شعبولا والغناء / قصيدة / انا راجع مصر تانى

[طارق المملوك]

مع التحفظ على طريقة اداء وصوت المغنى شعبان عبد الرحيم الا انه من وجهة نظرى احدث جديدا فى وسط المغنى المصرى ومن وجهة نظرى ايضا ان اغنية يا عم عربى هى اغنية 2004 واختلف مع الكثيرين فى هذا ولكن تلك وجهة نظرى.
عموما الفت قصيدة او نقول اغنية على نفس الوزن و اللحن ارجو ان تعجبكم

انا راجع مصر تانى


انا راجع مصر تانى.. 70 مليون ونيس ..
و اغنيلكم اغانى.. بس ابقى انا العريس ..

هاطوف جوا الحوارى .. اعلق 100 هلال ..
مش هاقرف م المجارى .. هالعب ويا العيال ..

اشوف وشوش بسيطة .. اكلى صحن فول ...
دى حوارى ع الخريطة .. خللى اللى يقول يقول ...

انا راجع مصر يمكن .. القى الحل البسيط ...
مش مستحيل ده ممكن .. ماتقولش كلام عبيط ..

ع الحب وع الصراحة .. لازم نبنيها تانى ..
ونجيب خبير مساحة .. يشوف مين الانانى ..

هازور خالى وعمي .. واقرا الفاتحة لابويا ..
وابوس على كف امي .. واخد بايد اخويا ...

مش هاهرب م الضرايب .. مش هاكسر الاشارات ..
وهازور كل القرايب .... ننسى كل اللى فات ..

نزرع من طمي نيلنا ... ومانمدش ايدينا ...
دى ارض فيها خيرنا ... وبتضلل علينا ...

انا راجع مصر تانى ...
انا راجع مصر تانى ...


طارق المملوك
31/5/2005

[هشام الجنيدى]

واييييييييييييييييييييييييييييييييييي

جميله جدا


وعلى فكره انا بعتبر شعبان عبد الرحيم اكتر واحد بيتكلم بلسان الشعب وواقع الشعب وبنتقد جدا اللى بيسخرو منه فى البرامج واللقاءات لان كل واحد يقول اللى هوه عايزه مش دى هيه الديمقراطيه

ووالله شعبولا عندى احسن من الف مغنى من اللى طالعين دلوقتى وبيخرفوز بكلام ملوش اى معنى

شعبولا is different

[ابن اسكندرية]

والله والله شعبلا ده عندي احسن كتير من البشر الى بالي بالك
مش بيرقص ويتنطط زي القرود الي بنشفهم ومش فاهمين منهم حاجة
وبعد شوية يعملوا افلام ومسلسلات ويبقى لهم سعر وتخلص الحدودة
وسلم لى على الترام ام قاطين

[د. جمال مرسي]

الله عليك يا طارق
قصيدة بنكهة شعبولا على الآخر
يعني لا أستطيع تمييزها عنها فقد أتقنت صناعتها
مرات يكون مثل هذا الكلام الساخر له وقع أكبر من بندقية
شكرا لجمالك و دمت بخير
د. جمال

[حنـــــان]

جميلة يا م. طارق
تسلم ايدك

[أنفـــــال]

حلوة يا طارق...*162*
لا تعليق!!
بس حلوة اوي ...
شكراً

[د . محمد أيوب]

أخي المهندس طارق
تحية طيبة من فلسطين وبعد
لقد قدمت دعوة إلى التواصل والانتماء ، تحدثت بلسان أبناء الشعب ، ولا شك في أن مصر ستفتح لك ذراعيها وقلبها ، وستحضن دعوتك إلى إعادة رسم الحياة من جديد ، إلى وصل ما انقطع من علاقات بين البشر ، من حق من يبخث عن حلول لمشاكل مجتمعه أن يكون هو العريس ، أخي : الحال من بعضه ومشاكلنا متشابهة أعاننا الله على حلها وعلى إعادة اللحمة بين أبناء المجتمع دون فوارق أو تمييز بين غني وفقير .اقبل أطيب تحياتي
د . محمد أيوب

[حلا]

المهندس طارق المملوك

لم أدخل لصفحاتك منذ فترة طويييييييييلة

أعذرني

القصيدة بالفعل جميلة *7*

وفقك الله دائمًا وثبت في قلبك حب مصر

حلا

[بنت مصر]

أنا مش عارفة ازاي انا ما رديتش على القصيدة دي لحد دلوقتي
رغم اني أول واحدة قرأتها وأعجبتها بها جداااااااااا
وكلما مررت عليها مررت بثقة ان لي رد فيها

أسفة على التأخير يا أستاذ طارق واحييك واشكرك على هذه القصيدة الرائعة



بسنت

[على درويش]

أخى الحبيب طارق
لا أملك ازاء هذه الشعبولانية الا أن أحاول مجاراتك بهذه الارتجالية مع الفارق طبعا فتقبل تحياتى


رحله بين الناس
انا نفسى يا مسئــــــــول = تركب فى يوم اتوبيــــــــس
وتسلى نفسك فيـــــــــه = من مسطرد لأبيـــــــــــــــس
وتشوف هموم النـــــاس = مره بدون تدليـــــــــــــــــــس
اسمع كلام موجــــــــــــوع= متقولش دول مهاويــــــــــس
هوه انت مصرى صحيح= ولا انت زرع خسيـــــــــس

فى الزحمه كرشه اتحاش = قال ليه كده يــــا ونيــــــــــس
أصبر يا سيدنا البيـــــــه = طنش كلام ابليــــــــــــــــــس
واصحى لايد نشــــــــال = لابس ولا برنسيـــــــــــــــــس
لو شم ريحة المــــــــــــــال= فى الحال يكون عتريــــــــس
واللى يقوللو اخيه = هتروح حياته فطيــــــــــــــــس
اسمع يا سيدنا البيـــــــــه = دى عروسه ويا عريـــــــــــس
حظه فى أجمل يوم = يصبح من المتاعيــــــــــــــــس
طقم السنان اتشال = شابت دماغ بلقيــــــــــــــــس
مش ذنبه يا سلطان = انه اتولد خرسيــــــــــــــــــس
*******
شوف عمنا ادريـــــــــــــــس= مكتوب باسم انيــــــــــــــــس
دايخ بقاله سنــــــــــــــــــــين= والصوت فى دمعه حبيس
هيحارب الأسعار = ولا الروتين يا رئيس
******
دول ناس فى سن معاش = فيهم ضعيف وجلــيـــــــس
ايه لازمة الطوابيـــــــــــــــر= فى البوسطه والتكديــــس
ارحم يا بيـــــه الناس = دول أهل مش جواسيـــس
ولا احنا صابنـــا التيه = ومعادليناش أحاسيـــــس
أحكى يا سيدنـــا البيــه = عن أزمة التدريــــــــــــــس !؟
والمرضى والتأمـــــــــــــــين= سعر العلاج دبابيــــــــــــــس !
حتى السليم موهــــــــــوم = واختلت المقاييــــــــــــــــــس!
والفن كله سمــــــــــــــــــوم= ادخل وشوف "رادوبيــس "
والعرى فى الأفـــــــــــلام =متقولش "كان" و "باريس"
ومشاهــــــــــــــد الاجرام= فى ملابس القديــــــــــــــــس
والست لو تتـــــــــــــــــلام= بتحط جوزها ف كيـــس
قاللى كفايه خــــــــــــلاص= ارحم بلاش كوابيــــــــــــس
زودت حملى عليـــــــــــه= نط ف ميدان رمسيـــــــــس

[طارق المملوك]

واييييييييييييييييييييييييييييييييييي

جميله جدا


وعلى فكره انا بعتبر شعبان عبد الرحيم اكتر واحد بيتكلم بلسان الشعب وواقع الشعب وبنتقد جدا اللى بيسخرو منه فى البرامج واللقاءات لان كل واحد يقول اللى هوه عايزه مش دى هيه الديمقراطيه

ووالله شعبولا عندى احسن من الف مغنى من اللى طالعين دلوقتى وبيخرفوز بكلام ملوش اى معنى

شعبولا is different
الاخ العزيز هشام
اشكرك على التفاعل الجميل معى و التشجيع الرائع والتوافق فى وجهات النظر تلك ارجو ان تكون نواة للتواصل بيننا
يمكن افكر اكتب على هذا الشكل مجددا نظرا لتشجيعكم الرائع هذا
اشكرك من عميق قلبى

[طارق المملوك]

والله والله شعبلا ده عندي احسن كتير من البشر الى بالي بالك
مش بيرقص ويتنطط زي القرود الي بنشفهم ومش فاهمين منهم حاجة
وبعد شوية يعملوا افلام ومسلسلات ويبقى لهم سعر وتخلص الحدودة
وسلم لى على الترام ام قاطين
اتفق معك اخى الحبيب ابن اسكندرية
فان شعبولا احسن من الكثير ممن دخلوا الفن من ابوابه الخلفيه بدون حتى استئذان
اشكرك على مرورك وارجو دوام التواصل

[طارق المملوك]

الله عليك يا طارق
قصيدة بنكهة شعبولا على الآخر
يعني لا أستطيع تمييزها عنها فقد أتقنت صناعتها
مرات يكون مثل هذا الكلام الساخر له وقع أكبر من بندقية
شكرا لجمالك و دمت بخير
د. جمال
اخى الكبير واستاذى العظيم
لا استطيع ان اصف كل مرة اجد اسمك منيرا على صفحتى المتواضعة كم اسعد لهذا جل السعادة
اشكرك على رقتك كلماتك و مجاملاتك العظيمة وارجو دائما ان اكون عند حسن ظنك
القاك قريبا باذن الله

[طارق المملوك]

جميلة يا م. طارق
تسلم ايدك
الاخت العزيزة نونا
اشكر لك مرورك الكريم

[طارق المملوك]

حلوة يا طارق...*162*
لا تعليق!!
بس حلوة اوي ...
شكراً
العزيزة انفال
كما قلت للدكتور جمال اقوله لك انت ايضا فانت من المتذوقين للشعر و المحللين لمعانى الكلمات
كم اسعد بمرورك دائما و اسعد دائما بنقدك
اشكرك من عميق قلبى

[ابن اسكندرية]

الاستاذ /طارق المملوك
الاخوة الاعزاء
السلام عليكم ورحمة الله وبركاته
اشكرك اخي العزيز على ردك الجميل واتمنى التواصل
وتقبل وجميع اعضاء المنتدى الكرام فائق الاحترام

[طارق المملوك]

أخي المهندس طارق
تحية طيبة من فلسطين وبعد
لقد قدمت دعوة إلى التواصل والانتماء ، تحدثت بلسان أبناء الشعب ، ولا شك في أن مصر ستفتح لك ذراعيها وقلبها ، وستحضن دعوتك إلى إعادة رسم الحياة من جديد ، إلى وصل ما انقطع من علاقات بين البشر ، من حق من يبخث عن حلول لمشاكل مجتمعه أن يكون هو العريس ، أخي : الحال من بعضه ومشاكلنا متشابهة أعاننا الله على حلها وعلى إعادة اللحمة بين أبناء المجتمع دون فوارق أو تمييز بين غني وفقير .اقبل أطيب تحياتي
د . محمد أيوب
اخى الحبيب د.محمد ايوب
اعتذر على التاخر فى الرد وذلك لظروف سفرى و عودتى
اشكر لك اهتمامك ومرورك الذى يشرفنى سلامى لفلسطين ولتراب فلسطين ولاهل فلسطين المناضلين
اتشرف دائما بمرورك فلا تحرمنى من ذلك الشرف

[طارق المملوك]

المهندس طارق المملوك

لم أدخل لصفحاتك منذ فترة طويييييييييلة

أعذرني

القصيدة بالفعل جميلة *7*

وفقك الله دائمًا وثبت في قلبك حب مصر

حلا
الاخت العزيزة حلا
رغم مرور وقت طويل الا انه يجب على الاعتذار و الرد
عذرا لتلخري لظروف سفرى و يشرفنى دائما مرورك حتى ولو طالت المسافة بين الزيارات
شكرا اختى العزيزة

[طارق المملوك]

أنا مش عارفة ازاي انا ما رديتش على القصيدة دي لحد دلوقتي
رغم اني أول واحدة قرأتها وأعجبتها بها جداااااااااا
وكلما مررت عليها مررت بثقة ان لي رد فيها

أسفة على التأخير يا أستاذ طارق واحييك واشكرك على هذه القصيدة الرائعة



بسنت
الاخت العزيزة بسنت
مرورك الدائم يمنحك حق يجعلك فو الاعتذار اختى العزيزة
دائما ما تكونين اول المهنئن و المشجعين لى
دمت لى اختى العزيزة ويشرفنى دوما مرورك

[طارق المملوك]

أخى الحبيب طارق
لا أملك ازاء هذه الشعبولانية الا أن أحاول مجاراتك بهذه الارتجالية مع الفارق طبعا فتقبل تحياتى





رحله بين الناس
انا نفسى يا مسئــــــــول = تركب فى يوم اتوبيــــــــس
وتسلى نفسك فيـــــــــه = من مسطرد لأبيـــــــــــــــس
وتشوف هموم النـــــاس = مره بدون تدليـــــــــــــــــــس
اسمع كلام موجــــــــــــوع= متقولش دول مهاويــــــــــس
هوه انت مصرى صحيح= ولا انت زرع خسيـــــــــس

فى الزحمه كرشه اتحاش = قال ليه كده يــــا ونيــــــــــس
أصبر يا سيدنا البيـــــــه = طنش كلام ابليــــــــــــــــــس
واصحى لايد نشــــــــال = لابس ولا برنسيـــــــــــــــــس
لو شم ريحة المــــــــــــــال= فى الحال يكون عتريــــــــس
واللى يقوللو اخيه = هتروح حياته فطيــــــــــــــــس
اسمع يا سيدنا البيـــــــــه = دى عروسه ويا عريـــــــــــس
حظه فى أجمل يوم = يصبح من المتاعيــــــــــــــــس
طقم السنان اتشال = شابت دماغ بلقيــــــــــــــــس
مش ذنبه يا سلطان = انه اتولد خرسيــــــــــــــــــس
*******
شوف عمنا ادريـــــــــــــــس= مكتوب باسم انيــــــــــــــــس
دايخ بقاله سنــــــــــــــــــــين= والصوت فى دمعه حبيس
هيحارب الأسعار = ولا الروتين يا رئيس
******
دول ناس فى سن معاش = فيهم ضعيف وجلــيـــــــس
ايه لازمة الطوابيـــــــــــــــر= فى البوسطه والتكديــــس
ارحم يا بيـــــه الناس = دول أهل مش جواسيـــس
ولا احنا صابنـــا التيه = ومعادليناش أحاسيـــــس
أحكى يا سيدنـــا البيــه = عن أزمة التدريــــــــــــــس !؟
والمرضى والتأمـــــــــــــــين= سعر العلاج دبابيــــــــــــــس !
حتى السليم موهــــــــــوم = واختلت المقاييــــــــــــــــــس!
والفن كله سمــــــــــــــــــوم= ادخل وشوف "رادوبيــس "
والعرى فى الأفـــــــــــلام =متقولش "كان" و "باريس"
ومشاهــــــــــــــد الاجرام= فى ملابس القديــــــــــــــــس
والست لو تتـــــــــــــــــلام= بتحط جوزها ف كيـــس
قاللى كفايه خــــــــــــلاص= ارحم بلاش كوابيــــــــــــس
زودت حملى عليـــــــــــه= نط ف ميدان رمسيـــــــــس

doPoem(0)اخى الحبيب على
كم يشرفنى اهداؤك القصيدة لى و على صفحتى المتواضعة فانت شاعر كبير لا استطيع ان اقول كم انت عبقرى فى العامية وكم انت متمكن فى الفصحى
لذلك دائما ما انتظر مرورك العاطر الذى يشرفنى و يشرف صفحتى المتواضعة اشكرك من عميق قلبى
والى لقاءات ان شاء الله