سؤال للجنس اللطيف .. يا لطيييف

[shody20]

أعزائي أعضاء متندانا الرائع .. وحشتوني جداً..
قرأت في الجريدة أمس خبراً غريباً
دراسة قامت بها دارسة أو دكتورة تدعى حورية .
و وصلت في دراستها أن المراهقات الاناث يفضلن ملئ فراغهن بتصفح صفحات الحوادث و مشاهدة افلام الرعب بعكس المراهقون الذكور و الذين يفضلون مشاهدة افلام الكوميديا و تصفح صفحة الرياضة
لذلك أردت أن أتسائل هنا ..
هل بالفعل تفضلن أفلام الرعب و صفحة الحوادث؟؟!!
يا ريت تشاركوا في التصويت كمان ...

تحياتي للجميع *8*

[بنت شهريار]

عزيزى شودى
اهلا بيك
اعتقد ان المفضل عند شخص بيختلف من شخص لاخر
واكيد بيختلف من سن لاخر
يعنى سن 14 اكيد هواياته ونوعيه المفضل عنده هيختلف عن مراهق فى سن 18
وكل دى اعمار مراهقة
وبعدين دايما المفضل بيكون على حسب تربية الشخص والبيئه الموجود فيها
يعنى منا من يحب الموسيقى الهادئه او الافلام الرومانسية
ومنا من يحب الموسيقى الصاخبة والافلام الاكشن
فاعتقد ان دى دراسة غير متقنه وغير مؤكدة
واسال مجرب
تحياتى..

[راندا رأفت]

الأهتمامات كمان بتختلف من بيئة للتانية
و ليس بالسن فقط
أنا مثلا لم أحب مطلقا أفلام الرعب في أي من مراحل عمري
و لا صفحة الحوادث
*4* *4*

[بنت مصر]

لالالالالالالالالالا يا شودي الكلام دا مش صحيح ابداااااااااا

يعني مثلا انا واحدة من الناس لما اقرا عن مرض أو مصيبة

اقعد مستنياها تجي لي ،، عشان كده مش بحب ابدا اقرا الحاجات دي


وكمان بقا بقعد اسحسح لما اقرا اي مشكلة زي بتاعة بريد الجمعة مثلا
فكنت برضه بهرب من قرايتها خالص


حمد الله على السلامة ... أخبار الديش ايه <<< يعني الجيش :d
بسنت

[سمسمة]

لا طبعا ياشودى ازاى الكلام دة
انا بفضل اتفرج على افلام كوميدية او رومانسية وبسيط فى الاكشن
وانا صغيرة كنت بحب الاكشن كتير لكن مش رعب
انا فى مرة اتفرجت على فيلم عربى لنور الشريف بتاع الزهرة الخبيثة دة كان فظيع بصراحة
وبعدين الواحد مابينامش ومابستظهرفهاش كمان
غير كدة الواحد بيتخض من اقل حاجة طول ماهو قاعد...بلادوشة خالص
وخصوصا ان الافلام الاجنبية دى رعب يعنى رعب *12*

[bleeding flower]

بسم الله الرحمن الرحيم
اخى شادى الاهتمامات بتختلف من فرد لأخر سواء رجل أو امرأءة
لكن معروف عن السيدات فى مصر إن أغلبهم مخهم فاضى
يعنى مش بيفكروا غير فى الأكل والبس والحب
أنا عن نفسى عمرى ما بفتح صفحات الحوادث وعندى اهتمامت تانيه خالص
فأنا يا سيدى وما ستك الا انا بحب الرسم جدا والتصميم على الفوتو شوب
وبحب قرآة الشعر الانجليزى والعربى
وبحب أكتب عن قضايا المرأة العربية
لكن اظاهر انى بوجع فى قلبى على قلة فاايدة
لكن لسه عندى أمل فى انتفاضة المرأة
فالمرأة بلا عقل كالزهرة بلا عطر
وأنت أكيد كرجل تحب تتعامل مع امرأة ناضجة
تعرف حقوقها وواجباتها
والأهم انها تقدر تتفهم تفكيرك ومشاعرك
يعنى من الأخر
أنك تتعامل مع مرأة من غير ما تحتاج تصغر دماغك معاها
بذمتك مش ده حلم يستحق أوجع دماغى بيه
ولا انتوا رأيكوا ايه يا بنات*4*

[R17E]

حمدالله بالسلامه يا شودي أنا لسه بنام مطمئن طول ما أنت بتحمي الوطن
يراع <== سابقاَ
الطيب الجوادي <== أسبق من سابقاً

[milly]

لا انا ما بحب افلام الرعب ولا بتفرج عليها لا في سن المراهقة ولا هلاء .. مش كفايه الرعب يلي عم نشوفو في نشرات الاخبار..

اما بالنسبه لموضوع الحوادث
مش غلط ان البنت في سن المراهقة تطلع وتشوف شو عم بصير من حوادث ..عشان تعرف ان الدنيا مش كلها احلام وردية وبراءه .بس اكيد برقابه من الاهل واسلوب سليم ونقاش بينها وبين والديها عشان تعرف الصح من الغلط ..

بشكرك على الموضوع الحلو *6*

[shody20]

طب الحمد لله ... ريحتوا قلبي..
سيظل الجنس اللطيف كما هو لطيفاً الحمد لله
و لن يتأزم الرجال من العراك مع وحوش (العمل و الأسفلت و المية و الكهرباء ...الخ ) بجانب وحوش الحب و البيت ..:)
أفكر جدياً في مخاطبة تلك الباحثة و اخبارها بذلك...
أعتقد أن التخوف من صحة هذا الكلام دعا إلى التأكد و المناقشة..و الحمد لله إلى الآن النتائج مرضية جداً...
أعرف بالطبع أن كل له اهتمامته .. و لكن الأبحاث العلمية تخرج بنتائج كنسب.. أي المفروض أن يقولوا أن نسبة مرأة في كل أربعة مثلاً و هكذا.. و لكن النتيجة عادة ما تتكلم عن أغلبية العينات ...فبالتالي قد يكون أغلبية من أخذتهم الباحثة كعينات أوصلتها لهذه النتيجة


الأخت العزيزة bleeding flower
أولاً ارحب يك بيننا
ثانياً أعتقد أن وجودك أنت شخصياً هو أكبر أمل لانتفاضة المرأة كما يحلو لك أن تسميها ..
و لكني رأيت الكثير من الفتيات الرائعات فكراً في الجامعة و في العمل
التفاهة و المخ الفاضي سيدتي أصبحت من شيم الشباب عموماً ذكوراً و اناثاً.. فلا تظلمي المرأة ..
و أكرر أنك شخصياً دليل حي على وجود المرأة الناضجة .. يمكن النسبة غير مرضية و لكنها أيضاً سمة عامة .. نحتاج لانتفاضة سبابية و ليست نسائية فقط...
ضعي في الاعتبار أن الشاب هذه الأيام لم يرث عادات الماضي و أفكاره عن المرأة.. بل على العكس .. فهو متقبل تماماً تواجد المرأة في مختلف المجالات .. لذلك الانتفاضة الشبابية حينها ستكون في مصلحة الجميع ..


بالطبع أنا كرجل أحب أن أتعامل مع امرأة ناضجة .. و بصراحة مش بلاقيها بسهولة .. أيام الجامعة كان صعب التعامل مع أي بنت الحقيقة .. لأن زي ما انتي بتقولي كدة الدماغ فاضية ..
عموماً ثابري على حلمك و ما تيأسيش ..

على هامش الحوار:
فوتوشوب و تصميم .. دة معناه ايه؟؟؟ مهندسة عمارة و لا ديكور..؟؟
أصل المهندسين هنا كتييييير .. و كمان المعماريين عاملين حزب كويس.. لو تحبي تنضمي..:)
تحياتي للجيمع و أنتظر الباقي ..
هم البناااااااات فيييين ؟؟؟
شكلهم كدة مش فاضيين .. بيتفرجوا على "فريدي " و "لا ذا رينج " ههههه


*8*

[ginger]

مشكلتي اني خوافه جداً
ومع ذلك اصر أرصرارً على مشاهدة الافلام المرعبه اللي توقع القلب
واحب كمان قراءة الحوادث والمصايب الله يبعدها عننا بدافع الفضول وحب المعرفه بالشئ
مع انها بالنهايه تعكنن مزاجي
بس أعمل بنفسي إيه ؟؟*14*

*170*

[سـلـوى]

تسلموا جميعا

انا بقى بعشق الرعب جداااااااااااا و من غير لية
فيها تشويق

بس مش بحب الحوادث

ربناي حفظك يا شودى
بس صحيح فينك من زماااااااااان

[bleeding flower]

الأخت العزيزة bleeding flower
أولاً ارحب يك بيننا
ثانياً أعتقد أن وجودك أنت شخصياً هو أكبر أمل لانتفاضة المرأة كما يحلو لك أن تسميها ..
و لكني رأيت الكثير من الفتيات الرائعات فكراً في الجامعة و في العمل
التفاهة و المخ الفاضي سيدتي أصبحت من شيم الشباب عموماً ذكوراً و اناثاً.. فلا تظلمي المرأة ..
و أكرر أنك شخصياً دليل حي على وجود المرأة الناضجة .. يمكن النسبة غير مرضية و لكنها أيضاً سمة عامة .. نحتاج لانتفاضة سبابية و ليست نسائية فقط...
ضعي في الاعتبار أن الشاب هذه الأيام لم يرث عادات الماضي و أفكاره عن المرأة.. بل على العكس .. فهو متقبل تماماً تواجد المرأة في مختلف المجالات .. لذلك الانتفاضة الشبابية حينها ستكون في مصلحة الجميع ..


بالطبع أنا كرجل أحب أن أتعامل مع امرأة ناضجة .. و بصراحة مش بلاقيها بسهولة .. أيام الجامعة كان صعب التعامل مع أي بنت الحقيقة .. لأن زي ما انتي بتقولي كدة الدماغ فاضية ..
عموماً ثابري على حلمك و ما تيأسيش ..

على هامش الحوار:
فوتوشوب و تصميم .. دة معناه ايه؟؟؟ مهندسة عمارة و لا ديكور..؟؟
أصل المهندسين هنا كتييييير .. و كمان المعماريين عاملين حزب كويس.. لو تحبي تنضمي..:)
تحياتي للجيمع و أنتظر الباقي ..
هم البناااااااات فيييين ؟؟؟
شكلهم كدة مش فاضيين .. بيتفرجوا على "فريدي " و "لا ذا رينج " ههههه


*8*http://www.egyptsons.com/misr/showthread.php?p=275267#post275267

ازيك يا شودى .... بمناسبة الموضوع بتاعنا انتفاضة المرأة انا اقتنعت بكلامك السلبيه بقت فى الجنسين علشان كدا انا بدعوك تشارك فى الموضوع بتاعى لو بطلنا نحلم نموت فكرته ببساطه انى بحلم ان المنتدى يكون حقيقى مش بس االكترونى نتقابل كلنا ونعمل حاجه لها معنى ياترى ايه رايك؟؟؟ مستنيه تعليقك على الموضوع اللى المفروض نسميه انتفاضة الشباب

http://www.egyptsons.com/misr/showthread.php?p=275267#post275267

[أحمد ناصر]

مين؟
شودى؟
حمدالله على السلامة يا رجل
طيب الموضوع للجنس اللطيف
فلذلك لم أضع تصويت

[sea_wolf]

انا عن نفسى بعشق اقلام الرع بجدا ولازم اتفرج على فلك كل يوم قبل ما نام ولو مرعبنيش ميبقاش فلم مرعب
بس انا شاب علشان كدة مش هصوت
هههههههههههههههههههههههههههههههههههههههههههههههههه ههههههههههههههههههههههههههههه

[shody20]

آدي اتنين أهو من الجنس اللطيف ( ربنا يستر ) بيحبوا الرعب..
شكلها كدة حتنتصر الباحثة اياها علينا ....

تحياتي ل باشمهندسة و ل ginger
*8*

[دموع قلبي]

بصراحة ياجماعة انا بموت في حاجة اسمها صفحة الحوادث
(بس اوعوا حد يخاف*9* ) ..
مبتعديش عليا مرة افتح فيها الجرايد الا ولازم اقرءها وساعات بفتحها اول صفحة

اما حكاية افلام الرعب دي ساعات بحب اشوفها بس مش كتير لاني مبتفرجش على افلام كتير *123* ..




أختكم الصغيرة :

.,., دموع قلبــــ:h: ـــــــي .,.,

[boukybouky]

حمد الله علي السلامة يا شودي<------------ كفارة ههههههههههه

المهم أنا عن نفسي بكره أفلام الرعب و لأني بخاف موت من أفلام الرعب

و مش بحب أتصفح صفحة الحوادث خالص بشوفها مملة و مش منطقية

في كثير من الأحيان زي ما يكونوا بيغيروا في الأحداث لجعل الحدث مثير

علي فكرة أنا معترضة علي كلام بليدينج فلاور علشان البنات مش مخها فاضي

و لا حاجة و في من كل نوعية بل علي العكس أنا أعتقد بل و أري أن الصحوة النسائية

أفضل من نظيرتها الرجالية في النضج الفكري مع إحترامي للجميع و لكل قاعدة شواذ طبعاً

شكراً لك

في رعاية الله ,,,

[Hesham Nassar]

بما إني من الجنس الخشن ..

لإن طبعاً زي ماحنا عارفين .. *14*

إن الجنس الخشن .. خشن .. و الجنس الناعم .. ناعم .. *5* ... :d

فأنا بمر بس ع الموضوع عشان أسلم عليك حبيبي .. *6*

تحياتي ليك شودي .. *8*


.

[ديدي]

حمد الله على السلامة ياشودى
لا طبعا الكلام دا مش صحيح
وانا واحدة من الناس باخاف موت من افلام الرعب
وممكن لو شوفتها صدفة اقعد يومين مش عارفه انام كويس
شكرا على طرحك للموضوع.