أحمد كمال زكي
08-06-2005, 03:51 PM
الليل بيرقُد فوق مسامَّك
ضاغط عليك.
و النوم بيهرب من رموشك.
راسم في عينك هَمّْ صورتُهْ
و ف روحك القلقانه بينقَّطْ مَرارُه !
مش عارف ان الموت بيُعبُر جَوَّك المُعتِم بخِفَّه
مش داري إن أبوك على سريره بيُرقُد في انتظاره !
الساعه بتخُش ف تلاته.
الليل كئيب
راخي السكوت ع الناس عبايته.
لكن صهيل الساعه في مشاعرك لهيب.
صوت الكلاب الصاحيه بيخُش في ودانك يزعجك
كل القطط بتنوح بصوت يشق صدر الليل و صدرك
و فجأه بيجيلك فزع
على كِتفه شايل نعش مُرعِب
ملفوف في ألمه و انزعاجه
كان صوت أبوك.
إنت و اخواتك بتصحوا مذهولين
- " بابا مالك؟! "
الصوت بيتكفِّن بخوفك و ارتباكك.
كل شيء حواليك بينطق بالحقيقه
بس مانتش لسه فاهم.
كل عمرك كنت واهم.
- " مات خلاص؟ "
- " يعني أيه..؟ "
- يعني أيه الموت.. و ليه؟!
- يعني كل فضاك مِغيِّم..
يعني ابوك ميت في حضنك
و انت مش حاسس بموته
يعني صوت قلبك بيدخل جوا صوته
يعني طايره الروح ترفرف
و انت مش داري بشيء.
- يعني أيه ؟!
- يعني ساكت جوا قلبك الألم
يعني دمع امك بينزل شلالات
و انت مش قادر تقول لامك : كفايه
و انت مش قادر ترجَّع اللي مات.
- اللي مات..؟
- اللي مات.
- يعني أيه ؟!
- يعني دمع حَرور بيلهب لحم خدَّك
يعني شيء مجهول بياخدك
من حياتك..
و الآهات بتزيد سهادك
و استلابك.
يعني حفره في وادي مرعب
فاضيه يِمْكِنْ
بس طول الليل بتملا عنيك دموع
و ف نهارك تلقى كل الوقت بيسرسب دموع
و ف عنيك دمع العزيزه ، الغاليه أمَّك
تفتكر ليلة ما مات الغالي ابوك
قد أيه الحضن لمَّك.
قد أيه العمر زاد في عنيك و شِعْرَكْ ؟
قد أيه منقوع في همَّك..
يعني أيه لسَّاك هتسأل؟
- يعني أيه ؟!
- يعني موت .
--------------
* من ديوان " حب موت ".. قيد الطبع.
ضاغط عليك.
و النوم بيهرب من رموشك.
راسم في عينك هَمّْ صورتُهْ
و ف روحك القلقانه بينقَّطْ مَرارُه !
مش عارف ان الموت بيُعبُر جَوَّك المُعتِم بخِفَّه
مش داري إن أبوك على سريره بيُرقُد في انتظاره !
الساعه بتخُش ف تلاته.
الليل كئيب
راخي السكوت ع الناس عبايته.
لكن صهيل الساعه في مشاعرك لهيب.
صوت الكلاب الصاحيه بيخُش في ودانك يزعجك
كل القطط بتنوح بصوت يشق صدر الليل و صدرك
و فجأه بيجيلك فزع
على كِتفه شايل نعش مُرعِب
ملفوف في ألمه و انزعاجه
كان صوت أبوك.
إنت و اخواتك بتصحوا مذهولين
- " بابا مالك؟! "
الصوت بيتكفِّن بخوفك و ارتباكك.
كل شيء حواليك بينطق بالحقيقه
بس مانتش لسه فاهم.
كل عمرك كنت واهم.
- " مات خلاص؟ "
- " يعني أيه..؟ "
- يعني أيه الموت.. و ليه؟!
- يعني كل فضاك مِغيِّم..
يعني ابوك ميت في حضنك
و انت مش حاسس بموته
يعني صوت قلبك بيدخل جوا صوته
يعني طايره الروح ترفرف
و انت مش داري بشيء.
- يعني أيه ؟!
- يعني ساكت جوا قلبك الألم
يعني دمع امك بينزل شلالات
و انت مش قادر تقول لامك : كفايه
و انت مش قادر ترجَّع اللي مات.
- اللي مات..؟
- اللي مات.
- يعني أيه ؟!
- يعني دمع حَرور بيلهب لحم خدَّك
يعني شيء مجهول بياخدك
من حياتك..
و الآهات بتزيد سهادك
و استلابك.
يعني حفره في وادي مرعب
فاضيه يِمْكِنْ
بس طول الليل بتملا عنيك دموع
و ف نهارك تلقى كل الوقت بيسرسب دموع
و ف عنيك دمع العزيزه ، الغاليه أمَّك
تفتكر ليلة ما مات الغالي ابوك
قد أيه الحضن لمَّك.
قد أيه العمر زاد في عنيك و شِعْرَكْ ؟
قد أيه منقوع في همَّك..
يعني أيه لسَّاك هتسأل؟
- يعني أيه ؟!
- يعني موت .
--------------
* من ديوان " حب موت ".. قيد الطبع.