هل هذه افعال شعب منتظر ضربة عسكرية من قوتين عظمتين ؟؟؟

[بنت مصر]

سؤال غريب والبحث عن اجابته محير

فالعراق تلك الدولة الخاضعة للحصار منذ اكثر من 12 عام
والتي تتوقع ضربه قوية باحدث اساليب التقنيات الحديثة
من امريكا وانجلترا -أقوى دولتين في العالم- تحتفل بعيد
ميلاد (عدي) نجل الرئيس صدام حسين والذي أحيته المطربة
نوال الزغبي الاسبوع الماضي!!

فهل حقيقي ان العراق ترقد على خميرة من الاسلحة النووية
التي لم يعثر عليها المفتشون ،، ام ان العراق قد اطمأن الي ان
امريكا لن تخوض حربا لم تحسب فيها بدقة مدي قوة الاخرين؟؟



بسنت

[روامي]

ولسه يا عالم

العراق لسه وياما حتشوفوا

عيدميلاد صدام حسين وكيكه قد ميدان التحرير وبيقول الشعب عليه حصار

والاطفال عايزه حليب

طيب ما الفلوس اللي راحت لنوال الزغبي والكيك والخمور والبنات اللي رقصت

وتوابع الاحتفال مش الشعب اولى بيها

يا عالم دا صدام واولاده

انتوا مش عارفين حاجه اسالوا اللي مجاور التعيس

واحنا اللي عايشين في الوسط وعارفين الشعب بيجوع وصدام يحتفل بأعياد الميلاد

اصلا مافيش حصار ولا حاجه دا بس اعلام خارجي وتغطيه

وانتي يا نوال الزغبي ما خفتيش على نفسك؟؟؟؟ يا سبحان الله






روامــــــــــــــــــي

[أشجان الليل]

والله كلامكم ده.................جه على الجرح
أصلاً حالنا كلنا دلوقت حاجه تحزن

[روامي]

وياما في الجراب يا...........صدام


لسه اصل اللي احنا بنعرفه غير اللي هو بيصدره للخارج

احنا عارفين شعبه الجائع

والست نوال بتحيي عيد ميلاد عدي صدام
والنبي الشيك كان لكم صفر جنب الرقم؟؟؟ ممكن يا مدام نوال الزغبي


دا المال بتاع الشعب الجائع الشعب الذي لاحول ولاقوه

الشعب الذي كل خطيئته ان صدام حسين رئيسه ومالكه

شعب مغدور ومخدور لا يقدر على النطق

يرقص طربا من الموت والجرح ينزف وهو مضطر ان يرقص والا قطع عنقه واغتصبت ابنته

وبالنهايه الجثه ترمى في احواض الاسيد

لاخفاء معالم الجريمه

المهم سلمولي على الست العظيمه نوال الزغبي




روامـــــــــــــــــــــي

[heba]

بسم الله الرحمن الرحيم

بنت مصر اللى بيحتفل موش الشعب فهو مجبر على ذلك فالشعب محاصر و الأموال التى دفعت لنوال الزغبى من قوتهم و لكن ما ذنبهم 0 و اقول لك يا بنت مصر انى لى اصدقاء كانوا فى العراق فى الفتره التى كانت نوال الزغبى هناك كانوا فى رحله تضامنيه مع شعب العراق و كان انطباعهم عن الشعب العراقى صعب جدا و ان الشوارع خاليه من الناس و هادئه و منتظرين الهجوم فى اى لحظه و ما ينشر يا بنت مصر عن الأحتفالات ما هو الا دعايه ليثبتوا ان الشعب العراقى يعيش حياته لا مبالى و هنا الخطأ فالشعب العراقى لم يحتفل يمكن القصور الرئاسيه هى التى احتفلت و لكن الشعب لا و ما بيدهم حيله 0و انا انقل ما شاهدوه من كانوا فى العراق تبرئة لشعب العراق و كان الله فى عونهم و ربنا ينجيهم من المهالك0

[مصراوى]

تحية لبنت مصر
كل كلمة قالتها هبه هى عين الصواب
اللهم رحمتك

[بنت مصر]

اهلا بروامي واشجان ومصراوي وبمشاركاتكم

بس انا ليا تحفظ برضه

وهو اننا بنقرا في الصحف انه قد صدر من بغداد تصريحات تحذر فيها امريكا
من مغبة الحرب وتمنيها بالهزيمة الساحقة ،، تلميحا الي وجود اسلحة نووية
مازالت موجودة في اماكن لم يصل اليها المفتشون ....

فهل يمكن ان نسمي تلك الحفلة بالحرب الباردة مع امريكا ؟؟


بسنت

[heba]

بسم الله الرحمن الرحيم

بنت مصر نسيتى ترحبى بى ليه؟
يا حبيبتى يا بنت مصر لا يخفى عليكى انه كما يوجد صقور للحرب فى كل مكان يوجد فى بغداد و بعد التصريحات الناريه بصقر منهم يطلع وزير الأعلام ليصحح ما صرح به و يهدىء الأمور يا بنت مصر دى حرب نفسيه و ممكن نعتبرها حرب بارده ايضا00
تحياتى
:5::5::5:

[بنت مصر]

هبهوبة حبيبتي والله مقدر انساكي ابدا

بس الرد اللي تحت دا ليكي انتي وكنت قصدي اخصك بيه
عشان كده ماحطيتش اسمك معاهم لان الرد اللي تحت ليكي والله العظيم

وبقصدك بيك وكان قصدي اوجههولك بس نسيت اكتب اسمك


اسفة حبيبيتي وياريت تسامحيني


واشكرك جدا على التعليق الواعي والجميل



بسنت

[heba]

بسم الله الرحمن الرحيم

بنت مصر الغاليه انا لا يمكن ازعل منك ابدا ولا من اى حد و خصوصا انتى يا اختى العزيزه فلا تعتذرى نحن اخوات و انا لم ازعل حقيقى انا باهزر معك0
تحياتى
اختك
هبهوبه

[بنت مصر]

الف شكر هبهوبة والله ريحيني اوي
الحمد لله وربنا يديم علينا الصداقة والحب يارب



بسنت