لمعلقين الرياضيين

[Kind Hand]

يا ريت نقول رأينا في المعلقين الرياضيين الأتي أسمائهم لأن الواحد زهق بصراحة من الوساطة والمحسوبية اللي بتحصل في اختيار المعلقين على مباريات كرة القدم وحيث أن التعليق الرياضي سبب من الاسباب التي تجعل المشاهددين يستمتعون بالمبارة نجد أن أحد المعلقين يستغل وصول صوته لكل بيت في مصر ويبدأ في التملق والتقرب لذوو السلطة بدون أي مناسبة أو داعي لذكرهم ونجد أن هناك معلق واحد يحظى بما يساوي 90% من المباريات الهامة سواء بالنسبة للمنتخب او الأندية الكبرى ونجد أنه مثلا علق على مباريات الاهلي والزمالك كلها في الموسمين الماضيين رغم اني والله يا جماعة مالقتش حد بيشكر فيه او بيحب يسمع التعليق بسببه

[حسام عمر]

انا بحب 3 جدا


ميمى الشربينى


محمود بكر


حماده امام

[Kind Hand]

انا بحب 3 جدا


ميمى الشربينى


محمود بكر


حماده امام


والله يا حسام فعلا هي الناس دي اللي تتسمع والباقي كله فك زنقه

[أحمد ناصر]

أنا بأحب حمادة إمام ومحمود بكر
وأعطيت صوتى لهم هم الإتنين مع بعض
بس كده فيه حد فيكم لم يعطى ترشيح
يا ترى حسام أم Kind Hand?

[عصفور الشعر]

فى رأيى التلاته ((حماده وميمى وبكر)) كل واحد فيهم له طعم ونكهه ومتقدرش تقول من فيهم أحسن من التانى....بس انا بميل لحماده امام شويه

رأيى بقى فى الاخرين((مدحت شلبى ..أحمد شوبير..مجدى عبد الغنى )) فهم بيستفزونى جدا جدا... وخصوصا شوبير بحس انه اخدها دراع كده وغلاسه بسبب علاقاته القويه والمتشعبه.. ومش بحب مدحت شلبى لميله الواضح لأحد اندية القمه فى تعليقه...أما بقى مجدى ..هو مش خبيث زى شوبير بس برضه تعليقه ذات نفسه متسفز برضه لكن كلمة حق هو كمقدم برامج ناجح اكتر


أما بقى ابراهيم يوسف وخالد لطيف..مع احترامى لهم فهما مينفعوش تماما واساسا انا متأكد مليون فى الميه انهم بيعلقوا بالواسطه والكوسه


أما طارق الادور فهو بنك معلومات ويعتبر أكتر المعلقين حياديه نظرا لانه لا ينتمى الى اندية القمه ولا تشعر فى تعليقاته تحيزه لاى فريق



اما بقى عصام صيام......معلش ..انا اسف.. وربنا يسامحنى....انا لو فى ايديى الامر ... كنت عاقبته أشد عقاب على اقترافه ذبن التعليق .. وذلك ب..... والا بلاش ...ربنا أمر بالستر

[Kind Hand]

أنا بأحب حمادة إمام ومحمود بكر
وأعطيت صوتى لهم هم الإتنين مع بعض
بس كده فيه حد فيكم لم يعطى ترشيح
يا ترى حسام أم Kind Hand?


أستاذ أحمد أنا رشحت ميمي الشربيني لاني أحب تعليقه جدا بس أعتقد حسام لم يعطي ترشيحه حتى الأن رغم أنه قال رأيه


أخي توت تحليلك جميل لكل معلق وفعلا أنا بحس إن الاخ شوبير معلق البلاط الملكي وواخدها عافية والمصيبة الأكبر أني عرفت امبارح انه مرشح نفسه لنائب رئيس الإتحاد وربنا يستر رغم إني كنت أحبه جدا وهو لاعب بس للأسف كرهته جدا كمعلق ومقدم برامج

أما الأخ مدحت شلبي ربنا يعافينا منه ومن تعليقه المستفز فهو سبب طرحي للموضوع دا بعد مبارة مصر والسودان اللي كنت عايز اقوم اكسر التليفزيون علشان خاطره

وطبعا محمود بكر وحماده إمام من الناس اللي الواحد فعلا يحترمهم ويحب يسمعهم

[عصام كابو]

انا بيعجبنى تعليقات مدحت شلبى خصوصا فى مباريات القمة
ايضا يعجبنى طارق الادور باحصائياته الظريفه
بالنسبه للشربينى فهو لذيذ بس اعتقد انه بدأ يكرر نفس الإفيهات
اما محمود بكر فلا يعجبنى على الاطلاق فهو يبدا فى اكتشاف الخطط لكل الفرق بعد مرور دقيقتين فقط من المباراه طيب لو كان هو عبقرى بهذا الشكل لماذا لم يدرب البرازيل؟؟؟؟؟
حمادة امام ايضا لذيذ جدا لكن اعيب عليه انه فى مباراة القمة الاخيرة كان متحيز للزمالك كنت اعتقد انه يصاب بازمه قلبية مع كل هدف للاهلى
اما الاخ عصام صيام فانا اسف لاننى اخجل ان اقول رايى فيه لانه لا يصلح للتعليق الا على مصارعة الديوك
شوبير معلق جيد بس يا ريت يبطل حاجتين اولا الرغى ثانيا التعليق على مباريات الاهلى لاننى بصراحة بتشائم منه
اما الباقون فيحتاجون بعض الخبره

[حسام عمر]

التلاته اللى قلت عليهم انا رشحتهم فعلا

[محمود زايد]

بصراحه التعليق كان زمااااااااااان الواحد كان يسمع الكابتن لطيف واحمد عفت وعلى زيوار والجوينى وميمى الشربينى وحماده امام فى مجدهم كان بيستمتع بالمباراه ويحس انها مباراة كرة قدم بجد بيعلقوا على الى بيجرى فى الماتش وبس مالهومش علاقه لا بكلام تانى ولا يحشوا ودانا بتعليقات ظريفه مالهاش لازمه فى الماتشات
دلوقتى معلقين اى كلام وبيدخلوا بالواسطه والمحسوبيه واغلبهم بيعلقوا عن طريق المصالح
ومافيش غير ميمى الشربينى وحماده امام ( لم يعجبنى فى مباراه الاهلى والزمالك الاخيره ) فى الوقت الحالى تقدر تقول عليهم لسه فيهم ريحه زمان
وبحب مدحت شلبى للتفائل بيه وتعليقاته الغريبه والعجيبه
اما بقيه الاسماء فكل واحد منهم له حكايه وما يصلحوش اصلا يعلقوا على مباراه بين كفر البطيخ وكفر عسكر

وشكرا لك اخى موضوعك الجميل

[Kind Hand]

استاذ محمود شكرا على مشاركتك معانا وتحليلك للمعلقين الرياضيين القدامى والمعاصرين فعلا جميل

[أحمد ناصر]

سبحان الله يا Kind Hand
3 منهم أصبحوا أعضاء مجلس إدارة إتحاد كرة القدم
بكر وشوبير وعبدالغنى

[Abdou Basha]

اخترت ميمي الشربيني وبس .. ده راجل فعلا ممتع

..

[Kind Hand]

سبحان الله يا Kind Hand
3 منهم أصبحوا أعضاء مجلس إدارة إتحاد كرة القدم
بكر وشوبير وعبدالغنى

نتمنى إن ربنا يوفقهم في إتحاد الكرة ويبطلوا لعب بلي مسافات طويلة رغم إني قلقان من شوبير دا لأني لما شوفت المؤتمر الصحفي اللي كان عامله كان كل كلامه أنا عملت أن طلبت أنا أنا أنا وشكله هيعكها في الأخر:)

[Kind Hand]

اخترت ميمي الشربيني وبس .. ده راجل فعلا ممتع

..

عبدو باشا شكرا على مشاركتك معانا وشكرا كمان لأن رايك هو نفس رايي

[Hesham Nassar]

ميمي الشربيني بلا منازع ..http://www.egyptsons.com/misr/images/smilies/1110.gif

[ميمو المصرى]

ختارت
ميمى الشربينى وده بحبه جدا
مدحت شلبى بحبه اوى اوى
طارق الادور صاحب معلومات كرويه رهيبه