سلوكيات مرفوضه!!

[بنت مصر]

في مجتمعاتنا العربية الاسلامية بمختلف الجنسيات
كثير من السلوكيات المرفوضة التي يرتكبها الاشخاص
بصفة فردية أو جماعية .. هذه السلوكيات لابد وان تتلاشي
وتختفي فهي موجودة في بيوتنا وشوارعنا ومدارسنا ومساجدنا
وحتى في داخل المنتديات...

ومن هذه السلوكيات على سبيل المثال القاء القمامة في الشارع
او الكتابة على الجدران أو ( التزويغ ) من فوق سور المدرسة
وما الي ذلك من سلوكيات يرفضها المجتمع والدين

ادعو جميع الاخوة والاخوات الافاضل الي المشاركة في
تكوين سلسلة او موسوعة من السلوكيات المرفوضة .....
محاولة ً منا الى حلها والوصول بمجتمعاتنا الي ارقى صورة



بنت مصر

[peace]

ارفضيها زي مانتي عايزة
مافيش حاجة هاتتغير
لو شفتي منظر الزبالة الموجودة جانب الكلية بتاعة هندسة المطرية
كنت قلتي ده عادي

الدكاترة حتى مادخلوش عشان تنشال


تحياتي

[ابن مصر]

اية دة يا peace
هو انت ماشربيتش الشاي الصبح والا اية
دة كلام ينقال برضة ---


تسلمي يا بنت مصر انت دائما عظيمة
تسلم ايدك ومنظرين منك الاكتر
اخوكي في اللة والوطن
ابن مصر

[إسلام شمس الدين]

peace

عايز أسألك سؤال ( لو انتي من طلبة كلية همدسة المطرية ) ليه ماعالجتوش انتوا المشكلة دي بنفسكوا ، مش حأقولك يا ستي لموها بأيديكوا ، ليه ما جمعتوش مبلغ ولو صغير واتفقتوا مع شركة نظافة تيجي تشيلها ، وما أعتقدش الموضوع حيكون مكلف قوي ، ده لو كل واحد دفع ربع جنيه حتقدروا تشيلوها ، لكن المشكلة ان احنا دايماً بنستنى حد يتصرف و مابنفكرش احنا نتصرف حتى في أبسط الأشياء .

أما موضوع مافيش حاجة بتتغير ، فبالعكس ، مافيش حاجة ما بتتغيرش ، واللي مش حنقدر نغيره للأحسن حيتغير بمرور الوقت للأسوء . و الفكرة زي ماقلت ان احنا ما اتعودناش نفكر نغير ، لكن دايماً بنستنى حد ييجي لغاية عندنا و يتحايل علينا عشان نفكر نغير للأحسن .

بنت مصر موضوعك أكتر من رائع ، وأنا معاكي فيه و مش هأعتبره موضوع و بس ، هأعتبره حملة لتغيير سلوكيات مرفوضة ، لو كل واحد كتب أحد هذه السلوكيات حتى لو ما عندوش حل ليها ممكن غيره يكون عنده الحل أو ممكن نتناقش في إيجاد حل .

و لو في النهاية واحد بس غير في نفسه سلوك واحد بس إلى الأحسن ، يبقى احنا ساهمنا في ان مجتمعنا يكسب سلوك إيجابي .

شكراً ليكي بسنت
شكراً ليكي peace
شكراً أستاذنا الغالي ابن مصر

[heba]

بسم الله الرحمن الرحيم

بنت مصر العبقريه
اسمحى لى ان اضيف لك بعض السلوكيات المرفوضه

1- التجمعات الشبابيه فى الأسواق التجاريه التى يكون هدفها معاكسة الفتيات 0
2-ولكى لا اكون جانيه على الشباب ارجو ان تمتنع الفتيات من لبس الملابس المثيره و العاريه التى تطمع فيها الشباب و فى النايه نقول عاكسونا و خطفونا
3-عدم الأستماع للراديو او التليفزيون بأصوات عاليه تزعج الجيران0
4-عدم ركن السيارات صف ثانى حتى لا تغلق الطريق على الآخرين و تتسبب فى عطله له و اهدار للوقت0
5-منع شرب الشيشع للفتيات فى الأماكن العامه

و السلوكيات المرفوضه كثير يا بنت مصر و لكن ما يحضرنى الآن هم دول فالى لقاء آخر ان شاء الله لحصرهم0
و تحياتى لك و لمواضيعك المفيده دائما0

[خالد بن الوليد]

بنت مصر .. احييكي على افكارك القيمة و البنائة كالعادة .. بارك الله فيكي و ربنا يخليكي للمنتدى :)

peace : عاوزين شوية تفائل .. :)
انا عارف انكم لو سمعتو كلام shams_eldin الزبالة هتتشال ,, بس هترجع تاني بعد يومين بس و المشكلة هية هية .. خلينا واقعيين .. بس متفائلين بردو :)
( إن الله لا يغير ما بقوم حتى يغيروا ما بأنفسهم )

هبة اضافتك جميلة و في محلها ..
و انا هفكر و اقولكم ;)

[بنت مصر]

الله عليكم كلكم وعلى تعليقاتكم الجميلة
انا احب اقول لكم ان اسكندرية تقريبا معظمها
بقا نضيف وزي الفل ودا بفضل شركة اونيكس الفرنسية
خلت شوارع اسكندرية نضيفة جداااااااااااا


بس اللي يكسف في الموضوع اننا مش عارفين نشيل زبالتنا
وجايبن شركة فرنسية تنضف لنا الشوارع :( مش عيبة في حقنا دي:confused:



بيس ابن مصر وشمس الدين وهبة وخالد الغاليين
اشكركم كلكم على تفاعلكم بس مش كفاية كده
لسة عاوزاكم تدعبسوا لي شوية وتجيبوا لي حبة
سلوكيات من اللي جايبانا لورا عشان نشوف لنا فيها حل


هبة الغالية : اضافتك رائعة كالعادة

وبخصوص المعاكسات فزي ما قلتي الشباب والفتيات شركاء فيها
التربية والدين ليهم دور في ان الشباب يغضوا ابصارهم ويحفظوا لسانهم
والتربية والدين ايضا بالاضافة الي الرقابة من البيت ليهم دور في شكل البنت
وهي خارجة ،، لان بصراحة اليومين دول بنشوف العجب في شوارعنا ،، وسبحان الله كان الرسول عليه الصلاة والسلام بيننا وشافهم عندنا لما وصفهم بدقهة قال عنهم (كاسيات عاريات)


بسنت

[بنت مصر]

اسمحوا لي اضيف سلوك مرفوض تماما بيخرج من داخل بيوتنا
وبيسلكه الاباء مع الابناء بدون ما يشعروا انهم بيرتكبوا جناية في
حق ابناءهم وهو تعليم الاطفال الكذب باسلوب غير مباشر

فلما التليفون بيرن وصديق او صديقة يكون بيسأل عن احد الوالدين
ويردوا ويقولوا له قول له او قول لها مش موجود ،،، يستغرب الطفل
وتسقط في نظره كل قيم الصدق لان مثله الاعلى وقدوته هو اللي بيوجهه
الي هذا السلوك ويشربهوله كل يوم في مواقف شبيهه

ولما الوالدين بيكتشفوا لاحقا ان الابن كذب عليهم في اي مسألة
بيكون عقابه شديد ،، وبالتالي بيحصل للطفل تخبط



بسنت

[Eskandarani]

أنا حا أتكلم عن النظافة فقط على الأقل النهاردة

إخواني انا مع الأنسة الكريمة سلام Peace ومعترض علي كل الأخوة الكرام و الأخوات الكريمات

يا اخونا النظافة او عدمها هو سلوك شخصي اولا و اخيرا شئ لا علاقة بالفقر او الغنى بمعنى السواد الأعظم من شعب مصر للأسف مش نظاف و صدقوني انا لازلت اسكن في احد الأحياء الراقية بالأسكندرية (زمان) و للأسف نسكن بالدور الأرضي و العمارات اللي حولي يقطنها اشخاص المفروض من مسميات وظائفهم يكونوا نظاف و لكن العكس هو الصحيح للأسف وكل مساء و في الظلام تسمع اصوات قنابل هي في الواقع اكياس قمامة ترميها حرم مدير مدرسة او مدير عام
ترمى من الدوار العليا ! ومافيش فائدة 40 سنة واكثر و لا فائدة ولا كلام و خناقة ولا بوليس نفع!

في رأيي لازم يكون هناك توعية (مثلآ زى ربط حزام السيارات) و بعد التوعية و التنبيه و التحذير يكون هناك تنفيذ صارم للنظام و القانون (بلا تلاعب و ورشاوي)
-اعتقد عازيين احتلال جديد تركي او انجليزي علشان النظام يمشي بالكورباج!-
لأن التسيب و التكاسل وعدم تطبيق القانون بصرامة هو سبب ما نحن فيه! ليس في بند النظافه فقط و لكن تقريبا كل شئ بدليل الناردة اللي نظفوا ألإسكندرية الحبيبة هم الفرنساويين (والله حاجة تكسف وعيب) و برضه طالع عينهم ! لأنهم بينظفوا وبس و ليس هناك ثواب و عقاب للقذريين.

و السلوك المشين ده برضه موجود هنا حيث اعيش واعمل و بالطبع بصورة اقل مليون مرة مثلا تلاقي واحد راكب عربية مرسيدس بكام مليون (هكذا ثمنها في مصر!) او اي عربية اخر فخامة و تلاقيه بفتح الباب او الشباك و يرمي كيس به بقايا وجبةطعام و زجاجات في وسط الطريق!

القانون و القانون الصارم هو الحل!

[محيي ابراهيم]

قبل ما أسرد شوية سلوكيات سوف احكي لكم حكاية صغيرة
الدكتور عبد الوهاب المسيري كلكم عارفينه صاحب اعظم موسوعة عن اليهود واليهودية ومن اعظم اساتذة كلية التربية جامعة عين شمس وزوجته الاستاذة هدى حجازي من انبغ اساتذة كلية البنات جامعة عين شمس
ذهب هذا العبقري ( وتربطنا باسرته علاقة افتخر بها نظرا لاننا من تلامذتهم ) ذهب لأحضار زوجته من الجامعة وحينما هبط من السيارة وجد ان بها بعض عوالق من مياة مجاري بسبب طفح المجاري في بعض الشوارع التي مر بها اثناء ذهابه الى كلية البنات وما كان منه الا ان استأذن ( واكرر استأذن ) بواب الكلية في ان يستخدم خرطوم المياة لتنظيف سيارته فأبى البواب الا ان ينظف للدكتور سيارته واصر استاذنا المسيري فأتهمه بعض الدكاترة بالجنون خاصة وانه مال علة علبة سجائر ملقاه على الارض ليلقي بها في صندوق القمامة مما اعتبره اساتذة الكلية شذوذا عن سلوكيات الاساتذة فاتهموة بانه استاذا لحقت به لعة العبقره فصاريتصرف تصرفات غريبة
هذه حكاية اسوقها بدون تعليق
اما عن السلوكيات المرفوضة فمن اهمها التبول في الشوارع وتحت الكباري حتى بالطرق الرئيسة بالقاهرة وهو فعل فاضح في الطريق العام نخجل منه ومن ممارسته جدا ولعله ينحسر ويختفي.
محيي الدين اسماعيل

[بنت مصر]

اسكندراني ومحيي اهلا بيكم وبمشاركتكم الرائعة

ومعنديش تعليق الا اني فعلا باتمنا ان الاجيال القادمة تحاول تغير نفسها
ويحاولوا يعلموا اولادهم ويوعوهم ان الحضارات وتقدمها من ضمن اهم
مقاييسها هو نضافه شعبها

وكمان سلوك عدم النظافة برغم انه مكتسب الا ان القضاء عليه
بيكون صعب جدا وبيحتاج جهود كبيرة للتخلص منه



سلوك تاني واضح المعالم علينا وهو انه بتتبع اي حوار او نقاش في
مجلس من مجالسنا بنلاقي الكل بيتكلم في وقت واحد ،،،
وشخص واحد بس هو المستمع مفيش حسن استماع نهائي ،،


صح والا غلط؟؟



بسنت

[heba]

بسم الله الرحمن الرحيم

صح جدا يا بنت مصر و من اهم السلوكيات المرفوضه لخطورتها
1- ان ترى سياره و قائدها يقود بطفل صغير غير مأمون الحركات مما يؤدى بهم الى كارثه0
2- و كذلك من يتكلم بالموبايل فى طريق سريع و هو يقود 0
3- فى اثناء كثيره نرى فى النوادى و فى الشارع سيده معها طفل و معها شغله صغيره تسىء معاملتها ولو نظرت ان هذه الطفله كان من المفروض ان تكون فى احضان امها و تحتاج لرعايه مثل اولادها ما تصرفت معها بغلظه0
4- و بما اننا نتكلم عن الأطفال فلا يصح للأهل ان يتركوا اولادهم يلعبوا فى الشوارع و ان يغيبوا عن انظارهم بحجة ان الدنيا امان و دى حتتهم لأ0
اظن كده يا بنت مصر قلت كتير ولكن لو صادفتنى سلوكيات اخرى مرفوضه سأكتبها لك ان شاء الله0
انت تؤمرى يا بنت مصر

[ابن البلد]

انا هقول كلمة واحده واجري

من السلوكيات الغير مرفوضه

التسجيل في المنتديات بأسماء لا تليق بمنتدي محترم

كمان

التحدث بصوت عالي في الشارع

معاكست البنات للصبيان ( هذا ما يحدث الآن )

أنا هجري بقه

باي باي

[ابن البلد]

أ/ محي الدين ابراهيم

و الله فعلا بيحصل حكاية التبول في الشارع دي

المشكلة أن الحكومة عامله حمامات عمومية
وكمان عامله غرامة علي اللي يعمل كده
بس تقول أيه بقه

ربنا ما يوريك شر الزنقه :D


ابن البلد المزنوق :3::3::1:

[Eskandarani]

الأخ الحبيب محيي ابراهيم

ياأخي والله شكرا علي رسالتك و ارجوك طالما تعرف ألعلامة الدكتور عبد الوهاب المسيري ارجوك بلغه حبي و امتنناني العظيم واسرتي كذلك.

و صدقني و رغم عدم معرفتي الشخصية الدكتور عبد الوهاب المسيري ألإ اني كنت اعرف الكثير من المسايرة و معظمهم من دمنهور (او البحيرة عموما) وصدقني كلهم نفس روح و اخلاق الدكتور عبد الوهاب المسيري ، الله يبارك فيهم كلهم.

صدقني أخي الحبيب محيي، وانا لا أدعي اني ما فيش زيي خاصة وان لا احد يعلم من انا بين كل اعضاء المنتدي و لا اسمي الكامل حتى.

ولكن ما يفعله الدكتور المحترم المسيري افعله بل واكثر، مش عشان انا نظيف بالفطرة ولكنها الأسرة(الأب و الأم) منذ الصغر ايه علموني و كيفية احترام الجيران و الناس و الشارع عموما و ايه يصح و ايه لايصح واعتقد اني عايش بمثالية اكثر من الازم!

عموما الموضوع المطروح ليس للتحدث و التملق في ذاتي انما ذكرته لأبين لك الأسره و ما تنتج و ما تعلم وما تغرس ولذلك دعونا يا إخواني و أخواتي يا كل اعضاء المنتدى دعونا نبدأ بأنفسنا بأولادنا و بأهلناو بجيرانا طبعا سينظر الينا
و كأننا جئنا من زمن و عالم ثاني و سيخر منا و سيتهكم علينا الكثيرين فلنساعد بعضنا البعض و لنشد آزر بعضنا البعض، فالفرنسيين ربما نظفوا الإسكندرية و قد ينظفوا مصر كلها و لكن لن ينظفوا سلوكياتنا و طباعنا و تصروفاتنا بل و اخلاقياتنا! بايدينا و بمجهوداتنا فلن يفعل الفرنسيين و لا الأمريكان ذلك بنا فهم كلهم يريدوننا متخلفون و منشغلون بالسكر و الأرز
والمدارس و الدروس الخصوصية المهم عايزين يشغلونا بأي حاجة الإ التقدم او التطور او حتى التفكير فيه !؟

يا إسكندارانية و ابن مصر و ابن البلد يلا نحاول و لنجعل شعار المنتدى "لا للسلبية لا للسكوت عن السلبيات" وأنا لا أطالب بقلب نظام حكم و لا بتغيير الوزارة! الوضوع ابسط من كدة

عارفيين ليه اسكندرية نضفت و ليه البلد بقت جميلة لأن الناس اخيرا وجدوا قدوة وجدوا هدف وجدوا ناس تتقي الله فيهم في البلد و فلوس البلد،

ايه اللي عملوه الفرنسيين!؟ ايه غير كلام فاضي شوية عربيات و الباقي نظام و دقة في اتباع النظام ! ماهما العمال مين ولاد البلد ومش فرنساويين حتى الإدارة و المشرفين مش فرنساويين ولا نيلة ! دول من المغرب العربي ! ونلف نلف و نرجع للنظام و اتباع النظام و القانون و اتباع القانون والبعد عن الأونطة و الطناش و التسيب و التراشى و اسلوب فتح عينك و فتح مخك و فتح جيبك !!!!!!

و الله سهله ياخوانا بس النية و الإخلاص و الثبات لاننا زي ما نكون حنحفر في الصخر بإدينا العارية

ياخوانا اللي اتعمل في اسكندرية (التوسعة اللي اتعملت 100% مصريين اللي عملوها و على ماأتذكر اعمال الردم اللي اتعملت تبني 5 سد عالي !!!!؟؟؟)
مش حاقعداقول الفراعنة عملوا ونيلوا و جدودنا سوا و هببوا قناة السويس و السد العالي ليسوا بالبعيدين

مش حنجمع فلوس او نفكر في ذلك عشان معظم الناس مش مستحملة و الباقي لو سمع ان فيها حا يخلع!

لازم نبدا بالعيال عيالنا ثم عيال الجيران ثم الشارع و باسلوب مقنع و مهذب و بالحسنى

ده اول بند في اللي طرحته بنت مصر بلدياتي واعتقد ان الأمور الباقية اسهل
لأن لو الإنسان المصري تعلم الإلترام و اخذ على انه يلتزم حا يكون كل ما هو اتي اسهل ! المهم نتوكل على الله العلي القدير و بنية صادقة لله و للمجتمع و لأهلنا وبنو جلدنا و كفاية انامالية و كفاية تواكل و كفاية تكاسل لأن ماحدش حاياخذ بايدينا الا نفسنا و صدق الله الغظيم اذ يقول" إن الله لا يغير ما بقوم حتى يغيروا ما بأنفسهم " ونعم الكلام و ما أصدقه و اشمله و ادقه

لا إله الإ الله سبحانك انا كنا من الظالمين.....

وكفاية كده عليكم النهاردة !

[ابن البلد]

:eek:

كلام جميل مقدرش أقول فيه حاجه إسكندراني

[بنت مصر]

هبة حبيبتي كل السلوكيات اللي ذكرتيها فعلا سلوكيات غير مقبولة
وممكن تتسبب في كوارث اشكرك على مشاركتك الفعالة

واهلا بيك ابن البلد


والف شكر اسكندراني على محاضرتك الدسمة



وياريت ياجماعة نتناول كل مشكلة على حدة ونحاول من جانبنا
اننا نحط لها الحلول المناسبة للتخلص النهائي منها



وفي انتظار مشاركاتكم

[Eskandarani]

جرى ايه يا إخوانا؟؟؟

هو انا بعثت الرسالة الثانية عشان عايز كلمة استحسان و تشكرات؟؟

انا كنت و لازلت صادق و الله شهيد وشاهد على صدقي

انا عايز اعرف احنا مشتركين في المنتدى عشان نهزر و نتسلى و نضيع وقت ثمين بدل العبادة او العمل او الإستذكار او حتى متابعة امور حياتنا العادية !!!!
فهموني .. لأني مشكلة حياتي هي الجدية الزائدة ..... واني اعمل حاجة لبلدي
اللي طفشيتني انا أخي الحبيب وكل اصحابي او بالأحرى أصدقاء الطفولة الأحباب و بقى بين كل منا مليون كيلومتر ! وكذلك عشرات الملايين وكفاية اني عايش بذنب انى هربت بنفسي و لنفسي (هكذا احس و بصدق) و كفايانا هروب

ياخواني لازم نعمل حاجة لمصر ! مش خطابة و لا انشاء و لا تملق !! حتى غصب عن عين مصر .... و مرة ثانية لا احد يعلم كينونتي ولا من انا و سأظل هكذا
ليكون عملي لله ثم للوطن ثم لأسرتى و اهلي ولكل من كان له فضل علي بعد الله جل وعلى....

انني بدأت بالفعل منذ وطأت قدمي هنا ..... على الأقل بتحسين صورة مصر و المصريين و احسب اني نجحت الى حد ما و كنت صورة ومرآه طيبة ليس في اعين اهل البلد وحسب ولكن في اعين جنسيات و جنسيات و اناس من كل بقاع الدنيا... فالحمد و الشكر لله اولا و اخيرا ثم لأبي شافاه الله و عافاه و لأمي اعانها الله..... ولن انسى رسالة سطرتها من بريطانيا منذ 23 عاما الى ابي وامي لأشكرهما على حسن تربيتي و حسن تنشأتي و تلوتها باخرى لأشكر كل منهما على حسن اختياره للأخر كشريك حياة كنت انا اول نتاجها و تلاني اخي و اختي .. حفظ الله الجميع و بارك الله للجميع....

وأسأل الله ان يمكنى من تربية اولادي و تنشأتهم كما فعل والديا

وسأبدأ من اليوم باولادي وان كانوا صغارا قبل ان يبدأ تأثير المجتمع وسلوكياته في اعوجاج سلوكياتهم و الله المستعان

واذا اراد اي اخ او اخت ان نبدأ سويا فأهلا به وبها و ليكن الله مرادنا و غايتنا و اعاننا الله جميعا..... فلنتشاور و نتدارس و ونستشير اهل للدين و الدنيا و نتذكر ان مشوار الألف ميل يبدأ بخطوة! ....فهيا بنا

[heba]

بسم الله الرحمن الرحيم

اخى العزيز اسكندرانى انت ليه متنرفز و منفعل و كما قلت اول المشوار يبدأ بخطوه فبنت مصر بدأتها و عرضت الموضوع و شاركنا فيه و الخطوه الثانيه طرحتها ايضا بنت مصر بأن نحاول ايجاد حلول يعنى الأمور محتاجه دراسه و مناقشه و مجرد طرحها على النت فى المنتدى و كثيرين سيقراوها فهذا نوع من التصرف ايضا يا اخى العزيز فالصبر ربنا خلق الدنيا فى ستة ايام الم يكن قادرا على خلقها فى يوم كل شىء بالصبر فالسلوكيات المرفوضه هذه تراكمات سنيين من سوء التوجيه و الأرشاد فلا يمكن فى يوم و ليله تريد ان تقلب الدنيا صبرا يا اخى و اطرح افكارك و ياريت تقولنا انت مين لأن المسأله دى شغلتنا جدا لأنك ثانى مره تتطرق لهذا الموضوع عموما يا اخى الفاضل مهما كانت شخصيتك فنحن نعتز بها دون الأعلان عنها فيكفى انك مصرى اسكندرانى 0 بلديات بنت مصر0
تحياتى لك
اختك هبة الله

[Eskandarani]

شكرا لرسالتك المهذبة

و اعتذر على انفعالي و تسرعي و لك كل الحق و العذر و الإعتذار للجميع يبدو ان الموضوع حمسني و يظهر اني عايز اغير الكون في الحال لأن الموضوع فعلا
شاغلني من زمان و ما صدقت الاقي حد عفوا "ينكوشه" مش لاقي كلمة ادق

يبدو ان تخيلت ان اعضاء المنتدى كلهم على الخط وان الكل متحمس وسنبدا في الحال !؟ غباء مني بعيد عنك

بالنسبة لأسمي (الأول) موجود بصفحة التسجيل و هو "عاصم" بالعربي و ليس لدي اي مشكلة في الفصح عن كل بياناتي الإ اني-ويعلم الله- احب ان يكون عملي لوجهه الكريم ثم للوطن الغالي كجندي مجهول ، الإ اذا كان اسمي و لقبي ضروري للغاية

شكرا ثانية على كلماتك المهذبة و عفوا لحماقتي! لك و لكل الأخوة الكرام
واعدكم بآلا أنفعل بهذه الحماقة و السرعة في المستقبل !

[heba]

بسم الله الرحمن الرحيم

اخى العزيز اسكندرانى الشهير بعاصم صباح الخير
رسالتى لك و الله لا هى تأنيب ولا ولا زعل انا بس كنت اريد ان تكون صبور فقط و لذلك لم يكن داعى للأسف اطلاقا احنا صحيح نتشاكس و نتخانق خصوصا انا و شمس و محى دائما نختلف و فى النهايه اخوه و اصدقاء فلا مانع من الخناق و لكن بمنتهى الحب و الموده فارجوك لا تفهم ان ردى السابق فيه شىء من الزعل او اى شىء من هذا القبيل اطلاقا يا اسكندرانى و بالنسبه لأسمك سبق و قلت لك انه يكفى انك مصرى اسكندرانى و بلديات بنت مصر الغاليه 0خلاص يا عاصم فهمت قصدى 0
اختك هبة الله
ياريت تقولى انك فهمت قصدى0

[Eskandarani]

ياريت تقولى انك فهمت قصدى!!

ياست الكل صباح الفل

فهمت و تبت و حا أبطل أتقمص شخصية "ابو سريع اللميع" اللي عايز كل حاجة بسرعة و وبتلمع !!!!!

اخوك إسكنداراني المحموق قوي

[بنت مصر]

صباح الخير على الجميع
هبة واسكندراني منورين والله
ايه الحوار الراقي اللي انا شايفاه دا

كان نفسي نروح القسم وكل واحد له حق ياخده هناك
بس انتوا ما اديتوناش فرصة نولع المسائل ،،،:D:D
ربنا يديم علينا الحب في الله جميعا ،،،،



واسمحوا لي اضيف سولك جديد من السلوكيات المروفوضع بمناسبة الحوار


وهو سلوك أدب الحوار

للاسف النقطة دي مستفزة جداااااااااااا
فأحيانا لما أكون داخل مجلس ما أحاول اراقب الحوار اللي بيدور
فبلاقي الكل بيتكلم في نفس واحد ومفيش حد بيسمع خالص ..
كل واحد مستعجل عاوز يقول رأيه ويفرضه على الجميع ..
والمصيبة في كل دا الاداة المستخدمة في ذلكم هو اسلوب ..
(علي وأنا أعلي) يعني هو اللي صوته اعلى هو اللي حينتصر رأيه

لو عاوزين تتأكدوا من كلامي دا اتفرجوا على حلقة واحدة من حلقات مجلس الشعب:D


بسنت

[Eskandarani]

جاهز و طفاية الحريق جنبي وشدي حيلك ولعي ولا يهمك بس قولي انت فين يإسكندراني يابو سكندر و تلاقيني هوا بالطفاية

مش عارف يا بلدياتي الغالية فين ابن مصر و ابن البلد النهاردة عايز اطمئن عليهم خايف لاحسن نكون ورطناهم وراحوا كالابوش! ربنا يستر

بالمناسبة النهاردة و في احى القاعات(اللي انا تايه فيها) شفت واحد جديد عليا وشكله تقيل و راسي قوي و حاجة كدة تخوف و اسمه "مصر" و رقمه "1"
ياتري مين البيه(و لا مؤاخذه) "الباشا" بيه ايه احسن اروح في داهية مين ياتري الباشا الكبير و ليه نمرة "1" أنا أصلي انا كده شاكك عندي عقدة من الجماعة الكبار دول و ربنا يستر، نوريني انا فعرضك يا بلدياتي

[heba]

بسم الله الرحمن الرحيم

بنت مصر و الله انتى اللى بتنورى
ربنا ما يجيبش اقسام ولا حاجه دى حاجات خفيفه 0
اقول لأسكندرانى مين مصر ولا خليه كده موش عارف؟ اقوله يا بنت مصر مين مصر رقم واحد ؟ لأ بلاش قولى له انتى احسن يا بنت مصر0

[بنت مصر]

هو في حد ما يعرفش مصر سيد المنتدى الاول والراس الكبيرة
بلاش نتكلم في الممنوع احس نلاقي نفسنا ورا الشمس


والا اقول ورزقي على الله Misr مصر دا يا اسكندراني هو المسئول الفني
عن المنتدى وابن مصر مشغول شوية عشان بنته شوية تعبانة ربنا يشفيها يارب
اما ابن البلد فهو في اجازة النهاردة وبكرة حتلاقيه راجع لنا يناكف فينا ما تقلقش:D


بسنت

[Eskandarani]

ايه الحكاية‍‍ ياهبة الله اي حد ياخونا يقوللي انا بطني اتكركبت
ومش حا انام النهاردة (الحمد لله اني عايش بره ياعيني عليكم)
:7: عشان كده بتكلم و قلبى جامد بس ربنا يستر في مطار الوصول
كدة برضة ياهبة الله كنت فاكرك قلبك ابيض و سامحتيني ‍‍؟ اتاريكي
مرقدالي مع حد من الكبار و اتاريكي عمالة امبارح تديني على دماغي ‍؟
طبعا مسنوده ....ياعيني علي ... ما كنت كويس و ماشي جنب الحيط
ليه بس لخبط امبارح أه ياني...

[heba]

بسم الله الرحمن الرحيم

طيب تصدق بقى يا اسكندرانى انى لا اعلم من هو مصر انا كنت باخوفك شويه بس لغاية بنت مصر ما ترد عليك 00

[mariam]

موضوع بالفعل يجب ان يطرح
مثل هذه المواضيع تستحق المناقشة بالاخص من قبل شبابنا
و صدقوني هذه السلوكيات السلبية فيكل انحاء الوطن العربي
ولا يقتصر على مصر
و بالاضافة الى كل ما تم قوله و الذي اؤيده و بشده
سلوكيات بعض الطلبة و الطالبات و التي فقدت احترامها
لمكان التعليم وا حترام المعلم
مشكلة الهواتف الجوالة التي صارت في ايدي اطفالنا قبل شبابنا
طريقة اللبس و التي تتنافى تماما مع تعاليم الدين و تقاليد مجتمعاتنا العربية
اووووووووو ... اذا بدأنا في عرض السلبيات فلن ننتهي
لكن لا زلنا قادرين على تغيير هذه السلوكيات ... بما اننا قادرين
على طرح هذا الموضوع في منتدى يضم اصوات من مختلف الدول العربية
اذا فالامل موجود للتغير حتما ... طال الوقت او قصر
خالص تحياتي للجميع

[بنت مصر]

مريم الرائعة
سلوكيات غير مرغوب فيها ويجب ان تختفي
وبالاخص سلوكيات الطلاب وذهاب هيبة المعلم



بسنت

[محيي ابراهيم]

أسكندراني العزيز وابن احلى بلد في الدنيا
تعريفك لشخصك الكريم ملأنا فخرا بأولاد بلدنا وملأنا سعادة بوجود هذا النسيج الاسري الاصيل والمترابط أدامه الله عليكم وعلينا وجعل مصر دائما تحت سيطرة آيته " في رباط الى يوم يبعثون " لان رباط الاسرة هي اصل رباط الوطن ودفعة للأمام.
بارك الله فيك اسكندراني فأنت شخص تتمتع بأخلاق عالية ومشاعر مهذبة وضحت بجلاء في ماتم بينك وبين هبة الله من حوار راق ومهذب.
لنا عظيم الشرف ان احتوى منتدانا جميعا من هم في نفس اخلاصك وحماسك واعتبرني من الان معك في كل ماقلته لننفذه سويا حبا وكرامة لمصر وكل من احب بلدنا يابن بلدنا
محيي الدين اسماعيل

[Eskandarani]

الأختين الكريمتين mariam و بنت مصر

شكلكوا كدة "مدرسات" و الله يعينكم بس المشكلة ليس لها إلا حل واحد وهو:

البيت اولا (الأسرة) ودي مش بس مشكلة دي اصبحت مصيبة لأن الطالب/الطالبة اللي بيتطاول على استاذه بالتأكيد بيتطاول على اهله وعلاجها بسيط لازم وزارات التعليم و المعارف ترجع تطبق نظام زمان و بصرامة ؟ والله يسامح اللي لغى مسئلة ضرب المدرس للطالب وسن بدل منها ضرب الطالب للمدرس؟

أحكي لكم قصة من المستحيل ان تحدث الأن بل من رابع المستحيلات سنة
1948 م طالب بالتوجيهي (ثانوية عامة الأن) بمدرسة الإبراهيمية الثانوية بالقاهرة، صاحبنا الطالب كان عامل فيها زعيم الطلبة وأحد قادة المظاهرات ضد
الملك فاروق (أيام حرب 1948 ضد اليهود الله يلعنهم) وضد الفساد المعروف
ايامها ويتم فصل صاحبنا بعد مظهره عارمة من جميع مدارس القطر المصري ؟
ولا يجد بعدها حلآ إلا السفر الى السودان لتكملة العام الدراسي هناك، كل ده
عادي الى الأن

اهم شئ ان صاحبنا ده كان عمه (أخو أبوه) معالي الباشا وزير المعارف (التعليم الأن) أي والله الباشا الوزير بحاله ولم يشفع له هذا لأنه كان فيه نظام و نظام صارم على الكل بلا إستثناء (و لا ده مين و ولا انت عارف انا مين ولا حاوديك في داهية) بغض النظر انه كان نظام سياسي وقتها صح اوخطأ صالح ام طالح
لكن اللوائح و النظم طبقت على ابن اخو الوزير زيه زي ابن الغفير؟؟؟؟

بالمناسبة الطالب ده يبقى ابويا؟؟ ربنا يشفيه ويعفي عنه

أه لو يرجع زمان

[tannjour]

بنت مصر المحروسة :
أنا أشكرك على الموضوع دا لأنو من صلب الواقع ، وخاصة فيما يتعلق بالأصوات العالية اللي بتزعج الجيران زي ماأحد أعضاء المنتدى ذكر ذلك وقصة الكذب على التليفون زي ماانت ذكرت يا بنت مصر

شكراً مرة ثانية على الموضوع دا

[mariam]

و الله يا اسكندراني انا مو مدرسة
بس هذه ظاهرة ... و سلوك غريب على مجتمعنا
احنا تعودنا ان .. من علمني حرفا كنت له عبدا
اي نعم لا مانع من المناقشة ... لكن في مانع من قلة الادب
و الله يمن على الوالد بالصحة و العافية
و على مجتمعنا و اولادنا بالصلاح
تحياتي :7:

[بنت مصر]

اسكندراني أنا كمان مش مدرسة والله
بس اللي بسمعه على اخلاقيات الطلاب مع المدرسين
بزعل جداااااا وخصوصا الشباب في المراحل الثانوية


وأنا شايفة ان في اسباب كتير ضيعت هيبة المدرس في اعين التلامذة

أولها وأهمها هو ضعف الراتب اللي بيحصل عليه
وبالتالي بيلهث المدرس وراء الدروس الخصوصية
وبيضطر يقدم التنازلات للتلميذ عشان ينول رضاه
ويضمنه كأحد التلاميذ المواظبين على الاستمرار والتمويل


ثانيها منع الضرب في المدارس ورفع شوكة شوكة الطالب فوق المدرس
فاتخذ التلاميذ سلاحا واداه لتهديد المدرس في كل حين


ثالثها
أولياء الامور وتأييدهم لابناءهم على طول الطريق
يعني لو الابن راح البيت يشتكي من موقف ما صدر
من استاذه بنلاقي الاب والام (مش كلهم طبعا ولكن معظمهم)
بينفعلوا ويقولوا احنا بكرة حنروح المدرسة عشان نعمل ونسوي فيه

بالاضافة الي ان المدارس الخاصة بتقدم تنازلات كتيرة واللي
بتشعر اوليا الامور انهم اشتروا المدرسة بمدرسينها بناظرها كمان



بسنت

[بنت مصر]

مريم حبيبتي اشكر لك مرورك الجميع وأضافتك الاجمل
ودمتي لنا وللمنتدى حبيبتي



أخي الغالي tannjour

أشكرك على قراءتك ومرورك والف شكر على تشجيعك لي
واللي بعتبره فخر لما يصدر من شخص مهذب مثلك


بسنت

[happylife]

.....تعوا شوفوا......الفرجة عنا في لبنان ببلاااااااااااااش....عنا بلبنان نجد قائمة طويلة عريضة من السلوكيييات المرفوضة.....اذا بدي احكي عن هالقائمة بدي اسبوع تخلص.....الزبالة عنا صارت منا وفينا يعني اذا شي يوم شفنا عمال البلدية عمينضفوا الطريق دخري منعرف انه في شخصية اجنبية جاية عالمنطقة:cool:.....عنا هون صار التكلم بجميع لغات العالم عالدارج و يا عيبشوم اذا انت ما فوتت شي كلمة اجنبية بحديثك يعني انت جاية من القرون الوسطى:3: وممنسى انه في شي اسمه اللغة العربية.....واذا انت فتت عجامعة الدولة ييييي يا عيبشوم انت مش من الناس الافاضل.... المنيح عنا انك تفنص,تكذب,تسرق,تضحك عغيرك لانه مش من طبقتك الاجتماعية مقاما.....نحنا بالعربي المشبرح عمنقللد الغرب بس هيك انو نحنا كتتيير مهضوميين... وصارت الينت عنا اذا رجعت عبيتها قبل نصف ليل هي متخلفة لازم ترجع ساعة اربعة الفجر....واذا ما شربت كحول بتصيير مضحكة....يمكن مش رح تفهوا عليي بس انا اقصدت اكتب بهالطريقة تتنتبهوا انه عنجد بلدنا مليان سلوكيات مرفوضة...وشكرا.

[بنت مصر]

هابي لايف حبيبتي
أعتقد انك مبالغة حبتين
مش شرط ابدا ان السلوكيات دي تكون هي السائدة
ماننكرش ان كل مجتمع له سلبياته لكن ما أعتقدش ابدا
الصورة مؤلمة بالشكل اللي بتحكيه دي ... يكفينا فخرا
بالبنات المسلمات الصالحات ان ميللي معانا في المنتدى ونفتخر ونعنز بها



أهلا بيكي هابي لايف وياريت تتفاءلي خير



بسنت

[happylife]

الى اختي العزيزة بنت مصر ......شكرا على ردك..... لم ابالغ بحديثي هذا.... انا لم اشمل جميع الفتيات ... ولكني اردت ان اوضح لكم الفكرة فقط فالذي يعرض على الفضائيات اللبنانية مخالف بشكل كبير لعاداتنا...احمد الله على انني فتاة مسلمة..انني متفائلة خير ببلدي ولكن اردت ان اوضح لكم اننا في مجتمعنا نرفض تلك السلوكيات وليس كما يتصور البعض من اخواننا في بعض الدول العربية لذا اردتهم ان يفهموا تلك الفكرة .... ولو كنت مع بعض هذه السلوكيات لما شاركت في هذا الموضوع من اصله ... وشكرا:)

[بنت مصر]

اهلا بيكي هابي لايف وشكرا على ردك
واتمنى ان يحل في بلادنا كل ما يحبه الله ويرضاه



بسنت

[thesmileface]

اضم صوتي الى صوتك يا بنت مصر و أدعو ربي بأن تعود بلادنا العربيه الى ما كانت عليه قبل انفتاحنا على الغرب لان كل ما يحل بنا من السلوكيات المرفوضة التي وردت سابقا" هي بسبب حبنا لمماثلة الغربيين, و هذا عار علينا و بلادنا مسقط رأس حميع الانبياء و الرسل ان تصبح سلوكياتنا خارج نطاق القيم و الاخلاق.
أختك Rana

[بنت مصر]

اهلا بيكي رنا الغالية
أشكرك على التأييد وعلى اضافتك الرائعة والحكيمة
والتي تدل على رجاحة عقلك ،،، ونسأل الله ان يثبتنا
أمام الغزو الفكري الذي افسد عقول الشباب



بسنت

[angel]

بسنت حبيبتي مواضيعك كلها شيقة .

السلوكيات المرفوضة بالنسبة لي:
1-قلة احترام الأكبر سنا":لما نكون قاعدين في مجلس ما ويدخل حد أكبر مننا لازم نقوم نديله مطرحنا لو مافيش مطارح يقعد.
2-قلة التهذيب بالكلام والبجاحة الزايدين قوي في أيامنا.

ولسه في كتير بس كفاية كده.
ربنا يقويكي يا بسنت.

[بنت مصر]

انجل حبيبتي اهلا بيكي وبمشاركتك الجميلة


فعلا قلة الاحترام والبجاحة اصبحت هي الطابع المميز للصغار
في ان الاسلام دين معاملة وقد دعا الي احترام الكبير والعطف على الصغير



هناك سلوك سخيف بشكل ولما بشوف حد بيعمله ببقا نفسي ادي
له على نافوخه 100 برطوشة وهو البصاق في الطريق ،، مش عارفة
ايه الاخلاق دي واين ماء وجه المرء حينما يفعل هذا السلوك ويمشي
بمنتهي الخيلاء ولا كأنه قرف الناس اللي حواليه


سلوك كمان واسمحوا لي على الازعاج والعكننة وهو اني اري كثير من
المدخنين يستعملون اكواب الشاي بديلا عن (طفاية السجاير


ولسة عندي على قلبي بلاوي بس اصبروا عليا وانا ارص لكم


بسنت

[العمدة]

تحية للأخت الكريمة بسنت ولكل من شارك ..

مثل هذه المواضيع الجادة والهادفة .. الشكر لمن يفكر بمثل هذه مواضيع :)

قرأت الموضوع كاملاً وفي عجالة .... أعجبتني ردودكم ... وأعجبني

حبكم الجارف لمصرنا الحبية وأقطارنا العربية ..

هناك شيء أريد أن اضيفه ... وهو أن الكبار .. أو الأباء يعلمون الأبناء

الكذب ... وبشكل غير مباشر ... يرن التيلفون ... ألو ... قبل أن يجيب الطفل

يسارع الأب .... بإشارة تعني .. مين بيتكلم ؟ الطفل ... بإشارات عجيبة ..

الأب ... وهو عبدالسلام عايز إيه دلؤتي بلا هم ... زحلؤه يابني ... الطفل

بابا مش موجود ( واللهي ) ياعمو ... طاب لما ييجي نقول له مين ؟

قول له عمو .... عمو عمو عمو ...

وها هم الأباء ... يغرسون صفة كريهة ... في الأطفال ... وحين يكذب الطفل

ترى الأب ... إيه ده يا حمو ... ليه تكذب .. أنت مش عارف إن اللي بيكذب بيروح

النار ...

ياسلام عليك ... أنت لسه بتكذب قدامه عيني عينك ...

ولو عايزه من ده كتير أختي بسنت ...

كفاية كده النهاردة ..

[Proud_Muslimah]

السلام عليكم
بارك الله فيكم جميعا على المشاركة وشكر خاص لصاحبة الفكرة:)
انا اصررت ان تكون مشاركتي بالعربي بالرغم من صعوبته وانا ماعندي عربي:(الله المستعان

قرات طبعا كل المشاركات مع انكم كنتم تخرجون عن المووع لكن الاهم كنتم تعودن له في النهاية:D
ستكون مشاركتي على جزئين,,الجزء الاول عن مارايته من سلوكيات غريبة جدا(بالنسبة لي على كل حال)من زيارتي الاخيرة والوحيدة لبعض الدول...والجزء الثاني سلوكيات المسلم في الغرب ولا هذا مش الموضوع?
والكلام على الدول العربية فقط???

بدا الموضوع عن سلوكيات مصر في البداية لكنه توسع ليشمل كل الدول وهذا احسن لاني لم يحالفني الحظ او نلت هذا الشرف وازور مصر فلا ادري الحال هناك:)

de2e2a wa7da la7san 3enaya bada2et tezaghlel:)7akhod ra7a 5 min :p

.. من علمني حرفا كنت له عبدا
ابدا كلامي بالتنبه على هذه العباره الت الحبيبة مريم ارجو ان تنتبهي اختي لانه كما تعلمين لايصح هذا القول بارك الله فيكي:)

ام بعد ...انا هنا من 6 سنين وجئنا الى هنا وانا الصور غير ثابتة عندي عن السلبيات في بلدي او لم اكن فكرت فيها لكن المدة التي بقيت فيها هنا غيرتي وساعدت على بناء شخصيتي الحالية...ولهذا ال 3اسابيع التي كنت فيها هناك كانت ماساة بالنسة لي عكس باقي ا لافراد الذين كانووا معي فلقد كانوا ينتقدون يضحكون يستهزؤن في وقت كنت احاول انا فيها الاصلاح والتنبيه اصلاح شئ هو جزء منهم اكيد صعب ومستحيل في مدة قصيرة ....لهذا اتفهم احساس اخي الفاضل اسكندراني ولقد كانت هذه حالتي حزن وغضب واستعجال لتغير وان يفيقوا...

تبعا اول صدمة بالنسبة لي كانت في المطار لان المكان الذي نتوجه له لس فيه مطار فكان طريقنا من خلال دولة عربية,,,للوصول لهدف
فما رايته كان مؤسفا ابداها بالمعاملة,,كان للاجانب معاملة خاصة واضحة وضوح الشمس,,كان لهم مكان خاص للوقوف احترام خاص اوراقهم تمشي من غير حاجة للنتظار....
في حين نحن "العرب"نقف في المكان المخصص للعرب العئدين من الخارج واقفين ساعة نرجو الرحمة منهم لحالنا ...كاننا متسولين,,طبعا ولما ياتي دور الواحد منا?تشعر انك امام محكمة سياسية معبسين لاافهم السبب لاتنظر كثيرا لاتبتسم لاتسال كثيرا حتى لايتلككوا هذا ماقيل لنا والا سيعطلون الاوراق كمان ساعة:(
هذاا غير ماتلاحظه من اول نزولك عدم النظام عدم النظافة وقلة الاحترام...الله يصلح حال الامة,,,وعندما تم الافراج غنا:D
اول نصيحة من شخص يسكن هناك من سنين احذروا لحسن سواق التكسي يخدعوكم ولا تقولوا لاحد انكم راجعون من الغرب!!!
هل اصبح شعانا الخداع واستغلال لناس? لاحول ولا قوة الا بالله

ومن اغرب مارايت قلة اماكن العبور للناس ,,,وكان سير السيارات جنونيا لايوجد اضواء وعلامات المرور كل اللي موجود رجل مرور واقف في وسط الساحة وكل اللي يعملوا هو البصبصة..وصدقوني لولا ان كل هذا تكرر اكثر من 9مرات ماكنت كتبته لانه ليس من العدل الحكم من اول موقف...

المسالة الاخرى عندما كنت انصح او اهم برفع قمامة او اصلا انا بيدي شئ لااجد مكان ارمي فيه...ابقى احملة احيانا,,,وحيانا ياتني الحل من شخص هو يسكن البلدة والمدينة ان ارمي مافي يدي في الشارع او في اي مكان
وعند السؤال ولما هذا ياتيك الرد وحتفرق بايه ,,,كان الشعب يائس الاصلاح والتغيير

والشئ الذي جن جنوني منه ,,هي بنت عمي التي تربت وكبرت هنا وكانت هذه اول زيارة لها لاي بلد عربي انها تحولت هي الاخرى اوسخ مايكون معاملة كلام عدم نظافة حتى اني عندما رايتها ترمي الاوساخ في الشارع قلت لها هل كنت ستعملين نفس الشئ لو كنت في السويد?
سبحان الله لما هذا السنا بشر الانحتاج ان نستيقظ ونبدء ...لما نرى نفسنا اننا لانستاهل التقدم والتغير

,,,بل في احدى المرات وانا مع صديقتي ونحاول القيام بمهمة انتحارية:)الاوهو العبور الى الطرف الاخر من الشارع(وبصراحة كانت هذه اصعب لحظة بالنسبة لي لاني لم اكن راضية بهذه الطريقة للعبور ووكنت احيانا امشي كثيرا على امل ايجاد مكان العبور لكن بلا فاءده:(
المهم في هذه المرة وجدت امامي رجل مرور فتقدمت منه وسالته ان كا ن ممكن يعطي اقتراح للبلدية او اي مسؤؤل(مع علمي انه كان غباء)
بشان خطوط السير للمشاة,,بعد هذا الموقف بدات صديقتي تضحك علي وكلما رات شخصا من الاصدقاء والمعارف تحكي الموقف ويضمكوا ويعتقدوا اني مجنونة:D
اعتذر جدا لاني طولت ويمكن هذه المواقف عادية وغير مهمة لكم لكنهافعلا كانت صدمة لي ان ارى هذا وان لاالمس اي احساس انهم يريدون
التغيير...وان احببتم ممكن ان اكمل في حلقة قادمة عما صادفته من غرائب(بنظري) :)

عذرا مرة اخرى وسامحوني:rolleyes:

[بنت مصر]

اخي الغالي العمد

أولا اشكرك جدا على مرور وتعليقك في الموضوع
وهذا شرف لي ان تشارك في احد مواضيعي
وهذا السلوك الذي تحدثت عنه بالفعل من السلوكيات
الخطيرة والتى تنذر بانهيار الاجيال القادمة وقد ذكرته
في مشاركة لي وتقريبا نفس ما تقدمت به يا عمدة وكاننا اتفقنا على الشر :D



ألف شكر اخي العزيز وحستنا منك سلوك جديد سلبي طازة
تعويضا عن هذا السلوك البايت :o


أختك بسنت

[بنت مصر]

اختي الغالية جدااااااااااااااااااااااااا براود مسلمة
اسفة جدا حبيبتي على تعبك في المشاركة باللغة العربية برغم عدم وجود
كي بورد عربي لديكي واتمنى ان انك تحملي برنامج الويندوز اكس بي
لاننا بالفعل محتاجين لك جدا معانا ومحتاجين لكاتباتك المتزنة والمفيدة
فالويندوز اكس بي(XP) جميع نسخه بتكون مدعمة باللغة العربية




بخصوص مشاركتك الرائعة وهذه السلوكيات السلبية التي ذكرتيها
جميعها مدعاه للخجل سواء بالتفرقة في المعاملة في المطار
أو القمامة التي يلقيها الناس في الشوارع وحالة اللامبالاة
والتبلد و(التناحة) التي وصل اليها الناس بالقائهم زبالتهم
في الشوارع لانهم وببساطة بيحاولوا يدوروا على
صناديق أو سلال مخصصة لهذا الغرض فلا يجدون

انا شايفة ان الناس لازم يحاولوا بانفسهم بانهم يرفضوا هذا الواقع
ويجتهدوا لتغيير الحال وخاصة ان الايمان اقترن بالنظافة وان الله
لن يغير ما بقوم حتى يغيروا ما بأنفسهم !!


وأخيرا اقول ان حملات التوعية الاعلامية بلا شك لها دور فعال في تغيير هذا السلوك.


بسنت

[Proud_Muslimah]

اختي الحبيبة :)لاتتاسفي بالله عليكي وانا فعلا اشعر بسعادة عندم اشارك المسالة انو بيضيع مني حروف وبنسى مكانوا:p
ولله ياختي اليوم سالت نفسي عجبا لاارى تعليقات اختي على مشاركاتي:Dاحبك في الله اختي

ووالله كويس ادرتي تفهمي قصدي اصلو لما رجعت اريت اللي كتباه اولت ياسانر ده هندي:o

اختي الشئ المحزن ليست الاخطاء فكل قوم له عيوبه..لكن الموضوع ان الناس اللذين قابلتهم لم يكن يروا ان هذه السلوكيات خاطئة بل انا التي كنت عائدة من"الخارج"وبحاول اتفلسف ,,,طيب كيف يكون التغيير واول خطوة لاصلاح اي غلط هو معرفة الغلط والاعتراف به...

اين الاعلام???والناس الان تقضي3/4 وقتهم امامه....
الشئ المضحك اخواني اخواتي الاغاني:)سبحان الله في كل مكان تذهب له اي محل اي تكسي اغاني اغاني ظاهرة فعلا من ناحية مضحكة ومن ناحية مؤلمة,,,كاننا حلينا كل المشاكل واصبحنا من الامم المتقدمة لكي نكون في كل هذه الراحة:(باقي ان ياكلوا ويتعشوا اغاني...من غير حتى ان يفكروا فيما يقال وكل الااغاني كلام فسق وكفر والعياذ بالله....

هذا سلوك اخر احببت المشاركة فيها ....والله يصلح حال الامة ويفوقوا

[بنت مصر]

أولا براود مسلمة عاوزة اقول لك (أ؛بك الذي أحببتيني فيه)

ثانيا عايزة أقول لك انه مش معقول اني ما اشاركش في موضوعاتك وردودك يا براود مسلمة يا حبيبتي دا انتي كل موضوعاتك جميلة وحلوة وبتعجبني اوي

أما الكلام اللي انتي كاتباه فالحمد لله فهمته كله لاني أخدته بالشبه :D
بس المهم القصد والنية من الكلام ودا وصلني تماما وفهمته كل والحمد لله


ثالثا اثرتي تاني مشكلة كارث وهي اغاني التلوث السمعي السكة ربنا يرحمنا منها والغريب ان الشباب في كل حته اما بيتغنوا بيها او مشغلينها في العربيات


وانا بكره اسرائيل



بسنت

[العمدة]

شكراً على لطفك بنت الغالية ..

الشرف لي أن أكون متواجد في إي من مواضيعك ..

الحقيقة لم ألاحظ ابداً ردك .. ولا يعقل أن أكتب سلبية .. رأيتها ..

الموضوع إلى حد ما فيه الكثير من المشاركات ..واراء جميلة وتفاعل أجمل

طيب ... نقاش الزوج أمام الأطفال بصوت عال .. أو الشجار .. ولي موضوع

تحت أسم ركن السعادة الزوجية .. يناقش هذه السلبية ....

أخشى أن تكونوا .. ناقشتم موضوع الشجار ..

ناقشتم هذه المشكلة .. هناك شيء أخر .. إعطاء الطالب مصروف مبالغ فيه

هذا أمر غير طبيعي ...وشراء موبيل له وهو في سن صغير جداً ..وليس في

حاجة ماسة له ... تمييز الولد دون البنت ... في التعامل وفي كل شيء ..

ذلك يؤدي إلى قهر الفتاة ... وشعورها بالدونية .. وهنا تكم الخطورة المستقبيلة

ففتاة اليوم هي نفسها زوجة الغد .. وأم البنيين والبنات .. فلو كانت مقهورة

سيكون النبت كذلك ...

شكراً لمن يتحمل عناء القرأة .:)

بنت مصر ... أنتِ أكثر من رائعة .. في ردودك .. وأخلاقك .. ربنا يبارك فيكِ

شرف لي أن يكون لي أختاً مثلك .

[بنت مصر]

أخي المحترم الاديب الرائع العمدة


اشكرك جدااا على مشاركتك المفيدة

فعلا انت ذكرت شوية سلبيات يودوا في داهية :D


والتفرقة بين البنت والولد بتربي بينهم العدوان والغيرة

الخناق اما العيال بيخليهم يطلعوا معقدين

اما الصوت العالي في الخناق بين الزوجين فأنا والشهادة لله ما بسمعش من جيرانا في الخلاق الا صوت الرجالة وهو جايب لحد كفر الدوار :D


وكله كوم الاستعراض والانزحة الفارغة بشرا موبايل للعيال اهو دا اللي عجايب ودلع مالهوش طعم:mad:



اشكرك مرة تانية وحستنى عودتك لو افتكرت سلبيات تاني


ولك كل التقدير والاحترام اخي الفاضل


بسنت