قصيدة شعر بعنوان قوم يا عربى للشاعر أشرف عزمى

[أشرف عزمى]

قوم يا عربى . .
ما أنتا لازم يوم تقوم
إيه هيجرى ..
يجرى تانى عشان تقوم
هو موت ..
أولاد وطنا مش كافيك
هى صرخة ..
دمنا المهدور راضيك
ولا هتك ..
أعراض بناتنا هان عليك
ولا تدمير ..
البيوت قدام عنيك
كل ده ..
وإنتا دمك هادى ساكن
ايه هيجرى ..
يجرى تانى عشان تقوم
قوم يا عربى . .
ما انتا لازم يوم تقوم



قوم ..
وعد العده لولاد اللذينا
اللى سارقين ..
حلمنا من بيــن ايدينا
دى الحياة ..
بالشكل ده خسـارة فينـا
وان تحرير ..
أرضنا دا ديـن علينـا
يه هيجرى ..
يجرى تانى عشان تقوم
قوم يا عربى . .
ما انتا لازم يوم تقوم




عايز أقولك ..
إن حالنا مش كدا
طول تاريخنا ..
مرعوبين منا العدا
والحضارة ..
كات تفوق كل المدى
ليه بقينا ..
نسيب حقوقنا للكلاب
ليه رضينا ..
نعيش حياتنا بالعذاب
ايه هيجرى ..
يجرى تانى عشان تقوم
قوم يا عربى . .
ما انتا لازم يوم تقوم



قوم يا عربى ..
ويلا بينا .. ويلا بينا
قوم نبيد ..
كل اللى راكب أرضنا
قوم ندوس ..
ع اللى استباحوا دمنا
قوم ..
نرجع أرضنا و عرضنا




ايه هيجرى ..



يجرى تانى عشان تقوم
قوم يا عربى . .
ما انتا لازم يوم تقوم

[د. جمال مرسي]

جميل أخي الشاعر أشرف عزمي
قصيدة نارية تحرك الميت من العزائم و الهمم
أجدت صياغتها و نسيجها
و أدعو معك كل عربي مسلم غيور أن يقول لا لكل المفسدين في الأرض
بارك الله بك و بحسك القومي
دمت بخير
د. جمال

[بنت مصر]

قصيدة رائعة استاذ اشرف عزمي المبدع
احييك واشكرك على كلماتك الثائرة
شكرا لك ودمت قلما نابضا مع قضايا وطننا الحبيب


بسنت

[mokhtarmapman]

عندما ينطلق أشرف ويكتب( الشعر العامى) نشعر جميعا بأن شيئا ما سوف يتغير ، هذه القصيدة قوم يا عربى ، قصيدة تحرك المشاعر رغم أن المشاعر قد تجمدت أمام شاشات التلفاز وصفحات الانترنت

أخى العزيز أشرف أنت مبدع دائما وارجوك ان تنشر المزيد من ابداعاتك التى سوف تزيد هذا المنتدى تقدما وروعة

أخوك

mokhtarmapman