سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : تصويت حول حصر التقييم على المشرفين

عمرو صالح
18-05-2005, 02:29 PM
السلام عليكم
وصلني من المشرف العام ( ابن البلد )
رسالة لااعلم ان كانت وصلت للجميع ام لا عن حصر التقييم على المشرفين فقط وعدم استطاعة الأعضاء على التصويت والسؤال هو :
هل تؤيد حصر التقييم على المشرفين دون الأعضاء؟
في انتظار ردودكم
عمرو صالح
أنفـــــال
18-05-2005, 02:40 PM
اقولك ليه :)
انا موافقة.. شوف يا عمرو..
هو صحيح احنا في عندنا اعضاء اهميتهم لا تقل عن اهمية المشرفين..
لكن برضه ماننساش ان بقى في ناس كتير في الاونة الاخيرة بتشتكي من العلامات الحمراء اللي بتجيلهم على موضوع تهنئة او ترحيب..!
يعني في اعضاء بيقيموا الاخرين بالسالب و خلاص .. و دة هيأثر على مستوى العضو المقيم و على مشاركاته..
فحرصاً على الاعضاء الفعالين اللي بدؤوا يتقيموا بالسالب من غير سبب.. و حفاظا ًعلى الحيادية في التعامل مع التقييم تم اقتصار التقييم من المشرفين فقط.. و دة عشان الاعضاء و مصلحتهم .. و المصلحة العامة للمنتدى..
و شكراً لاهتمامك يا عمرو..
أنفال
ماما زوزو
18-05-2005, 02:49 PM
بسم الله الرحمن الرحيم
اوافق بالثلث
وانا مع كلام انفال
لانى انا رديت على موضوع
بصيت لقيت تقييمى بالسالب
هى كلمة الحق النهاردة اصبحت
مرة ...
ديدي
18-05-2005, 02:51 PM
وانا كمان موافقة ياعمرو
لان فى الفترة الاخيرة
تم استخدام التقييم بشكل سىء من قبل الاعضاء
كما تفضلت انفال وذكرت
تقبل تحياتى
حنـــــان
18-05-2005, 03:18 PM
والله الموضوع محتاج تفكير لأن من ناحية انا شايفه كل عضو له الحق يعبر عن رأيه في مشاركات الآخريين

ومن ناحية في أعضاء بتسئ استخدام التقييم زي ما اتقال

هل الحل فعلا هوه ان التقييم يكون من حق المشرفين فقط؟ لأني شايفه انه حق من حقوق كل عضو...
وده يخليني أسأل... ليه الرسالة دي وصلت لعمرو بس مع ان الموضوع يخص الكل؟

يعني ممكن بدل الغاء التقييم... الزام كتابة اسم المقيم وسبب التقييم
تحياتي واحترامي
أنفـــــال
18-05-2005, 05:22 PM
والله الموضوع محتاج تفكير لأن من ناحية انا شايفه كل عضو له الحق يعبر عن رأيه في مشاركات الآخريين

ومن ناحية في أعضاء بتسئ استخدام التقييم زي ما اتقال

هل الحل فعلا هوه ان التقييم يكون من حق المشرفين فقط؟ لأني شايفه انه حق من حقوق كل عضو...
وده يخليني أسأل... ليه الرسالة دي وصلت لعمرو بس مع ان الموضوع يخص الكل؟

يعني ممكن بدل الغاء التقييم... الزام كتابة اسم المقيم وسبب التقييم
تحياتي واحترامي
حبيبتي نونا...
الرسالة وصلت لجميع الاعضاء و انا منهم..
اللي حصل يا حبيبتي ان التقييم بدأ توصل لنا منه شكاوى كتير اوي..
و المصلحة العامة للمنتدى تقتضي ذلك.. فعشان مانحرمش الاعضاء من حقهم في انهم يتقيموا بصدق و عشان مانديش فرصة لللمسيئين انهم يستغلوا التقييم بشكل سيء تم اقتصاره على المشرفين كما اوضحت سابقاً..
و في اعضاء كتير كويسين التقييم الاحمر بدون سبب ادى الى انحسار مشاركاتهم في المنتدى ...!
و دة مش في مصلحة المنتدى بشكل عام..
و موضوع التقييم مثار في الإدارة من فترة طويلة جداً جداً.. و الشكاوى من زمان برضه.. بس هي زادت الشهرين دول الى درجة خلتنا كلنا نبتدي نقلق على الاعضاء...
ارجو اني اكون وضحت يا جماعة بما يكفي..:)
بارك الله فيكم
أنفال
جوليا
18-05-2005, 05:45 PM
انا من راى نونا احيانا اقرا موضوع واحب ان اقيم ةاللة اعلم بالموجب
ولكن فعلا وجد اخيرا شكاوي في هذة القاعة وهناك من يسئ استخدام حرية الراي
ولكن مادام هناك مصلحة للمنتدى لامانع
جزاكم اللة خير ا اخوننا واخوتنا المشرفين على مجهودكم
osha
18-05-2005, 05:56 PM
العزيزة أنفال
أنا وصلتني الرسالة الادارية

أنا أؤيد القرار لانه يصعب السيطرة على كل التقييمات غيرالموضوعية - ولكن ما العمل في التقييمات الموضوعية من قبل الأعضاء!
أعتقد انه يمكن عمل حل وسط بإرسال التقييمات عن طريق مشرف القاعة
يعني يحصل فلترة للتقييمات عن طريق المشرفين
هو صحيح المشرفين حيتعبوا شوية لكن برضه ده سيتيح للجميع ابداء الرأي في المشاركات.
مظلوووم
18-05-2005, 06:13 PM
اوافق على القرار
ولى عوده اخرى
ويجعلوا عااااااااااامر
انوووووووووووبيس
العندليب الأسمر
18-05-2005, 06:44 PM
انا بصراحه مش موافق
لان معتقدش ان المشرف هيقدر انه يقيم كل عضو مشاركته حلوة يعني هتبقي صعبه حبتين
وحتي لو كانت سهله ، اعتقد ان مثلا ممكن يكون في عضو عمل مشاركة ومعجبتش مشرف بس عجبت عضو مثلا
وانا فاهم كويس ان التقييم ده عبارة عن تحفيز للعضو بس برده لما التحفيز ده يكون من كذا عضو مثلا في قاعه واحده بتكون حاجه جميله يعني ومشجعه
وده طبعا مع احترامي لرأي الجميع




العندليب
عصفور الشعر
18-05-2005, 06:50 PM
أوافق.... بشرط ان يقتصر التقييم السلبى على المشرفين فقط أما الاعضاء جميعم قديمهم وحديثهم فمن حقهم ان يقيموا ايجابى ..بصراحه ساعات بتبقى فيه مواضيع او مداخلات الواحد بيبقى ممتن وسعيد جدا بيها وبيحب يقيمها ايجابى من منطلق ان اللى كتب يستحق التقييم وكمان عشان نشجعه ونحفزه...انا عن نفسى عمرى ما قيمت حد سلبى ودايما بقيم ايجابى وعمرى عمرى ما جاملت حد فى تقييمى الايجابى لان دى أمانه الواحد لازم يراعى ربنا فيها


وعلى العموم لو شرطى غير مقبول لن أخرج أو أنأى بنفسى عن السرب وسأوافق بدون قيد او شرط على الاقتراح احتراما للاغلبيه بل للاجماع عليه*6*



عصفور الشعر:توت*3*
العندليب الأسمر
18-05-2005, 07:01 PM
طيب دلوقتي انا عاوز اعرف حاجه
اصلا الموضوع اتنفذ وبقي التقييم من قبل المشرفين فقط
طيب ليه احنا بنتناقش فيه بقي ؟؟؟؟




العندليب
حنـــــان
18-05-2005, 07:15 PM
فعلا اتنفذ لأن الميزان بتاع التقييم مش موجود عندي خلاص...
أنفـــــال... الاعلام ده ماجاليش... يمكن اتأخر انا عارفة النت والسيرفيرز ومشاكلها...يعني مافيش مشكلة

توت... رأيك عجبني... بس زي ما قال العندليب... القرار اتاخد يبقى الموضوع انتهى
هوه في سؤال... بما اننا حنبتدي صفحة جديدة في تقييم الأعضاء... هل معنى كده ان التقييمات الحاليه سالبة أو موجبة حتتصفر عشان نبدأ من أول وجديد بالعدل؟
أنفـــــال
18-05-2005, 09:02 PM
يا جماعة الخير.. بارك الله فيكم على الثقة ... يا اسرتنا الغالية...
احنا حاولنا نوصل لحل وسط ..حل مريح لجميع الاطراف دون ضرر..
و كدة يبقى كل مشرف قادر انه يقيم الاعضاء على مواضيعهم و مشاركتهم بصدق..
و يا عندليب.. :) ماتقلقش.. كل مشرف بيقرا موضوعات قاعته كويس و بيتابع مشاركاتها .. و المشاركة المميزة هيتم تقييمها
الغالية اوشا .. مش عارفة اقتراح المشرف و التقييمات دة ممكن و لا مش ممكن بالنسبة للداتا بيز.. :)

شكراً لأفراد اسرتنا الحبيبة الذين شاركوا في الموضوع .. و شكراً لأخينا عمرو صالح .. لأنه اتاح لنا فرصة الشرح و التوضيح .. ..
أختكم في الإدارة..
أنفال
ابن البلد
18-05-2005, 09:34 PM
الساده الأعضاء الأخوة المشرفين
الأستاذ عمرو صالح

هذا الموضوع من صلاحيات الإدارة ولا يجوز للاعضاء مناقشته فقراراهم و رأيهم في تلك النقطة التي تم إتخاذ قرار بها من قبل إدارة المنتدى لن تغير القرار في شيء فإدارة المنتدى تري صالح المنتدى في إيقاف تلك الخاصيه عن الأعضاء

الأستاذ عمرو الاخوة الاعضاء
21- يمنع منعا باتاً التدخل في شؤون إدارة المنتدى ، ولإدارة المنتدى كامل الصلاحية في حذف أو تعديل أو نقل أو إغلاق أو دمج أي موضوع ، أو إيقاف عضوية أي مشترك وفقاً لما تراه في مصلحة المنتدى .

ولهذا تم غلق الموضوع من قبل الإدارة
لك مني كل التحية والتقدير
المشرف العام

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث