حلم قزاز

[ضياء الدين علي]

كانت حلم قزاز
واتكسر
على عتبة قلب رخام
وشظايا الحلم المتبعتر
على ايامي
جرحت أمسي
ودبحت يومي
وبتدور
عايزة تعور
المتبقي من الأيام
وانت ياقلبي راضي وساكت
جنب بقايا الحلم مرابط
انسى يا قلبي
مش مستاهلة
تموت ف مكانك
انسى يا قلبي
واكنس بمقشة نسيانك
حلم اتكسر
فجر فيك بركان أحزانك
انسى ياقلبي
واحلم تاني
واعرف انك تفضل عايش
طول ما بتؤمن بالأحلام
وانسى حلم قزاز متكسر
على عتبة قلب رخام

[أنفـــــال]

:)
هي دي المشكلة.. ان الحلم يكون قزاز..!
و ينكسر ...
بعض الاحلام تطلق على نفسها رصاصة الرحمة!!
قد تكون تلك رصاصة رحمة!!
الكلمات بسيطة و سهلة .. و دائماً بانتظار الاجمل منكم.
أنفال