كلمات واغانى فى حب نادى الزمالك

[حسام عمر]

أول أغنية عبارة عن شكر وتقدير لكبير مؤسسي نادي الزمالك عبد اللطيف أبو رجيلة الله يرحمه

قبل الكلام كله ابعت خالص العرفان
للي وضع للزمالك أعظم بنيان
للي بناه من أساسه في أرقى أحياءنا
بعد انتقال من مكان فيه الزمالك كان
في كلامي بقصد أبو رجيلة اللي كان دايماً
قلبه بحب الزمالك عاش سنين ولهان
رجل ونعم الرجال والكل يشهد له
عنده ولاء للزمالك بعد مصر كمان
خلاصه للنادي خلاني بقول عنه
عبد اللطيف ده ملاك لابس ثياب انسان
اثبت لنا بالدليل انه رياضي أصيل
وحبه للهندسة والفن له برهان
مين زيه في التضحيات مين زيه في الاخلاص
مين زيه قدم بجهده تضحيات ألوان
وكل عون قدمه للنادي عن مبدأ
وياما قدم جهود أكتر من الامكان
وفي الحقيقة الزمالك أصله يستاهل
من تضحياتنا الكثير علشان يعيش في أمان
لازم نضحي عشان يفضل على القمة
ويعيش في دنيا الرياضة له أعز مكان
نادي الزمالك عشانه كلنا نعرق
وطوبة فوق طوبة هتعلى لنا الجدران
برضه أبو رجيلة راح يفضل لنا قدوة
وكمان مثل أعلى للنادي مدى الأزمان

__________________
زمالك يا حبي يا حتة من قلبي

[حسام عمر]

يا صلاة الزين يا صلاة الزين
يا زمالك محروس م العين
مين زيك يلعب ويهندس
مين في جمالك يابو خطين
ادي جمهورك لما يشجع
زي ملايكة على الصفين
يا زملكاوي الوعي في دمك
طب من غيرك هيروح فين
والذوق كله بكل صراحة
جالك يا زملكاوي منين
لحن اللعب ولحن هتافك
جوه الملعب بقوا لحنين
نغم الكورة ونغمك انت
جوة ناديك صبحوا نغمين
صلي قوام ع الزين وصلي
يللي تشوف الفن تملي
لما تشوف في الملعب فرقة
تعزف لحن بكل تجلي
لما الكورة تغني وترقص
أحلى كمان من اه يلاللي
واللي يشوط دايما ع الطاير
واللي يقسم واللي يعلي
فن الكورة فيك يا زمالك
شفته أكيد وماحدش قاللي
والجمهور يهتف لك دايما
شايف فيك سحر المتجلي
والخواجات قالوا على لعبك
دولي أكيد مش بس محلي
شد العزم وخليك صاحي
يللي بتشفي تملي جراحي
لما تكون منصور يا زمالك
تبقى اكيد بتعيد أفراحي
تبقى الفرحة ف قلبي عظيمة
حتى الدنيا تصيح لصياحي
يا سهرت الليل علشانك
وانا مشغول مستني صباحي
بعد النصر بقول لعنية
نامي بكل هدوء وارتاحي
واهتف لما بطولة تجيلك
وايقى اقول يا همومي انزاحي
خلي الكاس والدوري سلاحك
اصل سحك هو سلاحي
ايه هيهمك من حساد
والعب لعبك كالمعتاد
يا زمالك يا زعيم الكورة
يللي صنعت كتير امجاد
بانتصاراتك راح تتقدم
وانت رجالك دول أسياد
وانت كمان خليت ليالينا
والأيام صبحت أعياد
وانت زعيم الفن الكروي
من أيام عهد الأجداد
برضه بقيت نغمة كروية
بترددها بلاد وبلاد
اسمك صار يا زمالك غنوة
قالها بنات ويا الأولاد
اسمك برضه في كل الدنيا
رمز البشرى والإسعاد

[شاب مصرى جدا]

شد العزم وخليك صاحي
يللي بتشفي تملي جراحي
لما تكون منصور يا زمالك
تبقى اكيد بتعيد أفراحي







ايه الحلاوة دى *6*

تسلم ايدك على القصيدة يا حسام .... انا طبعتها و وهوريها للأهلاويه إللى معايا فى الشغل .......... هيموتو م اغيظ

[حسام عمر]

اخى محمد ممدوح شكرا لك للكلمات الظريفه

[عصام كابو]

سيب الملك للمالك...................... احنا الاول يا زمالك
البت بيضه بيضه بيضه.................. البت بيضه و انا اعمل ابه
اهم اهم اهم............................أبطال الدورى اهم

[سفاح مصر]

اهم اهم اهم............................أبطال الدورى اهم
بتقول ابطال ايه ؟*11* . باين عليه اصنجيت علي رأي اللمبي :) . ينهر اخضر الدوري ده انتوا بتخدوه كل كام سنه حسب تساهيل ربنا :d . انما اتفرج علي احتكارات الاهلي سواء للكاس او للدوري .
المفروض الزمالك يغني السنادي ويقول للاهلي ( صعبان عليه يااا غالي من اللي عملته فيه )
والي كل زملكواي غير متعصب *8* . اما بقه لو في زملكاوي متعصب فانا في انتظاره *9* .

[حسام عمر]

اشكر الاخوه الاهلويه على تعليقاتهم

[أحمد ناصر]

إيه الحلاوة دى يا حسام
عسل والله
*3*

[حسام عمر]

شكرا لك اخى احمد


والدتى مش مصدقه وجود اهلاوى زيك

[عصام كابو]

بتقول ابطال ايه ؟*11* . باين عليه اصنجيت علي رأي اللمبي :) . ينهر اخضر الدوري ده انتوا بتخدوه كل كام سنه حسب تساهيل ربنا :d . انما اتفرج علي احتكارات الاهلي سواء للكاس او للدوري .
المفروض الزمالك يغني السنادي ويقول للاهلي ( صعبان عليه يااا غالي من اللي عملته فيه )
والي كل زملكواي غير متعصب *8* . اما بقه لو في زملكاوي متعصب فانا في انتظاره *9* .


ايه يا عم السفاح انا اهلاوى هو مش باين من كلامى و لا ايه؟

*4* *3* *4* *3*

[حسام عمر]

الاهلويه وقعوا فى بعض


مليش دعوه انا

[سفاح مصر]

سوري ياا معلم ماخدتش بالي ..
*6*

[eslamko_86]

أعتقد يا حسام الاغنيه منافقه فى حاجات كتير اوىىىىىىىىىىىىىىىىىىىىىىىىىىىىىىىىىىىىىىىىىىى
ولا رأيكم ايه أهلاويه :d

[عصام كابو]

سوري ياا معلم ماخدتش بالي ..
*6*

ولا يهمك يا باشا بس الزملكاويه كان نفسهم يوقعوا بيننا

*3* *8* *3* *8* *3* *8*

[حسام عمر]

انتو وقعتو فى بعض من غير تدخل


المهم صافى يا لبن


زمالك يا حبى يا حته من قلبى

[عصام كابو]

ايوه يا عم حسام صافى يا لبن

احنا كلنا اخوة هنا اهلاويه و زمالكاوية

مش كده ولا ايه؟ يا اجدع زمالكاوى

*8* *8* *8* *8*

[حسام عمر]

ربنا يخليك يا عصام

كلنا هنا اخوه

والحمد لله