سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : إسكندرية الرمل الزعفرانى

مامتكم
02-06-2005, 12:24 PM
إسكندرية يامرية
ياأم التراب الزعفرانى
ياللى فىبحورك بانسى ايه معنى الأسية
وفى رملتك دفنت يامّا احزانى
والله هواك مافى جماله
ولا زى ميتك راح القى مية
ياسكندرية
انا سايبة فيكى حتة منى
ومش بايدى ده غصب عنى
فيه حته منى من هناك نادت عليا
تعالى ياما وسيبى عندك حتة تانية
اصل الفراق مكتوب عليكى
من وانت طفلة صغيرة كان بيناديكى
بيقولك الدنيا كده
هتحبى ده مش حتلاقيه مابين ايديكى
راح تسكنى طيارة مالهاش مطار
هم البلاد ياولاد بقو ليه كتار
ليه المسافات ليه الحدود
واللا ده ليل مالهوش نهار
آآآه ياحبايب وراح اشكى احزانى لمين
انتم بقيتو جوه قلبى قريبين
وفحضنكم مش حاكتم السر الدفين
انا ياحبايبى قلبى مابين وبين
الهى يجمع شملنا ويعيدنا لبلادنا مكرمين
ويحفظ اللى هنا واللى هنا قولو معايا ياناس آآآآآآمين
*168*
كتبتها قبل مغادرتى للإسكندرية حيث تركت أكبر أبنائى يدرس بالجامعة
ولحقت بباقى الأبناء فى الغربة
حيث ما تبقاش عارف مين والله اللى فى غربة
إنتظرو منى قريبا

غربة
الصعيدي
02-06-2005, 12:50 PM
وبعدين في الكلام اللي يقطع القلب ده *22*.. العالم هيقولوا عيلة الصعيدي قلبوها نكد .. ههههههههههههه .. *109* جميلة جدا كلماتك عن اسكندرية *21*.. بس أنا خايف ابن البلد يحذف الكلام ده .. أصله ما بيحبش اسكندرية *28*.. ههههههه .. بس بيتهيألي بدأ يحب الاسكندرانية .. تحياتي *8*
بسيط
02-06-2005, 01:59 PM
السلام عليكم
كلماتك جميله جدااااااااا
ربنا يرجعك بالسلامه
حنـــــان
02-06-2005, 02:11 PM
ايه بس يا الصعيدي مانت فيها على طول... امال مامتنا تعمل ايه بقى
كلامك جميل ومظبوط والله يا مامتنا...
حمد الله على سلامتك
د. جمال مرسي
03-06-2005, 07:04 AM
تسلم يداك أخي الكريمة
و ربنا يرجعك من الغربة المكتوبة عليك ( مثلي ) بالسلامة
و تفرحي بابنك و هو متخرج من الجامعة إن شاء الله
كلمات ةجميلة لا يحسها إلا من عاش في الغربة
و جميل ما كتبتيه عن اسكندرية
شكرا لك و أهلا بك
د. جمال



مداعبة مرساوية :
ــــــــ
طيب ولادنا يقولوا لك ماما .. زي ما انت طلبتي
و الناس العواجيز اللي زي حالاتي يقولوا ايه ؟؟؟
أنفـــــال
03-06-2005, 08:46 AM
الله يا ماما :) حلوة اوي..
حمدالله عالسلامة .. :)
نورتي مصر كلها.. *162*
أنفال
مامتكم
03-06-2005, 09:25 PM
وبعدين في الكلام اللي يقطع القلب ده .. العالم هيقولوا عيلة الصعيدي قلبوها نكد .. ههههههههههههه .. جميلة جدا كلماتك عن اسكندرية .. بس أنا خايف ابن البلد يحذف الكلام ده .. أصله ما بيحبش اسكندرية .. ههههههه .. بس بيتهيألي بدأ يحب الاسكندرانية .. تحياتي

فيه حد يعرف إن الصعيدى باشا من إسكندرية ويحب إسكندرية أسفة قصدى مايحبهاش غلطة مطبعية
ومن ناحية النكد فهو متوفر وبكثرة بس الجماعة هنا لسه لم يتعرفو عليا جيدا

السلام عليكم
كلماتك جميله جدااااااااا
ربنا يرجعك بالسلامه

طالب العلم ربنا مايحرمك من القعدة فى وسط أسرتك ويجمعك بهم على خير

ايه بس يا الصعيدي مانت فيها على طول... امال مامتنا تعمل ايه بقى
كلامك جميل ومظبوط والله يا مامتنا...
حمد الله على سلامتك

الله يسلمك يانونا مش هنتقابل بقى ؟؟؟؟؟؟؟؟؟؟؟؟؟


طيب ولادنا يقولوا لك ماما .. زي ما انت طلبتي
و الناس العواجيز اللي زي حالاتي يقولوا ايه ؟؟؟

بارك الله فيك الكبار برضو يقولولى ماما الأمومة مش بالسن ده إحساس
أنا عضوة قديمة فى منتدى قهوة كتكوت كان إسمى emas40 ودلوقتى إسمى مامتكم برضو
كان لى شرف التعليق على منظومة التعلب فات
أشكرك

الله يا ماما حلوة اوي..
حمدالله عالسلامة ..
نورتي مصر كلها..
أنفال

شكرا يا أنفال مصر منورة بيكى
بنت مصر
04-06-2005, 05:36 PM
مامتكم الغالية جداااااااااااااا

حمد الله على سلامتك يا غالية
وانا بقول اسكندرية منورة ليه
اتاري مامتكم مشرفاها

شكرا لك على كلماتك الرائعة والتى اخترقت فؤادي لانها في معشوقتي اسكندرية بلدي ووطني الغالي

واقروا الفاتحة لابو العباس يا اسكندرية يا اجمل واحلى وأطيب ناس في الدنيا


بسنت
أحمد ناصر
07-06-2005, 11:03 AM
مامتكم
حمدالله على سلامتك
إيه ده؟
وشعر كمان؟
بسم الله ماشاء الله
تسلم إيديك
مامتكم
13-06-2005, 08:31 PM
شكرا لك على كلماتك الرائعة والتى اخترقت فؤادي لانها في معشوقتي اسكندرية بلدي ووطني الغالي

واقروا الفاتحة لابو العباس يا اسكندرية يا اجمل واحلى وأطيب ناس في الدنيا

ألف شكر يا إسكندرانية ياعسل وأسفة لتأخر الرد ماكانش بيوصلنى تبليغات بريدية

مامتكم
حمدالله على سلامتك
إيه ده؟
وشعر كمان؟
بسم الله ماشاء الله
تسلم إيديك
سلمك الله إبنى أحمد ناصر
ديدي
13-06-2005, 08:46 PM
الله عليكى يا مامتنا
الف حمد الله على سلامتك
انا شخصيا باموت فى اسكندريه
وكنت اتمنى اعيش فيها
تحياتى لكل اهل اسكندريه.
حنـــــان
14-06-2005, 02:05 AM
لله يسلمك يانونا مش هنتقابل بقى ؟؟؟؟؟؟؟؟؟؟؟؟؟

*22* أنا في غربة دلوقتي يا ماماتنا... طنطا بعيد عنك وعن السامعين!
ادعي لي أرجع بسرعة وان شاء الله نتقابل أمال ايه... وأعزمك على غدوة في أجدعها مطعم فيكي يااسكندرية...
ابن البلد
09-03-2006, 06:24 PM
*22* أنا في غربة دلوقتي يا ماماتنا... طنطا بعيد عنك وعن السامعين!
ادعي لي أرجع بسرعة وان شاء الله نتقابل أمال ايه... وأعزمك على غدوة في أجدعها مطعم فيكي يااسكندرية...
طنطا غربة :d
صفحات العمر
10-03-2006, 06:08 PM
السلام عليكم ورحمة الله وبركاته

رئع يا ست الكل :hey: :hey: :hey:

ما اجمل سردك للمشاعر بعفويه ليس لها مثيل


ربنا يبارك فيكى يا رب



محمد سعيد
malkro7y
10-03-2006, 06:18 PM
ياااااااه يا ماما حنينك لاسكندريه رائع ربنا يرجعك بالسلامه ويجمع شملك بأحبابك يا رب انا كمان بعشق اسكندريه بحرها وسماها واهلها الطيبين

تقبلي تحياتي واحترامي امي العزيزة
عصام علم الدين
14-03-2006, 08:01 AM
ماماتكم

الموج اللي في كل سطور القصيده طرطش عليه فأنتعشت
وجريت جبت مضارب الراكيت
وقضيت الوقت كله على البلاج
وأول ماخلصت القصيده بصيت حواليه
لقيت التلج عمالي ينزل والشوارع كلها بيضه
فحسيت بقسوة البرد ومالقتش قدامي حل غير إني أقرا القصيده تاني
وأنا قاعد تحت الشمسيه فحسيت بالدفا
أصل أنا بأموت في إسكندريه

عصام علم الدين
amr emam
14-03-2006, 08:16 AM
حمد الله على السلامه مامتكم

وتسلم ايدك على الكلمات الطيبه عن اسكندريه

اسكندريه فى قلبى وروحى ودمى

عمرو امام

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث