سنة مرت .....

[منال درويش]

لملمت أوراقي القديمة

لجل ما أطوى

صفحة فاتت..

من سنين عمري اللي فات

صفحة دابت فيها نفسي

بدلت صوتي بسكات

سطر فيها عاش أماني

ولا ماتت أمنيات

سطر يحلم بيه زماني

نيل بيجري جوه دمي أو فرات



سنة مرت ..!!

بكل ما فيكي عديتي

بضحكاتك…. بأناتك

بأحلامك….. بدمعاتك

يا عام من عمري عديتي

عشتك ..لحظة ترحالي

وحب كان ف النبض

يوم غالي ..!!

بنتعارك ،، ونتصافى

ونتلاقي ،، ونتجافى

تضميني ،، تعانديني

تكوني المرسى ،، تخديني

تكوني البحر ،، ترميني

يا عام من عمري عديتي



مع بدايتك ،،

حلمت ان الامل طارح

ف ارض بوار..!!

وف نهايتك ،،

قلت تعبت م الافكار



فيكي الحب،، حبيته

وجوه عيوني ،، خبيته

وعشت الصدق بأصوله

وداب القلب في فصوله

وقلت انت ،،

بكل العمر وسنينه

ونبض النبض ،، وحنينه

علي أد الامل فيكي ،

ما شاف النور

أد الليل ما كان ضلمة

وبيت مهجور

يا عام من عمري عديتي

اشتياقي يوم وداعك

زي لحظة اشتياقي

يوم ما جيتي…..!!

[سـلـوى]

ما شاء الله بجد
تسلم ايدك يا منال درويش
حقيقى شاعرة رقيقة و عظيمة
ربنا يحفظك يا غالية
و الى الامام دائما
و ان شاء الله كل عام يمر عليكى و انتى باحسن حال و محققة ما تتمنى
و فى تقرب الى الله

[أحمد ناصر]

شكرا لك يا منال
و دائما أسعد بقراءة قصائدك الجميلة

[محمد إسماعيل سلامه]

الأخت منال درويش

كلماتك جميلة ولغتك عذبة وسهله , توصل للقلب بسرعة
وانا وان كنت لا أكتب كثيرا بالعاميه , إلا انني أحترم وجودها عن هذه الترهلات التي تكتب تحت اسم الشعر الحر
وهي لا تمت له بصله
سعدت بالقراءة لك , ودمتي بخير...


محمد اسماعيل سلامه

[حنـــــان]

جميلة يا منال
تسملي

[المجدلية]

منال

عذب وجميل هذا النص

يدل على رقة قلبك

وعذوبتك

تحياتي لك

مريم محمود العلي

[وحي الشباب]

منال
كل عام وانت طيبه
ودمت محبوبة محبه

تحياتي
وحي الشباب

[منال درويش]

سلوى الرائعة

تحياتى اليك وشكرأ على مرورك الراقى واعتذر عن التأخير بالرد :)
دائما على تواصل

[منال درويش]

الرائع ، احمد ناصر

اشكرك جداً فمرورك على صفحتى المتواضعة يسعدنى ويسعد قلمى

دمت للشعر

[منال درويش]

محمد اسماعيل سلامة
تحياتى القلبية لعطر قلمك الذى أنار صفحتى
وأشكرك على أن كلماتى العامية قد اعجبتك

فهذا وسام اضعه على صدري

دمت للشعر

[منال درويش]

الغالية / حنان
الجميل وجود بصفحتى

كونى بخير

[منال درويش]

مريم محمود العلى
انت غالية على جداً اتدرين لماذا ؟ ، لان اسمك هو اسم طفلتى الوحيدة (مريم) بارك الله فيك وفي كل اسماء مريم يا رب آمين

شكراً لك ، ولك منى كل الحب

[منال درويش]

وحي الشباب ، دمت للحب ودام محبوك

كل المنى وارق التحية

[مصطفى سلام]

وحب كان ف النبض

يوم غالي ..!!

بنتعارك ،، ونتصافى

ونتلاقي ،، ونتجافى

تضميني ،، تعانديني
------------------
إنها كالحب الذى قال عنه بيرم التونسى :
الحب كده .. دلال و وصال .. و رضا و خصام
و اهو من دا و دا.. الحب كده .. مش عايزة كلام ..

و كذلك الحياة يا آنستى : بنتعارك و نتصافى ... الخ ما أبدعت ..
دمت بخير

[بنت مصر]

قرأت نبضاتك المتلاحقةفي تخوف وقلق
بين حنين الذكريات والترقب لمجهول آت ...

تسلم ايديكي يا منال يا مبدعتنا الغالية


بسنت

[صفحات العمر]

لملمت أوراقي القديمة

لجل ما أطوى

صفحة فاتت..

من سنين عمري اللي فات

صفحة دابت فيها نفسي

بدلت صوتي بسكات

سطر فيها عاش أماني

ولا ماتت أمنيات

سطر يحلم بيه زماني

نيل بيجري جوه دمي أو فرات



سنة مرت ..!!

بكل ما فيكي عديتي

بضحكاتك…. بأناتك

بأحلامك….. بدمعاتك

يا عام من عمري عديتي

عشتك ..لحظة ترحالي

وحب كان ف النبض

يوم غالي ..!!

بنتعارك ،، ونتصافى

ونتلاقي ،، ونتجافى

تضميني ،، تعانديني

تكوني المرسى ،، تخديني

تكوني البحر ،، ترميني

يا عام من عمري عديتي



مع بدايتك ،،

حلمت ان الامل طارح

ف ارض بوار..!!

وف نهايتك ،،

قلت تعبت م الافكار



فيكي الحب،، حبيته

وجوه عيوني ،، خبيته

وعشت الصدق بأصوله

وداب القلب في فصوله

وقلت انت ،،

بكل العمر وسنينه

ونبض النبض ،، وحنينه

علي أد الامل فيكي ،

ما شاف النور

أد الليل ما كان ضلمة

وبيت مهجور

يا عام من عمري عديتي

اشتياقي يوم وداعك

زي لحظة اشتياقي

يوم ما جيتي…..!!




السلام عليكم ورحمة الله وبركاته

اختى الغاليه منال

صفحه من صفحات الصفاء الوجدانى والصدق مع النفس

ليس بغريب على انسانه مثلك تلك الوقفه الرائعه على ناصية عام جديد

ونظرة وداع لعام مضى بكل ما فيه من افراح واحزان

اطال الله فى عمرك وملائه بركه وسعاده وهناء

لك كل الود والاحترام

محمد سعيد

[منال درويش]

الكريم / مصطفى سلام
تحياتى على عطرك الذي ملأ صفحتى
وتحياتى على كلمات بيروم التونسي
ما ابدعها من كلمات

دمت للشعر ودام تواصلك

[منال درويش]

بسبوسة الغالية حبيبة القلب
تحية الى القمر الذي سطع في صفحتى وجعلنى اشعر بافخر لاننى قطرة في بحر المبدعين في هذا المكان الرائع والمنتدى الذي صار اقرب الاماكن الى قلبي

بسنت كم أحبك في الله

دمتى على ود وتواصل

[محمد نديم]

علي أد الامل فيكي ،

ما شاف النور

وأد الليل ما كان ضلمة

وبيت مهجور

اللـــــــــــــــــــــــــــــــــــــــــــــــ ــــه

عزيزتي الأستاذة منال درويش ما أرق قصيدتك وما أروع هذ المقطع وشاعريته ...
سلمت بالف خير مبدعة رقيقة وراقية

محمد نديم
هنا اسكن
http://www.postpoems.com/members/nadeemali

[منال درويش]

الرائع محمد سعيد ، صفحات العمر
تحياتى الى مداد يراعك النابض بكل الحب والود للجميع
واشكر لك مرورك على صفحتى

دمت للشعر ولنا جميعاً

أختك دائماً

[منال درويش]

الرائع والاخ الكريم / محمد نديم
دمت على صدق
واشكرك على هذا المرور الرائق والاجمل

مع خالص امنياتى واحترامى لقلمك الذي يسكنك أقصد تسكنه :)

[فاى]

جميلة جدا قصيدتك جميلة تسلمي علي ما كتبتي

[منال درويش]

فاي
تحياتى اليك واشكرك على مرورك الرائع على صفحتى
ودائماً على تواصل

اختك
منال درويش

[احمد ابوسنة]

وجيت يامنال
وجيت ومعايا كام موال
وببدرهم على سطرك
وجيت ومعايا لون حبرك
عشان ارسم سطور تاني
وجيت اول
وجيت تاني
ولسه ما جيت
عشان حبري
اندلق منى
عشان قلمي
أكل سني
ولسه ماجيت
لازمت البيت على كرسي
فى طرح وجمع
وقلمي اصله دلوقتي
عيشته حرام
بقى مابيعرف الخط
بغير ارقام
ورقم اليوم ده كان اتنين
وكان الحب متواعد فى قلب اتنين
قلم ودواية مليانه بحبر جديد
بيشخط فى القمر يطلع
لأنه عنيد
ويجرح فى الوشوش حرفي
فيطلع عيد
على وشي
على وش اللى جه زارنا
وعارف قدر مقدارنا
بحب الناس اقدرهم
واحب الناس تقدرنا
وجيت يامنال
ولسه ماجيت
ـــــــــــــــــــــــ
احمد ابوسنة

[منال درويش]

يا ميت أهلاً
على الحاضر ولساه جاي
بقلبه الحلو ده حاضر
وشايل بكرة فوق الاكتاف
وراسم ارضه خضرة ومَاي
يا ميت أهلاً عليك يا أحمد
بقالى كتير وباستنى .
لحد ما نبضى اتجمد
وقلت اسكت وأتأنى
لحد ما اشوف ضميرك حي
ح يجينى ، يغنيلي
يمسح دمعتى ف عينى
ونبض النبض بينادى لكنه ،
بس متردد ..
ويمكن الكلام واحد ومتحدد
و الحقيقة انكم منى وانا منكم
ودايماً قلبي يدعيلكم
أنا فاهماك وفاهمة كل افكارك
بتعرف سكتك للجول
لذلك حلمنا اختارك
تقول الحق
واحنا وراك وح نصدق
ولا الارقام ح تنفعنا
ولا بيها ح نسترزق
يلاه يا شهم وبسرعة
ابدر ع الضيا نورك
واوعى فِ الهموم تغرق
وشوط ف الجول
بسرعة قوام ور وح سدد
ويفرح قلبي بقدومك
شوط يا أحمد ما تتردد

[منال درويش]

يا ميت أهلاً
على الحاضر ولساه جاي
بقلبه الحلو ده حاضر
وشايل بكرة فوق الاكتاف
وراسم ارضه خضرة ومَاي
يا ميت أهلاً عليك يا أحمد
بقالى كتير وباستنى .
لحد ما نبضى اتجمد
وقلت اسكت وأتأنى
لحد ما اشوف ضميرك حي
ح يجينى ، يغنيلي
يمسح دمعتى ف عينى
ونبض النبض بينادى لكنه ،
بس متردد ..
ويمكن الكلام واحد ومتحدد
و الحقيقة انكم منى وانا منكم
ودايماً قلبي يدعيلكم
أنا فاهماك وفاهمة كل افكارك
بتعرف سكتك للجول
لذلك حلمنا اختارك
تقول الحق
واحنا وراك وح نصدق
ولا الارقام ح تنفعنا
ولا بيها ح نسترزق
يلاه يا شهم وبسرعة
ابدر ع الضيا نورك
واوعى فِ الهموم تغرق
وشوط ف الجول
بسرعة قوام ور وح سدد
ويفرح قلبي بقدومك
شوط يا أحمد ما تتردد

[احمد ابوسنة]

اكيد فرحان
اكيد بفرح
ولما جيت اشوط تانى
لقيت الحلم متكسح
لقيت الحلم ده بيعرج
على قمره ما بتروح
مكانكم فى القلوب كلمة
وضلاية
وكعبه وفيها اتمسح
وارض الحرف فى بيتكم
جناين خضرا نتفسح
وجيت تاني
وجيت فرحان
اكيد فرحان
ولما حاولت اشوط تانى
لقيت الحلم متكسح
امانه عليكو يااطبا
هاتولى طرف دى السيره
وهاتو الفرش بحصيرة
وضمدو حلمي بجبيرة
وانا رأيي على الارجح
يكون البتر شئ اصلح
عشان حلمي اكيد جايلي
اكيد طارح قمر عناقيد
اكيد الحلم جاى بجديد
اكيد فرحان
اكيد بفرح
ولما جيت اشوط تانى
لقيت الحلم متكسح
ـــــــــــــــــــــــــــــ
احمد ابوسنة