سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : يا فيديو كليب يا ......... ويا ............ وكمان يا...........

بنت مصر
24-12-2002, 10:32 PM
الاخوة والاخوات الافاضل


في موضوع بصراحة منرفزني جدا في قنواتناا العربية
وهي الفيدو كليب وهذا الكم الرهيب من لقطات الخلاعة وقله الحياء

ولما بقول الفيديو كليب بقصد الاغاني والاعلانات وكل شيء
بيتعلق بهذه الكلمة اللي دخلت لغتنا حديثا وفرضت نفسها بقوة


بل وافسدت كتير من شباب وفتيات مجتمعاتنا بحيث اصبحت
مشاهد ذلك المدعو فيدو كليب هي القدوة والمودة في الملبس
والتسريحة والميك اب وكل شيء ،، يعني لو عمرو دياب والا شاكيرا
والا حتى اليسا طلعوا ناكشين شعرهم وماشيين حافيين .. تاني يوم
حنلاقي كل الشباب ماشيين حافيين وشعرهم طالع من جوا الخلاط :D


فين راحت عاداتنا وتقاليدنا الشرقية امام هذا الغول اللي ماشي ياكل الاخضر واليابس من اخلاقيات شبابنا وازاي نقدر نوقف المهزلة دي؟؟



بنت مصر
peace
24-12-2002, 10:36 PM
مش عارفة
الكل بقى ممثل
انا مش فاهمة
هو المطرب او المطربة طالعين يغنوا بكلام جميل ولا يرقصوا

للدرجة ده عندهم مغص

طب نشفلهم دوا وربنا يشفيهم

الدوا ان يكون في رقابة


تحياتي
بنت مصر
24-12-2002, 10:40 PM
ياريت على الرقص وبس يا بيس كانت هانت
انما دي كلها ايحاءات رخيصة ..

دي حتى فيفي عبده بقت شيخة جنب اللي بيحصل من بتوع الفيديو كلاب :6:
peace
24-12-2002, 10:46 PM
فعلا

كلاب
وكلاب رخيصة كمان
بنت مصر
24-12-2002, 10:47 PM
طيب شفتي القطط بتوع التقليعات اللي فوق في الصورة؟؟؟:D
peace
24-12-2002, 10:56 PM
لا فين ده
بنت مصر
24-12-2002, 11:00 PM
معقول ما شفتيش يوري مرقدي ملك التقليعات الرزلة
اللي بيغني ويقول امرأتي انا عربية وبنت خالت مرات عم جوز اختها عربية


ابو نضارة حمرا وساعة بحلقي وتي شير تريكواااااااااااااااااااااااااااز :eek:
peace
24-12-2002, 11:11 PM
معلش اصلي ثقافتي عربية
بنت مصر
25-12-2002, 11:03 AM
طيب اهو يا بيس جبتهولك

ابو شعر ابيض منكوش ونضارة حمرا وساعة حمرا ولبس مبهوأ

http://www.yurimrakadi.com/pics/perform1.jpg

http://www.yurimrakadi.com/pics/perform2.jpg

http://www.yurimrakadi.com/pics/perform3.jpg

http://www.yurimrakadi.com/pics/perform11.jpg


ولو اني خرجت شوية عن الموضوع بس المشكلة ان الشوارع
بقت كلها استنساخ من يوري مرقدي واصحاب التقليعات العجيبة اللي زيه

يعني ياريت ضررهم بيكون على نفسهم بس الا دا
كتير من الشباب بيعتبروهم قدوة للاسف



بسنت
وادكول مش معقول
25-12-2002, 11:32 AM
والله عندك حق ...

بس المشكلة ان شبابنا بيقلد اللي زي يوري ده ...

ويوري بيقلد غيره وغيره بيقلد غيره ... لو كل واحد يقول انا شبه انا مش هو ..

والدليل علي تقليد يوري لغيره وغيره وغيره ...
هههههههههههههه
ههههههههههه:D:D:D
بنت مصر
25-12-2002, 11:43 AM
والله يا واد كول ما كنتش اعرف ان في ناس تانية غيري مستقصداه
انا اللي لوحدي حطاه في دماغي ومش نازل لي من زور مش عارفة ليه

اتاري في ناس تانيين متعفرتين منه زيي بالظبط


بنت مصر
peace
25-12-2002, 12:13 PM
ما هو ده بييندرج تحت التلوث البصري
إسلام شمس الدين
26-12-2002, 03:56 AM
يعني انتي يا بنت مصر بدأتي الموضوع كويس . .

و كنتي منزلة للراجل صورة حلوة و معبرة

ترجعي بعد كده تشوهي صورته و تنزلي الصور الممسوخة دي

شيلي شيلي الصورة الغريبة اللي نزلتيها دي و كفاية الصورة الحلوة اللي في الأول .

بس انا عايز اسأل سؤال صغير

هو ثبت أكيد خلاص انه مطرب ؟ . . .

مش مطربة يعني ؟؟

اصل انا ثقافتي ضعيفة في الحاجات دي . . أقلت أسألكم
بنت مصر
26-12-2002, 09:18 PM
انا يا شمس الدين نزلت الصور وانا متضايقة
بس كنت مضطرة انزله لان بيس ثقافتها عربي
ومبتعرفش يوري

وبخصوص سؤالك هل تم اعتماده مطرب والا لأ
المفروض انك تعرف الاجابة لوحدك لان اي واحد
يعمل فيديو كليب وحواليه شوية بنات بيرقصوا
على طول اسمه بيفرقع والاضواء والشهرة بتلاحقه



واهلا بيك وبمرورك



بسنت
إسلام شمس الدين
27-12-2002, 01:55 AM
يا ستي بسنت ..

انا ما سألتش هو مطرب معتمد و لا لأ ؟

أنا سألت : هو مطرب و لا . . . مطربة ؟

أصل الحاجات دي بصراحة ما بقتش تتميز بسهولة الأيام دي
أشجان الليل
27-12-2002, 02:20 AM
والله أكتر حاجه عجبانى فى الموضوع كله......................................
صورة يورى الأولانيه:3:
بنت مصر
27-12-2002, 08:10 AM
والله ضحكتني يا شمس الدين دا انا مخي متربس خالص
ويا اشجان يخلق من الشبه اربعين :D
مظلوووم
02-09-2004, 03:03 AM
المصيبه فى الناس دى حاجه كمان ان العين من كتر ما تشوف القرف ده بتتعود
ومع التعود ينشا الادمان ومحاوله التقليد
اشمعنى انا
دا احسن ناس فى البلد بيعملوا كده
ودا اللى الشباب بيقولوه
وفريق تانى يقولك الناس بتضايق منا علشان مش عارفه تقلدنا
هههههههههه
الموضوع ده بيفكرنى بحادثه حصلتلى عندكم فى اسكندريه يا بسنت
كنا فى البيطاش وكنا شله
بس الحمد لله ما فيش حد منا من اياهم
وفاجاه لقيت واحد ضحك ضحكه فى الشارع
بصراحه الضحكه ما تعرفيش جنسها
رجالى ولا بناتى
المهم لقيت واحد من اخوانا مربى شعره وعامله ضفيره
بصراحه انا ما صدقتش
فلما عدا من جنبى
ههههههههه رحت شاددها
لقيتها شعره بجد
ههههههههههههه وحصلت يومها خناقه كبيره
وادى يا ستى اللى بيفكر فيه
اكتر من خمسين فى المائه من شباب مصر
التقاليع التقاليع التقاليع التافهه
والمصيبه ان الاعلام بيرسخ الكلام ده عند الشباب
ويجيب برامج زى الزفت زى البرنامج بتاع فيروز
المذيع تلت تربع كلامه انجليزى
ههههههه يكونش بيكلم امريكان واحنا مش واخدين بالنا
ناهيكى بقى عن اللبس والموزز اللى ماليين البرنامج
هههههههههههههه
بينما البرامج الدينيه والثقافيه الجاده
هه كل فين وفين اما ييجى برنامج
وبييجى فى اوقات ميته ماحدش بيتفرج فيها على التليفزيون
القصد من دا كله
ربنا يهدى شبابنا وبناتنا ويصلح من احوالهم
ويهديهم الى طريق الصواب
ويجعله عامر
بيــــــــــــــس من غير انو
بنت مصر
02-09-2004, 03:11 AM
:d:d:d

ياريت تكون بيس بجد طيب
مظلوووم
02-09-2004, 06:45 AM
ههههههههههههه
والنبى يا بسنت انا عايز منك خدمه
ايميلى اهوه
elshetry3@hotmail.com
وحياه اغلى حاجه عندك ضيفينى علشان عايزك فى موضوع
اوك
اخوكى
بيــــــــــــسو
بنت مصر
02-09-2004, 07:59 AM
اخي الفاضل مظلوم
للاسف انا لاغية المسنجر من سنة ونص تقريبا
ومبفتحهوش ابدا بس لو في شيء تحب تقوله
ممكن تبعت على الخاص او على بريد الموقع
admin@egyptsons.com
webmaster@egyptsons.com

وان شاء الله اجاوبك على اي تساؤل


بسنت
ابن الجنوب
02-09-2004, 08:55 AM
بخصوص يووورى .. فعايز اعرف السر اللى يخليه يمسك المايك هو بيغنى ، مع إنى كل اللى بيغنوا فيديو كلاب بينبحوا على كدة من غير مايك .
أما بخصوص الفيديو كليب والتقليعات ...فى أغنية فى الصدارة فى الفضائيات (البرتقالة ) لها ثلاث فيديو كليبات رغم أنها لا تهدف لشئ غير شعور الخليجيات وأصبحوا يرقصوا رقص هيستيرى .
انظر اليهم واضرب كفاً على كف لأنهم نسيوا أن أراضيهم أراضى مقدسة ولها احترامها
وزمان السعودية قامت بطرد مطربة اسمها (عتاب) لأنها أول واحد كانت تغنى منهم .. أما الأن فأظن انهم يتمنوا انها ترجع لأن الخليج كله أصبح يغنى ويرقص.
شكرا على بسنت خلتينى أقول اللى فى قلبى ...وارتحت
مظلوووم
02-09-2004, 09:00 AM
هههههههههه
ايه يا بسنت
ازعرتيلى الصوره كده ليه
خلتيه بقى عامل زى السوبر ماريو قبل التكبيره
كده بقى شكلها وحش اوى
رجعيها زى الاول
ههههههههههههههههههه
احسن والله اجيبلك واحد اناح منها
وبالحجم الطبيعى كمان
ههههه
اخوكى
بيـــــــــــــــــــــسو
بنت مصر
02-09-2004, 06:15 PM
وزمان السعودية قامت بطرد مطربة اسمها (عتاب) لأنها أول واحد كانت تغنى منهم ..
أما الأن فأظن انهم يتمنوا انها ترجع لأن الخليج كله أصبح يغنى ويرقص

أخي العزيز ابن الجنوب
اشكرك جدا على المرور والقراءة
ولكن اسمح لي ما ينفعش التعميم في هذه المواقف على كل الخليج
واعتقد ان السعودية مهما اجتهدت فالغزو الفكري اشرس من السيطرة
فسابقا كان التحكم في القنوات المحلية .. اما اليوم فالانحلال يخترق كل الابواب بدون استئذان

العيب على اعلامنا ومنتجينا اللي بيصرفوا الاموال على مثل هذا الابتذال بدون مراقبة لله


بسنت
بنت مصر
02-09-2004, 06:19 PM
ازعرتيلى الصوره كده ليه
والله يا مظلوم ما ازعرت ولا حاجة ولكن كل ابن البلد
حاطت برنامج بيصغر الصور تلقائيا لتصغير الصفحة
لانه بيأثر على الداتابيز يعني انا مازعرتش حاجة :)
مظلوووم
03-09-2004, 05:20 PM
هههههههههههههههههه
ماشى يا ستى تحياتى ليكى ولابن البلد
ويجعله عاااااامر
بيـــــــــــسو

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث