كلنا نفخر بماضي أمتنا... فماذا عن الحاضر

[المفكر]

مفيش حد فينا مبيفخرش بالماضي المشرف لأمتنا، فرعوني أو قبطي أو إسلامي، وفي كل العصور، كنا من الأمم السباقة وكنا في حضارة لما كانت أوروبا بيعيشوا فيها في كهوف.

كنا وكنا وكنا، وبعدين، هنفضل نقول كنا لحد أمتى، أنا بصراحه مكسوف من نفسي وبتمنى أقول أحنا دلوقتي كذا وكذا، أي إنجاز، وأعتقد إن ناس كتير عندهم نفس الإحساس.

لكن هل بقى شيء ممل وعيب أننا نكرر الكلام نفسه بالتاريخ العريق والأمه السباقة وكفايه كلام عن الماضي لأننا خدنا سمعه أننا أمة (بتاعة كلام) وبلاش نضيع وقت في الكلام وننفذ؟
يعني من الآخر هل نغمة الماضي المجيد ممكن تكون عائق ونفضل نحزن على أيام المجد بس؟

ولا لازم نفتكر الماضي وأمجاد جدودنا عشان يبقا عندنا حافز نقدر نشتغل ونجتهد بيه؟



مستني آرائكم وياريت كل واحد يستنى لآخر الحوار عشان يحدد أيه الصح ونبدأ في البناء ومنقفش عند مناقشة الموضوع بس

[غريب عبد الستار]

بسم الله الرحمن الرحيم


اخى الكريم \\\ جزورنا قوية لكن ؟؟؟؟؟؟؟

الفروع هشة ضعيفة ؟؟؟؟

اسبابها

اننا نعيش على اطلال الماضى الجميع ومش عاوزين نعيش الحاضر الان \\\ وشكرا


اب لبنات

[سـلـوى]

موضوع جميل اوى يا مفكر

و انا متأكدة ان دة مش تفكيرك لوحدك و اكيد كلنا كدة

و يمكن علشان كدة محدش شارك

لان الكل محرج يقول اية؟

و هتلاقيها عوامل كتير اوى

و من اهمها الحكومة اللى ما شاء الله عليها
محوطانا من كل جانب او مجال

كل ما تجد تقدم فى مجال تجد الحكومة بقوانينها و سياستها تدمرة او تحطمة

لدرجة ان الشباب بيكسل او يكبر دماغة زى ما بيقولوا

حتى لو فية حد شخصيتة قوية و عندة هدف و مصر علية بيسافر علشان يحققة برة لان متاكد انة هيجد من يحترم و يستقبل افكارة و ينميها



صدقنى احنا بنملك شباب و رجالة و افكار رائعة جدااااااااااااااااااااااا

بس للاسف مفيش مجال و لو وجد بيدمر

خالص تقديرى و احترامى الدائم

[سيد جعيتم]

ابنى الحبيب / المفكر
سئول فى نفس الموضوع : ليه ولاد بلدنا بينجحو فى الخارج ويفشلوا فى مصر
لو قلت انتم يا شباب فى ايديكم نرجع مجدنا ابقى بظلمكم . لازم يكون فيه مجال متسع للأبداع وياريت ترزية القوانين المكبلة للعقول فى مصر يفصلوا قوانين جديدة تعطى الناس الحرية فى كل شىء والأمكانيات اللازمة وساعتها سنبدع ونتبؤ مكاننا الصحيح بين الأمم .

[فتى مصر]

السبب يا اخى الفاضل اننا مكبوتين مبنعرفش نعبر عن انفسنا فى الجامعات والمدارس وحت فى معظم البيوت فبالتالى الثقة فى النفس معدومة والقدرة على الابداع عقيمة . والامم تتقدم من حولنا ونحن هاهنا قاعدون . فعندما نرى الامم تتقدم من حولنا نفخر ونعلو الاصوات باننا احفاد الفراعنة ولن اصل قبل كل هؤلاء المحدثين . طبعا دا بيعتبر نوع من انواع الدفاع عن النفس .والدليل على كدا الصفر فى كافة المجالان ولاسيما صفر المونديال الى كان بجميع الالوان .




فتى مصر

[Hesham Nassar]

أنا رأيي كده في السريع ..http://www.egyptsons.com/misr/images/smilies/050103big_prv.gif

الأيام دِوَلْ ..
و دوام الحال من المحال ..
و المستقبل بيد الله ..
و اسعى يا عبد و ربنا معاك ..
المهم نسعى فين و ازاي ..
http://www.egyptsons.com/misr/images/smilies/1110.gif

[فتى مصر]

يا اخ هشام نصار دوام الحال من المحال مش معناه حال اركود الى احنا فيها مش معناها ناخد اصفار فى كافة المجلات الرياضة والصحة والتعليم والقضاء والاحزاب ولانتخابات .كافة المجالات تقريبا . احنا اخدين اصفار . عندك اغلبية الشعب المصرى مصاب بامراض الكبد يا اخ هشام بلاضافة الى كارثة الامراض السرطانية المنتشرة بصورة فظيعة جداااا . الموضوع يا اخى الكريم مش موضوع تداول الايام احنا الى عاوزين نعيش كدا . هما الفراعنة الى احنا بنفتخر اننا احفادهم وصلوا للمجد ازاى لما اتحركوا واكتشفوا وعملوا وانتجوا فبالتالى اصبح لهم مجد وكذلك الروس وكذلك الامريكان وبريطانيا كلهم تقدموا لانهم هم الذين صنعو المجد لانفسهم .



شكرا يا استاذ المفكر على الموضوع دا .



فتى مصر

[بنت مصر]

أنا داخلة عشان أحييك يا مفكر على فكرة الموضوع
وعلى طرحك الرائع .. وكمان عشان اشكرك كل
اللي شاركوا لان كلها مشاركات رائعة !!

كل التحية


بسنت

[محمود زايد]

لاننا بنتكلم كتير وفعلنا قليل جدا وكل واحد دلوقتى بيفهم فى كل حاجه سواء متخصص فيه اولا المهم انه يفتى باى كلام
ويقول رأيه وكمان ان بقى كل شئ سهل جدا وتقدر تجيبه بكل سهوله ويسر ما بتفكرش انك تقدم جديد مافيش حد بيشغل مخه او عاوز يتعب نفسه مادام كل شئ فى متناول ايدى يبقى افكر ليه
احنا امه بتاعت كلام وبس
تحياتى لك يامفكر على موضوعك لكن لو فضلت تفكر كتير مش اتوصل لنتيجه برضه
كل عام وانت بخير

[محمود زايد]

أنا داخلة عشان أحييك يا مفكر على فكرة الموضوع
وعلى طرحك الرائع .. وكمان عشان اشكرك كل
اللي شاركوا لان كلها مشاركات رائعة !!

كل التحية


بسنت

وانا برد تانى فى موضوع اخى المفكر
علشان اقولك حمدلله على سلامتك
انا سمعت انك كنتى فى العمرة وربنا يتقبل منك صالح الاعمال
بس مش المفروض كل عضو له هديه منك سبحه وسجاده صلاه ولا يعنى ما سمعتى عن حاجه اسمها زكاة رمضان :d
كل عام وانتى بخير ونورتى المنتدى *8*

[المفكر]

أولا أحب أن أشكر كل من شارك في الموضوع
واعتذر لأني مردتش لأن الموضوع ده أنا كنت عامله من زمااااااااااااااااااااااااااااااااااااااااان
ومحدش رد عليه فأهملته ولكم مني الاعتذار
أشكر باشمهندسه عسوله أختي الكريمة على مشاركتها وإن شاء الله نشوفك على طول بمشاركاتك المتميزة
وأشكر والدى لإضافته للموضوع
فتى مصر أهلا بيك وأشكرك على المشاركة القيمة
حبيبي هشام نصار ببقى سعيد وانا بشوف مشاركاتك التي تحمل طابع الفكاهة والنقد فينفس الوقت
الأخت العزيزة بسنت جمد الله على السلامه وأرجو أنك تكوني افتكرتينا بالدعاء وشكرا ليكي
أخويا محمود أنا لو مشفتش مشاركتك في موضوعي أو حتى في موضوع بشارك فيه يبقى حاجه غريبة، لأني بحس أننا متلازمين في المنتدى وربنا يديم المحبة
أنا كنت عاوز أوصل رسالة لكل من يتغنى بأننا اعرق الأمم ونحن أصحاب أول حضارة
وعلى رأي عادل إمام فنحن سادة الشنبرة من قديم الزمان
أول حضارة انتهت وفيه غيرها ظهر فأين نحن الآن