قنبلة رمسيس

[Abdou Basha]

كانت البداية مع نزولي من الأتوبيس إلى نهر الطريق في ميدان رمسيس حوالي الخامسة والنصف عصرا، عبرت إلى الجهة الأخرى من الميدان، أمام مسجد الفتح. كانت مجموعة صغيرة من الناس تقف خلف الأسوار المانعة من النزول إلى الميدان.. كأن على رؤوسهم الطير، ظننتها في البداية صلاة جماعة تؤدى في هذا المكان العجيب.

نظرت إلى الجهة التي ينظرون إليها.. سيارة إطفاء.. سيارة إسعاف.. تجمع بشري حول الضباط.. عربات شرطة بأنوارها المألوفة.

جاءني شعور أنها جريمة قتل نتيجة شجار أو ما شابه.. لم يكن الوضع مريحا على الإطلاق.

في بداية شارع الفجالة وقفت أسمع من الناس المذعورين.. كان الحديث عن قنبلة تم إبطال مفعولها في داخل محطة مترو حسني مبارك.. ذكر آخر أنهما اثنتان إحداهما انفجرت، والأخرى تم إبطالها.. في الوقت الذي أجمع فيه الجميع على أنها قنبلة واحدة علمت الأجهزة الأمنية عنها وأبطلتها، مع قيام البعض بالحديث عن تفاصيل إبطالها.

كانت حالة أصحاب المتاجر في قمة الكآبة والحزن والقلق.. عدت إلى منزلي وأنا أفكر فيما استمعت إليه منذ قليل.. كان والدي اليوم بالذات ضيفا على تلك المحطة.

أأصبحنا نفتقد الأمان..؟
كنت أفكر.. هل سأسمع بهذا الخبر في وسائلنا الإعلامية أم لا ..؟ حتى الآن لحظة كتابة تلك السطور لم أسمع ..!

و لازلت في الانتظار.

أتمنى أن تكون مبالغات من قوم لا يعلمون..
_________________

ملحوظة : ما ذكر سابقا تجربة شخصية حقيقية .
4/5/2005

[fencer]

و الله لا تستبعد شئ يا عبده باشا فمع انتشار المفهوم الجديد للجهاد و الذي ليس من الجهاد في شئ فلن تستطيع اي قوة ان تسيطر تماما على هذا الجهل ، نعم فهو جهل ادى الى انقياد شباب جاهل الى مفاهيم مغلوطة عن الجهاد و هي في الحقيقة ارهاب و انتحار و ماشابه ذلك ، قولي لو اي حد في الدنيا عايز يموت نفسه بقنبلة بدائية كالمستخدمة حاليا مين ممكن يمنعه? اي واحد يقدر يجيب بارود و مسامير و قزازة و كلها حاجات بدائية بس بتموت و في الاخر بيان من مش عارف مين بيتبنى فيه العملية الاستشهادية - و لا اعتقد ان الله امرنا بلانتحار من اجل قتل الابرياء للتعبير عن وحهة نظر- لابد من محو امية الشباب و تعليمهم اصول الدين الحقة و ليس اخفائها كما يحدث الان و بالتالي تجد الشباب تائه و اي حد ممكن يضحك عليه
اللهم احفظنا

[ابن البلد]

:)
لا يا عبدو باشاا
اللي حصل يوم 4 مايو
ده كان العصيان المدني
اللي كان بيعلن عنه محمد عبد المجيد من سنة
أنه هيتم يوم 4 مايو
وبعدين أجله يوم 2 مايو
وعملوا يوم 2 ويوم أربعه
يعني مظاهرات لقلب نظام الحكم تقرييا :)
مش قنبله
لكن مصر بتحب الهيصه والإشعااتتتت الكتيرة

[ماما زوزو]

بسم الله الرحمن الرحيم
قال تعالى فى كتابه الكريم:
" قل لن يصيبنا الا ماكتب الله لنا "
" هو مولانا وعلى الله فليتوكل المؤمنون "
ربنا يسترها ياعبده باشا اكييييييد هى اشاعة ...
وان شاء الله مصر محفوظه برعاية الله سبحانه وتعالى...

[Abdou Basha]

رأيك سليم يا فنسر فعلا معاك حق في كل اللي قلته..

_______

أنا كنت في الميدان بعد المظاهرات بخمس ساعات تقريبا ..
ياريت فعلا تكون إشاعات يا أحمد..

_______

ربنا يحمي مصر بإذن الله..
شكرا ياماما زوزو

[أحمد ناصر]

رب إجعل هذا البلد آمنا
*36*

[محمد فاروق]

فعلا لاول مرة افقد الامان فى مصر

انا كنت فى شركة الكهرباء بمدينة نصر بالامس السبت وطوال فترة تواجدى بالشركة كنت خائف من اية تفجيرات ... تصدقوا ؟؟؟؟

ولما رجعت البيت وبحكى لمراتى ... قالتلى ليه هوه احنا فى فلسطين ولا العراق ؟؟؟؟

محمد فاروق

[Abdou Basha]

مش حتصدق يا محمد..

النهارده دخلت الجامعة.. وعندي نفس الإحساس وجاتني نفس الفكرة.. بالذات كان فيه في عيال من اللي بيحبوا الزيطة.. كانوا بيقولوا ياريت يفجروا الجامعة .. ويلغوا الامتحانات .. (هزار بايخ).. بس الفكرة كانت في راسي .. خصوصا إن الأزياء في الجامعة ممكن تستفز حد من الجماعة دول .. تعطيه مبرر لعمليته ..

ربنا يبعد عنا المجانين دول .. ويحمينا ويصلح أحوالنا .

[Abdou Basha]

تلقت الأجهزة الامنية بلاغين وهميين بوقوع تفجيرات إرهابية بمدينة الانتاج الإعلامي وأماكن متفرقة في القاهرة. وكانت مديرية أمن القاهرة قد تلقت بلاغا باستعداد مجموعة ارهابية من 6 أشخاص للقيام ببعض التفجيرات في مناطق متفرقة من القاهرة..

تم مهاجمة مقر المجموعة في احدي مقابر القاهرة القديمة، وتبين انهم 6 عمال بناء، يعملون باليومية طرف مقاول واضطروا للسكن في المقابر لعدم مقدرتهم المادية.

كما تلقت نجدة شبرا الخيمة وقسم اول شبرا الخيمة 3 اتصالات تليفونية من شاب ادعي ان اسمه محمد حسن واكد اعتزامه تفجير نفسه في مدينة الانتاج الاعلامي.. تم التنسيق مع الشركة المصرية للاتصالات ومباحث امن الدولة وتم تحديد مصدر المكالمة وتبين انها من إحدي كبائن التليفونات العمومية بمنطقة شبرا الخيمة.. تم نصب 6 اكمنة في مناطق متفرقة، وتمكن احدها من القبض علي المتهم ويدعي جورج جرجس 20 سنة طالب بالمعهد العالي للهندسة.. اخطرت النيابة وتولت التحقيق.

الوفد
_________

لا تعليق

[الصاعق]

ايه علاقة جورج جرجس بالجماعات المتطرفة التي تدعي الإسلام ؟؟؟

الموضوع ده فيه انا ولا ايه ..الحقيقة مش فاهم

[Abdou Basha]

ده رابط الموضوع من الوفد ..

http://www.alwafd.org/front/detail.php?id=7747&cat=smal

أنا خايف تكون الوفد هي كمان .. شغالة في البلاغات الوهمية .. هههههه

بس لو الخبر صحيح .. فالظاهر إننا محتاجين نتوقع تهريج ماسخ الفترة الجاية من البلاغات الوهمية والإشاعات خصوصا في ظروف القبض على بعض العناصر الإخوانية وغيرها ....

[هنا القاهرة2]

رب إجعل هذا البلد أمنا

[الصاعق]

برضه مش فاهم ليه بالذات جرجس هو اللي يهزر في الموضوع ده رغم انه مش مسلم