برة الخريطة (النسخة بعد التعديل)

[madawi]

ياريتني حرف صغير فى إسمك = ياريتني نقش قديم فى رسمك
ياريتني كلمة يكتبها خطـــــــــك = ياريتني خطوة تمشيها قدمـك
ياريتني أقدر أداوي ألمــــــــــك = ياريتني أمحي ليالي ندمـــــك

آه لو يقولوا أنا ابنك انـــــــــت = وينسوا إني من شط تانــــــي

مش بانسى أصلي...مش بانسى جذري
لكن دا حلمــــــــي...إنى ابقى مصـــري

دا حتى لوني أنا واخده منــــك = وطهر قلبي من طهر قلبــــــك

أتمنى أجري فى مجرى نيلك
مش إنى اكون عابر سبــيلك

ياساكنة جوا فى قرار عيونـي = صورتك فى حلمي غطا لجفوني
باهديكي عمري لو يقبلونـــــي = باهدي لشمسك ضيا عيونـــــــي

ياسمرة إنت...وخضرة إنــــت = يابنت حرة...شرفها غالـــــــــــي
يا قلعة كنت...لكن مازلتـــــي = يااسكندرية...فنارها عالــــــــــي
فيكي ليالي...ورا ليالـــــــــــي = عدت ...وشاغلة معاها بالــــــي

حبك دا شغلي...حبك دا ميلي
حبك دا أحلى خليل فى ليلـــي

مش معنى إني مش إبن بطنك = ماحبيتش مرة على سطح أرضك
مش معنى إني مش إبن إبنك = يبقى مااقولش إنى ابقى إبنـــــك!

مش هو خط جوا الخريطــــة = حيبقى سد...حيبقى حيطـــــــــــــة
تفصلني عنك...تقطعني منك = تكتب دمايا مفيش خريطـــــــــــــة!

أنا إبنك انت، لازم ابقى منك
إزاي أحبك ويبعدونــــــــي!!

هل دي حقيقة?
إني أحبك...أحب حبك
ويقولوا عني عليكي ضيفة
عشان ما إسمي...برا الخريطة!!!
---------------------------------

مضاوي

[د. جمال مرسي]

لا و الله يا مضاوي .. ما كنت أبدا ضيفة بل أنت صاحبة بيت
فمن تحمل كل هذه الأحاسيس تجاه مصرنا الغالية لابد أن تكون صاحبة بيت و من أهله .
و بصراحة أقرأ لك بالعامية شعرا جميلا كما لو كنت مضرية فعلا
و ليس غريبا فنصفك كما قلت شارب من نيل مصر و النصف الآخر من زمزم
دمت بخحير أختاه
و أهلا بك و بكل ما تكتبين
دمتن بخير
د. جمال

[بنت مصر]

انتي يا مضاوي بكلماتك المضيئة هذه اثبتي انك بنت مصر أكتر من كتير من ابناءها الحقيقيين
واحنا ومصر كلها نتشرف بان انسانة بعمق هذه الكلمات تكون ابنة مصر ,,,


مضاوي الغالية احييك على هذه الاحاسيس الرفيعة والعميقة واتمنى ان تقبليني اختك

أحبك في الله *8*


بسنت

[ديدي]

اهلا بك يا مضاوى جوه مصر فى قلب مصر
كلماتك جميلة جدااا وبها احساسى قوى
لا يستطيع ان يكتبها الا من احس بكل حرف بها
تحياتى لكى اخت عزيزة علينا.