يالا المـــــزاد

[هاملت]

يـالا المــزاد

قرررررررررررب

قرب قرب

أدخل و حتشوف العجب
دا مــزاد تقـــيل
عـــبى و شـيل
و كل واحــد له طلب
بونجــور مـدام
مرحـب يا بيـه
عـندى حاجات اكســـترا
حــب و هـــــــيام
عشــق و غــــــرام
و حاجات كتــير تجـيب ورا
فتح المـزاد 00 نبدأ بأيــــــه ؟
اصحوا معايا 00سكتوا ليــه !!

ده قلب شــاب 00 و كان برئ
بيحـب و يطــير ف السمـــــا
عايش على قده قـــــــوى
و حبيبته بنت مســمســمه
و كان بيحلم
بس أيـــه
أحلام بسيطه 00صغيره
عشــــوة كــباب
لمــــــــة صحاب
أو ضحكة 00بس قصيرة
قضـــا حياته فى سكــوت
ولما حــــب
حـــب مــوت
كان كل همـه يعيــش حــلال
ويجيبله منها جـوز عـــــــيال
ســـــــافر و دار
وشاف مـــــــرار
لجل ما يوم يـبقاله دار
و ف يوم رجوعه ، و ف المطار
ناسى التعب و الانكســـــــار
سأل صحابــه
هى فـــين ؟؟!!
لمعت فى عينهم دمعتين
كانوا جواب مليون سؤال
وصدمه فوق الاحتمــــال
الواد يا ولداه انكســـــــر
قلبه اتحســــــــــــر
و ادينا جبناه للمزاد 00 قوام قوام
يالا يا اولاد الذوات 00حتقولوا كام ؟؟
مالك يا بيـــه !!
بتبكى ليـــــه ؟!
يكونش الواد صعبان عليك
مانا اصلى من قبلك بكيت
متهزنيش 00 ابوس ايديك
خلينى اكمل المــــــزاد
معايا لسه حاجات كتــــــير
بس الحقيقة 00مـــؤثره
دى دمعه فرت من عنين
بنوته حلوه 00صغيرة
شافت أخوها بينضرب
و مكانش وياه غير حجــر
بيصد بيــه جيـش التـــتار
اللى بيحرق ف الشجر
أصل الشجر زرعة ابـوه
و جدوده هما اللى جابوه
لكن في يوم ملهوش نهار
هجم التــــــتار
خربوا الديــار
و ف كل حته قادوا نار
أخوها كان فى المدرسة
و اسمه ( ياسين )
و اصل اسم المدرسة
( صلاح الدين )
اخوها كان كتله حنان
لكنه عمره ما كان جبان
وقف يحوش عن دار ابوه
عن دار ياسين
و يقول دا حق ، و بيت ، ودين
و مكانش وياه غير حجر
و كان دكر
طلقة بارود 00و الواد وقع
زى اليمامه
و كان متبت ع الحجر
وكان على الوش ابتسامه
ها 00قولتوا ايه؟؟
مين يشترى دمعة ( حنين )
اخت الجدع
اللى وقع
خلص المـزاد
و حأقول خلاص ( آلا تريه )
انتى ياهانم 00أو يا بــــــيــه
بتبكـــــــوا ليــــه ؟!
ابكوا عليكم 00مش عليه
يكونش قولى ده جديد ؟؟
أو ده كابوس لسه بعيـــد ؟؟
لا دى الحقيقه مش خيال
و جواب كبير ل ميت سؤال
حنعمل أيـــه ؟؟
لما حييجوا عــيال صغار
زى النهـــار
و يسألونا 00عملتوا ايه ؟؟
سؤال أكيد حنسمعه
يا ناس يا هوووه
شوفوا اسمعوا
صحوا ضميركم و ارجعوا
اقروا تاريخ

وبلاش صريخ
احسن خلاص 00ازف الميعاد
و لو ما فقتـــوا
حييجى دوركم ف المزاد

[أحمد ناصر]

لأخ الحبيب هاملت
أسمح لى أن أرحب بك فى المنتدى
فى أولى مشاركاتك
فأهلا وسهلا ومرحبا بك
:f2:
*168*

[على درويش]

اذا كانت هذه هى أول مشاركة لك يا هاملت فهنيئا لنا بك فى منتدى أبناء مصر
فعلا رائع وبداية رائعه جدا وجات على الجرح ومزادك فكرنى بحلمى اللى اتحقق على ايد أولادى
-1-
بين الطيور
الحلم طفل بيتولد و يطير لأحضان الشجر
ياكل ويشرب زقزقه .. وينام على ضوء القمر
يصحى على همس الضحى ..يرقص على عزف المطر
بصيت عليه وإتجمدت جوَّه العيون الأسئله
يا هل ترى موصوله بينه وبين نجوم الكون خيوط
بتشده فوق لما تلاقيه فارد جناحه للهبوط
بتخاف عليه م الأسر
أو يصبح مكان عشه الجميل
بيت من خيوط العنكبوت
أو حتى كانت من حرير أو من دهب أو من ياقوت
بره الوطن قصرك تابوت
-2-
والحلم بينَّا بيتولد من غير عنين من غير لسان
وساعات نشوف حبل الخلاص
مستنى أحلامنا بتابوت
خيم على القلب السكوت
وصحيت على صوت البشير
مبروك عليك ابنك أمير
واتحول الفرح لأسى
واتحول الضحك لبكى
ودموع أمير تصرخ ويسمعها الوجود الا البشر
تسأل سؤال :
اللى اندبح يوم الختان السر كان واللا اللسان ؟
قبل الجواب شاف القدر
مكتوب وسايب بصمته رغم الحذر
فاتت سنين من عمرنا
والضهر م الهم انحنى
بس اللى هون بلوتى
رؤية لنجمة بتتولد
طالعة تنور سكتى
واتحقق الحلم الجميل
-3-
ابنى الأمير رجَّع زمان المعجزات
رجَّع زمان المستحيل
لمَّا اعتذر أهل القرار خلَّى الحجر يصبح شرار
وف سكته قابل( وفا) ويَّا (دارين) ويَّا (آيات)
خلَّى الرجال يتحسـروا
على إنهم مكانوش بنات



تقبل تحياتى

[هاملت]

اخى الفاضل احمد ناصر 00اشكر لك مبادرتك بالترحيب 00دمت لى

اخى الكريم على درويش 00 اطراؤك اكبر من قدرى 00 و كلماتك اكقر من رائعة 00حفظك الله 00

[daria]

العزيز هاملت
اولا مرحبا بك في ابناء مصر
حضرتك فعلا مكانك
هنا
انا حبيت ادخل اسجل حضورى واعجابي بقصيدة حضرتك جدا
خصوصا ان اللي في المزاد .............حياة
والكلمات جميلة جدا جدا
والموسيقى
انا مش بافهم في الشعر ونقده
لكن كقارئة حبيت القصيدة اوي
واسمحلي اكون متواجدة دائما في صفحاتك
إيمان *105*

[هاملت]

العزيزة ايمان 00اشكر رقتك و عذوبة كلماتك 00 و ارجو ان تتواجدى دوما فهذا يشرفنى

[بنت مصر]

الاستاذ هاملت المبدع
ماأروع ما كتبت .. بدايتك جميلة جداااااااا
وتأثرت جدا بهذه الحواديت الرائعة في قصيدتك البديع


الواجب عليا ان أرحب بك أولا قبل ان ابدي إعجابي بقصيدة حضرتك
لكن العذر يا استاذي جمال القصيدة طغي ...

أهلا بك ومليون وسهلا مبدعنا الذي اتانا كبيرا
ونفخر بك وبقلمك بيننا استاذ هاملت الفاضل



بسنت

[هاملت]

العزيزه بسنت اجدع ناس

اشكرك جدا على ترحابك الحار الذى اعجزنى عن الرد 00 اكرر شكرى