سيتم اغلاق المنتدى ... وللأبد

[بحر الإسكندرية]

سيتم اغلاق المنتدى...وللأبد

من خلال هذا المنتدى عرفناكم .. وعرفتمونا

وهنا .. التقينا على موعد مع الأخوة الصادقة و التعاون على الخير والفائدة

ولا ننكر ان كثير ٌ منا تعلقت أرواحهم بصفحات المنتدى ..

حتى أولئك الذين رحلوا منذ أمد الى اليوم ....و بعضهم يتصفح عن بعد ..

والبعض يسجل بأسماء جديدة .. وكأن قلوبهم أبت الرحيل

فليس بالسهل على الإنسان ان يفارق من يحب .. والأشياء أحيانا تمثل لنا ما يمثله البشر

فلنا هنا كثير ٌ من الذكريات .. ولنا هنا أجزاء من الذّات .. نثرناها في خطوط ٍ وحروف !.

ماذا لو كتبت في متصفحك يوما ً

منتدى أبناء مصر

وجاءتك رسالة تقول ..


عذراً .. المنتدى مغلق للأبد !

1- هل الموضوع بالنسبة لك عادي ؟!

2- هل باستطاعتك وصف شعورك لحظتها ؟!

3- لو كان بإمكانك إرسال رسالة سيقرؤها كل الأعضاء .. ماذا ستكتب لهم ؟!

بكل صراااااحه ماذا سيكون ردة فعلك لحظتها !!!!


تمنياتي للجميع بالتوفيق الدائم

ملاحظة : الموضوع منقول

[بنت مصر]

أخي الغالي بحر الاسكندرية

الفكرة جميلة يا محمد قرأتها وشعرت بمرارة
ولو انا قريت هذا الموضوع ربنا يارب ما يحييني لما اشوف اليوم دا ابدا
مش حلاقي كلام اقوله الا اني حشغل حنفيه البكاء ... لان المنتدى لما بيتقفل يوم
بشغل الحنفية .. يبقى لما يتقفل للابد هيجرا لي ايه؟؟ أكيد هيغطوا عليا ويصوتوا :d

الحمد لله ان الموضوع مش حقيقي وشكرا ليك اخي محمد على الموضوع







بسنت

[Rocky]

دا مش معقول لو ان المنتدي دا ااتقفل الواحد يزعل زززززززززززززززعلللللللللللللللل *22* *22* *61* *61* *82* *117*

انا مش قادر اوصفلك اد ايه لو حصل الكلام الي انتا بتقول عليه دا *163*


شكرا .............................روكي

[sea_wolf]

وقعت قلبى

[الصعيدي]

لا يا بحر .. لو حصل الكلام ده .. هنفتحوه عافية .. هو مافيش رجالة وللا إيه .. أيووووووووه يا جدعااااااااااان .. ههههههههههه

[atefhelal]

لاأنكر أن عنوان الصفحة قد أثارنى .. فأجبرنى على دخولها لأعرف ماوراءه ، وعندما وجدت أن الأخ الفاضل "بحر الإسكندرية" يفترض ذلك ، ويطرح فرضه على الإخوة الزملاء ليستطلع مشاعرهم وردود أفعالهم .. قلت فى نفسى أن هذا من فرط حبه للمنتدى وحبه لكل من يشارك فيه بالتصفح أو المداخلة أو طرح الموضوعات أو حتى بمجرد المرور ..

وأعتقد أن مشاعرى قد أفصحت الآن عن نفسهابمجرد تحقق الإثارة ودون البوح بها..

تمنياتى الخالصة لمنتدانا الحبيب بدوام التوفيق والتفوق .. إنه فى رأيى يمثل مجتمعا كاملا

[أحمد ناصر]

كده برضه يا بحر؟؟؟
ربنا يسامحك

[zeinab]

حراااااااام عليك يابحر
ليه كده انا ازعل اوي ........
تسلم ايدك .. بس مش عارفة والله اقول ايه اكتر ...
من انى حقيقى بجد ازعلللللل اوي ...
شكرااااااااا

[MaTR|X]

انا افتكرت الموضوع جاد
ربنا يسامحك يا بحر

[بهجه]

السلام عليكم ،،،،،:)

انا بدخل النت مخصوص عشان المنتدى، وهو المنتدى الوحيد اللي انا مشاركه فيه ولو اتقفل هنسى شيء اسمه نت.*13*
احيانا احاول الدخول الى المنتدى والاقي صعوبه في الدخول واحس ساعتها اني مخنوقه واحاول اني افتح الصفحه بالغصب *25* حتى عن طريق مواقع البحث ..قوقل مثلا...
انا حبيتكم كثير يا اعضاء المنتدى واحس اني وحده منكم بجد وقريبه منكم.
وبنا ما يحرمنا منكم ،،قولو يارب*50*

[بحر الإسكندرية]

سيتم اغلاق المنتدى...وللأبد

1- هل الموضوع بالنسبة لك عادي ؟!

2- هل باستطاعتك وصف شعورك لحظتها ؟!

3- لو كان بإمكانك إرسال رسالة سيقرؤها كل الأعضاء .. ماذا ستكتب لهم ؟!

بكل صراااااحه ماذا سيكون ردة فعلك لحظتها !!!!





أنا عايز ردكم على الأسئلة دي .

و تحياتي لكل اللي شاركوا في الموضوع و أجابوا على الاسئلة دي و اللي هيجاوب عليها *8*

[مظلوووم]

ربنا يخليكى يا بهجه وتسلمى
وطبعا بعد الشر على منتدانا
وفعلا كما قال الاستاذ عاطف هلال
المنتدى دا مجتمع متكامل
وربنا يجمعنا على الخير يا رب اخوه ومتحابين
ويجعلوا عاااااااااااامر دايما بحسكم
انووووووووووبيس

[راندا رأفت]

بجد بجد بجد
حرام عليك
وقعت قلبني
و مش قلبي لوحدي ، شوف كم ضحية؟
*************
و بعدين أيه يعني لما يتقفل ؟
هنفتحوا تاني من غيرك
و مش عايزين منك حاجة
:d *15*
********************
إلى لقاء في مقلب آخر
****
خالص التحية يا بحر الإسكندرية
**

[حنـــــان]

1- هل الموضوع بالنسبة لك عادي ؟!

والله الواحد زمان كان بيتصفح مواقيع كتير عالنت بس من ايام ما ابتديت اجي المنتدى تقريبا باجي اون لاين علشانة بس

2- هل باستطاعتك وصف شعورك لحظتها ؟!

اضايق جدا طبعا... الواحد ما بيصدق يلاقي مكان وناس يرتاح معاهم وبعدين افقدهم؟ حاحس بفراغ كبير قوي مايفرقش عن فراغ فقد صديقة عزيزة

3- لو كان بإمكانك إرسال رسالة سيقرؤها كل الأعضاء .. ماذا ستكتب لهم ؟!
كلام كتير واكيد حتكون رسالة طويلة... حاقول لهم لازم نفضل أصحاب وعلى اتصال طول العمر... ونفتح المنتدى تاني

شكرا بحر عالموضوع...

[سـلـوى]

على العموم انا تعبانة و عندى برد و مصدعة و كنت بفكر انتحر فلو دة كان هيحصل بجد وقتها هروح انفذ الفكرة هههههههههههههه

يلا حصل خير

بس اكيد شعور وحش جدا يا بحر الاسكندرية و يااااا رب مش يحصل ابدااااااا

[عـزالديـن]

1- هل الموضوع بالنسبة لك عادي ؟!لا , لن يكون عادى على الإطلاق بل سيكون فاجعة

2- هل باستطاعتك وصف شعورك لحظتها ؟!لا استطيع وصف شعورى لأننى لا أحب أن أفكر فى هذا وبالتأكيد سأكون فى ربكة كبيرة محاولاً الاتصال بكل من بيده الأمر عن الاسباب مع محاولة أستعادة المنتدى بأى شكل وبأى طريقة

3- لو كان بإمكانك إرسال رسالة سيقرؤها كل الأعضاء .. ماذا ستكتب لهم ؟!إخوانى وأخواتى أعضاء المنتدى
هناك خطأ غير مقصود فى النص الذى يطالعكم بصفحة المنتدى حين فتحه وقد تم إغلاق المنتدى للصاينة والتجديد وهذا مؤقت ولن يطول وننتظر تواجدكم الطيب كما عهدناكم فى المنتدى بعد أيام معدودة لحين الإنتهاء من الصيانة والتجديد

وعلى الجانب الآخر سوف نبذل كل الجهد لاستعادة المنتدى وفتحة مرة أخرى للأعضاء


بكل صراااااحه ماذا سيكون ردة فعلك لحظتها !!!!بالتأكيد سيتم الاتصال بكل المسئولين عن المنتدى لاستبيان أسباب الإغلاق ومحاولة معالجتها وتلافيها والعمل على فتح المنتدى مرة أخرى بأسرع مايمكن


واحب أن أذكر أننى حين رأيت عنوان الموضوع لم أتوقع غير ماهو موجود به

ألف شـكر أخى بحر الاسكندرية على هذا النقل الطيب

ولكم جميعاً أرق تحياتى ووافر إحترامى وتقديرى

[عمرو صالح]

لما قرأت العنوان حسيت ان في لغز لأن لو هيحصل كده كا ن الموضوع هيبقى عباره عن رسالة ادراية وصل على الاميلات
على العموم لو حصل اكيد هحزن وهيكون يوم صعب جدا
يكفي انى الاول كنت اول ما افتح الكومبيوتر افتح الهوت ميل اشوف الاميلات
حاليا انا بفتح او حاجة المنتدى
لنه اصبح جزء يومي من حياتنا كلنا
اصبحنا اسره واحده
اذا شعرت بغياب اي اخ ليا في المنتدى وقت اكتر من اللازمم ببعت اسأل عنه
يعني كلنا كسبنا هنا
محدش خسر
تحياتي لكل من يشارك في المنتدى وكل من عرفته وكل من قرأت له مشاركة او قرأ لي مشاركه

[snake]

اية يعم ده وقعت قلبي انا قولت الموضوع بجد
طبعا الواحد هيزعل بس هيفرح فينفس الوقت لانة عاش ايام جميلة بين اخوتة هنا في المنتدى وحبهم وحبة وتفاعلوا مع بعض فانا شخصيا اعتبر المنتدى ده بالذات هو عبارة عن بيت يتكون من اخوات كلهم بيحبوا بعض مع ان في حبة اختلافات بين الاعضاء لكني متاكد ان كل واحد بيحب كل اللى في المنتدى ومن هذه النقطة انصح كل واحد زعلان من حد ان هو يقوله ويرجعوا تاني احباب اخوات *8* تحياتي ليك يابحر وتحياتيلكل من قائمين على احياء هذه الصفحات الجميلة
وشكر لكل من كتب حرف في احياء هذا المنتدي *8*

اخوكم محمد (ســـــــــــــــناك)

[محمد البنيان]

ِ



بإختصار شديد

فال الله ولا فالك

بجد موضوع جميل وذو لوعه حاره
حراااااااااااااااااام عليك
عايز أحمد صلاح يموت ويروح فيها
لو واحد تاني معليش .. بس أحمد لا
والا افولك .. نقفل شوي ونشوف مين يصبر

لالا لا لا لا لا لا أمزح

يالله مسامح


وفقك الله دوما
أمين

[بحر الإسكندرية]

ربنا يديم علينا جميعا نعمة الأخوة و الصداقة اللي بينا , و يجمعنا جميعا على خير بإذن الله .

و الله من غير المنتدى كلنا هنكون بجد و مش مجرد كلام تائهين , زي اللي بيته فيه مشكلة و المشكلة دي خلته يعيش بره البيت و مش وسط أهله .

في المنتدى هنا الواحد حاسس بأسرة حقيقة , أسرة أفرادها بيخافوا على بعض , يهمهم أمر و مشاكل بعض .
بجد اخوات حقيقي .

ربنا يديم علينا تجمعنا على خير جميعا في المنتدى , و يجعل منتدانا هذا قائم إلى أجل غير مسمى ,
قائم على الخير و المعرفة و الأخوة و الصداقة .*8*

[ماما زوزو]

يسامحك ربنا يابحر مرتين
الاولى عشان انا فعلا فجعت
ثانيا عشان تفيكرك ده ...

[mad boy]

1- هل الموضوع بالنسبة لك عادي ؟!

لاطبعا مش هيكون عادى. لانى هحس بنقص هائل

2- هل باستطاعتك وصف شعورك لحظتها ؟!

هكون فى قمه الغضب والضيق

3- لو كان بإمكانك إرسال رسالة سيقرؤها كل الأعضاء .. ماذا ستكتب لهم ؟!

يا جماعه دى مشكله وهتعدى ماتقلقوش واحنا لازلنا اخوات والمنتدى لا يزال موجود بس فى عطل بسيط

بكل صراااااحه ماذا سيكون ردة فعلك لحظتها !!!!

هستنى لغايه ما المنتدى يرجع تانى. يعنى هعمل ايه .واسالهم هيرجعوه امتى لانى عارف انهم عاوزين يرجعو قبلى

للرفع

تسلم على النقل يا بحر

[فرعونى]

1 كمفارقت الروح للجسد
2 ميت (هل يشعر الموتى)
3 مشيناها خطى كتبت علينا ومن كتبت عليه خطى مشاها
وياريت بلاش الفــــــــ ده ـــــــــــــال

[دعاء الكروان]

السلام عليكم

الله لا يقدر هذا
المنتدى هو بيتنا فيه سمات بلدنا وخفة دم أهلنا وناسنا
لما بدخل هنا بقول هذا بحق منتدى مصر وليس أبناءها فقط
http://y1y1.com/hd5/albums/ffoo/055.gif

[Kind Hand]

عذراً .. المنتدى مغلق للأبد !



أخي بحر والله لقد سرت القشعريرة في جسدي عندما قرأت هذه الكلمة وأنا اعلم انها مجرد مناقشة فما بالك لو كانت حقيقة
ويا رب ما يجي اليوم دا ابدا

[عمر المصري]

تصور...
237 زيارة للموضوع
صحيح أنا سجلت في المنتدى منذ عام واحد فقط أي عام 2004
وصحيح أن مشاركاتي فيه محدودة ربما بسبب طبيعة عملي الذي يستحوذ على أغلب الوقت
لكن أنا من بين المتابعين بدقة للمنتدى قبل حتى أن أسجل

لكن أعتقد أن حجم الزيارات للموضوع يدلل على حجم رد الفعل
ولو كانت لدي إمكانية لإرسال رسالة إلى جميع المشتركين
سأقول لهم
سنعمل على عودة المنتدى مرة أخرى

عارف إيه الجميل في المنتدى إنه زي ما بيقول الأستاذ عاطف هلال نقلت مجتمع كامل في المنتدى

يقترب كثيرا من يوتوبيا، "المدينة الفاضلة"، هذا المنتدى يستحق أن تحتذي به منتديات العالم الأخرى
لأنه يمثل حلم الإنسان
في مجتمع فاضل
السيادة فيه للحب
وللتفاهم
وللحوار
ولقبول الآخر
لك كل حبي واحترامي
عمر المصري