سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : عاوزين تعرفوا ايه هو الحشكوبلي الصغير؟؟؟ ادخلوا وانت تعرفوه

بنت مصر
16-04-2002, 10:19 AM
السلام عليكم ورحمة الله وبركاته



الحشكوبلي الصغير:
--------------------------
مره واحده ست دخلت مطعم وكان معاها علبه كبيره
جه الجرسون سألها تحب تاكلى حاجه يا مدام ؟
قالتله لأ شكرا انا مش جعانه بس هاخد ساندويتش شيكى دودو للحشكوبلى الصغير.
جابلها الجرسون الساندويتش الشيكى دودو
راحت فتحت العلبه بسرعه ودخلت الساندويتش الشيكى دودو وقفلت العلبه بسرعه
والجرسون هايجنن عايز يعرف ايه اللى فى العلبه
بعد شويه جالها الجرسون سألها تحبى تشربى حاجه؟
قالتله شكرا بس هاتلى كوباية ميه للحشكوبلى الصغير
جابلها الجرسون الميه راحت فتحت العلبه بسرعه
ودخلت كوباية الميه وقفلت العلبه بسرعه
والجرسون واقف هيموت من الغيظ عايز يعرف ايه اللى فى العلبه
مصدق ان المدام قامت راحت التواليت
راح فتح العلبه بسرعه لقى جواها
<
<
<
<
<
<
<
<
<
<
<

<
<
<
<
<
<
<
<
<
<
<


( حشكوبلى صغير )



أي أي أي بلاش طماطم مفعصة لو سمحتوا



بنت مصر

:19:
ابن البلد
16-04-2002, 10:55 AM
مشكور أخت بنت مصر علي هذا الحكشوبلي الصغير
ابن النيل
17-04-2002, 12:53 AM
علي فكرة ....انا من كثر ما عجبتني الحكاية احتفظت بها في الكمبيوتر

هههههههه حلوة الفكرة يابنت مصر

نرجو المزيد علشان فعلا نفك التكشيرة

:7:

عااابر وراااجع
بنت مصر
17-04-2002, 08:58 AM
السلام عليكم ورحمة الله وبركاته






برغم اني مسئولة عن قسم المرأة
وبرغم ان مهمتى الرئيسية هي اني
أنكد على الرجالة بس المرة نسيبوهم
يفكوا التكشيرة المرة دي بس ما ياخدوش
على كده عشان لسة في بلاوي:71:


بنت مصر :5:
مهندس كمبيوتر
18-04-2002, 02:19 AM
:mad:
بنت مصر
16-10-2003, 06:12 PM
موضوع من تراث المنتدى
راجعوا كده تاريخه حتلاقوه من اقدم
مخطوطات المنتدى والتي يرجع تاريخها
الي العصر البطلمي اصل كل اللي يقراه يعقد يلطم :D
خالد المصرى
16-10-2003, 07:05 PM
:rolleyes:( حشكوبلى صغير )



( الحشكوبلى صغير ) فعلا اتصلت بالجارسون وقالى فعلا انه لاقاه

وبيسلم عليكِ يا بسنت وبيقولك كبر خلاص وبيلعب مع اخواته

حتى جارتهم ( نؤنؤة المعزواى ) معجبة بمجهودة فى تطوير امكانياته ;)
بنت مصر
16-10-2003, 07:44 PM
ههههههههه خالد بتقول ايه :D
ana3sola
16-10-2003, 08:55 PM
انتى ماتعرفوش ايه اللى حصل :(
مش ( نؤنؤة المعزواى ) عملت حادثه اول امبارح وهى بتزور ال حشكوبلى ال صغير
ووقعت فوقه فعصته ولزق فى الترابيزة يا عينى والجرسون عمله مأتم فى المطعم :6:
وصاحب المطعم اتأثر قوى يا عينى راح مغير اسم المطعم وخلاه سلسله مطاعم الحشكوبلي الصغير:
بنت مصر
16-10-2003, 09:04 PM
هههههههههه يا عسولة زي العسل :5:
خالد المصرى
16-10-2003, 09:05 PM
:5::5::5:


وتأبيناً للذكرى

تم ارسال صورة الحشكبولى لوزارة المالية لتتم طبع صورته على الورقة فئة ال18 جنية ;)


تحياتى :)
بسمة أمل
16-10-2003, 10:11 PM
هههههههههههههههههه
عسل يا بسنت
موضوع يغيظ
وسلامى للحشكوبلي
بنت مصر
16-10-2003, 10:34 PM
اهلا يا بسمة حبيبتي ازيك

وشكرا على تعليقك واسفة علي تعليقك (يعني اني علقتك) اهو كله تعليق والسلام :D


خالد انا عارفة انك غيران من الحشكوبلي اوي عشان هو بياكل شيكي دود وانت لا :5:



كل سنة وانتوا طيبين وبخير يارب


بسنت
vampire_ann
16-10-2003, 10:40 PM
انا افتكرت الست محتفظه بأفعى عاصرة جوة الصندوق :D
ههههههههههههههههههههههههههههههههههههههههههه
بنت مصر
16-10-2003, 10:48 PM
يعني يا فان باير يا حبيبتي كل تخيلاتك رعب
فان باير ومقابر وكمان افاعي! اشوف فيكي يوم يا فان باير :5:
وادكول مش معقول
19-10-2003, 07:30 AM
تحية كبيرة من الحشكوبلي الكبير الي الحشكوبلي الصغير ...

وسلامي الي الاهل والاقارب والست ام محمد والواد بتاع الكبدة اللي بياكل من عنده الحشكوبلي الصغير .. وسلامي الي فوزية وام خليل ..



ساااااااااااااااااااافروت الصغير هههههه
م. بسمة
19-10-2003, 08:09 AM
جميل والله يا بسنت.........:)

بس ما سمعتوش اخر الاخبار.........































مش هي دي المنافس بتاع سعاد نصر :D





ايوه ايوه انا فاكره لما سعاد عزمتها مع طلعت وحتى بالاماره..
جااااااااااااارسون
طلعت ...طبق فوووووووول لو سمحت بالزبده البلدي..:D
سعاد.. انا معايا السمنه بتاعي..:D
والي جنب سعاد.... انا معايا السكر بتاعي:D
المدام..انا معايا الحشكوبلي بتاعي......:p



تحياتي لكل المشاركين وبالاخص معدة الطرح


بسمة
ميادة
19-10-2003, 08:39 AM
بسم الله

الحشكوبلى الصغير
الحشكوبلى النونو
الحشكوبلى الكميل



ده كان زى القمر وكنا بنلعب مع بعض فى العلبة بس هو كان بياكل الشيكى دودو كله
عااااااااااااا
انا عايزة شيكىدودو




حلوة اوىىىىىىى يا بنت مصر تسلمى
بنت مصر
19-10-2003, 09:48 AM
واد كول وbyh وجرح الومان

لجد تعليقاتكم زي العسل حتى الحشكوبلي كان فطسان من الضحك وهو جوا العلبة
ana3sola
19-10-2003, 03:36 PM
وانا كمان فطست مووووت
فوزيه وام خليل بيسلموا عليك يا واد يا كول
هههههههههههههههههههههههههههههههههههههههههه
الإيهاب
14-08-2004, 03:53 PM
ههههههههههههههههههههههه شكراً على الموضوع الحلو يا بنت مصر

أخوكِ إيهاب
بنت مصر
14-08-2004, 04:18 PM
هههههههههههههه فكرتني بالحشكوبلي يا ايهاب
شكرا على المشاركة .. وعلى تعبك لانك بتغطس
في قاع المنتدى وتجيب مواضيع قديمة بتفكرني
باصدقاء غاليين جدا وغايبين عننا يارب يرجعوا بالسلامة


بسنت
الإيهاب
14-08-2004, 07:00 PM
العفو يا بنت مصر

ولو انا مابعملش غير الواجب
الفرعون العاشق
14-08-2004, 08:21 PM
بسنت انا بشكرك جدا على الموضوع الجميل جدا دة
تصدقى انى اول مرة اتنرفز من حوالى 3 سنين
اعتقد انى هفرقع من الغيظ
لا انا اساسا فرقعت
اة هوة هشكوبلى ولا البتاع اللى انتى قولتى علية دة صغير حجما بس نعمل اية بقى يوضع سرة فى اضعف خلقة
ابن الاية اكل الشيكى دودو لوحدة
انا هموووووووووووووووووووووووووووووووووووووووووووووووو وووووووووووووووووووووووووووووووووووووت من النرفزة والضحك فى نفس الوقت
بس بجد اللى انا خايف منة ان العلبة تتفك من تحت ويقع منها الحشكوفلى دة ويبهدل الدنيا
الحقوووووووووووووووووووووووووووووووووووووووووووووو ووووووووونا
الغووووووووووووووووووووووووووووووووووووووووووووووو وث
بنت مصر
15-08-2004, 01:31 AM
هههههههههههه الحشكوبلي بيعتذر لحضرتك
يا فرعون على انه نرفزك والمرة الجاية
بقا ابقا خد حباية ضغط قبل ما تدخل فك التكشيرة*106*
طيف
15-08-2004, 03:46 AM
السلام عليكم

افكر وش هذا الحشكوبلي على بالى ضفدع او سحلية
هههههههههههههههههههههههههههههههههه

مشكورة الغالية بنت مصر
V_I_P
15-08-2004, 08:12 AM
وآخر أخبار الحشكوبلي ..

أنا سمعت إن الحشكوبلي الصغير المدور قابل الفيل الكبير المربع قاله تلاعبني جبنه وحلاوة .. قاله ليه إنت فاكرني لنشون ..صور البلكونة وقع فراح واخد الموتسيكل وجري ..هههههههههههههههههههههههههههههههههههههههههههههههه
بنت مصر
15-08-2004, 08:21 AM
العفو طيف وفي اي بي الغاليين
شرفتوا الحشكوبلي وموضوعه
ويارب يكون عجبكم*106*
aynad
15-08-2004, 08:47 AM
وبعدين معاكي يا بوسي
انا كنت عايزة اعرف ايه هو الحشكوبلي الصغير
بس مصممة تقوليلي ايه هو
ماليش دعوة
بنت مصر
15-08-2004, 09:45 AM
ههههههههههههه يا ايناد صباح الفل عليكي
ازيك وازي النونو أكيد نايم دلوقتي
عشان كده واخدة راحتك

الحشكوبلي الصغير بقا حاقول لك عليه لما انا اعرفه الاول *109*
aynad
15-08-2004, 09:52 AM
يا صباح الورد يا بوسي
اكيد الحشكوبلي الصغير نايم بس بعد ما طلع عيني هههههههههههههههه
الصعيدي
14-04-2005, 03:22 PM
ايه يا بسنت ده .. حرمت ادعبس في الادراج تاني .. حشكوبلي .. ده قريب حلمبوحة ده وللا إييييييييييييييييييه .. هههههههههه
محمود سامي
14-04-2005, 04:11 PM
في رواية أخرى بلعوطي صغير

و في رواية تالتة شلنكاح صغير



للعلم قديمة جدا

*9*
أحمد ناصر
14-04-2005, 04:26 PM
حشكوبلي
*109*
بنت شهريار
14-04-2005, 04:58 PM
( حشكوبلى صغير )
حرام عليكى يابسنت
يعنى تختفى كل دا وفى الاخر تظهرى ومعاكى ( حشكوبلى صغير )
وعموما والله ليكى وحشه
وزى بعضة سلامة الحشكوبلى الصغير
وكل اللى ييجى منك حلوووووووووووووووو
تحياتى..
بنت مصر
14-04-2005, 05:49 PM
ايناد الغالية حبيبة قلبي ام دودي وبودي
شكرا ليكي على رفع الموضوع
ومش عارفة ليه انتي آرشة ملحتى وعمالة تحفري ورايا في المواضيع القديمة
ربنا ما يحرمنيش منك ابدا يارب

وبوسة كبيرة للحشكوبلييين الصغيرين عقبال ما يبقى عندك حشكوبلات كتير
بسنت
بنت مصر
14-04-2005, 05:52 PM
ده قريب حلمبوحة
يعني ايه (دا قريب )يا صعيدي :d
بنت مصر
14-04-2005, 05:55 PM
محمود سامي العزيز
اهلا بيك في المنتدى
وعلى فكرة هي فعلا قديمة جدا
بس الموضوع دا بتاريخ 16/4/2002
الصعيدي
14-04-2005, 05:56 PM
يعني ايه (دا قريب )يا صعيدي :d

ترانسليت انتو عرابيك بليز .. هههههههه :d
بنت مصر
14-04-2005, 06:02 PM
احمد ناصر وبنت شهريار

شكرا ليكم على المرور وانا مش مختفيه ولا حاجة يا بنت شهريار
بس يمكن الحشكوبلي الصغير معطلني شوية


انا موجودة يا قمر وربنا ما يحرمنيش منك ابدا



بسنت
بنت مصر
14-04-2005, 06:03 PM
ههههههههههه دي كانت نكته يا صعيدي

واحد بيقول لصاحبه شايف الحلمبوحة اللي في البلكونه دي
قاله يعني ايه بلكونة هههههههههه

هل يو اندرستود او نوت يت؟
الصعيدي
14-04-2005, 06:05 PM
ههههههههههه .. يعني ايه هل ؟؟؟؟؟؟؟؟؟؟؟؟؟
بنت مصر
14-04-2005, 06:08 PM
:d *109* *106*
محمود سامي
14-04-2005, 10:44 PM
محمود سامي العزيز
اهلا بيك في المنتدى
وعلى فكرة هي فعلا قديمة جدا
بس الموضوع دا بتاريخ 16/4/2002



*23*
دي أنا سمعتها و أنا ف ثانوية عامة يعني ييجي أربع خمس ست سنين

بس مجهود رائع


و عندي إقتراح و موضوع مفتوح
الإقتراح إن التوبك ده يكون للنكت و أي حد عنده نكتة يرميه فيه
و نفتح توبك تاني للنكت البايخة أوي زي بتاعت البلعوطي أو الشلنكاح
بنت مصر
22-04-2005, 08:29 PM
و عندي إقتراح و موضوع مفتوح
الإقتراح إن التوبك ده يكون للنكت و أي حد عنده نكتة يرميه فيه
و نفتح توبك تاني للنكت البايخة أوي زي بتاعت البلعوطي أو الشلنكاح

طيب اعمل موضوع جديد للنكت الرخمة واحنا وراك ننزل نكت بالهبل رخمة وآخر تباتة
mody_sultan
22-04-2005, 08:55 PM
شكرا على المعلومات الهايلة دي
بنت مصر
22-04-2005, 10:06 PM
اهلا بيك يا مودي نورت الموضوع
والحمد لله اني قدرت أعرفكم على الحشكوبلي وأهميته *106*
ديدي
23-04-2005, 11:10 PM
والله يابوسى
حلوة المعلومة المفيدة دى
اللى هى يعنى معلومة ومش معلومة
تقدرى تقولى كدا عروستى
تطلع فى الاخر هى الحشكوبلى بتاعك ياقمر.
بنت مصر
24-04-2005, 06:57 PM
منورة يا ديدي يا قمر
حمد الله على سلامة جهازك
وحشتيني ووحشتي الحشكوبلي كتير أوي :d


بسنت
نوسة
24-04-2005, 09:51 PM
ههههههههههههه لذيذة يا بسنت بس ممكن تبعتيلى واحد من الحكشوبلي الصغير
mido_vib
24-04-2005, 10:37 PM
الا صحيح يا بسنت هو الحشكوبلى الصغير ده بكام ؟؟

ويا ترى الكبير اغلى ولا الصغير اصلى بفكر اشترى واحد

من عند محل الحشكوبلى "" مفرد لا جمع له ""

فى واحد فى الشارع اللى جنبنا

بس بجد قصة جميلة جدا

ثانكس

*172* مـــــــــــــــــــــــيـــــــــــــــــــدو *172*
osha
26-04-2005, 09:22 PM
تحفة يابسنت
انا من كتر ما عجبتني اخدتها ـ بعد اذنك ـ وبعتها لاخواتي هما كمان عجبتهم جدا
انا حكيتها لاولادي بنتي فهمت وقعدت تضحك ـ ابنى سالته تفتكر عمو لقى ايه في الصندوق؟
رد بكل ثقة : حشكوبلي صغير طبعا ياماما يعني حيلاقي ايه

رشا
ام نهال ومحمد
[جمال_المصري
27-04-2005, 02:20 PM
الحشكبولي شايف نفسه اوي
كدا هبعتله شرطة حشكبوليكا بوليسي
جمال المصري
بحر الإسكندرية
27-02-2006, 07:36 PM
ايه أخبار الحشكوبلي الصغير :baby: يا بسنت *156* *156*
بجد موضوع تحفة و لذيذ أوي .

هو ده فك التكشيرة اللي بجد , هو ده تراث القاعة اللي بحق و حقيقي :y:
بنت مصر
27-02-2006, 09:26 PM
تحفة يابسنت
انا من كتر ما عجبتني اخدتها ـ بعد اذنك ـ وبعتها لاخواتي هما كمان عجبتهم جدا
انا حكيتها لاولادي بنتي فهمت وقعدت تضحك ـ ابنى سالته تفتكر عمو لقى ايه في الصندوق؟
رد بكل ثقة : حشكوبلي صغير طبعا ياماما يعني حيلاقي ايه

رشا
ام نهال ومحمد

حبيبة قلبي اوشا
والله انا بيتهيأ لي اني رديت عليكي في الموضوع دا
عموما انا اسفة جددا على التأخير وياريت تسلمي لي على نهال وحمو كتير أوي


بسنت
بنت مصر
27-02-2006, 09:28 PM
ههههههههههههه لذيذة يا بسنت بس ممكن تبعتيلى واحد من الحكشوبلي الصغير

بس كده يا نوسة ولو اني ردي متأخر والكمية نفذت
بس ولا يهمك هبعت اشوفلك حشكوبلي صغير
بس ربنا يستر ما يكونش كبر ونط من العلبة :d

بسنت
بنت مصر
27-02-2006, 09:31 PM
ههههههههه ميدو في اي بي
أخر حشكوبلي خلاص اتحجز لنوسة
استنى بقا الجيل الجديد كل قرن يتولد واحد جديد :d
بنت مصر
27-02-2006, 09:32 PM
جمال المصري
انت فين ؟؟؟ الحشكوبلي يناديك

ربنا يطمنا عليك يارب

بسنت
بنت مصر
27-02-2006, 09:34 PM
ايه أخبار الحشكوبلي الصغير :baby: يا بسنت *156* *156*
بجد موضوع تحفة و لذيذ أوي .

هو ده فك التكشيرة اللي بجد , هو ده تراث القاعة اللي بحق و حقيقي :y:

شكرا ليك جدا يا بحر على الرفع
أنا والله برضه كل لما اقرا الموضوع دا أقعد اضحك
كأني بقراه لاول مرة ... :d
BLACK STALLION
28-02-2006, 05:58 PM
على فكرة يا بنت مصر
الشحكوبلى بتاعك من النوع الممتاز اوعى تفرطى فيه
انا عندى واحد بس اول ما قريت موضوعك عرفت انه بيستهبل عليا
تخيلى جبت له شيكى دودو قبل كده تخيلى عمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بص لى حتة بصة من فوق لتحت و قال لى
بزمتك فى شوحكوبلى بياكل شيكى دودو برده
طبعا انا مش فاخم
فاعتذرت له و قلت له حقك عليا
لما قريت موضوعك جبته و خليته يقراه هو التانى علشان اعرفه ان انا هرشته
و من ساعتها وهو ما بيخرجش من القوضة بتاعته و ميت من الكسوووووف علشان الكبسة اللى اخدها
أحمد ناصر
01-03-2006, 10:12 AM
*109*
أنا كل ما أقرأ الموضوع ده أفطس من الضحك
شكرا يا بسنت
بنت مصر
01-03-2006, 12:20 PM
هههههه Black Stallion
كويس انه اتعلم الادب

أحمد ناصر
شكرا ليك على مرورك لتاني مرة
أنا كمان والله بفطس لما اقرا الحشكوبلي دي

بسنت
قشطة
02-03-2006, 06:24 PM
حلوة يا بنت مصر اوي ويا ريت تعرفيلي حكاية الحنكولولو الصغير برضه
سـيف الديـن
20-02-2008, 01:43 AM
ياترى الحشكوبلي الصغير كبر ولا لسه *14*

الله يمسيكي و يصبحك بالخير و السعادة و الإبتسامة أختنا الفاضلة بسنت *105*

:f2:
the_chemist
22-02-2008, 02:44 PM
هو الحشكبولى الصغير لسه صغير

دا بقه قااااااااااااااااااااااااد كده

و راح المدرسة و طردوه عشان طلع أذكى من المدلسين بتوعه

ههههههههههههههههه

صباحكو ورد
pussycat
21-07-2008, 09:25 PM
دائما متألقة الاخت بوسى


مع اطيب امنياتى لك بالتوفيق الدائم

ان شاء الله

ناصر الصديق


الأخ الفاضل / ناصر

أنت فين من زمان

شكلك بتتابع على سطر وتسيب صفحتين

على العموم هنعديها المره دى لن أعمل حسابك المره الجايه

ابدا ابدا

هههههههههههههههههه

نورتنى بجد ويارب الموضوع يكون على المستوى المطلوب

وانشاء تتابع باستمرار وتقولنا على رأيك

لك كل التقدير والأحترام

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث