سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : لماذا الشعب المصرى يعشق السلبية؟؟؟؟؟

سـلـوى
04-09-2005, 07:38 PM
ايوة انا بشعر كثيرا ان الشعب المصرى غالبية يعشق و أدمن السلبية
فاصبحت تجرى فى دمائة

مما ولدت عندة نوع من اللامبالاة
و عدم التغير و لا السعى للافضل


لية ؟؟؟؟

لية غالبية الشعب المصرى بكل ما يحملة من تعب و شكاوى و ظلم
يصر على احوالة ؟؟؟؟

لية اصبحنا بتوع كلام نتكلم كتير و نعارض كتير كل ما حولنا و لا نتحرك ؟؟

ـــــــــــــــــــــــــــــــــ

اللى خلانى بجد اسأل الاسئلة دى سؤال اهم و عايزة اعرف رأيكم يمكن انا مخطئة

طبعا الانتخابات شغالة و لاول مرة يحدث ان يكون هناك اكثر من مرشح و للمواطن حق الانتخاب (( و دة مش علشان احنا اللى طلبنا و سعينا الى ذلك للاسف لا عشلان امريكا طلبت كدة ))

بس الغالبية يقول ننتخب حسنى مبارك؟؟
لييييييييييية افهم بقى ؟؟ بعد كل ما شفناة من فساد و خراب

دينى او اجتماعى او اقتصادى و كلة كلة

و التبرير ال اية اللى نعرفة احسن من اللى مش نعرفة

(( اللى ساكت عن الحق ..........)) كملوها انتم اكيد عارفينها




يعنى دلوقتى انا بتعامل مع انسان اخذ كل حقوقى و نهبنى
و عرفت كل دة و اتاكدت منة
هل افضل استمر معاة علشان معرفش غيرة؟؟؟؟؟؟


التغير فى حد زادة تحقيق للزاد يكفى ان يكون لنا حق اختيار من نريدة

لان اللى هيخلينا نغير دة هيخلينا نغير غيرة و غيرة

على الاقل الفكرة دى مش تفضل مسيطرة علينا و نفضل زى ما احنا

كفاية سلبية بقى
sea_wolf
05-09-2005, 02:54 AM
هههههههههههههههه
كلامك صحيح يا باش مهندسة
بس احنا نشائنا على كدة
فى مدرستنا فى كليتنا فى عملنا
فاكرة يا باشمهندسة -- كان فى سؤال بيجى فى الامتحانات - كان بيقول -- ما هو رائيك فى ..........؟
المفروض السؤال دة بتجاوب فيه عن رائيك
بس للاسف احنا كنا بنجاوب فيه --- على المتقال لينا قبل كدة -- مش رائينا طبعا -- بل الراى الى عايزينو المسؤلين يبقى رائينا
فهمتينى
gersymoon
05-09-2005, 03:58 AM
أعجبنى موضوعك جدا يا باشمهندسة ....!!! *3*

و إللى أقدر أقولهولك بجد .. أن أصابنا كلنا حالة من الكسل الفاقة لحدها بمراحل و أصبحنا كالسودانيين و الصومال - إهتمامنا الأساسى - هو توفير المم و الشرب و خلاص على كده ، لكن أن إحنا نشتغل عشانه ، لأ بنجيب و نستسهل المجياب من البره و كوعي يا دولة عملة صعبة للخارج و موتوا أنتوا من الجوع ياللى في الداخل ...!!! *13*
و بعدين عايزة إزاى من شعب مش عارف حتى يوفر لقمة ليه و لولاده و عايزاه ينتخب و لا حتى يفكر فى حد تانى غير مبارك ... ده يا أختى العزيزة مستخسريين يفكروا و سيبنها آل إيه للقديم الدارس الواعي *11* ، و بلاها تغيير ما هى بايزة بايزة و على رأى المثل إللى تعرفوا أحسن من إللى ما تعرفوش و كل الحاجات العتيقة دى إللى وديتنا لوراه
و بجد لولا انى معنديش بطاقة إنتخابية - لأنى ما تمتش 18 سنة - لكنت قمت و فقت و إنتخبت و على فكرة كنت هفكر قبل ما أنتخب ، و ما كنتش هبقي سلبية ، بالرغم من أبويا ذات نفسه مش عايزة يروح و ينتخب - ويقولى يا بنتي بدل و جع دماخ ما هيا بايزة ... بايزة " إلا إنى وراه لغايت ما يروح - إن شاء الله - ....

و أسفة طولت عليكى ، لكن الموضوع خدنى ، لأنوا شديدنى من فترة ، بس ما كنتش لقيا حد يفهمني أتكلم معاه ...

و شكرا ثانيا .... و السلام عليكم و رحمة الله و بركاتة ... *8*
الدكتورة نسيبة
05-09-2005, 08:33 AM
والله يا سلوى الموضوع ده بجد بيحصل كتير قوى الايام دى

بس عارفة ليه لاننا شعب متعود على السالبية بنخاف نقول عكس اللى الناس عايزينه

يمكن دى تكون عادة ويمكن يكون اننا كلنا اتربينا على كده

عموما ربنا يهدينا كلنا

وتسلم ايدك يا سلوى

وسلامـــــــــــــــــى
م.محمد ذهني
05-09-2005, 08:50 AM
في نظري سبب السلبية اننا اتربينا على كده من بعد الثورة المباركة والغاء الأحزاب وممنوع الكلام في السياسة
لكن في الكورة والفن يا سلام هو ده المطلوب من النظام الحاكم
وكان يعتبر أي حد يقول رأيه في الحكم ده عدو الثورة وأكيد مجنون
أحمد ناصر
05-09-2005, 08:58 AM
أول ما قرأت موضوعك يا سلوى
تبادر إلى ذهنى أغنية قديمة ورائعة لعلى الحجار عن الشعب المصرى
يرمز فيها للشعب المصرى بإسم (عم بطاطا)
للأسف ذاكرتى لا تسعفنى بكل كلماتها
لكن يمكن أن أذكر بعض المقتطفات منها
--------
عم بطاطا لذيذ ومعسل
عمره ما طاطى لغير الله
لما الدنيا بتقسى يمثل
إنه خلاص سلم لقضاه
قال إيه خلاص سلم لقضاه
__________
عم بطاطا يزك الزكة
يدخل سينا ويفتح عكا
___________
عم بطاطا يقول الراوى
خبى الحكمة ف توب الحاوى
ضابط شرطة
05-09-2005, 10:10 AM
بسم الله الرحمن الرحيم

أولا بأحييك على جرأتك الكبيرة في طرح هذا الموضوع الكبير.
ثانيا وبالنسبة للموضوع طبعا كل الآراء متفقه على إن السلبية فينا لأننا نشأنا عليها منذ الصغر و طبعا رأيي معاهم .
وبما أن المصريين شعب مستواه المادي منخفض أو يكاد ينعدم - طبعا ده في غالبية الشعب - فليس له علاقة بالانتخابات إن كانت رئاسية أو برلمانية ولكن علاقته الوطيده مع لقمة العيش فقط .
وفي هذه اللحظة تذكرت حوار دار بيني وبين سائق تاكسي في مدينة بورسعيد ((هاجيب المفيد فيه بس))
هو كان شاب مثلا عنده 29 سنة يعني ليه أمل في الحياة
- قلتله بترشح مين في الانتخابات
- فضل يضحك طول الطريق :d
- بقوله بتضحك على إيه ؟؟السؤال فيه حاجه وحشه ؟؟
- قاللي : انتخابات مين يا أستاذ ؟؟ هو احنا عندنا انتخابات ؟؟ والله انا مش عايز حاجه غير ده *7*
http://www.touregypt.net/featurestories/pound.jpg
- قلتله يعني ايه ؟؟
- قاللي ماليش في انتخابات ولا كلام من ده انا بجري على لقمة العيش والجنيه وخلاص واصلا ما اعرفش اي حد من المترشحين غير مبارك وان جيت للحق هو احسن من غيره .
- ليه؟؟
- قاللي هو شبع يعني ما عادش هياخد اكتر من اللي خده وبعدين احنا اتعودنا على الهم والفقر والغلب اللي احنا فيه *12* وما نعرفش اللي هييجي هيعمل فينا ايه!!!!*11*
-----------
إذن لا داعي للاستغراب!!!!


شكرا جزيلا وخالص التحية على الموضوع الجرئ*8*
فرعونى
05-09-2005, 01:17 PM
ايه ياجماعه انتو شركتوا المصريين ليه كده
ياجماعة سبب السلبية دى ذكاء من النظام (الذى لاهم له الا ان يجعل المواطن كمن يدور فى ساقية مربوط العينين حتى لايرى ماهوا فيه) فكيف سيفكر فى الانتخابات او شىء اخر؟
وهوا منهك ماديا وجسديا من كثرة العمل
انسان لايجد الوقت للجلوس مع اسرته فكيف يوفر لهم بيئة صحية ونفسية جيدة ؟
هم المواطن الاول راحة اولاده من فتات عمله (ليس سهل ان رايت ابنك بحاجه لاىشىء وانت عاجز عن توفيره اتدرى مايعنيه هذا.........) وبينتج عن هذا كله شتىءانواع الفساد
لسنا فى حاجة الى رئيس جديد او قديم نحن بحاجة الى اصلاح ما افسده فينا تعاقب النظم الفاسده
نحن فى حاجة الى ناس شرفاء امثال الساده / احمد رشدى /ابو غزاله /عمر موسي
ممن يخافون على الوطن ويحترمون المواطن وغير ذلك فكفانا لصوص
أشكرك بشدة على مشاركتك الاكثر من رائعة ياباشمهندسة
حقيقى بتعجبنى مشاركاتك جدآ
تقبلى تحياتى
Amira
05-09-2005, 01:44 PM
سلوي - أذيك
دي يمكن اول مداخلة ليا في موضوعاتك المتميزة دايما - بس لازم اقول رأيي - علشان ماحسش اني سلبية في عدم ابدأ رأيي علي الأقل :d
انا ماعرفش قوي في السياسة بصراحة
بس العرفة ياعني لما اقول لحد - بطل سلبية - يبقي علي كدا لازم اكون انا شخصيا ايجابي في كل تصرفاتي
و لا أيه؟ *7*

تقبلي خالص تحياتي :f2:

أميرة
غريب عبد الستار
05-09-2005, 04:44 PM
بسم الله الرحمن الرحيم


عسولة \\ يا باشمهند سة



كنت عاهدت نفسى على عدم الكلام فى السياسة ووجع الراس

سامحك الله \\ ابنتى \\\\ ("]\\\[/url] المهم اتكلم وافضفض وخلاص واللى يجرى يجرى


فى الاول احب اللى يقرأ ويتمعنن فى الكلام

\الاخ فرعون قال كلمة انا احسها وهى شوفى لو طلب احد من الاولاد شئ وانت متعرفش تلبيه له [url=") وقعه سودة

ثانيا \\ شوفى الاب يخرج من الساعة كم الى الساعة كم وتقولوا نروح ننتخب او انا سلبى

ثالثا \\ يا ناس حرام عليكم حسوا بينا

ثالثا \\ صدقونى مع الاحباط لا تفرق مين اللى يمسك البلد حسنى مبارك او عم عبدة البقال كلة زى بعضة فى النهاية = لا شئ


رابعا\\ فين الوقت اللى اروح ادلى بصوتى وانا فى الاصل صوتى انبح من كثرة الكلام ( انا معنديش صوت ) صوتى راح

اصبحت اتكلم زى الخرس بالاشارة ؟؟؟؟؟؟؟ وهذا ما يرودوة منا



جزاكى الله خيرا ابنتى عسولة البشمهندسة

وعارف اخرتها ارجع تانى للى كنت فية


اب لبنات
سـلـوى
06-09-2005, 03:38 AM
هههههههههههههههه
كلامك صحيح يا باش مهندسة
بس احنا نشائنا على كدة
فى مدرستنا فى كليتنا فى عملنا
فاكرة يا باشمهندسة -- كان فى سؤال بيجى فى الامتحانات - كان بيقول -- ما هو رائيك فى ..........؟
المفروض السؤال دة بتجاوب فيه عن رائيك
بس للاسف احنا كنا بنجاوب فيه --- على المتقال لينا قبل كدة -- مش رائينا طبعا -- بل الراى الى عايزينو المسؤلين يبقى رائينا
فهمتينى

ههههههههههههههه

مش كدة و بس
لو اى حد كتب رأية فى حاجة بيكون ردة كأنة فارغ و لم يكتب شئ

بس برضو يا محمد
هنفضل كدة علطول يعنى *13*

صدقنى لو مش وضعنا فى بالنا كل الحاجات دى هنتغير

شكرا ليك جدا يا يا محمد على مرورك
و تواجدك الرائع دائما
ربناي حفظك و يحميك
سـلـوى
06-09-2005, 03:48 AM
أعجبنى موضوعك جدا يا باشمهندسة ....!!! *3*

و إللى أقدر أقولهولك بجد .. أن أصابنا كلنا حالة من الكسل الفاقة لحدها بمراحل و أصبحنا كالسودانيين و الصومال - إهتمامنا الأساسى - هو توفير المم و الشرب و خلاص على كده ، لكن أن إحنا نشتغل عشانه ، لأ بنجيب و نستسهل المجياب من البره و كوعي يا دولة عملة صعبة للخارج و موتوا أنتوا من الجوع ياللى في الداخل ...!!! *13*
و بعدين عايزة إزاى من شعب مش عارف حتى يوفر لقمة ليه و لولاده و عايزاه ينتخب و لا حتى يفكر فى حد تانى غير مبارك ... ده يا أختى العزيزة مستخسريين يفكروا و سيبنها آل إيه للقديم الدارس الواعي *11* ، و بلاها تغيير ما هى بايزة بايزة و على رأى المثل إللى تعرفوا أحسن من إللى ما تعرفوش و كل الحاجات العتيقة دى إللى وديتنا لوراه
و بجد لولا انى معنديش بطاقة إنتخابية - لأنى ما تمتش 18 سنة - لكنت قمت و فقت و إنتخبت و على فكرة كنت هفكر قبل ما أنتخب ، و ما كنتش هبقي سلبية ، بالرغم من أبويا ذات نفسه مش عايزة يروح و ينتخب - ويقولى يا بنتي بدل و جع دماخ ما هيا بايزة ... بايزة " إلا إنى وراه لغايت ما يروح - إن شاء الله - ....

و أسفة طولت عليكى ، لكن الموضوع خدنى ، لأنوا شديدنى من فترة ، بس ما كنتش لقيا حد يفهمني أتكلم معاه ...

و شكرا ثانيا .... و السلام عليكم و رحمة الله و بركاتة ... *8*

اختى الحبيبة
لا تعلمى كم اسعدنى تواجدكم و كلماتك
و حماسك و حرصك

بارك الله فيكى و قوى ايمانك و ثبتة فى قلبك و عقلك

و كلامك سليم جدا

للاسف احنا عايزين اصلا نتغير فى حاجات كتيييييييييييييييييييير
و كان من هدف الحكومة او من ضمن اهدافها الكثيرة لانشغال الشعب و ان يفسدهم
بان يجعل الشعب لا يشغلة إلا الهيافات و الاكل و الشرب فقط
ولا يعتمد على نفسة فى شئ
و طبعا كل ذلك تبع هدف ايضا الدول الاجنبية الكبرى فى الاساس

كل ل1ك علشان ينهبوا فى خيرات البلد و من دماء شعبها و عرقهم
و يجعل لهم بلا قيمة
مجرد شعب ياكل و يشرب فقط
و يعمل بلا عقل او احترام لتواجدة و ما يفعل

المهم نسعى نحن ان نغير انفنسا فنغير البلد
و لو مر بنا قطار الحياة و لم نلحقة فلنجعل اولادنا يلحقوة و يسيروا فى طريق الحرية الشريفة
و التقدم



اشكرك مرة اخرى يا غالية

تقبلى حبى و احترامى الشديد *3*
سـلـوى
06-09-2005, 03:52 AM
والله يا سلوى الموضوع ده بجد بيحصل كتير قوى الايام دى

بس عارفة ليه لاننا شعب متعود على السالبية بنخاف نقول عكس اللى الناس عايزينه

يمكن دى تكون عادة ويمكن يكون اننا كلنا اتربينا على كده

عموما ربنا يهدينا كلنا

وتسلم ايدك يا سلوى

وسلامـــــــــــــــــى

الاتنين مع بعض يا ميرا

لان اللى احنا فية دة تراكم حاجات كتيييييييير
و من اللى قلتيهم ايضا ان ربنا بيعاقبنا على اننا مش بنراعية فى افعالنا
و لا فى شغلنا
و لا فى حق انفنسا و من حولنا

ربنا يهدينا جميعا للصواب

تقبلى حبى الدائم يا ميرا
ربنا ما يحرمنى منك ابدااااا *3*
سـلـوى
06-09-2005, 03:57 AM
في نظري سبب السلبية اننا اتربينا على كده من بعد الثورة المباركة والغاء الأحزاب وممنوع الكلام في السياسة
لكن في الكورة والفن يا سلام هو ده المطلوب من النظام الحاكم
وكان يعتبر أي حد يقول رأيه في الحكم ده عدو الثورة وأكيد مجنون

برضو دى من ضمن الاسباب الكتير
التى تراكمت و وولدت السلبية دى

بس مش الكورة و الفن بس

لا الفن الفاسد السئ جدااااااااا الجرئ جداااااااا جداااااااااااااااااااااااااااااااا

ربنا يحفظنا من كل سوء
شكرا لمرورك و اضافاتك
قلب الليل
06-09-2005, 06:14 AM
سبحان الله
سؤال يتكرر كثيرا
على السنه كثيرة
ولكن
حتى من يردد السؤال نجد ان فعله سلبي
من ارض الواقع
يعمل معي اخوة من مصر
كان احدهم يتكلم عن الانتخابات ويعارض ويبين المساوئ وانه لا بد من التغيير
استمعت له جيدا ولحماسة
في اخر الحوار سالته سؤال واحد
وانت من ستختار
قال لا أحد
قلت كيف
قال لا فائدة
قلت وكل هذا الكلام
قال لكي افهم الأخوة
وجدت الأمر غريبا
بدأت ادور واسأل باقي الزملاء من مصر
وجدت ان 90% لا يهتمون ولن ينتخبوا حتىلو وضعت لهم السفارة صناديق انتخابية
المهم دار نقاش كبير
والحمدلله البعض قرر فعلا ان يحاول ان ينتخب بغض النظر عن اختياره
الفكرة او قناعتي انا
ان كنت لن افعل شيء
فالصمت اكرم لي
العجز لا يبرر الا نحاول

كل الود
عمرو صالح
06-09-2005, 07:11 AM
السلبية مرض متوطن في عقليه كل مصري تشربناها من صغرنا السلبية للأسف في نواحي كثيرة من حياتنا
مثال بسيط عندما لا يعجبك مقال في جريده في اللحظة الاولى ربما تعزمين على ارسال خطاب الي الجريدة
لتظهري غضبك
ولكن دقائق وتسير الحياة دون جديد

في العمل ربما تكون هناك قوانين وروتين والكل يعلم انه لا فائده منه ولكن من يتحرك للتعبير

عن رأيه بأنه المفروض ان يتم التغيير وان يتقدم بطلب وان يتابع الأمر

لن يصل الامر لأكثر من مجرد استنكار داخلي ربما لن يسمعه غيرك

هنا مثلا المصريين المعروف عنهم الشهامة والكرامة والكبرياء و و الخ

نادرا ً ما ينفعل شخص لسماعه عربي اخر بسب وطنه وربما يتصنع انه لم يسمع

او اذا رأى مصري غيره في شجار ربما يبتعد خوفاً على لقمة العيش

وغيرها من الأمثلة التى شاهدتها بعيني واصابتنى بالحيرة

دفعتنى مرارا للتحدث مع اصدقائي عن السلبية وعن عدم احترام الذات واعطاءالغير الفرصة

لفرض رأيه واسلوبه الذي ربما لن يتفق مع اسلوب حياة الجميع

اشكرك يا بشمهندسة على طرحك للموضوع
atefhelal
06-09-2005, 12:42 PM
أول ما قرأت موضوعك يا سلوى
تبادر إلى ذهنى أغنية قديمة ورائعة لعلى الحجار عن الشعب المصرى
يرمز فيها للشعب المصرى بإسم (عم بطاطا)
للأسف ذاكرتى لا تسعفنى بكل كلماتها
لكن يمكن أن أذكر بعض المقتطفات منها
--------
عم بطاطا لذيذ ومعسل
عمره ما طاطى لغير الله
لما الدنيا بتقسى يمثل
إنه خلاص سلم لقضاه
قال إيه خلاص سلم لقضاه
__________
عم بطاطا يزك الزكة
يدخل سينا ويفتح عكا
___________
عم بطاطا يقول الراوى
خبى الحكمة ف توب الحاوى


كمان غنى الشيخ إمام وقال :


الإسم صابر على البلا أيوب حمار
شيل الحمول من قسمتى والإنتظار
أغرق فى أنهار العرق طول النهار
وأَلِمّْ همِّى فى المسا وأرقد عليه ..
عِرفت ليه ؟!
ضابط شرطة
06-09-2005, 12:48 PM
بسم الله

أكمل يا باشمهندسه كلامي وأقول ان الموضوع مش سلبيه زي ما انت فاهمه بس لأ فيه حاجه كمان اللي هي العاطفه يعني الشعب المصري شعب متعاطف جدا يعني لو قعدت مع واحد بالصدفه - وعمرك ما شفته - على قهوه ربع ساعه وشربتم شاي مع بعض وجيت تمشي يبقى هاين عليه يعيط ويقولك ابقى خلينا نشوفك يعني خد عليك بسرعه ومايبقاش عايز يسيبك .... اقصد ان احنا لما قعدنا - طبعا مش ربع ساعه لأ ده ربع قرن - ازاي ماناخدش على بعض؟؟ ونعيط للفراق ؟؟*13*
هو ده تفسيري للحماس والتأييد مع مبارك *9*
أنا عن نفسي ما اتخيلش انه يسيبنا ولازم يصعب عليَّ لو طلع - ف المشمش - وما اقبلش حد غيره بسهوله:) ..

شكرا
سـلـوى
06-09-2005, 03:42 PM
أول ما قرأت موضوعك يا سلوى
تبادر إلى ذهنى أغنية قديمة ورائعة لعلى الحجار عن الشعب المصرى
يرمز فيها للشعب المصرى بإسم (عم بطاطا)
للأسف ذاكرتى لا تسعفنى بكل كلماتها
لكن يمكن أن أذكر بعض المقتطفات منها
--------
عم بطاطا لذيذ ومعسل
عمره ما طاطى لغير الله
لما الدنيا بتقسى يمثل
إنه خلاص سلم لقضاه
قال إيه خلاص سلم لقضاه
__________
عم بطاطا يزك الزكة
يدخل سينا ويفتح عكا
___________
عم بطاطا يقول الراوى
خبى الحكمة ف توب الحاوى


جذبتى كلمات حضرتك جدااااااااا فرحت ابحث عن الاغنية او كلماتها و وجدتها

و عرفت ان (( "عم بطاطا" هو أحد شخصيات الباعة المتجولين فى شوارع مصر.
والشاعر "جمال بخيت" استخدمه كرمز للتعبير عن شخصية المواطن المصرى البسيط.))

و ها هى كلمات الاغنية الرائعة جدا فى معناها

عم بطاطا لذيذ ومعسل
عمره ما طاطا لغير الله
لما الدنيا بتقسى يمثل
انه خلاص سلم لقضاه
عم بطاطا يقول الراوى
خبى الحكمة ف ثوب الحاوى
ينفخ ناره عشان افطاره
وبنكتته بيداوى بلاوى
عم بطاطا بيمشى ف حاله
علشان رزقه ورزق عياله
غصبن عنه يقف يتكتف
بس بكيفه يفك حباله
عم بطاطا يزك الزكة
يعبر سينا ويفتح عكا
وبيصبر ع الجار السو
خمسين سنة ويقول دول فكه



شكرا لمرور حضرتك يا باشمهندس احمد
الذى يسعدنى و يشرفنى دائما
سـلـوى
06-09-2005, 03:48 PM
كمان غنى الشيخ إمام وقال :





الإسم صابر على البلا أيوب حمار
شيل الحمول من قسمتى والإنتظار
أغرق فى أنهار العرق طول النهار
وأَلِمّْ همِّى فى المسا وأرقد عليه ..
عِرفت ليه ؟!

doPoem(0)استاذى القدير الفاضل عاطف هلال

كم اسعدنى وجود اسم حضرتك جدااااااا

و اسمح لى ان اضيف الى الكلمات اللى حضرتك ضفتها

كلام عجبنى برضو اوى فى معناة


((لم الشمل بلاش تفكيكا
ياللى بتلعب بالبلوتيكا
عايز تاكل .. كل من قمحك
عايز تعزف .. اعزف سيكا
أرضك واحدة وربك واحد
لا تروح روسيا ولا أمريكا
وافهم بقى ربى يخليكا
*****
انت ضمير الكون يأخينا
وانت النور الصارخ فينا
حارس بيت الله على أرضه
من بيت لحم لمكه لسينا
لم الشمل الدوحة ح ترجع
وامسك فاس المغرب وازرع
خضرة تونس لازم تجمع
طمى سودانك على صحاريكا
*****
ارفع كل رايات بنى غازى
من عمان وكفاية تعازى
البحرين تحشد جزايرها
يغرق فيها سليل النازى
فى الإمارات قمرات تتهنى
مع فرسان من عدن الجنة
غصن الأرز يقول أتمنى
سهم دمشق فى عين أعاديكا ))

ربنا يحفظك و يحميك
تقبل خالص تقديرى و احترامى الدائم
محمد إسماعيل سلامه
06-09-2005, 04:22 PM
لتاني مرة يا بشمهندسة أرد على موضوع ليكي بكلام في صلب الموضوع ومش خارج عنه وبعدين مالاقيش المشاركة , عموما
أنا كل اللى قلته كان مجمله ان أنا متفق معاكي في كل اللى انتى قولتيه , بس كان لي رأيي وهكتبه لتاني مرة بس بإختصار المرة دي لأني بلاحظ ان المشاركة اللى بتضيع هيا اللى بكون كاتب فيها كلام كتير..
أنا كنت كتبتلك وقلت ان السلبيه موجوده ومحدش يقدر ينكرها , بس أنا متفائل شويه لأن نتائج (الصحوة النسبيه )اللى الناس فيها دلوقتي هتاخد سنين على ما تبقى ملموسه..لأن ده شعب كبير وأي تغير مش ممكن يبان عليه الا خلال فتره من الزمن ..
يعني مثلا الإنتخابات دى ..
أنا معاكى ان إختيار مبارك لا يتناسب مطلقا مع كل المعاناة اللى الشعب تعايش معاها في الفترة اللى فاتت وكأنها جزء منه..
بس بالعقل كده انتي شايفه ان حد يقدر من باقي المرشحين دول انه يحكم البلد دي ويعبر بيها لبر الأمان..؟؟!!
ممكن يكون كلامي في نظر البعض سلبي..لكنه مع التفكير المنطقي والتعايش مع الوضع الحالي ..كلام سليم..
يبقى احنا نرضى مؤقتا..بأحسن الوحشين..وبعد كده هتلاقي النتائج بجد ..
لأن خطوة الإنتخابات دى (وان كانت تحت ضغط خارجي) إلا انها خدمت الشعب كله..مش دلوقتي لا..في السنين اللى جايه
كله هيبتدى يهتم ..وكله هيعرف حقه فين..
لكن صدقيني الأيام اللى جايه..أعتقد انها هتبقى أفضل بكتير من اللى فاتت..المهم..توعية الناس اللى مش فاهمين حاجة..
علشان لما تيجي (بعد كدة) انتخابات .. نشوف انتخابات حقيقية..وشخصيات حقيقية , نقدر نثق فيها..وتكون أد المسؤوليه..
أنا آسف طولت عليكي ..(بس الرد اللى فات كان أحسن من كده)..معلش أصل أنا زهقت من العمليه دى بصراحة ..
المشكله ان أنا عنيد قوى ومبحبش حاجة تفرض نفسها عليا ..
شكرا ليكي على اهتمامك الجميل ده يا بشمهندسة..وعلى فكرة اهتمامك ده أكبر دليل على كلامي ان السلبيه دى في العد التنازلي بتاعها خلاص..لأن لو رجعنا 50 سنه مثلا من التاريخ مش هنلاقى بنت في سنك ..بتتكلم بالوعي ده..عرفتي بقى ان المسأله دي مسألة وقت..

أخوكِ
محمد إسماعيل سلامه
المفكر
06-09-2005, 06:20 PM
موضوعك مهم وجاد يابشمهنددسه عسوله

شعبنا السلبي الحبيب سبب سلبيته مش بس أنه بيجري على لقمة العيش
ولا النظام

مش عايزين نتحجج بحد زي مبيعملوا في الكوره
أول مانتغلب يبقى الحكم وحش

وجه النظر اللي بتقول نجرى ورا لقمة العيش
لما تختار واحد كويس وانت عارف أنه الأحسن
هيوفرلك جو إقتصادي كويس وهينعش إقتصاد البلد
وبالتالي هتلاقي كل الناس حست بده في لقمة عيشها
اللي هتنضف وتتحسن

المشكله فينا يا مصريين من أيام الفراعنه

أحنا خدنا على القهر والضرب والذل
وإحنا ماشيين جنب الحيط وكافيين خيرنا شرنا
نتضرب وبرضه ساكتين

عم بطاطا أتشل مبقاش بيزك الزكه

يوم ما الشعب قال كلمته عين والي من بره
محمد على

ومحمد على أدب الشعب عشان ينفرد بالحكم
مقامتلوش أومه بعد كده

لحد يومنا هذا
المشارك في الحياة السياسية بقت خطر منقدرش نتحمله
الكلام في السياسه بقى بيخوف

وطول ماأحنا فاكرين أننا ملناش دعوه وهتفرق أيه
وطول ماأحنا ماشيين جنب الحيط

هيجي اليوم اللي مش هنلاقي فيه حيط نمشى جنبه

لازم نغير المعتقد ده

ونشارك

نشااااااااااااااااااااااااااااارك

أنا آسف أني طولت بس فعلن الموضوع ياخد كلام ساعات

بشكرك يابشمهندسه عسوله مره تانيه على موضوعك الجميل ده
سـلـوى
06-09-2005, 08:55 PM
\- قاللي ماليش في انتخابات ولا كلام من ده انا بجري على لقمة العيش والجنيه وخلاص واصلا ما اعرفش اي حد من المترشحين غير مبارك وان جيت للحق هو احسن من غيره .
- ليه؟؟
- قاللي هو شبع يعني ما عادش هياخد اكتر من اللي خده وبعدين احنا اتعودنا على الهم والفقر والغلب اللي احنا فيه *12* وما نعرفش اللي هييجي هيعمل فينا ايه!!!!*11*
-----------
إذن لا داعي للاستغراب!!!!


شكرا جزيلا وخالص التحية على الموضوع الجرئ*8*



اهلا بيك يا اخى الصغير ضابط شرطة
سعدت جدا بمرورك و شكرا على تعليقك
ربنا يخليك

و القصة دى تؤكد كلامى من قبل بأن هذا هو هدف الحكومة
ان تشغل الشعب فى امور مختلفة تلهيهم عن الامور السياسية
بدليل الخوف الذى يتغلب على اصحاب المهن الكبرى من التحدث او التدخل فى السياسة

اللى احنا فية مش خطأنا فقط
بس دة لا يعنى ان ننتظر و نظل فى مكاننا على الاقل نسعى من انفسنا

علشان اولادنا و الاجيال القادمة مش تكون مثلنا او اوحش

بارك الله فيك و حفظك من كل سوء



بس تعالى ممكن سؤال؟؟؟؟؟
انت كنت واضع فى توقيعك ترشيح مبارك؟؟؟
((اصلى وقتها اضايقت اوى و قلت اية انفاق دة ))
انت ولا حد تانى؟
سـلـوى
06-09-2005, 09:07 PM
ايه ياجماعه انتو شركتوا المصريين ليه كده
ياجماعة سبب السلبية دى ذكاء من النظام (الذى لاهم له الا ان يجعل المواطن كمن يدور فى ساقية مربوط العينين حتى لايرى ماهوا فيه) فكيف سيفكر فى الانتخابات او شىء اخر؟
وهوا منهك ماديا وجسديا من كثرة العمل
انسان لايجد الوقت للجلوس مع اسرته فكيف يوفر لهم بيئة صحية ونفسية جيدة ؟
هم المواطن الاول راحة اولاده من فتات عمله (ليس سهل ان رايت ابنك بحاجه لاىشىء وانت عاجز عن توفيره اتدرى مايعنيه هذا.........) وبينتج عن هذا كله شتىءانواع الفساد


كلامك سليم
و هذا ما اقصدة بان المواطب المصرى اصبح كمن يدور فى ساقية مربوط العينين حتى لايرى ماهوا فيه

فاصبح يشغلة لقمة العيش و تربية الوادة فقط
و حتى هناك الكثير تلهاة الماديات عن تربية الاولاد و نشئتهم نشئة سليمة
فيكبروا مفتقدين الامان و المشاعرة السوية
و غيرها و التى تؤدى احيانا الى السلبية ايضا




لسنا فى حاجة الى رئيس جديد او قديم نحن بحاجة الى اصلاح ما افسده فينا تعاقب النظم الفاسده
نحن فى حاجة الى ناس شرفاء امثال الساده / احمد رشدى /ابو غزاله /عمر موسي
ممن يخافون على الوطن ويحترمون المواطن وغير ذلك فكفانا لصوص
أشكرك بشدة على مشاركتك الاكثر من رائعة ياباشمهندسة
حقيقى بتعجبنى مشاركاتك جدآ
تقبلى تحياتى

طب ما صعب نصحح ما افسدناة و احنا فى هذة السلبية
إلا بقائد قوى او مجموعة سياسية جيدة تراعى الله و تخشاة

لان طول ما هذة المجموعة ماسكة البلد مش هتعطى فرصة للشعب المصرى ان يفتح فمة او يعبر عن ما بداخلة حتى

و كل ما حاول الشعب ان يتقدم هيبهدلوة و يطلعوا عينة
و خاصة الشباب

على فكرة عمر موسى اللى اعرفة انة سئ و الله اعلم

و شكرا لمرورك و تعليقك الكريم جدا
ربنا يحفظك و يحميك
و يقدرك على اضرائة
سـلـوى
06-09-2005, 09:13 PM
سلوي - أذيك
دي يمكن اول مداخلة ليا في موضوعاتك المتميزة دايما - بس لازم اقول رأيي - علشان ماحسش اني سلبية في عدم ابدأ رأيي علي الأقل :d

:) انا الحمد لله بخير يا اميرة يا حببيتى *3* *3*

ايوة ايوة اتكلمى اوعى تكتمى فى نفسك :d

*13* لو كانت مواضيعى متميزة و بتعجبك لية مش بتدخليها طيب
بس بجد سعدت بتواجدك و تشريفك لى
و اتمنى مش تكون اخر مرة



انا ماعرفش قوي في السياسة بصراحة
بس العرفة ياعني لما اقول لحد - بطل سلبية - يبقي علي كدا لازم اكون انا شخصيا ايجابي في كل تصرفاتي
و لا أيه؟ *7*

تقبلي خالص تحياتي :f2:

أميرة


يا اميرة كلامك صح بس مش اوى *7*

انا شافية اننا نشجع بعض دى فى حد ذاتة عدم سلبية

يعنى مثلا انتى بتكسلى و مش بتذاكرى جامد و الامتحان قرب و صحبك مثلك
لية مش تشجعوا بعض
هل علشان انتى كسولة يبقى تفضلى كدة و تقولى لا خلاص مش اكلم حد

يا رب يكون المقصود وصلك

ربنا يحفظك و يحميكى يا غالية
سـلـوى
06-09-2005, 09:21 PM
بسم الله الرحمن الرحيم


عسولة \\ يا باشمهند سة



كنت عاهدت نفسى على عدم الكلام فى السياسة ووجع الراس

سامحك الله \\ ابنتى \\\ (http://///) المهم اتكلم وافضفض وخلاص واللى يجرى يجرى





استاذى القدير الفاضل غريب عبد الستار

اولا اشكر حضرتك جدااااااااا على مرورك
و ثانيا على قولك ابنتى كم اسعدنى مثل هذة الكلمة ربنا يخليك يا رب

و اتكلم إن شاء الله ما حد حوش :d :d :d







فى الاول احب اللى يقرأ ويتمعنن فى الكلام

\الاخ فرعون قال كلمة انا احسها وهى شوفى لو طلب احد من الاولاد شئ وانت متعرفش تلبيه له \\\\ (http://////) وقعه سودة

ثانيا \\ شوفى الاب يخرج من الساعة كم الى الساعة كم وتقولوا نروح ننتخب او انا سلبى

ثالثا \\ يا ناس حرام عليكم حسوا بينا

ثالثا \\ صدقونى مع الاحباط لا تفرق مين اللى يمسك البلد حسنى مبارك او عم عبدة البقال كلة زى بعضة فى النهاية = لا شئ


رابعا\\ فين الوقت اللى اروح ادلى بصوتى وانا فى الاصل صوتى انبح من كثرة الكلام ( انا معنديش صوت ) صوتى راح

اصبحت اتكلم زى الخرس بالاشارة ؟؟؟؟؟؟؟ وهذا ما يرودوة منا






مليش تعليق على كلام حضرتك
لان تعليقى حضرتك جاوبتة بنفسك فى اخر كلامك


((وهذا ما يرودوة منا ))

بس هل سنتيح لهم الفرصة دائما و نجلهم يتغلبون علينا و يحققون اطماعهم فينا
و ينهبون اموالنا و شرفنا و كرامتنا؟؟؟؟؟

و اكرر الجملة (( الساكت عن الحق شيطان أخرس ))







جزاكى الله خيرا ابنتى عسولة البشمهندسة

وعارف اخرتها ارجع تانى للى كنت فية


اب لبنات


:) اخرتها خييييييييير بأذن الله
و شكرا لحضرتك مرة اخرى
لهذة المداخلة الجميلة

ادعو الله ان يحفظ حضرتك و يحميك من كل سوء
و تشوف بناتك حاجة عظيمة
و تفخر بهم خلقا و علما
و تسكنوا جميعا فسيح جناتة
سـلـوى
06-09-2005, 09:27 PM
سبحان الله
سؤال يتكرر كثيرا
على السنه كثيرة
ولكن
حتى من يردد السؤال نجد ان فعله سلبي
من ارض الواقع
يعمل معي اخوة من مصر
كان احدهم يتكلم عن الانتخابات ويعارض ويبين المساوئ وانه لا بد من التغيير
استمعت له جيدا ولحماسة
في اخر الحوار سالته سؤال واحد
وانت من ستختار
قال لا أحد
قلت كيف
قال لا فائدة
قلت وكل هذا الكلام
قال لكي افهم الأخوة
وجدت الأمر غريبا
بدأت ادور واسأل باقي الزملاء من مصر
وجدت ان 90% لا يهتمون ولن ينتخبوا حتىلو وضعت لهم السفارة صناديق انتخابية
المهم دار نقاش كبير
والحمدلله البعض قرر فعلا ان يحاول ان ينتخب بغض النظر عن اختياره
الفكرة او قناعتي انا
ان كنت لن افعل شيء
فالصمت اكرم لي
العجز لا يبرر الا نحاول

كل الود


استاذى الفاضل قلب الليل
سعدت بمرور حضرتك

و بالنسبة لكلام حضرتك فلنكن واقعيين برضو

هو مش من كلمة او انى اروح يا شعب لازم نكون إيجابين هروح تانى يوم ألاقى الشعب بقى إيجابى

لان احنا فى حالة لا توصف بجد

و انا سمعت احصائية اننا فى عصرنا هذا نحمل الكثير و الكثير من الفساد الذى لم يمر بعصر من قبل

فنحاول ان نكون إيجابيين فى حياتنا حاجة حاجة و بالتالى هنوصل للى احنا عايزين

و بكررها تانى
علشان لو لم نلحق قطار التقدم و الكرامة و الحرية التى ترضى الله
نسعى ان يلحقة اولادنا
فننشئ فيهم الإيجابية
و شكرا لمرور حضرتك

ربنا يحفظك و يحميك
فارس مصري
07-09-2005, 09:20 AM
أختي الكريمة باشمهندسة عسولة دي أول مشاركة ليا في هذا المنتدى يسعدني ويشرفني أنها تكون في موضوع زي الموضوع الرائع وأنا بهنيك على الجرأة الجميلة دي
أولا / أنا لا اتفق معاكي ولا معا اي حد من الأعضاء اللي ردوا بالموافقة على أن الشعب المصري خاضع وسلبي
بالعكس الشعب المصري هو اللي اخترع الإيجابية وإننا بنمر في فترة زي اللي بنمر فيها دي لا يعني أننا شعب سلبي لكن شعب ذكي
مثلا أيام الملك فاروق والشعب الإنجليزي كان الشعب كله نفسه يطرد الاتنين
لكن كانوا محتاجين اللي يحركهم ومع أول شرارة من الضباط الأحرار اشتعل الغضب الحقيقي وقمنا مع جمال عبد الناصر بطرد جميع الخونة والإنجليز
أما بالنسبة لحسني مبارك وانتخابنا ليه فأنا في رأيي دي مش انتخابات أصلا دي مقدمة للأنتخابات اللي هتيجي بعدين
ممكن كمان خمس أو أربع سنين
لأن الشعب كله حاليا ما قدامهوش غير الريس حسني مبارك
أولا / لأننا في فترة محتاجة لرئيس خبير يعني عنده خبره في الأمور السياسية عنده خبرة امتى يخش حرب أو امتى ما يخشش
ثانيا / زي ما قال سواق التاكسي للأخ ضابط شرطة
أن الريس حسني مبارك شبع وما عادش عايز حاجة
وفي النهاية أنا ىسف على الرد الطويل بس الموضوع جميل ويخلي الواحد يكتب من هنا للصبح
saidead
07-09-2005, 10:46 AM
*4* ياسبحان الله كثيرا ماكنت اتساءل والح على نفسى بهذا السؤال وكنت دائما احاول الاجابة او جد مايقنعنى بان السلبية ليست صفة اصيله ملازمة للمصرى وقد حاولت كثيرا ان اجد لها مايبررها ولكن كنت دائما لا اجد مايقنعنى باسبابها وعندما تعمقت فى مقارنة احوال مصر قبل الثورة وبعدها اكتشفت منبع الداء واساس المشكله ومن اين بداءت وكيف استفحلت حتى دبت باوصال المجتمع واصبحنا نجد لها الفاظا ومترادفات وصارت كالداء العضال الذى تغلل فى فى انسجتنا,واصبحنا ننام ونصحوعلية ومن خلال قراءتى حول هذا الموضوع وجدت ان السلبية التى نعانى منها ظهرت بشكل كبير وفج بعد قيام ثورتنا المباركة وهذا للاسباب الاتية :
1_الشعارات التى تغنت بها الثورة من توفير الحياة للناس وارحة الناس من مشقة العمل والتى تم ترجمتها باسلوب خاطىء عن طريق المصادرات التى حدثت والتى جعلت قطاع عريض من الفلاحين يعتمد على ماتعطية له الدوله .
2_احتكار الدوله للنشاط الاقتصادى وبشكل كبير جعل العمال فى نوع من السلبية والاتكالية الكبيرة لانهم سيتقاضون رواتبهم حتى لو انتهى المصنع او الشركة .
3_ ظهور عدد كبير جدا من البطاله المقنعه وهم الذين تم تشغيلهم فى اجهزة الدوله دون دراسة واعية لاهمية وجودهم كاناس غير منتجين مما ادى الى قيام شريحة كبيرة بالاخذ دون مقابل .
4_احتكار الدوله لكل شىء واقصاء القطاع الخاص وذوى الامكانيات العلمية والمهارات الفردية واحلال محلهم المتملقين والمتسلقين ونافخى الابواق .
5_ ابعاد الكثير من القيادات الوطنية بغرض التخلص منهم بالتهميش او بالاعتقال
6_احتكار طبقة معينة للفكر الاشتراكى وتلميعهم على حساب الطبقة المثقفة الحقيقية بالبلد مما ادى لظهور اشباة المثقفين واشباة العلماء.
7_احتكار فئة معينة من السياسيين للحكم وانتقالهم مع كل الرؤساء وعدم اتاحتهم الفرصة لغيرهم كي يؤدى دوره المنوط بة .
8_ احتكار السلطة بشكل كامل فى يد الزعيم الاوحد وقتل اى محاوله للحراك السياسى والاجتماعى داخل البلد .
9_ظهور الدوله البوليسية والتى وجهت قوتها نحو اخضاع الشعب بشكل قصرى من خلال القوانين سيئة السمعه وحتى بدون قوانين وظهور زوار الليل مما ادى الى غياب حركات التنوير السياسى والاجتماعى.
10_المجاملات والمحاباة وتعيين ذوى القربى والمهللين فى المناصب القيادية والوظائف العامة مما اعطى الشعور بالياس داخل نفوس العامة .
11_الفساد السياسى والادارى الذى نخر اجهزة الدوله وغياب الامل فى الاصلاح على المدى القريب ادى الى نوع من الانسحاب الذاتى وفقدان القدرة على التفاؤل.
12_ اساليب التذوير العاتية التى يستخدمها النظام فى كل شىء وعلى مراى من الجميع دون خجل او حياء والتى ادت الى فقدان المصرى الثقة حتى فى نفسة .
13_الفقر المدقع الذى وصل الية الشعب نتيجة مغامرات اقتصادية فاشلة وغير محسوبة جعل الناس يدورون فى دوامة البحث عن لقمة العيش .
14_ظهور هوة كبيرة بين ابناء المجتمع الواحد واختفاء الطبقة المتوسطة وظهور طبقة فاحشة الثراء وغالبية اموالها من النهب والسرقة والتزوير .
15_احتكار هذة الطبقة والتى لاتمثل واحد من مية فى المية لكل مقدرات الشعب وحياته وغيابها عن حياة رجل الشعارع ومظاهر الانفاق الاستفزازية التى تثير مشاعر المواطن العادى والمطحون مع وجود ضغط امنى على الفئات المطحونة
هذة بعض النقاط التى خلصت اليها من خلال دراستى بهذا الامر .
وانا متيقن تماما ان هذة المشكله لن تحل الا بذوال هذا النظام مهما كانت النتائج واحساس المصرى انه قادر على ازاحة هم جثم على صدرة 53 عاما .
وشكرا لكل الاخوة الذين ادلوا برايهم بهذا الموضوع لانه فعلا موضوع حساس بشكل كبير ويحتاج منا نوع من المناقشة الهادئة الرزينة بدون التعصب لفكر او لراى معين لان هذة بلدنا جميعا وتهمنا بشكل كبير ولهذا فيجب ان نشارك جميعا فى اخراجها من كبوتها قبل ان يفوت الاوان ونجد انفسنا بدوامه نحن على حافتها ونسال الله ان يسترها وان نخرج منها بشكل او باخر .
وشكرا لكم جميعا
السيد عيد
*15* *4*
وردة فلسطين
07-09-2005, 11:01 AM
قرات الصفحة الاولى من اراء الاعضاء

اخواني معظمكم قلتم "تربينا على كده".......
يعني ايه؟ نفضل على كده ونربي ولادنا عليه
اومال التغيير حنجيبه منين؟
مين الي حيقول خلص
مين الي حيقول يكفي

كنت في زيارة لمصر
المضحك المدهش انه لم تكن دعاية انتخابية الا لحسني مبارك، لما؟؟؟؟؟؟؟ظ
لم يعرف الشعب( من تكلمت معه) الا حسني مبارك، لما؟؟؟؟؟؟؟؟؟؟؟؟

المشاركة بالانتخابات المصرية ماذا يمكن ان نسميها
هل تسمى سلبية؟ ام تسمى جهلا؟؟؟؟؟؟؟؟

لا اود المساس باي كان
ولا مصلحة لي في ذالك

لكن عند تعرفي على فئة من الشعب المصري عن طريق المنتدى خلته غير ذالك الشعب الذي تعكسه وسائل الاتصال
رايت به المتعلم المحنك ذو الخبرة والمعرفة، رايت به القادر على ادارة الكلام والحديث، من يستطيع تغيير ؤاي الغير او الاقناع وابراز وجهة نظره
لكن اجتمعت بمن اجتمعت ورايت ما رايت
وبت بين حانا ومانا ، لا اعرف اي الصورتين اصدق

فاقرا في المنتدى بقاعة السياسة واقرا بقاعة المناقشات واتمعن بالمواضيع والردود علي اعرف
لكن ما زلت بحيرة
فهل من مساعد
سـلـوى
07-09-2005, 03:10 PM
السلبية مرض متوطن في عقليه كل مصري تشربناها من صغرنا السلبية للأسف في نواحي كثيرة من حياتنا
مثال بسيط عندما لا يعجبك مقال في جريده في اللحظة الاولى ربما تعزمين على ارسال خطاب الي الجريدة
لتظهري غضبك
ولكن دقائق وتسير الحياة دون جديد

في العمل ربما تكون هناك قوانين وروتين والكل يعلم انه لا فائده منه ولكن من يتحرك للتعبير

عن رأيه بأنه المفروض ان يتم التغيير وان يتقدم بطلب وان يتابع الأمر

لن يصل الامر لأكثر من مجرد استنكار داخلي ربما لن يسمعه غيرك

هنا مثلا المصريين المعروف عنهم الشهامة والكرامة والكبرياء و و الخ

نادرا ً ما ينفعل شخص لسماعه عربي اخر بسب وطنه وربما يتصنع انه لم يسمع

او اذا رأى مصري غيره في شجار ربما يبتعد خوفاً على لقمة العيش

وغيرها من الأمثلة التى شاهدتها بعيني واصابتنى بالحيرة

دفعتنى مرارا للتحدث مع اصدقائي عن السلبية وعن عدم احترام الذات واعطاءالغير الفرصة

لفرض رأيه واسلوبه الذي ربما لن يتفق مع اسلوب حياة الجميع

اشكرك يا بشمهندسة على طرحك للموضوع


اهلا بيك يا عمرو

ان شاء الله تكون فى احسن حال

و الشكر لمرورك و تعليقك

و كلامك بيحصل كتيييييييييير للاسف
و اكيد دة كلة تراكم لاحداث كتير بتختلف تبعا لظروف كل شخص و ما يمر بية من جو محيط
بيؤدى عندة الى السلبية او عدم الاهتمام بالتعبير عن رأية لعلمة ان ما يسعى إلية لن يتحقق و لن يسمعة احد
فيقول انا هتعب نفسى لية
و دة فى نظرى يعتبر سلبية و خطأ

ربنا يحفظك و يحميك
و يقوى ايمانك باذن الله دائما
سـلـوى
07-09-2005, 03:14 PM
بسم الله

أكمل يا باشمهندسه كلامي وأقول ان الموضوع مش سلبيه زي ما انت فاهمه بس لأ فيه حاجه كمان اللي هي العاطفه يعني الشعب المصري شعب متعاطف جدا يعني لو قعدت مع واحد بالصدفه - وعمرك ما شفته - على قهوه ربع ساعه وشربتم شاي مع بعض وجيت تمشي يبقى هاين عليه يعيط ويقولك ابقى خلينا نشوفك يعني خد عليك بسرعه ومايبقاش عايز يسيبك .... اقصد ان احنا لما قعدنا - طبعا مش ربع ساعه لأ ده ربع قرن - ازاي ماناخدش على بعض؟؟ ونعيط للفراق ؟؟*13*
هو ده تفسيري للحماس والتأييد مع مبارك *9*
أنا عن نفسي ما اتخيلش انه يسيبنا ولازم يصعب عليَّ لو طلع - ف المشمش - وما اقبلش حد غيره بسهوله:) ..

شكرا

كلامك صح

بس اما يكون الشخص دة بيسرق فى و انا مش ضايقة و مخنوق منة
و حاسس انة معيشى فى ذل و عدم كرامة و فساد كبييييييير

يبقى استحالة هيحس نحوة بذلك الشعور

الفكرة ان الناس تقول هو كدة كدة مش هيسيب الحكم و فى نفس الوقت احنا مش نعرف حد غيرة


طب يا جماعة بالفرض ان كلهم وحشين طب ما حسنى مبارك وحش و اوحش كمان لان مفيش اعتقد ان فية فساد اكتر من كدة

بس على الاقل اننا نغيرة هيعطى لنا قدرة ان يكون لنا صوت و نغير


بس على العموم الانتخابات الان تدل ان الشعب بدأ يفوق
و الفضائح و التزويرات اصبحت علنى اهو

تابع قناة اليوم برنامج القاهرة اليوم راااااااااااااائع
سـلـوى
07-09-2005, 03:27 PM
لتاني مرة يا بشمهندسة أرد على موضوع ليكي بكلام في صلب الموضوع ومش خارج عنه وبعدين مالاقيش المشاركة , عموما
أنا كل اللى قلته كان مجمله ان أنا متفق معاكي في كل اللى انتى قولتيه , بس كان لي رأيي وهكتبه لتاني مرة بس بإختصار المرة دي لأني بلاحظ ان المشاركة اللى بتضيع هيا اللى بكون كاتب فيها كلام كتير..


اهلا بيك يا استاذ محمد
معلش حظك بقى معايا :d

هقول على حاجة تعملها لانى انا نفسى كنت بنشل من الحكاية دى و خاصة اما تكتب كلام كتير و بتركيز و يروح

اول ما تكتب الكلام و تخلصة اعملة copy
علشان اما تعملة عرض و يروح اعملة paste
يبقى مخسرتش حاجة
جربها كدة و ان شاء الله تنفع

و شكرا جدااااااااا لمرورك و محاولتك مرة اخرى



يعني مثلا الإنتخابات دى ..
أنا معاكى ان إختيار مبارك لا يتناسب مطلقا مع كل المعاناة اللى الشعب تعايش معاها في الفترة اللى فاتت وكأنها جزء منه..
بس بالعقل كده انتي شايفه ان حد يقدر من باقي المرشحين دول انه يحكم البلد دي ويعبر بيها لبر الأمان..؟؟!!
ممكن يكون كلامي في نظر البعض سلبي..لكنه مع التفكير المنطقي والتعايش مع الوضع الحالي ..كلام سليم..
يبقى احنا نرضى مؤقتا..بأحسن الوحشين..وبعد كده هتلاقي النتائج بجد ..


انا شايفة بصراحة برضو ان فكرتك عقلانية و مش سلبية
بس طبيعى الافكار بتختلف
يعنى انا شافية ان الكل وحش اصلا
و يعنى هو حسنى اللى موصلنا لامان

بس التغير فى حد ذاتة يعتبر تقدم كبير جداااااااااااا
لان اللى يخلينا ننتصر على الحكومة المتسلطة و نغير الرئيس هيشجعنا اننا نتكلم بعد كدة جامد و نغير حسن ما نجد الافضل لنا

هى دى نظرتى و الله اعلم



لأن خطوة الإنتخابات دى (وان كانت تحت ضغط خارجي) إلا انها خدمت الشعب كله..مش دلوقتي لا..في السنين اللى جايه
كله هيبتدى يهتم ..وكله هيعرف حقه فين..
لكن صدقيني الأيام اللى جايه..أعتقد انها هتبقى أفضل بكتير من اللى فاتت..المهم..توعية الناس اللى مش فاهمين حاجة..
علشان لما تيجي (بعد كدة) انتخابات .. نشوف انتخابات حقيقية..وشخصيات حقيقية , نقدر نثق فيها..وتكون أد المسؤوليه..
أنا آسف طولت عليكي ..(بس الرد اللى فات كان أحسن من كده)..معلش أصل أنا زهقت من العمليه دى بصراحة ..
المشكله ان أنا عنيد قوى ومبحبش حاجة تفرض نفسها عليا ..
شكرا ليكي على اهتمامك الجميل ده يا بشمهندسة..وعلى فكرة اهتمامك ده أكبر دليل على كلامي ان السلبيه دى في العد التنازلي بتاعها خلاص..لأن لو رجعنا 50 سنه مثلا من التاريخ مش هنلاقى بنت في سنك ..بتتكلم بالوعي ده..عرفتي بقى ان المسأله دي مسألة وقت..

أخوكِ
محمد إسماعيل سلامه


كلامك دة انا اتفق معاك جدااااااااااا بصراحة
و خاصة بعد متابعتى اكثر لمرحلة الانتخابات

لو زى ما قلت متابع برنامج القاهرة اليوم على قناة اليوم هتجد حرية جميلة
و عرض لكل ما يحدث

و بتدل ان فى فئة كبيرة من الشعب اصبحت على قدر كبير من الوعى

على الرغم انهم صوروا و اكدوا على وجود الكثير من التجاوزات و التزويرات
بس يكفى ان هناك اصبح امل كبييييييييييييييييييييير

و ان لم يتحقق ما نريد حاليا فان شاء الله لو استمرينا على الدرب هنحقق ما نريد
رغم انفد كل الحاقدين بأذن الله و لو بعد حين

و خاصة زى ما قلت الموضوع مش سهل و مش من يوم و ليلة هنحقق كل ما نريد

اسفة انا على التنطويل
ربنا يحفظك و يحميك يا رب من كل سوء
تقبل خالص تقديرى و احترامى الدائم
سـلـوى
07-09-2005, 03:32 PM
لحد يومنا هذا
المشارك في الحياة السياسية بقت خطر منقدرش نتحمله
الكلام في السياسه بقى بيخوف

وطول ماأحنا فاكرين أننا ملناش دعوه وهتفرق أيه
وطول ماأحنا ماشيين جنب الحيط

هيجي اليوم اللي مش هنلاقي فيه حيط نمشى جنبه

لازم نغير المعتقد ده

ونشارك

نشااااااااااااااااااااااااااااارك

أنا آسف أني طولت بس فعلن الموضوع ياخد كلام ساعات

بشكرك يابشمهندسه عسوله مره تانيه على موضوعك الجميل ده


الشكر لمرورك و تعليقك الكريم
ربنا يخليك يا رب

و كلامك سليم جداااااااااا

يجب ان نغير من تفكيرنا و ما نتعبة فى حياتنا

قبل ما ان لا نجد حيط

تسلم على رايك

و طبعا انت مش طولت ابدا

بارك الله فيك و حفظك من كل سوء
تقبل خالص تقديرى و احترامى الدائم
white_angel_81
07-09-2005, 05:59 PM
مرسي على الموضوع يا بشمهندسة موضوع شيق فعلا بس اسمحيلي مين دلوقتي في مصر بيدور في الاحوال السياسية الا من رحم ربي يا بشمهندسة الناس بقى همها الشاغل وشغلها الشاغل لقمة العيش وبس ازاي يوفروا لقمة العيش لنفسهم وللحواليهم لكن مين يمسك الحكم مش مشكلة جذرية في حد ذاتها الناس ملهية في مشاكلها وهموما اللي عاوز يتجوز ومش قادر واللي عاوز يشتغل وعاطل بقاله كذه سنة ومش لاقي فرصة واللي عنده احلام وطموح مش قادر يحققهم بالله عليك انت شايفة في حد مرتاح الناس اللي بتكلم في السياسة ناس شبعانة مشفتش الفقر والجوع ولا الظلم لكن الفقير بيدور على لقمة العيش والستر وانت فاهمه كلامي كويس بالتالي استمرار الرئيس في الحكم او غيره مش هتفرق مع الغلابة في اي حاجة هم بس عاوزين يوفروا لقمة العيش .. بصي حواليك انزلي الشوارع وشوفي الناس الغلابة وانت تفهمني وتحسي بالناس دي وتعرفني انهم شعب طيب وغلبان بس ناقصهم كثير قوي قوي ومش عاوزين غير الستر ولقمة العيش فالفكرة مش فكرة سلبية ابدا الشعب المصري عمره ما كان سلبي ابدا ابدا والتاريخ بيقولنا كده احنا شعب مفيش زيه في العالم كله الشعب المصري بحلوه وبمره
سـلـوى
08-09-2005, 10:35 AM
أختي الكريمة باشمهندسة عسولة دي أول مشاركة ليا في هذا المنتدى يسعدني ويشرفني أنها تكون في موضوع زي الموضوع الرائع وأنا بهنيك على الجرأة الجميلة دي
أولا / أنا لا اتفق معاكي ولا معا اي حد من الأعضاء اللي ردوا بالموافقة على أن الشعب المصري خاضع وسلبي
بالعكس الشعب المصري هو اللي اخترع الإيجابية وإننا بنمر في فترة زي اللي بنمر فيها دي لا يعني أننا شعب سلبي لكن شعب ذكي
مثلا أيام الملك فاروق والشعب الإنجليزي كان الشعب كله نفسه يطرد الاتنين
لكن كانوا محتاجين اللي يحركهم ومع أول شرارة من الضباط الأحرار اشتعل الغضب الحقيقي وقمنا مع جمال عبد الناصر بطرد جميع الخونة والإنجليز
أما بالنسبة لحسني مبارك وانتخابنا ليه فأنا في رأيي دي مش انتخابات أصلا دي مقدمة للأنتخابات اللي هتيجي بعدين
ممكن كمان خمس أو أربع سنين
لأن الشعب كله حاليا ما قدامهوش غير الريس حسني مبارك
أولا / لأننا في فترة محتاجة لرئيس خبير يعني عنده خبره في الأمور السياسية عنده خبرة امتى يخش حرب أو امتى ما يخشش
ثانيا / زي ما قال سواق التاكسي للأخ ضابط شرطة
أن الريس حسني مبارك شبع وما عادش عايز حاجة
وفي النهاية أنا ىسف على الرد الطويل بس الموضوع جميل ويخلي الواحد يكتب من هنا للصبح


اخى الفاضل فارس

اولا اشكر حضرتك على مرورك و تعليقك الكريم
و يزيدنى شرفا ان تكون اول مشاركة لك فى موضوعى

و ان كلامك فية الكثير من الصح
بس لية ننتظر ان يفيقنا احد؟؟
و خاصة اننا وصلنا الى مرحلة من الفساد كبيرة لدرجة ان السلبية اصبحت فى كل مجال للعمل
يعنى اللىى يتعرض لمشكلة بيسكت و خلاص حتى لو كان حقة و ممكن يضرة كتير

و بالنسبة لان الرئيس يفضل زى ما هو او لا فمش هتفرق
بس على الاقل نكون من جوانا عندنا اصرار اننا نغيرة و نسعى لكدة
و دة اللى بيحدث الان
و دة يدل على ان هناك امل كبير

و اكيد مش كل حاجة هتتحقق فى يوم و ليلة

تقبل خالص تقديرى و احترامى
سـلـوى
08-09-2005, 10:39 AM
*4* ياسبحان الله كثيرا ماكنت اتساءل والح على نفسى بهذا السؤال وكنت دائما احاول الاجابة او جد مايقنعنى بان السلبية ليست صفة اصيله ملازمة للمصرى وقد حاولت كثيرا ان اجد لها مايبررها ولكن كنت دائما لا اجد مايقنعنى باسبابها وعندما تعمقت فى مقارنة احوال مصر قبل الثورة وبعدها اكتشفت منبع الداء واساس المشكله ومن اين بداءت وكيف استفحلت حتى دبت باوصال المجتمع واصبحنا نجد لها الفاظا ومترادفات وصارت كالداء العضال الذى تغلل فى فى انسجتنا,واصبحنا ننام ونصحوعلية ومن خلال قراءتى حول هذا الموضوع وجدت ان السلبية التى نعانى منها ظهرت بشكل كبير وفج بعد قيام ثورتنا المباركة وهذا للاسباب الاتية :
1_الشعارات التى تغنت بها الثورة من توفير الحياة للناس وارحة الناس من مشقة العمل والتى تم ترجمتها باسلوب خاطىء عن طريق المصادرات التى حدثت والتى جعلت قطاع عريض من الفلاحين يعتمد على ماتعطية له الدوله .
2_احتكار الدوله للنشاط الاقتصادى وبشكل كبير جعل العمال فى نوع من السلبية والاتكالية الكبيرة لانهم سيتقاضون رواتبهم حتى لو انتهى المصنع او الشركة .
3_ ظهور عدد كبير جدا من البطاله المقنعه وهم الذين تم تشغيلهم فى اجهزة الدوله دون دراسة واعية لاهمية وجودهم كاناس غير منتجين مما ادى الى قيام شريحة كبيرة بالاخذ دون مقابل .
4_احتكار الدوله لكل شىء واقصاء القطاع الخاص وذوى الامكانيات العلمية والمهارات الفردية واحلال محلهم المتملقين والمتسلقين ونافخى الابواق .
5_ ابعاد الكثير من القيادات الوطنية بغرض التخلص منهم بالتهميش او بالاعتقال
6_احتكار طبقة معينة للفكر الاشتراكى وتلميعهم على حساب الطبقة المثقفة الحقيقية بالبلد مما ادى لظهور اشباة المثقفين واشباة العلماء.
7_احتكار فئة معينة من السياسيين للحكم وانتقالهم مع كل الرؤساء وعدم اتاحتهم الفرصة لغيرهم كي يؤدى دوره المنوط بة .
8_ احتكار السلطة بشكل كامل فى يد الزعيم الاوحد وقتل اى محاوله للحراك السياسى والاجتماعى داخل البلد .
9_ظهور الدوله البوليسية والتى وجهت قوتها نحو اخضاع الشعب بشكل قصرى من خلال القوانين سيئة السمعه وحتى بدون قوانين وظهور زوار الليل مما ادى الى غياب حركات التنوير السياسى والاجتماعى.
10_المجاملات والمحاباة وتعيين ذوى القربى والمهللين فى المناصب القيادية والوظائف العامة مما اعطى الشعور بالياس داخل نفوس العامة .
11_الفساد السياسى والادارى الذى نخر اجهزة الدوله وغياب الامل فى الاصلاح على المدى القريب ادى الى نوع من الانسحاب الذاتى وفقدان القدرة على التفاؤل.
12_ اساليب التذوير العاتية التى يستخدمها النظام فى كل شىء وعلى مراى من الجميع دون خجل او حياء والتى ادت الى فقدان المصرى الثقة حتى فى نفسة .
13_الفقر المدقع الذى وصل الية الشعب نتيجة مغامرات اقتصادية فاشلة وغير محسوبة جعل الناس يدورون فى دوامة البحث عن لقمة العيش .
14_ظهور هوة كبيرة بين ابناء المجتمع الواحد واختفاء الطبقة المتوسطة وظهور طبقة فاحشة الثراء وغالبية اموالها من النهب والسرقة والتزوير .
15_احتكار هذة الطبقة والتى لاتمثل واحد من مية فى المية لكل مقدرات الشعب وحياته وغيابها عن حياة رجل الشعارع ومظاهر الانفاق الاستفزازية التى تثير مشاعر المواطن العادى والمطحون مع وجود ضغط امنى على الفئات المطحونة
هذة بعض النقاط التى خلصت اليها من خلال دراستى بهذا الامر .
وانا متيقن تماما ان هذة المشكله لن تحل الا بذوال هذا النظام مهما كانت النتائج واحساس المصرى انه قادر على ازاحة هم جثم على صدرة 53 عاما .
وشكرا لكل الاخوة الذين ادلوا برايهم بهذا الموضوع لانه فعلا موضوع حساس بشكل كبير ويحتاج منا نوع من المناقشة الهادئة الرزينة بدون التعصب لفكر او لراى معين لان هذة بلدنا جميعا وتهمنا بشكل كبير ولهذا فيجب ان نشارك جميعا فى اخراجها من كبوتها قبل ان يفوت الاوان ونجد انفسنا بدوامه نحن على حافتها ونسال الله ان يسترها وان نخرج منها بشكل او باخر .
وشكرا لكم جميعا
السيد عيد
*15* *4*


ما شاء الله

بصراحة انا مليش تعليق علىكلامك
فهو يعتبر ملخص هام لكل ما يحدث و يسبب للسلبية او ما نمر بية من فساد

تسلم ايدك بجد
بارك الله فيك
و شكرا لمرورك و اضافتك الرائعة
سـلـوى
08-09-2005, 10:44 AM
قرات الصفحة الاولى من اراء الاعضاء

اخواني معظمكم قلتم "تربينا على كده".......
يعني ايه؟ نفضل على كده ونربي ولادنا عليه
اومال التغيير حنجيبه منين؟
مين الي حيقول خلص
مين الي حيقول يكفي

كنت في زيارة لمصر
المضحك المدهش انه لم تكن دعاية انتخابية الا لحسني مبارك، لما؟؟؟؟؟؟؟ظ
لم يعرف الشعب( من تكلمت معه) الا حسني مبارك، لما؟؟؟؟؟؟؟؟؟؟؟؟

المشاركة بالانتخابات المصرية ماذا يمكن ان نسميها
هل تسمى سلبية؟ ام تسمى جهلا؟؟؟؟؟؟؟؟

لا اود المساس باي كان
ولا مصلحة لي في ذالك

لكن عند تعرفي على فئة من الشعب المصري عن طريق المنتدى خلته غير ذالك الشعب الذي تعكسه وسائل الاتصال
رايت به المتعلم المحنك ذو الخبرة والمعرفة، رايت به القادر على ادارة الكلام والحديث، من يستطيع تغيير ؤاي الغير او الاقناع وابراز وجهة نظره
لكن اجتمعت بمن اجتمعت ورايت ما رايت
وبت بين حانا ومانا ، لا اعرف اي الصورتين اصدق

فاقرا في المنتدى بقاعة السياسة واقرا بقاعة المناقشات واتمعن بالمواضيع والردود علي اعرف
لكن ما زلت بحيرة
فهل من مساعد


لان يا وردة الكلام سهل جدا

لكن التنفيذ صعب جدا جدااااااااااا
و خاصة اما يكونوا ماسكين الدولة مجموعة لا تراعى الله و كل ما يشغلهم نهب البلد بخيراتها

و صدقينى دة مش فى مصر بس
سـلـوى
08-09-2005, 10:48 AM
مرسي على الموضوع يا بشمهندسة موضوع شيق فعلا بس اسمحيلي مين دلوقتي في مصر بيدور في الاحوال السياسية الا من رحم ربي يا بشمهندسة الناس بقى همها الشاغل وشغلها الشاغل لقمة العيش وبس ازاي يوفروا لقمة العيش لنفسهم وللحواليهم لكن مين يمسك الحكم مش مشكلة جذرية في حد ذاتها الناس ملهية في مشاكلها وهموما اللي عاوز يتجوز ومش قادر واللي عاوز يشتغل وعاطل بقاله كذه سنة ومش لاقي فرصة واللي عنده احلام وطموح مش قادر يحققهم بالله عليك انت شايفة في حد مرتاح الناس اللي بتكلم في السياسة ناس شبعانة مشفتش الفقر والجوع ولا الظلم لكن الفقير بيدور على لقمة العيش والستر وانت فاهمه كلامي كويس بالتالي استمرار الرئيس في الحكم او غيره مش هتفرق مع الغلابة في اي حاجة هم بس عاوزين يوفروا لقمة العيش .. بصي حواليك انزلي الشوارع وشوفي الناس الغلابة وانت تفهمني وتحسي بالناس دي وتعرفني انهم شعب طيب وغلبان بس ناقصهم كثير قوي قوي ومش عاوزين غير الستر ولقمة العيش فالفكرة مش فكرة سلبية ابدا الشعب المصري عمره ما كان سلبي ابدا ابدا والتاريخ بيقولنا كده احنا شعب مفيش زيه في العالم كله الشعب المصري بحلوه وبمره


شكرا ليكى
و اهلا بمرورك
و كلامك سليم
بس دة اللى كانوا بيسعوا لية زى ام قلنا ان يخلوا الشعب لا يشغلهم غير لقمة العيش
و حقيقى فى كتير اوى غلبان جداااااااااا

بس لازم احنا يا شعب مثقف وواعى نبدأ نتحرك علشانا و علشانهم
و على فكرة التقدم فى الاتصالات من خلال الدش و الكمبيوتر اعطى لهم وعى بما يحدث
و خاصة فى المناطق الريفية

و ان شاء الله يا رب نكون فى تقدم مستمر

تقبلى خالص حبى و احترامى *3*
ربنا يحفظك و يحيمكى دائما
و يقدرنا جميعا على ارضائة
ضابط شرطة
08-09-2005, 09:36 PM
اهلا بيك يا اخى الصغير ضابط شرطة سعدت جدا بمرورك و شكرا على تعليقك
ربنا يخليك

وسهلا يا باشمهندسة
انا اسعد بموضوعك وردودك الكريمة وربنا يخليك لمصر


و القصة دى تؤكد كلامى من قبل بأن هذا هو هدف الحكومة
ان تشغل الشعب فى امور مختلفة تلهيهم عن الامور السياسية
بدليل الخوف الذى يتغلب على اصحاب المهن الكبرى من التحدث او التدخل فى السياسة

اللى احنا فية مش خطأنا فقط
بس دة لا يعنى ان ننتظر و نظل فى مكاننا على الاقل نسعى من انفسنا

علشان اولادنا و الاجيال القادمة مش تكون مثلنا او اوحش

كلامك مضبوط جدا


بارك الله فيك و حفظك من كل سوء




جزاك الله عنا خير يا باشمهندسة
بس تعالى ممكن سؤال؟؟؟؟؟
انت كنت واضع فى توقيعك ترشيح مبارك؟؟؟

اتفضلي

بالضبط كده

((اصلى وقتها اضايقت اوى و قلت اية انفاق دة ))
انت ولا حد تانى؟
لا مش نفاق بس كان بجد
انا طبعا


بس ده كان وقتها لكن انا رأيي اليوم بيقول كفاية
ضابط شرطة
08-09-2005, 09:42 PM
كلامك صح
بس اما يكون الشخص دة بيسرق فى و انا مش ضايقة و مخنوق منة
و حاسس انة معيشى فى ذل و عدم كرامة و فساد كبييييييير

يبقى استحالة هيحس نحوة بذلك الشعور

الفكرة ان الناس تقول هو كدة كدة مش هيسيب الحكم و فى نفس الوقت احنا مش نعرف حد غيرة


طب يا جماعة بالفرض ان كلهم وحشين طب ما حسنى مبارك وحش و اوحش كمان لان مفيش اعتقد ان فية فساد اكتر من كدة

بس على الاقل اننا نغيرة هيعطى لنا قدرة ان يكون لنا صوت و نغير


بس على العموم الانتخابات الان تدل ان الشعب بدأ يفوق
و الفضائح و التزويرات اصبحت علنى اهو



والله يا باشمهندسة ربنا يتولانا بقى ويخلفنا غيره مع ان الحكاية اتظبتت خلاص والمولد خلص

تابع قناة اليوم برنامج القاهرة اليوم راااااااااااااائع




قناة اليوم دي فين؟؟؟والله انا اللي غير رأيي ناحية الافندي ده قناة الجزيرة في برنامجها ملفات مصرية اللي بيتكلم فيه العملاق محمد حسنين هيكل تابعيه هيعجبك برضه
saladino
08-09-2005, 09:44 PM
ماهو لو مفيش سلببية فى مصر ازاى نكون متميزين عن باقى الدول

مش لازم نكون فالحين فى حاجة شديدة

*4* *4*
atefhelal
09-09-2005, 09:01 AM
أنا متفائل .. فسوف يخرج الشعب المصرى من سلبيته قريبا بإذن الله .. وسوف يتخلص من داء السلبية الخبيث.. ولايجب أن نلوم شعبناعلى إصابته بهذا المرض فهو شعب مغلوب على أمره .. وحاول من قبل كثيرا وضحى من ضحى منه بحياته وحريته فى سبيل التخلص منه والقضاء عليه.. ولكن خيوط عنكبوت الجكم الشمولى الذى استمر زمنا طويلا طالت واشتدت من حوله ، فقيدت حركته ، وأصابته بشلل السلبية الرعاش وكتمت أنفاسه وكادت أن تخنقه، فمات من مات منه بأنيميا الظلم الخبيثة ..

ويجب أن لايفقد شبابنا الأمل فى التخلص من السلبية ، بشرط التسلح بالمعرفة التى لاحدود لها أو قيود عليها .. .. والقذف بقوة خلف ظهورهم كل شخص يحمل فيروس السلبية والتخلف تحت الشعار الخائب الذى يقول : اللى نعرفه أحسن من اللى منعرفوش ..!!

وقد أصبح عند المصريين الآن استعدادا للتعبير عن آرائهم علنا .. ولم تكن الإنتخابات الرئاسية التى انتهت فى نظر الكثير منهم تكمن فى احتمال إسقاط "مبارك" من مقعد السلطة لكنها كانت تكمن - فى رأيهم - فى اكتسابهم جرأة تحدى حكمه الذى استمر ربع قرن من الزمان .. فأصاب شعبنا بكثير من الأمراض .. أخطرها كان هو عقم المواهب والقيادات .. وأصبح قطاع كبير من الشعب يردد المثل الخائب الذى يقول : "اللى نعرفه أحسن من اللى منعرفوش " .. رغم أن كل العقلاء يعلمون .. أن الإنسان عندما يضع حدودا لمعرفته أو يُفرض عليه ذلك من خارجه فهو ارتداد لانهائى إلى الخلف وإلى الغباء.. وسجن مؤبد للبشر فى دائرة السلبية والتخلف والتبلد ...
سـلـوى
09-09-2005, 02:13 PM
قناة اليوم دي فين؟؟؟والله انا اللي غير رأيي ناحية الافندي ده قناة الجزيرة في برنامجها ملفات مصرية اللي بيتكلم فيه العملاق محمد حسنين هيكل تابعيه هيعجبك برضه





ايوة شفتة
بس سيبك
شوف احوال مصر داخليا و خارجيا و منها احكم

و شكرا لمرورك مرة اخرى :)
و قناة اليوم على الدش برضو
سـلـوى
09-09-2005, 02:16 PM
ماهو لو مفيش سلببية فى مصر ازاى نكون متميزين عن باقى الدول

مش لازم نكون فالحين فى حاجة شديدة

*4* *4*


:d عندك حق
ملاحظاتك قوية ما شاء الله :)

بس مش احنا بس اللى كدة
كل العرب كدة للاسف

يا رب نفوق بجد
سـلـوى
09-09-2005, 02:33 PM
أنا متفائل .. فسوف يخرج الشعب المصرى من سلبيته قريبا بإذن الله .. وسوف يتخلص من داء السلبية الخبيث.. ولايجب أن نلوم شعبناعلى إصابته بهذا المرض فهو شعب مغلوب على أمره .. وحاول من قبل كثيرا وضحى من ضحى منه بحياته وحريته فى سبيل التخلص منه والقضاء عليه.. ولكن خيوط عنكبوت الجكم الشمولى الذى استمر زمنا طويلا طالت واشتدت من حوله ، فقيدت حركته ، وأصابته بشلل السلبية الرعاش وكتمت أنفاسه وكادت أن تخنقه، فمات من مات منه بأنيميا الظلم الخبيثة ..

...
استاذى القدير عاطف هلال
اسعدنى مرور حضرتك مرة اخرى
و كلام حضرتك سليم
لان استحالة نلقى كل اللوم على الشعب
و خاصة اما يكون اللى ماسكين البلد مجموعة كبيرة تحيطة من كل النواحى لكى تحطم اى امل او تقدم لة

بس برضو دة لا ينكر السلبية و الغلط اللى على الشعب
بدليل ان السلبية تجدها تواجدت للاسف فى كل مكان ومجال للعمل
فأى فرد بيتعرض لإهدار حقة بيسكت و لا يسعى الية خوفا




ويجب أن لايفقد شبابنا الأمل فى التخلص من السلبية ، بشرط التسلح بالمعرفة التى لاحدود لها أو قيود عليها .. .. والقذف بقوة خلف ظهورهم كل شخص يحمل فيروس السلبية والتخلف تحت الشعار الخائب الذى يقول : اللى نعرفه أحسن من اللى منعرفوش ..!!
...

كنت فى يوم شاهدت حلقة فى البيت بيتك كانت جميلة جدا بصراحة
احد المستضفين
قال ان اكيد و غالبا مش هيتحقق ما نتمناة بمعنى ان حسنى مبارك اكيد هيفضل و ممكن مش يحصل اى تغيير
بس لازم دة مش يأثر علينا بالسلب
و يبدد الامل الى يأس
و نعتبر الانتخابات دى مرة اولى و بدائية الى ما نريد
لان مش معقولة هنحقق كل ما نريدة مرة واحدة
و بصراحة عجبنى اوى الكلام دة
و ربنا يثبت الايمان و الامل فى قلوبنا جميعا






وقد أصبح عند المصريين الآن استعدادا للتعبير عن آرائهم علنا .. ولم تكن الإنتخابات الرئاسية التى انتهت فى نظر الكثير منهم تكمن فى احتمال إسقاط "مبارك" من مقعد السلطة لكنها كانت تكمن - فى رأيهم - فى اكتسابهم جرأة تحدى حكمه الذى استمر ربع قرن من الزمان .. فأصاب شعبنا بكثير من الأمراض .. أخطرها كان هو عقم المواهب والقيادات .. وأصبح قطاع كبير من الشعب يردد المثل الخائب الذى يقول : "اللى نعرفه أحسن من اللى منعرفوش " .. رغم أن كل العقلاء يعلمون .. أن الإنسان عندما يضع حدودا لمعرفته أو يُفرض عليه ذلك من خارجه فهو ارتداد لانهائى إلى الخلف وإلى الغباء.. وسجن مؤبد للبشر فى دائرة السلبية والتخلف والتبلد ...

كلام سليم
و انا اساس طرحى للموضوع هو هذة الجملة و التفكير الذى اعترضة بشدة
و هى (( : "اللى نعرفه أحسن من اللى منعرفوش "))

اتمنى ان يأتى يوم و تحذف هذة الجملة و السلبية
من القاموس المصرى

تقبل خالص تقديرى و احترامى الدائم
sabry_only
11-09-2005, 11:13 AM
شكرا على الموضوع دة بس فعلا الشعب المصرى من اكثر الشعوب سلبية وعندة حالة من عدم الاهتمام باى حاجة ويمكن انا بحس انها ظاهرة تاريخية فى المصرين منذ القدم *14*
سـلـوى
21-09-2005, 04:59 PM
اهلا بمرورك اخى الفاضل

بس بصراحة انا مش معاك فى حكاية ان الشعب المصرى لا يهتم بحاجة منذ القدم
بالعكس الشعب المصرى واعى جدااااااااااااا جدااااااااااااااا
غالبيتة كدة بجد
و ذكى
بس عيبنا ان احيانا الكسل و السلبية بيتغلبوا علينا و الخوف
فبنكبر دماغنا
و دة غلط جدا

شكرا لمرورك اخى الفاضل

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث