييييييير

وشكرا جزيللا لابن البلد الكبير *8*
وشكرا ليك يا مان على الموضوع

[osha]

أن كل ابن آدم خطاء و خير الخطائون التوابون وهذا هو المغزى المراد أخطأنا في حقوق المنتدى فلماذا لا نصلحها طالما ندري أين الخطأ

بالنسبة لرأيك في المنتدى - انت حر طبعا فيما تفكر
لكن أنا عن نفسي شايفة انه متميز جدا ومش ناقصه حاجة غير خرزة زرقاء عشان الحسد

أما بقى أنا داخلة ليه
أقولك
أرجوك التدقيق فيما تكتب وكان أولى بك الحرص على قواعد النحو
خير الخطائين التوابون
وليس خير الخطائون - الخطائين هنا مضاف اليه فهي ليست مرفوعة

وتقبل تقديري وكل عام وأنت بخير

[مدحت زيدان]

mr hulkinho
بعض الردود عليك كانت فى غاية الادب والاحترام
ولاتغضب من الردود الاخرى فيبدو ان البعض لم يتعلم لغة الحوار

[مظلوووم]

والله يا استاذ مدحت الناس عاملين اللى عليهم وبزياده
وما اعتقدش ان لغه الحوار متدنيه للدرجه اللى تسمح بالتعليق عليها
الاعضاء فعلا شايفين ان المنتدى ممتاز ومش ناقصه حاجه وكون ان عضو اعتاد على انظمه اخرى فى منتديات تانيه لا تتناسب مع منتدانا او مع امكاناته الحاليه فالاداره مشكوره ردت عليه وشكرته على حرصه على شكل المنتدى وفهمته النظام المتبع هنا وما اعتقدش ان كدا فى غلط او لا يليق
وشكرا