خليك روش وادخل....

[الدكتورة نسيبة]

احمد:اهلا ازيك يا عم هشام اخبارك ايه؟؟؟

هشام:احمد باشا منور يا عسل

احمد :اسكت يا هشام اما شفتلك حتة فلم صاروخ

هشام:حلو يعنى :)

احمد:بقلك صاروخ ...حلو موت يا عم

هشام :هستمتع يعنى *14*

احمد:طحن يا عم وهتدعيلى كمان *15*

هى دى لغة شبابنا الجديدة لا هى فصحى ولا عامية حتى

لا دى لغة الشباب الروش الكووووول

يا ترى ليه بقت دى لغة شبابنا ؟؟؟

ياترى دة بيدل على انه واد روش ومقطع السمكة وديلها كده بالعامية :d ؟؟؟

يا ترى ده نتيجة الاختلاط بناس اسلوبهم كده سواء فى الجامعة او الشارع؟؟؟ *4*

ولا انتوا شايفين حاجة تانية؟؟؟ *11*

بصراحة انا مش هكدب عليكم ساعات كده بتبقى فيه زلات منى *7* واقول يا باشا ويا جامد بس مقلتش طحن وموت قبل كده

اقولكم انا مستنياكم مووووت وبردودكم الجامدة طحن :d *5*

وسلامــــــــــى

[ضابط شرطة]

ياترى دة بيدل على انه واد روش ومقطع السمكة وديلها؟؟ كده بالعامية :d ؟؟؟


هل هذا يدل على أن ذلك الفتى روشٌ طحنٌ ومقطعُ للسمَكةِ وذَيّلِها ؟؟ كذلك بالفصحه:d ؟؟؟





سلام .... ولي رجعه:d

[أحمد ناصر]

أهلا بك يا دكتورة نسيبة
من ضمن الأسباب إن لم يكن من أهمها
أنه فى الماضى كان الكتاب من أدباء وشعراء ومفكرون يقدمون فنا جميلا وأدبا عظيما
وكانت الثقافة منتشرة كثيرا بين طلاب المدارس والجامعات
وللأسف شيئا فشيئا أخذت الثقافة فى الإضمحلال
وأصبحت هناك هوة بين الكتاب والقراء
وربما يكون الكتاب هم الذين يلقى عليهم الجزء الأكبر من اللوم
لذلك إضمحلت ثقافة الكتب والتى كان الكثير من العامة يتناقلون مصطلحاتهم منها
وحل مكانها هذه الكلمات العجيبة والتى أحيانا تصف الشيء بعكسه
وللأسف إنتقلت هذه المصطلحات إلى وسائل الإعلام كالتليفزيون والإذاعة
فنجد المذيع أو المذيعة ينقل مصطلحات الشارع فيدلل على الشيء الجميل بأنه فظيع
أو الشيء البديع بأنه فاجر
ولكن ربما يسهم إنتشار النت فى سد هذه الفجوة ويسد هذه الفجوة
(وأتمنى ألا يزيد من إتساعها)

[الدكتورة نسيبة]

[/color][/size][/b]
هل هذا يدل على أن ذلك الفتى روشٌ طحنٌ ومقطعُ للسمَكةِ وذَيّلِها ؟؟ كذلك بالفصحه:d ؟؟؟





سلام .... ولي رجعه:d

منور يا ظابط وفى انتظارك

وسلامـــــــــــى

[الدكتورة نسيبة]

أهلا بك يا دكتورة نسيبة
من ضمن الأسباب إن لم يكن من أهمها
أنه فى الماضى كان الكتاب من أدباء وشعراء ومفكرون يقدمون فنا جميلا وأدبا عظيما
وكانت الثقافة منتشرة كثيرا بين طلاب المدارس والجامعات
وللأسف شيئا فشيئا أخذت الثقافة فى الإضمحلال
وأصبحت هناك هوة بين الكتاب والقراء
وربما يكون الكتاب هم الذين يلقى عليهم الجزء الأكبر من اللوم
لذلك إضمحلت ثقافة الكتب والتى كان الكثير من العامة يتناقلون مصطلحاتهم منها
وحل مكانها هذه الكلمات العجيبة والتى أحيانا تصف الشيء بعكسه
وللأسف إنتقلت هذه المصطلحات إلى وسائل الإعلام كالتليفزيون والإذاعة
فنجد المذيع أو المذيعة ينقل مصطلحات الشارع فيدلل على الشيء الجميل بأنه فظيع
أو الشيء البديع بأنه فاجر
ولكن ربما يسهم إنتشار النت فى سد هذه الفجوة ويسد هذه الفجوة
(وأتمنى ألا يزيد من إتساعها)


اهلا يا استاذ احمد منورنى

بس يا استاذ احمد صدقنى مش ده السبب لانك اصلا من النادر قوى انك تلاقى شاب من شباب النهاردة ماسك كتاب وبيقراه وحتى لو دخل النت لاما بيدخل عشان يعمل شات لاما بيدخل عشان يعمل بحث مطلوب منه فى الكلية لكن محدش بيدخل يستفيد

دة من رايى

وعموما انا سعيدة بمرورك وتعليقك

وسلامـــــــــــــى

[المحامي]

اهلا دكتورة

صدقيني المفردات المذكروة في موضوعك دة جزء بسيط من المستخدم الان في لغة شبابنا هذه الايام

و لو بحثنا علي الاسباب التي أدت إلي دخول هذه المفردات هتلاقي جزء كبير منها من الافلام الي بتتعرض

في السنيما او في القنوات الفضائية

طبعا لما الشاب في سن صغير يكون مثلة الاعلي احد الممثلين و يلاقية بيقول روش طحن و العربية هاعمل بيها خمسات

وسلام يا مان طبعا بيفتكر الشاب ان هو دة النيو لوك او هي دي الموضة

و ياريت تيجي بقي علي الالفاظ يا دكتورة الي بيحزن تفوتي علي اي كافية تلاقي العربيات راكنة قدامة

شباب و بنات واقفة او قاعدة جوة الكافية لحد الساعة 2 الفجر و الادهي انهم كلهم بيشربوا شيشة

فيعني ما جاتش يا دكتورة علي روش طحن

ربنا يرحمنا و يرحم شبابنا

احترامي و تقديري علي موضوعك

[Amira]

دكتورة نسيبة *6* دي اول مداخلة ليا في موضوعاتك الشيقة

بس موضوع اللغة الدارجة دا موضوع كبير ( أسمحيلي اني اقول عليه لغة دارجة لأن مالوش مسمي غير كدا - علشان لسة مافيش لغة اسمه لغة الروشنة :d )

دا فيه كلام كتيررررررررررررررررررررررررررررررر جدااااااااااااااااااااااااااااااااااااااا دارج
و بصراحة أنا بقوله - ماعرفش انا بقوله ليه
يمكن أكون بجاري البيكلمني و خلاص *7* مش عارفة

بصراحة انا مافكرتش في السبب و شايفة انه لو فيه سبب للكلام الدارج هايبقي راجع للمتحدث بهذا الكلام بمعني أن لو الواحد خد باله من كلامه و ماقالش الكلام دا طبيعي ان ماحدش هايكرره وراه و مش هايتناقل بين الأفراد و ذلك لقله أستخدامه
لأن جرت العادة بيننا اننا بنكرر الكلام البيقال كثيرا أمامنا

أسمحيلي ان يكون ليا عودة مرة أخري و هاجيبلك معايا شوية كلام غريب جداااا بسمعه من زمايلي في الشغل - لأني مش فاكرة منه حاجة دلوقتي صراحة :d - لأن روش و طحن دول بقت كلمات قديمة جدااااا :d بالنسبة للبسمعه
أرجو اني ماكنش أطلت الحديث عليكي - بس بجد سعدت جداااا بمشاركتي في هذا الموضوع و أرجو اني اكون اوضحت وجهة نظري بطريقة صح

لك خالص تحياتي العطرة
:f2: :f2: :f2:
أميـــــــــــــــــــــــــرة

[الدكتورة نسيبة]

اهلا دكتورة

صدقيني المفردات المذكروة في موضوعك دة جزء بسيط من المستخدم الان في لغة شبابنا هذه الايام

و لو بحثنا علي الاسباب التي أدت إلي دخول هذه المفردات هتلاقي جزء كبير منها من الافلام الي بتتعرض

في السنيما او في القنوات الفضائية

طبعا لما الشاب في سن صغير يكون مثلة الاعلي احد الممثلين و يلاقية بيقول روش طحن و العربية هاعمل بيها خمسات

وسلام يا مان طبعا بيفتكر الشاب ان هو دة النيو لوك او هي دي الموضة

و ياريت تيجي بقي علي الالفاظ يا دكتورة الي بيحزن تفوتي علي اي كافية تلاقي العربيات راكنة قدامة

شباب و بنات واقفة او قاعدة جوة الكافية لحد الساعة 2 الفجر و الادهي انهم كلهم بيشربوا شيشة

فيعني ما جاتش يا دكتورة علي روش طحن

ربنا يرحمنا و يرحم شبابنا

احترامي و تقديري علي موضوعك

هههههههههههههههههههههههههههه

على راى حضرتك والله مجتش على روش طحن

متشكرة على المرور والتعليق وامين يارب

وسلامــــــــــــــى

[الدكتورة نسيبة]

دكتورة نسيبة *6* دي اول مداخلة ليا في موضوعاتك الشيقة

بس موضوع اللغة الدارجة دا موضوع كبير ( أسمحيلي اني اقول عليه لغة دارجة لأن مالوش مسمي غير كدا - علشان لسة مافيش لغة اسمه لغة الروشنة :d )

دا فيه كلام كتيررررررررررررررررررررررررررررررر جدااااااااااااااااااااااااااااااااااااااا دارج
و بصراحة أنا بقوله - ماعرفش انا بقوله ليه
يمكن أكون بجاري البيكلمني و خلاص *7* مش عارفة

بصراحة انا مافكرتش في السبب و شايفة انه لو فيه سبب للكلام الدارج هايبقي راجع للمتحدث بهذا الكلام بمعني أن لو الواحد خد باله من كلامه و ماقالش الكلام دا طبيعي ان ماحدش هايكرره وراه و مش هايتناقل بين الأفراد و ذلك لقله أستخدامه
لأن جرت العادة بيننا اننا بنكرر الكلام البيقال كثيرا أمامنا

أسمحيلي ان يكون ليا عودة مرة أخري و هاجيبلك معايا شوية كلام غريب جداااا بسمعه من زمايلي في الشغل - لأني مش فاكرة منه حاجة دلوقتي صراحة :d - لأن روش و طحن دول بقت كلمات قديمة جدااااا :d بالنسبة للبسمعه
أرجو اني ماكنش أطلت الحديث عليكي - بس بجد سعدت جداااا بمشاركتي في هذا الموضوع و أرجو اني اكون اوضحت وجهة نظري بطريقة صح

لك خالص تحياتي العطرة
:f2: :f2: :f2:
أميـــــــــــــــــــــــــرة

يا اميرة انتى منورانى وان شاء الله متكونش الاخيرة وانا سعيدة يا جميل بتشريفك ليا

والله ممكن فعلا يكون نتيجة اللى قدامنا وانا ساعات برضه زيك *7*

وانا يا جميل مستنياكى تانى عشان تجيبلى مصطلحات تانية اصل دول اخر حاجة وصلتلى واعرفها :d

ويا جميل انا اللى سعدت اكتر بمشاركتك وانتى لا طولتى ولا حاجة بالعكس انتى نورتينى وعايزة اشوفك على طول

وسلامــــــــــــــى

[د.بلال]

السلام عليكم..

والله يا شباب انا مش شايف فيها مشاكل خالص .. لكل جيل لغته وخصوصياته
زي زمان ما كانو بيقولو على الجنيه "لحلوح" و عن البنوتة الأمورة " الجو "
احنا كمان لينا لغتنا .. مش هي دي المشكلة
المشكلة الحقيقية ان اللغة دي بدأت تاكل لغتنا الاصلية .. يعني بدأنا ننسى العربي و بقا لغة كلها طلاسم و غير مفهومة
الخلاصة - في رأيي طبعا - :
مش مشكلة ابدا يكون للواحد لغة خاصة بيه بس المشكلة ان اللغة دي تطغى عليه وتنسيه لغته الاصلية !
بس خلاص

[Hesham Nassar]

إنتى بتتصنتي عليا يا و للا إيه يا ميرا ..
وللا سيبتي الدكتره و بقيتي تبع المباحث .. :d

يا ستي كل جيل و له مفرداته اللي بتطلع في عصرها ..
هي دي سنة الحياه ..
طول عمرنا ع الحال ده .. هي ماشيه كده ..
و لسه ياما نسمع و ياما نشوف ..

موضوع روش طحن ..http://www.aborenaz.com/smilies/smilies2/9'hk_w_frfsh/afro.gif
و جامد موت ..
قشطات ..http://www.egyptsons.com/misr/images/smilies/080402cool_prv.gif

تحياتي .. http://www.w6w.net/album/30/thumbs/w6w_w6w_20050513030341487354bca824.gif

http://www.egyptsons.com/misr/images/smilies/1110.gif

[الدكتورة نسيبة]

السلام عليكم..

والله يا شباب انا مش شايف فيها مشاكل خالص .. لكل جيل لغته وخصوصياته
زي زمان ما كانو بيقولو على الجنيه "لحلوح" و عن البنوتة الأمورة " الجو "
احنا كمان لينا لغتنا .. مش هي دي المشكلة
المشكلة الحقيقية ان اللغة دي بدأت تاكل لغتنا الاصلية .. يعني بدأنا ننسى العربي و بقا لغة كلها طلاسم و غير مفهومة
الخلاصة - في رأيي طبعا - :
مش مشكلة ابدا يكون للواحد لغة خاصة بيه بس المشكلة ان اللغة دي تطغى عليه وتنسيه لغته الاصلية !
بس خلاص

وعليكم السلام والرحمة

مفيش مشكلة يا دكتور ولا حاجة كل جيل وهوة حر احنا بس بنطرح الموضوع

وفعلا المشكلة الاكبر انها تطغى على لغتنا وحاليا بقى ده اللى بيحصل

ويا دكتور انا بحترم رايك ومنور المنتدى كله وموضوعى

وسلامــــــــــــى

[الدكتورة نسيبة]

إنتى بتتصنتي عليا يا و للا إيه يا ميرا ..
وللا سيبتي الدكتره و بقيتي تبع المباحث .. :d

يا ستي كل جيل و له مفرداته اللي بتطلع في عصرها ..
هي دي سنة الحياه ..
طول عمرنا ع الحال ده .. هي ماشيه كده ..
و لسه ياما نسمع و ياما نشوف ..

موضوع روش طحن ..http://www.aborenaz.com/smilies/smilies2/9'hk_w_frfsh/afro.gif
و جامد موت ..
قشطات ..http://www.egyptsons.com/misr/images/smilies/080402cool_prv.gif

تحياتي .. http://www.w6w.net/album/30/thumbs/w6w_w6w_20050513030341487354bca824.gif

http://www.egyptsons.com/misr/images/smilies/1110.gif





هشام باشا منور يا مان :d

يااااااااااه دة انا سبت الدكترة من زمان قوى وبقيت بشتغل بوليس سرى بس بصراحة احمد ساعدنى قوى (فى الحوار)بس ايه بعد مظبطه :d

خلاص انا مستنيةاشوف ايه اللى هيطلع بعد كده وربنا يستر على الكلام الجديد :d

متشكرين يا باشا على المرور والتعليق

وسلامـــــــــــــى

[قلب الليل]

صباح الخير يا دكتورة :)

خليني اتقل دمي شوية
هو الموضوع طويل شوي من زمان
التركيز على اللغات العامية واللهاجت المحيلة لك دول وكل قطر كان بتركيز من الغعجلة الاستعمارية القديمة التي هدفت لعمل شقوق وخلاف في كل شيء
غرس القوميات المحلية ايضا على يد احزاب محلية ولدت بعد جلاء الاستعمار
حيث كانت تسعى إلى البحث عن هوية وطنية تكون كالجلباب بعد انسلاخ الجلباب الكبير
هذا رأيي الخاص
والملاحظة الثانية
روش وطحن وما شابه ليست هي المصطلحات الغريبة الوحيده
لومن هي مصطلحات اليوم
بمعنى ان كل زمن تظهر يه مصطلحات جديده يجدها اهل الزمان وقتها انها دخلية
ثم بعد سنوات تكون قديمة ونتعود عليها
من هم في عمري يذكرون اكيد
السح الدح ابمو
ومن بعدها كوز المحبه اتخرم
كلمات وتعابير من هذا النوع كانت تظهر وقتها وكانت النظره اليها نفس نظرتكم اليوم

أما عن الأسباب التي تدفع هذا المصطلحات إلى السطح
فهي تحتاج دراسة متخصصة
ولكن الفراغ يدفع إلى الكثير من الأبتكار
وليس كل ابتكار مفيد
ولا اقصد هنا الفراغ بمعناه الوقتي فقط
كل الود

[وردة فلسطين]

ايه يا ميرا
انت مسمعتيش بقاموس الروشنة

هههههههههههههههههههه
اسالي مظلوم عنه

اكيد عنده سؤال للتسؤالتك ديه

وعفكرة استعمال كلمات جديدة موجودة في كل مجتمع وفي كل لغة
فكوني اعيش هنا
اسمع العجايز يتضاحكن عبى كلام الشباب
ويسالوهم من اين لك هذافما يكون الا ان يضحك الطرف الاخير

لانه فعلا لا يدري من اين له بهذا
فقد تكون قد استعمل الكلمة بطريق الصدفة واعجب بها الاخرين وتناولها من سمعها وهكذا
لا اجد اي سبب اخر

ولك مني الف تحية

[حنـــــان]

موضوع روش طحن ..
و جامد موت ..
قشطات ..


هشااام! *76* *117* *147* *39*

الموضوع ده شاغل الكل بس مافيش حاجة بتتعمل... اتهيألي صعب كمان المشكلة دي تتحل... لأن فعلا لكل جيل طريقته في الكلام ومصطلحاته. أعتقد السببين الأساسيين في زمنا ده هما الاعلام والعولمة... المشكلة ان الحاجات دي المفروض توصل لنا الحلو والوحش من جميع أنحاء العالم... بس في ناس بتحب تقلد الوحش بس... يمكن عشان أسهل... أو حيخليهم "كووول".
المصطلحات "الروشة" واللبس الروش والبوي فريند والجيرل فريند والسهر بره للصبح مع أصحاب لسه مقابلاهم من كام يوم وقال ايه "حيوصلوني بالعربية بكرة الصبح"!! وفي مقابل ده الكسل... اهمال العمل ونسيب البلد تضرب تقلب...

شكرا على اثارة الموضوع يا ميرا... يمكن من المناقشات نقدر نتوصل للأسباب الحقيقة ورا التغيرات دي ونحاول نعالجها

[حنـــــان]

صباح الخير يا دكتورة :)

خليني اتقل دمي شوية
هو الموضوع طويل شوي من زمان
التركيز على اللغات العامية واللهاجت المحيلة لك دول وكل قطر كان بتركيز من الغعجلة الاستعمارية القديمة التي هدفت لعمل شقوق وخلاف في كل شيء
غرس القوميات المحلية ايضا على يد احزاب محلية ولدت بعد جلاء الاستعمار
حيث كانت تسعى إلى البحث عن هوية وطنية تكون كالجلباب بعد انسلاخ الجلباب الكبير
هذا رأيي الخاص
والملاحظة الثانية
روش وطحن وما شابه ليست هي المصطلحات الغريبة الوحيده
لومن هي مصطلحات اليوم
بمعنى ان كل زمن تظهر يه مصطلحات جديده يجدها اهل الزمان وقتها انها دخلية
ثم بعد سنوات تكون قديمة ونتعود عليها
من هم في عمري يذكرون اكيد
السح الدح ابمو
ومن بعدها كوز المحبه اتخرم
كلمات وتعابير من هذا النوع كانت تظهر وقتها وكانت النظره اليها نفس نظرتكم اليوم

أما عن الأسباب التي تدفع هذا المصطلحات إلى السطح
فهي تحتاج دراسة متخصصة
ولكن الفراغ يدفع إلى الكثير من الأبتكار
وليس كل ابتكار مفيد
ولا اقصد هنا الفراغ بمعناه الوقتي فقط
كل الود

معلش أنا ماشفتش ردك يا قلب الليل وأنا باكتب ردي
أنا معاك ده كمان واحد من الأسباب
والمصطلحات اللي كانت زمان جديدة وعجيبة فعلا بقيت عادي النهاردة وكتير بيقولها

بس في رأيي في شريحة من المجتمع لسه بترفض تتعامل بالمصطلحات دي (أو الروشنة عامة سواء كان مصطلحات أو تصرف أو لبس)
طبعا لا باقصد الغني ولا الجامعي... انما المثقف
باحدد المثقف عشان مش كل من كان ميسور الحال (هاي كلاس) أو جامعي مثقف.
المثقف هوه اللي عارف أسباب وأثر الروشنة على لغتنا وهويتنا... وبيقرر يحارب كل شئ روش!
ودول للأسف أقلية. وصوتهم وفكرهم مش واصل للأغلبية.

[اسكـندريـة]

جاده طحن وموووووت هما اللى مش عاجبينك يادكتورة اه نقول اية بس كلية الطب والعز كلة :)

طب ده انا كل يوم بسمع كلام من اشخاص ما يعلم بيهم الا ربنا ربنا يرحمنى من اللى انا فية ده تعالي عندي في معهد الخدمة الاجتماعية وانتي تشوفي الكلام الروش الصح:d ربنايستر عليا(انا اللي جبت ده كلة لنفسي )



سلامي
ولي عوده للمناقشة الطحن:d

[الدكتورة نسيبة]

صباح الخير يا دكتورة :)

خليني اتقل دمي شوية
هو الموضوع طويل شوي من زمان
التركيز على اللغات العامية واللهاجت المحيلة لك دول وكل قطر كان بتركيز من الغعجلة الاستعمارية القديمة التي هدفت لعمل شقوق وخلاف في كل شيء
غرس القوميات المحلية ايضا على يد احزاب محلية ولدت بعد جلاء الاستعمار
حيث كانت تسعى إلى البحث عن هوية وطنية تكون كالجلباب بعد انسلاخ الجلباب الكبير
هذا رأيي الخاص
والملاحظة الثانية
روش وطحن وما شابه ليست هي المصطلحات الغريبة الوحيده
لومن هي مصطلحات اليوم
بمعنى ان كل زمن تظهر يه مصطلحات جديده يجدها اهل الزمان وقتها انها دخلية
ثم بعد سنوات تكون قديمة ونتعود عليها
من هم في عمري يذكرون اكيد
السح الدح ابمو
ومن بعدها كوز المحبه اتخرم
كلمات وتعابير من هذا النوع كانت تظهر وقتها وكانت النظره اليها نفس نظرتكم اليوم

أما عن الأسباب التي تدفع هذا المصطلحات إلى السطح
فهي تحتاج دراسة متخصصة
ولكن الفراغ يدفع إلى الكثير من الأبتكار
وليس كل ابتكار مفيد
ولا اقصد هنا الفراغ بمعناه الوقتي فقط
كل الود

صباح النور يا استاذ قلب الليل

والله نظرية انا مخدتش بالى منها قبل كده

وعلى فكرة انا اوعى على السح الدح امبو ادى الواد لابوه

بتاعت المبدع عدوية :d

وفعلا الفراغ بيؤدى الى الابتكار

انا معاك فى كده

وشكرا على المرور والتعليق

وسلامــــــــــــى

[الدكتورة نسيبة]

ايه يا ميرا
انت مسمعتيش بقاموس الروشنة

هههههههههههههههههههه
اسالي مظلوم عنه

اكيد عنده سؤال للتسؤالتك ديه

وعفكرة استعمال كلمات جديدة موجودة في كل مجتمع وفي كل لغة
فكوني اعيش هنا
اسمع العجايز يتضاحكن عبى كلام الشباب
ويسالوهم من اين لك هذافما يكون الا ان يضحك الطرف الاخير

لانه فعلا لا يدري من اين له بهذا
فقد تكون قد استعمل الكلمة بطريق الصدفة واعجب بها الاخرين وتناولها من سمعها وهكذا
لا اجد اي سبب اخر

ولك مني الف تحية


ههههههههههههه هروح اسله على طول اهوة

بس نادى معايا خليه يجى يا مظلوووووووووووووووووووووووووووم :d

ايه ده انتوا كمان عندكوا مصطلحات عجيبة كده زينا طيب مش تقولنلنا حاجة كدة منهم :d

والله فعلا ممكن تكون صدفة وممكن يكون فراغ زى الاستاذ قلب الليل ما قال

وتسلمى يا جميل على المرور

وسلامــــــــــى

[الدكتورة نسيبة]

جاده طحن وموووووت هما اللى مش عاجبينك يادكتورة اه نقول اية بس كلية الطب والعز كلة :)

طب ده انا كل يوم بسمع كلام من اشخاص ما يعلم بيهم الا ربنا ربنا يرحمنى من اللى انا فية ده تعالي عندي في معهد الخدمة الاجتماعية وانتي تشوفي الكلام الروش الصح:d ربنايستر عليا(انا اللي جبت ده كلة لنفسي )



سلامي
ولي عوده للمناقشة الطحن:d



هههههههههههههههههههههههههههههههههههههههههههههه

والله ضحكتنى يا اسكندرية معلش دى اخر حاجة وصلتلى واوعدك انى اعمل زيارة للمعهد بتاعك

وانا مستنية المناقشة الطحن

ومنور موضوعى

وسلامــــــــــى

[الدكتورة نسيبة]

معلش أنا ماشفتش ردك يا قلب الليل وأنا باكتب ردي
أنا معاك ده كمان واحد من الأسباب
والمصطلحات اللي كانت زمان جديدة وعجيبة فعلا بقيت عادي النهاردة وكتير بيقولها

بس في رأيي في شريحة من المجتمع لسه بترفض تتعامل بالمصطلحات دي (أو الروشنة عامة سواء كان مصطلحات أو تصرف أو لبس)
طبعا لا باقصد الغني ولا الجامعي... انما المثقف
باحدد المثقف عشان مش كل من كان ميسور الحال (هاي كلاس) أو جامعي مثقف.
المثقف هوه اللي عارف أسباب وأثر الروشنة على لغتنا وهويتنا... وبيقرر يحارب كل شئ روش!
ودول للأسف أقلية. وصوتهم وفكرهم مش واصل للأغلبية.

دكتورتنا العسل منورانى ومعلش اسفة على التاخير فى الرد بس مخدتش بالى من ردك انتى عارفة الحول بقى :d

انا معاكى ان مش كل الناس بتقبل الموضوع ده لكن المثقفين دول قليلين قوى ممكن ميكونوش موجودين اصلا للاسف فى جيلنا ده خاصة اللى فى سنى نادرا جدا لما اتلاقى حد فيهم ماسك كتاب غير كتاب الجامعة الا مش بيمسكوه حتى غير شهر الامتحانات

بس عارفة الموقف نفسه بيحكم ممكن لما تلاقى كل اللى حواليكى بيقولوا نفس الكلام وبيبصولك انك غريبة فبتجاريهم عشان ميحوس انك بعيدة عنهم وبالتالى يسيبوكى ويخافوا يقولوا حاجة قدامك وده فعلا بيحصل

وتسلمليلى يا جميل على المرور والتعليق

وسلامــــــــــــى

[مهرة عربية]

موضوع جامد طحن يا مرمر :d :d
تسلم ايديكى بس انا راى ان الشباب دائما بيبقى عايز يكون مختلف
ودائما بيحب التهريج فبيستخدم الكلمات دية يعنى مش اكتر

[أم أحمد]

ايه الكلام الجامد ده جدا الروش طحن علي رايك يا نسيبة
بصراحة الحمد لله اني بعيدة كل البعد عن هذه المصطلحات الجديدة والحمد لله ما مرتش عليه ربنا يستر بقي لما ننزل مصر واسمع حد بيتكلم بيها اعرف افهمه

بس يمكن من الاسباب التي تؤدي الي انتشار هذه الكلمات الي ان الشباب بيقلدوا بعضهم البعض ويسايروا الجو وده الذي يعمل علي انتشار الكلمات وتفشيها في المجتمع ولا نستطيع ان نقول ان هذه المصطلحات هي قادمة الينا من الخارج لانهم لا يستخدمون هذه الكلمات صحيح في الغرب الكثير من الاشياء السيئة بس لم اري من قبل مثل هذه المصطلحات وليس من المنطق انه كلما انتشر شئ سئ في بلدنا نرجعه الي الغرب فلماذا لا ناخد الجيد ونترك السئ

[الدكتورة نسيبة]

موضوع جامد طحن يا مرمر :d :d
تسلم ايديكى بس انا راى ان الشباب دائما بيبقى عايز يكون مختلف
ودائما بيحب التهريج فبيستخدم الكلمات دية يعنى مش اكتر

فطوم هانم منور يا جميل

وايه الراى الجامد ده :d ربنا يكرمك يارب

والله انا كمان شايفة كده وخير مثال كليتنا :d

بس ونعم الاختلاف هما كده فاكرين انهم هيكونوا مميزين

تسلميلى يا جميل على المرور والتعليق

وسلامـــــــى

[الدكتورة نسيبة]

ايه الكلام الجامد ده جدا الروش طحن علي رايك يا نسيبة
بصراحة الحمد لله اني بعيدة كل البعد عن هذه المصطلحات الجديدة والحمد لله ما مرتش عليه ربنا يستر بقي لما ننزل مصر واسمع حد بيتكلم بيها اعرف افهمه

بس يمكن من الاسباب التي تؤدي الي انتشار هذه الكلمات الي ان الشباب بيقلدوا بعضهم البعض ويسايروا الجو وده الذي يعمل علي انتشار الكلمات وتفشيها في المجتمع ولا نستطيع ان نقول ان هذه المصطلحات هي قادمة الينا من الخارج لانهم لا يستخدمون هذه الكلمات صحيح في الغرب الكثير من الاشياء السيئة بس لم اري من قبل مثل هذه المصطلحات وليس من المنطق انه كلما انتشر شئ سئ في بلدنا نرجعه الي الغرب فلماذا لا ناخد الجيد ونترك السئ

فمر اليلل منورانى

والله احسن انك بعيدة عنها وربنا يسهل بقى لما تنزلى مصر بالسلامة ان شاء الله هتسمعى شعر من لغةالروشنة وقاموس كبير بس دول اللى اعرفهم كفاية عليا

وفعلا انا معاكى ان الشباب بتحب تقلد بعضها ودى حاجة انا واثقة فيها

تسلميلى على مرورك وتعليقك

وسلامـــــــــــــى

[LOOOOOGO]

طب الكلام اللى انتوا بتقولوة دة عادى جدا ..اسمعوا بقى الحوار اللى حصل معايا

انا:ازيك يا باشا عامل اية
هو:ازيك يا ابو عمرو عامل اية....كدة و بتاع و شاى بالنعناع وفيل ابو دراع........
وهىء و مىء وطبلة و رىء
ولا بنخاف ولا بنهىء..............
والحركة بركة والبركة مية والمية غازية والغازية راقصة..الخ
انا:اية يابنى اللى انتا بتقولة دة
هو:ماليش فية
انا:ولا...
هو:فكك
انا:يا حبيبى
هو:متعومنيش
طبعا انا استغربت..رغم ان انا شاب و لية صحابى و بنخرج و بنسهر ونعرف هنا و هناك
بس الحوار دة ما وردش عليا قبل كدة
اعتقد ان السبب هو الفراغ و المخدرات
..وعلى فكرة احد الاطباء النفسيين على احدى القنوات الفضائية قال ان الكلام دة كلة مستمد من اللغة العربية الفصحة او الفصحى...واللة اعلم
و سلام بقى علشان عايز استكنيس شوية:d

[الدكتورة نسيبة]

طب الكلام اللى انتوا بتقولوة دة عادى جدا ..اسمعوا بقى الحوار اللى حصل معايا

انا:ازيك يا باشا عامل اية
هو:ازيك يا ابو عمرو عامل اية....كدة و بتاع و شاى بالنعناع وفيل ابو دراع........
وهىء و مىء وطبلة و رىء
ولا بنخاف ولا بنهىء..............
والحركة بركة والبركة مية والمية غازية والغازية راقصة..الخ
انا:اية يابنى اللى انتا بتقولة دة
هو:ماليش فية
انا:ولا...
هو:فكك
انا:يا حبيبى
هو:متعومنيش
طبعا انا استغربت..رغم ان انا شاب و لية صحابى و بنخرج و بنسهر ونعرف هنا و هناك
بس الحوار دة ما وردش عليا قبل كدة
اعتقد ان السبب هو الفراغ و المخدرات
..وعلى فكرة احد الاطباء النفسيين على احدى القنوات الفضائية قال ان الكلام دة كلة مستمد من اللغة العربية الفصحة او الفصحى...واللة اعلم
و سلام بقى علشان عايز استكنيس شوية:d

اهلا يا عمرو منور المنتدى وموضوعى

وايه الكلام الصعب ده انا لو صاحبتى قالتلى كل ده مش هسلم عليها اصلا

بس غريبة شوية حكاية المخدرات دى لانى معتقدش ان كل شبابنا بيشموا :d

والغريبة اكتر انها مستمدة من الفصحى دى

ومعلش فى السؤال هى اسيتكنيس دى بمعنى اريح معلش اصل اخر حاجة وصلتلى جامد وطحن وقشطة

وتسلم على المرور والتعليق

وسلامـــــــــى

[غريب عبد الستار]

بسم الله لرحمن لرحيم


الاخوة المحترمين اصحاب الاراء الحرة فى موضوع كلام الشباب الجديد


انى مع الاخ المحترم اللى قال كل جيل له لغتة \\\\ ("]\\\[/url] صح ؟؟؟ بس فى شئ اخر اريد ان اكملة للاخ الفاضل وهو


فى جيل الثمانينات مثلا كان الكلام هذا لغة بس بين مين ومين


بين اصحاب المهن او الحرف

الان اصبح بين شباب الجامعات ؟؟؟ وهنا تكمن الكارثة

اى والله كارثة بجميع المقاييس


مثلا بمحض الصدفة كنت اشاهد قناه خاصة من قنوات الستلايت شفت لانسانة المحترمة هالة سرحان مع بعض من الشباب وللسف الشديد واقولها للاسف شفت شاب \\\


والمذيعة المحترمة تناقشة فى الكلام المكتوب ؟؟؟؟


صدقونى [url=") اللى يربى جيل ها الايام يتعب كثيرا


بالعاميه \\\ ("") اللى الاب يغرثة فى الابناء فى سنين يهب سدا فى دقائق اما التلفاز او فى الشارع


واسف جدا ازعجتم ايها الشباب


اب لبنات

[الدكتورة نسيبة]

يا استاذ غريب منورنى وربنا يخليك بناتك ويطرح يارب البركة فيهم

بس معلش انا مش مع حضرتك ان بعد ما الاب غرس فى اولاده حاجة ممكن تتغير بسهولة ده بقى بيبقى على حسب التربية والاخلاق

بس على فكرة انا مش شايفة انها كارثة ولا حاجة هى بس تغيير للتعود الموجود فى الكلام

وبعدين لما دى كارثة انها موجودة بين شباب الجامعة اومال المخدرات والجواز العرفى وغيرها كتير اللى بجد فعلا بتكون كارثة

وصدقنى انا اللى بيحكم التربية

وتسلم على المرور والتعليق

وسلامـــــــــى

[zizo_ya_zizo]

بس انا مش شيف ان ده كلام يدل على انك مقطع السمكه وديلها ياميرا مكن بس يكون نوع من التسهيل فى الكلام مش اكتر وعدم التقيد بالكلام العربى وده فى حد ذاته غلط بس والله لذيذه جدا ههههههههههههههههههههههه وقاموس الروشنه الناس كلها بتطبقو حقيقى ههههههههههههههههههههه
شكرا على الموضوع ياميرا وربنا يخليكى وتكتبى مواضيع حلوه زى مابتعودينا دايما

[حنـــــان]

بس عارفة الموقف نفسه بيحكم ممكن لما تلاقى كل اللى حواليكى بيقولوا نفس الكلام وبيبصولك انك غريبة فبتجاريهم عشان ميحوس انك بعيدة عنهم وبالتالى يسيبوكى ويخافوا يقولوا حاجة قدامك وده فعلا بيحصل

يقولوا اللي يقولوه يا ميرا... وأنا أقول اللي أقوله... واللي مش عاجبه يشرب مالبحر!
عامة الموضوع بالنسبة لي مش فارق أنا كده كده بيبصوا لي على اني "غريبة" عشان تفكيري مش "مصري" :d

[غريب عبد الستار]

بسم الله الرحمن الرحيم


الاخوة والاخوات المحترمين

عذرا سوف أسأل سؤال منشق من الموضوع لواذنتم لى ؟


كيف يربى الشاب الروش او البنت الروشة ابنائهم بعد الزواج ؟؟


لو تكرمتم الاجابة صريحة بلا غموض0

اشكركم شباب المستقبل القادم

اب لبنات