سؤال بيجرحني وبيحرجني و بيحجرني في مكاني

[خس المنتدي]

سؤال بيجرحني وبيحرجني و بيحجرني في مكاني
أو يمكن بيخرجني من مكاني مش عارف

د/ مستقبلا :- ( خس المنتدي ) جامعة عين شمس

أولا السلام عليكم ورحمة الله وبركاته
ثانيا :- كل عام وانتم بخير
ثالثا :- السؤال هو لماذا لا يقبل الطلاب دخول كلية الزراعة ؟
طبعا أنا مبعملش ترويج أو دعاية للكلية لكن سؤالي دار حوله مؤتمر زراعي هام وكان فيه إجابات كثيرة وياريت أسمع منكوا رأيكم
هل عشان عدم ثقة الفلاح المصري في المهندس ولا علشان الإستهانه به و لا مش هقول كتير علشان مسيطرش علي رأيكم بس المشكلة إن زراعة عين شمس طلبت من التنسيق 450 طالب دخل الكلية 300 فقط و باقي 150 مكان فاضي بالرغم من إنها واخده في التنسيق 51.8% وزراعة كفر الشيخ لم يدخل بها أحد زراعة أسيوط أو المنيا دخل فيها حوالي 10 طلاب و الأرقام دي مش عارف إذا كانت صح ولا خطأ و الله أعلم الأرقام دي علي السمع
و شكرا
منتظر رأيكم

[وادكول مش معقول]

اظن المسألة مش مسألة تنسيق ..... ولكن اظن انها حاجة من 3 اسباب :

الظن الاول انها مسألة ميول ... وحب المجال فقط مش اكتر .....

الظن الثاني .. لو المسالة تتعلق بالمجموع ...زي ما بتقول انها 51 % .. ومع ظهور الكم الهائل من الجامعات الخاصة من طب وهندسة وغيرها الغير مشترطة للمجموع .... وعلي الرغم بان الطالب ممكن يكون غير قادر ... الا ان باشوف ناس بتبيع اللي وراها وقدمها عشان تعلم ابنها .... وتطلعه دكتور او مهندس او حتي خريج اقتصاد وعلوم سياسية ....

الظن الثالث ... وده شكله كده الارجح ...

ههههههههه ان ابناء مصر بقوا كلهم بلا استثناء عباقرة ومحدش بيجيب اقل من 99 % وبالتالي كلهم في كليات القمة ...


بس بالنسبة ليا انا بارجح الظن الاول ......... قولي ليه .... قولت ليه ولا لسه ..

نفترض انك قولت ... عن تجربة شخصية انا مثلا ...
انا جالي في التنسيق هندسة الفيوم ... وكان ممكن ب 200 جنيه ساعتها احول هندسة القاهرة ... بس انا دفعت 300 جنيه وحولت تجارة القاهرة ....
ده مش فشل مني او رغبة في الصياعة ... لاني بجد باحب الرياضة والارقام ... وكانت اقل درجة ليا في الكلية في المحاسبة والرياضة 19 من 20 ... اما بالنسبة لعلم النفس والقانون فدرجاتهم كانت ..... بلاش احراج ...
المهم اني تخرجت من الكلية والحمد لله اشتغلت فترة في مصر في مجال سوق الاوراق المالية (البورصة) وحصلت ترتيب في موسوعة كومباس المصرية ( من احسن 10 محاسبين في مصر ) في مجال الاوراق المالية....

يعني باختصار ان النجاح بيبقي مش بنوع الشهادة ولكن بتفوقك في المجال ..

يعني باختصار ..... انا حبيت ايه ...؟؟؟ يبقي هانجح فيه ؟؟؟

[ابن البلد]

واد كول مش معقول

بص يا عمونا يا خس
هو كليات الزراعة دلوقتي محدش بيحب يدخلها علشان ملهاش شغل

لكن مثلا عندك التجارة زي اخونا الناصح كول
وزل اخوة لينا كتير
دخلوا تجارة وقالوا أهو لو معرفناش نشتغل بشهادتنا
أدينا نفتح محل بقاله ونقف فيه و هي شغله والسلام

لكن زراعة هيفتح أيه
محل ورد
ولا يزرع جنينة
اللي بيدخل زراعة بيكون عايز يبقه دكتور وبس زي كده خس المنتدي


ابن البلد
البقال :1:

[إسلام شمس الدين]

و الله يا دكتور خس سؤال فعلاً مهم . .

بس هو ينطبق على كليات كتير مش الزراعة بس

و أنا مع ابن البلد في ان اقبال الشباب على كلية معينة بيكون على أساس مجال العمل المتاح بعد التخرج ، و بالنسبة لكلية الزراعة أعتقد حالياً مجال العمل أصبح مقفول شوية بالنسبة للأعداد الكبيرة من خريجي الزراعة في السنوات السابقة . بالإضافة إلى انها كلية عملية ، فكلية عملية و بعدين مافيش شغل ، يبقى الأفضل كلية نظرية سهلة . . الشباب هو اللي بيفكر كده .

و عموما هي ظاهرة فعلاً تستحق الدراسة

[shody20]

موضوع لذيذ جداً جداً...
قديم و لكنه مهم و أعتقد أنه يحتاج منا للنقاش مرة أخرى...

في اعتقادي يا دكتور.. ( و أعتقد أنك خلاص أخدت الدكتوراه ) أنها مشكلة عامة في مصر...
الكل يريد ان يكون مهندساً أو دكتوراً...
طبعاً دة اما بضغط من الأسرة نفسها .. أو عشان الولد نفسه عايز كدة...
لو حضرتك بحثت في الأسر المصرية.. تجد الآتي..
الأب و الأم هم أوائل دفعاتهم دائماً.. سواء في المدرسة و لا في الجامعة...
ثانياً على الابن أن يلتحق بجامعة .. و ليس معهد أو غيره ... لازم ياخد الشهادة العالية...عشان يبقى دكتور قد الدنيا...
و لذلك نجد مشكلة كبيرة جداً الآن في العمالة المصرية .. و للأسف ينطبق ذلك أيضاً على بعض كليات القاع " اذا صح التعبير اعتباراً للمجموع " .. فتجد ما تتحدث عنه من ظاهرة الاحجام عن هذه الكليات...

غير ان المهندس الزراعي حيروح يشتغل فين؟؟
المفروض ان ناس كتير منهم يروح يشتغل في الأرياف.. أو في الصحراء.. و طبعاً اذا كان ولاد الريف نفسهم عايزين ييجوا القاهرة... عايز بتوع المدن تروح الريف؟؟ للأسف لا أحد ينظر للمصلحة العامة..
المفروض ان الزراعة دي هي أهم حاجة لاقتصادنا.. بس تقول لمين.. كله بيدور على مصلحته الشخصية الوقتية.. مش المصلحة العامة التي ستحقق لأمثاله أحلامهم و لكن على المدى الطويل...

تحياتي للجميع*8*