فقط ....اريدك

[صاحبة القلم الحزين]

السلام عليكم
موضوعي الذي اريد ان اطرحه عليكم ساطرحه عن طريق قصه شخصياتها خياليه ولكن احداثها واقعيه وتحدث مع كثيرين لن اشرح الموضوع وساترك لكم كل منكم يرد من وجهة نظر فهمه للقصه :)

_____يدق جرس الموبايل_____
علي/ الو مين
نهال/ انا يا علي انت فين
على/ هسسس انا عند المدير بعدين نتكلم
نهال / حاضر
(وتغلق السماعه)
وتجلس نهال تنتظر ان يمن عليها على بالاتصال فلا يحدث فتقرر ان تبدا هي
نهال/ الو ايوه يا علي انا......
علي / ايوه يا نهال دقيقه واكلمك معايا شغل بخلصه
نهال / طيب بس بجد عاوزه اكلمك في موضوع
علي / حاضر حاضر دقيتين بس
وتجلس نهال ساعه ....اتنين.....تلاته ويدق جرس الهاتف
نهال/ ايوه يا علي اخيرا
علي/ ازيك عامله ايه مش هقدر اتكلم كتير عشان مشغول قوي بس كنت عاوز احكيلك على مشكله تعباني
نهال *13* / قول يا علي مالك
علي/(يبدا في سرد المشكله)
نهال/ تسمع وتسمه وتسمع
علي(بعد ان انهى كلامه) / عاوزه حاجه انا مضطر اقفل اكلمك بقى بعدين باي
(ويغلق السماعه)

وتبقى نهال لا تطلب شئ معضل ولا شئ مهول فقط تريد ان تشكو له متى تحتاجه تعلم انه مشغول واعانه الله ولكن اين هي من حياته واهتماماته .................................................. ..........................في قلبه ؟شكرا له لانها ما تزال في قلبه ولكنها تريد جزء ولو بسيط من قلبه وتفكيره

اختكم
عاشقة تراب مصر

[بنت مصر]

مشكلة ابدية تواجه الزوجة والزوج ايضا .. فإما هو مشغول عنها في معظم الاحوال
أو هي المشغولة في بعض الحالات .. ولكني احييك اختى العزيزة على اسلوبك الرائع
في طريقة العرض فهي صورة حية من واقع المجتمع ...

شكرا لك واتمنى ان يشاركك الجميع بالرأي





وتقبلي كل التحية






بسنت

[حنـــــان]

الموضوع ده بقى للمتجوزين بس
أنا بس باسجل حضور وعايزه اتابع الردود
أسلوب جميل يا مون تير :)

[الصعيدي]

حرام عليكي يا موووووون تيرز .. هو احنا جبنا الموبايلات (أو بمعنى أصح جابوا لنا الموبيلات) غير عشانهن .. (النون هنا مش نون النسوة .. دي نون الجماعة .. حرمنا المصون يعني) .. هههههههه .. وعاملين لهن رنة مخصوصة (عشان لما اسمعها أطنش) .. ههههههههههه ..
الحقيقة طبعا الموضوع اللي طرحتيه ده من أهم الموضوعات اللي بتشغلني .. وباحب اني اتناقش فيها مع الأعضاء .. وهي ازاي العلاقة الزوجية تبقى فعلا علاقة مودة ورحمة .. ومن أهم مظاهر المودة والرحمة الاهتمام والإشعار أيضا بهذا الاهتمام ..
حالات فشل زوجي كتير جدا بدأت تنتشر .. ومشاكل عائلية وظواهر غريبة على مجتمعنا سببها هو عدم شعور الزوج / الزوجة بأهمية تنمية العلاقة العاطفية بينهم في ظل ضغوط الحياة .. ومتابعة هذه العلاقة باستمرار حتى تظل خضراء مورقة .. هاحاول اجمع بعض المعلومات المفيدة في الموضوع وان شاء الله يكون ليا مشاركة موسعة .. وتقبلي تحياتي

[محمد البنيان]

ِ
ِ

اختى العزيزة
سعدت بهذا العرض الهادف
ونعم صدق كل حرف صادر منك

وليس اليتيم من مأت أمه وأبيه
اليتيم من تخل عنه أبيه وأنشغات عن أمه


وفقك الله دوما
أمين

[صاحبة القلم الحزين]

السلام على الجميع
اولا بعتذر لكلم على التاخر في الرد (ادعوا معايا على الامتحانات ) *12*

بنت مصر
بسبوسه<<افتكري من النهارده هناديكي كده *6*
اولا شكرا ليكي
ثانيا عارفه يا بسبوسه المشكله بتكون ليها وقع اكبر على النفس لم تكون بين المخطوبين عارفه ليه على الاقل المتزوجين اهو هيرجع البيت وتشوفه حتى لو مشغول طول الوقت لكن بقى المخطوبين مبتعرفش حتى تشوفه*13*
او العكس طبعا اقصد لو هي مشغوله في اي حاجه وهو مش عارف يشوفها
مرسي يا بسبوسه على المرور

عاشقة تراب مصر

[صاحبة القلم الحزين]

noona
لالالا مش للمتجوزين بس يا بنتي لو للمتجوزين انا مالي بيه*4*
دا يا ستي لكل من اراد المشاركه بالراي
وعموما بشكرك على تواجدك
عاشقة تراب مصر

[صاحبة القلم الحزين]

الصعيدي
:d اول ما شفت كلمة رنه مخصصه والله من قبل ما اكمل قلت اه عشان متردش :d
اصل انا عارفه الحركات دي هههههههههههههه اصل انا بعمل كدا *7*
المشكله فعلا بدات تنتشر بشكل كبير في مجتمعنا واكبر دليل عليها احصائيات حالات الطلاق في السنه الاولى للزواج (بس للاسف قريتها زمان ومقدرتش احصل عليها تاني) فعلا ناقوس خطر على مجتمعنا
المشكله الحقيقيه هتتحل بشئ بسيط جدا وهو ان كل فرد يعرف اللي ليه واللي عليه زي ما ربنا قال يعني كل واحد يعطي للطرف الاخر حقه قبل ما يطلب حقوقه هو
شكرا اخي الصعيدي واتمنى ترجع بالمعلومات وتغير النغمه اوك:d
عاشقة تراب مصر

[العبد لله]

)


وتبقى نهال لا تطلب شئ معضل ولا شئ مهول فقط تريد ان تشكو له متى تحتاجه تعلم انه مشغول واعانه الله ولكن اين هي من حياته واهتماماته .................................................. ..........................في قلبه ؟شكرا له لانها ما تزال في قلبه ولكنها تريد جزء ولو بسيط من قلبه وتفكيره

اختكم
عاشقة تراب مصر






حبيبي عل الموبيل *14*


طالباني عل الموبيل , طب و انا أعمل ايه

عايزين كرنب و جزر , ولا فراخ بانيه.

الواد تعبان شوية , و البنت بنت ال إيه.

المكوة و أنت راجع , و شوف ماما عايزة ايه.

التلاجة فاضية خالص , حنتغدى كاراتيه.




لو كان الكلام كله من ده , يبقى عليه العوض.

أعتقد أن طبيعة الحوار الدائم بين الزوجين , و مشاركة كل منهما في خصوصيات تفكير الآخر و اهتماماته الخاصة و العامة, و مشاركته في هواياته و عاداته التي يحب , و اجتناب ما لا يحب. و أن يكون كل منهما اضافة قيمة للآخر. كل ذلك يعمل على صنع حياة و علاقة سعيدة فاعلة و منتجة.

و ساعتها حتكون رنة الموبيل حبيبة الى أذن و قلب كل منهما , و ساعتها حيقول.

حبيبي عل الموبيل , لازم أرد عليه.
وحشاني رنته , و نظرة من عنيه.
تأمرني بأي حاجة, أنا كلي ملك ايديه

[معاذ رياض]

المشكلة دي بتحصل طبيعي جدا لأن الرجل والمرأة مختلفين في طريقة التفكير..

الرجل يحب أن يعيش الحب بعض الوقت بينما المرأة تريد الحب كل الوقت.

الرجل يظن أنه يعمل من أجل جلب المال لها وهي لا تنتبه لهذا .

الرجل يريد المرأة أن تكون أما له تتفهم مشاكلة وهي تريده أن يكون أبا لها يراعي أمورها.

[جوليا]

شكرا مون ع موضوعك انا ايام الخطوبة ماكنش بيفوت مكالمة مايصدق اتصل
دلوتي وبعد الجواز طيب على بيردع نهال انا بيكنسل ولما يرجع يسالني انتى كنتى اتصلتى لية--------------

[الصاعق]

بس متظلموش الراجل يا جماعة
لي زميل في الشغل بنكون مثلاً منهمكين في اجتماع وتطلبه زوجته لتسأله اطيخ ايه النهارده:)

[صاحبة القلم الحزين]

محمد البنيان
فعلا اخي الاصعب من فقد الشخص ان يكون بجانبك وانت لا تجده او لا تشعر باثر وجوده على حياتك
شكرا لمرورك
عاشقة تراب مصر

[صاحبة القلم الحزين]

العبد لله
:d :d حرام عليك موتتني من الضحك
بس انت اثرت نقطه ومشكله مهمه على فكره وهي الملل الزوجي او انت بشكل غير مباشر طرقت باب هذه المشكله التي يكون اولى اعراضها هي الخرس الزوجي وهو ان مفيش حاجه يتكلموا فيها بتكون كل حياتهم الولاد ومشاكلهم وخلاص لكن حوار ونقاش خاص بيهم مش موجود والمشكله ان في ناس في بداية حياتهم الزوجيه اصلا وبيصابوا بالخرس الزوجي
شكرا جدا على ردك الهادف وعلى الشعر اللي يجنن بجد :d
عاشقة تراب مصر

[صاحبة القلم الحزين]

معاذ رياض
صحيح ان كل من الرجل والمراه لهم تفكير مختلف ولهم متطلبات ورؤيه مختلفه للحياه لكن اعتقد ان ابسط حقوق هذه العلاقه المقدسه اان كل منهم يحاول يقرب تفكيره من الاخر ويلبي احتباجات الاخر قبل ما يطلب حقوقه
شكرا لمرورك
عاشقة تراب مصر

[صاحبة القلم الحزين]

جوليا
:) يمكن مش عاوز يكلفك *4* اختلقي الاعذار *11*
ربنا يسعدك يارب ويوفقك
عاشقة ترتب مصر

[صاحبة القلم الحزين]

الصاعق
انا لو منه اروح البيت ارنها علقه <<<قلبت على الستات*9*
لا انا مش بقول يبقى الموضوع استهبال يعني لا بس يكون في تحمل للمسؤليه مش يعني هتصل اقوله والله الجيران خبطوا وعاوزين وصل النور ولا اطبخ ايه لا طبعا مش دا قصدي خالص :d
اختك
عاشقة تراب مصر

[أم أحمد]

اختي موون تيرز
موضوع جميل جدا واكثر من رائع واختيار موفق منك جدا

بس الحمد لله انا مش بعاني من هذه المشكلة لا علي العكس انا بعاني من كثرة الاتصال( ومش عاوزين ار) الحمد لله فبرغم مرور 5 سنين علي زواجي الا انه والحمد لله بنتصل ببعض اكتر من زمان باحس ان فيها طعم اخر ومعني جميل ويمكن تكون الغربة سبب كبير في كثرة اتصالنا ببعض لاننا نقيم خارج مصر ويمكن عشان مفيش حد غيري يتصل بيه او مفيش حد غيره اتصل بيه يمكن دي كلها اسباب
بس فعلا موضوع التليفون ده بيضيف لمسة حلوة اوي للحياة ويعني
بيقرب الاتين من بعض اكتر ويعني مش عاوزين نقول لدرجة الملل بس فعلا بتكون حركة حلوة


اشكرك اختي الغالية علي الموضوع الجميل ويا ريت فعلا تكون في مكالمات بين الزوجين او حتي المخطوبين لانها فعلا بتكون ليها طعم تاني


وتقبلوا مني الورد ده ليكي يا جميل *8*

[صاحبة القلم الحزين]

السلام عليكم
قمر الليالي
طيب الحمد لله ومن شر حاسد اذا حسد
انا بصراحه مش فاهمه يعني هيحصل ايه في الكون لو كل واحد بين اهتمامه للطرف الاخر مبقلش يبقى كل دقيقه لا لاني مش من مايدين الافراط في المشاعر او في اظهارها بس كل شئ يكون بالعقل
وربنا يديم عليكي السعاده يا رب ويوفقك انتي وزوجك
تقبلي احترام اختك
عاشقة تراب مصر

[sea_wolf]

بصى يا اخت مون
طبعا كل انسان خاطب او متزوج بيهتم بالطرف الثانى خطبتو او زوجتة .
ولو قصر فى اى ناحية من النواحى (ممكن ميكونش بايدو يعنى غصب عنو ) بس لو الموضوع اتكرر يبقى لازم نشوفلو حل ...بس علشان نتاكد انه مقصود ولا مش مقصود يبقى لازم نعرف امتى نتكلم مع الطرف الثانى علشان ميتحججش بشغل ولا بدراسة ولا بزحمة وانه مسمعش الرنة لانه كان مشغول ... يعنى من بعد 11 بليل نرن ولو مردش نفضل نرن لحد ما يرد طبعا هنسمع الحجج المعتادة اصلى كنت مخليه صامت ... معلش اصل كنت فى الحمام ... مسمعتش الرنة كنت مشغول مع الفديو كلاب الجديد ..
وبدون ما ندخل فى انت كنت فين وبتعمل ايه ومردتش ليه ...ننسى دة كلو وندخل نتكلم فى الموضوع على طول .. مثلا
نهال ( وهى بتتكلم بسرعه وبطلع الجملة كلها فى نفس واحد) معلش يا على انا بتصل بيك فى وقت متاخر بس كنت عايزاك فى موضوع مهمممم ومش هينفع ناجلويا ريت تتصل بيا لانى اخر دقيقه عندى كلمتك بيها.( طبعا علشان توفر ) ومتفصلش غير لما تتاكد انه هيتصل
طبعا اخينا على لو مهتم قلبو هيقع فى رجلو وهيتصل على طول
على / ايوة خير يا نهال حصل ايه ؟
لو مش مهتم
على / خير ..... قولى يا ستى ما انا اشتريت الموبايل دة لحرقة الدم والقلق ليل نهار احكى يا شهرزاد .....اطربينى
فى الوقت دة تعرف هو مهتم بجد ومعندوش وقت ومشغول
ولا مش مهتم وعامل نفسو مشغول
ويا ريت احنا كلنا نعرف حتى لو كنا مشغوليين . نقدر نبين للطرف الثانى اهتمامنا بيه
مش لازم نفضل نتكلم مع بعض كل يوم سعتيين ولا 3 مجرد اتصال نطمن فيه علىالاخبار دة كويس ومممتاز
اما بالنسبة للموجوزيين فربنا يكون فى عونهم
مهما اتحجج بالنهار هيرجع فى البيت وملهوش حجة

[yasmeen]

موضوع فعلا كبير واحيانا باعانى منه *4*
بس ده بيبقى فى ايام الشغل الكتير ،مش علطول يعنى
بس لما بيحصل ببقى فعلا متضايقة وابقى عاوزة اتخانق *9* و بيشفعله انه فعلا بيبقى مشغول وعلى العموم احنا لازم نستحملهم لانهم _وما نقدرش ننكر_ بيستحملونا كتير ...........يعنى.... *11* *11*

شكرا لكى يا موون تيرز على الموضوع المتميز *8*

[صاحبة القلم الحزين]

sea_wolf
صحيح المفروض نخليه في وضع الاعتذار فيه يكون تقصير او عدم اكتراث اصلا
يعني منخليش له عذر بس انا مش معاك في انه لو رد يعدي الموضوع لازم نفهم ليه التهرب او عدم الاهتمام لان اي حاجه لم بنسيبها بتكبر مبقلش نعلق على الصغيره والكبيره بس لازم يكون في ريد لاين لكل حاجه
شكرا لرايك
عاشقة تراب مصر

[صاحبة القلم الحزين]

yasmeen
لالالا يا ياسمين لم يكون الموضوع بس في ظروف معينه لازم نراعي الظروف ولازم كل فرد يتحمل الاخر في الظروف اللي بيمر بيها يعني الحياه مش حرب
اتمنى لك حياه مليئه بالسعاده والهدوء
عاشقة تراب مصر