نداء إلى كل المصريين !! [الأرشيف]

ahmedsaad16

04-04-2005, 06:14 PM

قبل قراءة باقى الموضوع لاحظ الشكلين التاليين :

ى ي

قد يبدوا لك أنه لا يوجد فرق بينهما ولكن مخطئ ولكى تعرف الفرق أجب عن الأسئلة التالية :

1. أيهما تستخدمه عندما تكتب بالقلم ؟
2.أيهما مستخدم فى القرآن الكريم ؟
3.أيهما مكتوب به إسمك فى شهادة ميلادك وفى بطاقتك ؟
4. أيهما موجود فى الحروف الأبجدية العربية ؟

إنه الشكل الأول وهو حرف الياء أما الشكل التانى فلا نعرف عنه شيئا ولا يمت لنا بصلة كمصريين...

لذا فإذا كنت مصرى وتعتز بمصر وبلغتك العربية فحافظ عليها وأحميها من الضياع ولا تستخدم إلا الشكل الأول (حرف الياء)

وشكراً :)

ALHOOL

04-04-2005, 08:17 PM

إيه يا جماعة انتوا فين ؟

مظلوووم

04-04-2005, 08:49 PM

فعلا كلامك صخ
بس هل انت تعرف النقطتين بيرموزا لايه
وتسلم ايدك يا انكريدبل
ويجعلوا عااااااامر
انوووووووووووووووبيس

أنفـــــال

04-04-2005, 09:47 PM

لا لا لا...:)
فيه فرق كبييييييييييييييير بين الألف المقصورة ى.. و هي المد في آخر الكلام..
و بين الياء التي هي آخر الحروف الابجدية..
و لا يجوز أن نلغي الالف المقصورة...!! فهي شكل من أشكال المد..!
و الموضوع لا علاقة له بمصري او غير مصري!
الموضوع يتعلق باللغة التي نزل بها القرآن الكريم.. و القرآن الكريم كتبت فيه الياء و الالف المقصورة..

شكراً.
أنفال

ahmedsaad16

04-04-2005, 10:06 PM

يا أختى الفاضلة هل كنت تعرفين الياء هذه ( ي ) قبل أن تعرفى الانترنت ,,

إننا لم نتعلم هذا الحرف إلا بعد دخولنا الإنترنت لأغختلاطنا ببقية أخواننا العرب الذين يستخدمون هذا الحرف فبقية الدول العربية تستخدم حرف الياء هذا ( ي ) أما نحن فلا نعرفه

وإلا لكنا إستخدمانه فى الكتب والصحف والجرائد وفى حياتنا العملية أى هذا الحرف يخص بقية الدول العربية ولا يخص المصريين

وشكراً على ردك وشكراً لك مظلوم على ردك :)

فاضــل

05-04-2005, 12:56 PM

أخي أحمد

هل القضية تستحق تحويلها إلى قضية وطنية بهذا الشكل؟

رغم أن ملاحظتك على استخدام الحرف تبدو صحيحة و لكن هذا لا يجعلها منطقية بل يجعلها دعوة تشوبها رائحة العنصرية

هناك يا أخي الكريم اختلافات بسيطة في بعض قواعد الإملاء بين قطر و آخر و لكن ليس هذا مبرر على الإطلاق أن يتحول الأمر إلى عصبية أو عنصرية فهذه الاختلافات لا تجعل من من إحدى هذه القواعد صحيحة و الأخرى خاطئة و إنما هي قاعدة دارجة و أخرى غير دارجة
و خذ مثلا التاء المربوطة و كتابتها بدون نقطتين
و أيضا قواعد كتابة الهمزة ( مسؤول - مسئول) فهل نتوقف عند كل اختلاف من هذا و نحوله إلى قضية قومية ؟

احترم وجهة نظرك و لكن اسمح لي بالاختلاف معها

تحية طيبة

حلا

05-04-2005, 01:15 PM

أنا لم أفهم سوى كلام أنفال،،
ممكن حد يفهمني،
فأنا لاحظت فعلا أن عدد كبير من الأعضاء يختمون الكلمات التي تنتهي بالياء ، يختمونها بألف مقصورة، وكنت استغرب من انتشار هذا الخطأ!!!!! *11*

أحمد ناصر

05-04-2005, 01:18 PM

color][/size][/font]
لذا فإذا كنت مصرى وتعتز بمصر وبلغتك العربية فحافظ عليها وأحميها من الضياع
وشكراً :) [/right]
شكرا يا أستاذ أحمد سعد
أحمد سعد أليس كذلك؟
أم أننى ترجمت إسمك من الحروف الإنجليزية إلى العربية خطأ ؟
حبذا لو طلبت تغيير كتابة إسمك من حروف اللغة الإنجليزيةإلى حروف اللغة العربية
أم أنك تريد أن تكون ! InCrEdibLe ! ؟؟؟؟؟؟
وهى كلمة ترجمة معناها الحرفى = (غير مصدق)
*11* *11* *11*

ابن البلد

05-04-2005, 01:31 PM

يا عم أحمد فيه أيه
أيه الخناقه دي

فيه فرق كبير طبعا بين ال ى وال ي

يعني مثلا ليلى ده أسم بنت
أما ليلي يعني بليل :d
وليلي نهاري تعالى حبيبي
شوفت بقه أخر الثلات كلمات اللي فوق أنتهوا ب ي مش ب ى

أنفـــــال

05-04-2005, 01:58 PM

يا أختى الفاضلة هل كنت تعرفين الياء هذه ( ي ) قبل أن تعرفى الانترنت
والله انا لما كنت باخد عربي..http://smilies.sofrayt.com/fsc/confused.gif
اول ماتعلمت العربي..
قالولي ان البطة اللي تحتها نقطتين اسمها ياء.. ي http://smilies.sofrayt.com/%5E/_950/cleverman.gif
ايوة اعرفها من قبل الانترنت..
و الموضوع لا يستحق كل هذه الضجة يا اخي والله ..http://smilies.sofrayt.com/^/aiw/huh.gif
و قد تكون النقط دي وضعت حتى يسهل للدارسين معرفة الفرق..
لو غير كدة بقى..
يبقى حد يرجع للتارخ ايام ما وضعت النقط على الحروف للمرة الأولى.. لأن كل الاحرف كانت من غير نقط زمان.
و بس!
أنفال

أنفـــــال

05-04-2005, 02:00 PM

وإلا لكنا إستخدمانه فى الكتب والصحف والجرائد وفى حياتنا العملية أى هذا الحرف يخص بقية الدول العربية ولا يخص المصريين

مش فاهمة!!!http://smilies.sofrayt.com/^/aiw/huh.gif
يعني ايه ؟؟
هو مش العربي هو هو؟
و لا العربي بتاعنا مش هو العربي بتاعهم؟
و لا همة بيرفعوا المفعول و احنا بننصبه مثلاً؟؟
مش فاهمة! ياريت توضيح.

مظلوووم

05-04-2005, 03:49 PM

ALHOOL

05-04-2005, 06:03 PM

لا لا يا جماعة احمد بيتكلم صح فعلا

ولو عايزين تتأكدوا جاوبوا على الأسئلة اللى هو كاتبها !

أنفـــــال

05-04-2005, 11:05 PM

هو مش المفروض..
ان
! InCrEdibLe !
هو هو انت يا احمد سعد؟؟
مش انت كنت حاطط موضوع في قاعة رأيك يهمني عن ايقاف الرسائل الخاصة بتاعت احد الاسمين؟

ALHOOL

05-04-2005, 11:50 PM

لأ ! InCrEdibLe ! بس هو اللى موقوف عنه الرسائل الخاصة :)

بنت مصر

06-04-2005, 12:18 PM

على فكرة ممنوع التسجيل بأكتر من اسم في المنتدى

عـزالديـن

06-04-2005, 12:33 PM

نداء إلى كل المصريين !!

عنوان مثير ودعوة عامة

أنا إفتكرت إن فيه حاجة تمس الأمن القومى ومستقبل شعب مصر

والموضوع كان يمكن أن يكون إستفسار بسيط حول قاعدة إملائية فى اللغة العربية اكثر منه دعوة لكل المصريين الناطقين باللغة العربية

كلام الأخت الفاضلة أنفــال سليم وجاء التوضيح أيضاً من ابن البلد وتعليق الأستاذ فاضل فى محله تماماً

ويساورني نفس تساؤل أحمـد ناصر ولى نفس ملاحظة بســنت

مع تحيااااتى

Abdou Basha

06-04-2005, 04:36 PM

يعني مثلا ليلى ده أسم بنت
أما ليلي يعني بليل :d

ياعيني عليك لما بتبقى رايق .. *15*

والله انا لما كنت باخد عربي..http://smilies.sofrayt.com/fsc/confused.gif
اول ماتعلمت العربي..
قالولي ان البطة اللي تحتها نقطتين اسمها ياء.. ي http://smilies.sofrayt.com/%5E/_950/cleverman.gif

أنفال

*5*

أيوة أنا فاكر برضه.. في أولى خامس .. :d

ALHOOL

06-04-2005, 07:28 PM

على فكرة ممنوع التسجيل بأكتر من اسم في المنتدى
؟؟؟؟؟ ؟؟؟؟؟ ؟؟؟؟؟

ALHOOL

06-04-2005, 07:35 PM

على فكرة ممنوع التسجيل بأكتر من اسم في المنتدى
مين اللى منع كده يا بسنت ؟؟

مش دى قوانين المنتدى : http://www.egyptsons.com/misr/law.php

مفيش حاجة بتقول انه ممنوع التسجيل بأكتر من إسمين !!

وشكراً على مرورك

ALHOOL

06-04-2005, 10:56 PM

آه بقى انت حذفتى ahmedsaad16

ماشى

osha

06-04-2005, 11:14 PM

الأخ الفاضل أحمد سعد
أنفال وابن البلد عندهم حق وكمثال آخر
ما الفرق بين على وعلي
الأولى ظرف مكان والثانية اسم علم
ولن تعرف الفرق بين الاثنين لولا وجود النقطتين تحت البطة على رأي العزيزة أنفال
بخصوص التسجيل بأكثر من اسم، أنا زوجي له حساب في المنتدى باسم ثاني ومرة كتب تعليق باسمي وهو مش واخد باله، في الحالة دي ممكن يحصل مشكلة؟

المهندس الأزهرى

06-04-2005, 11:32 PM

و الموضوع لا يستحق كل هذه الضجة يا اخي والله
قد يكون الموضوع بسيطاً فى نظر بعض الناس ولكننا نفرط فى الصغير إلى أن نصل إلى التفريط في الكبير.
وحل الموضوع سهل جداً وهو أن نهتم بكتابة الياء الصحيحة فى كتاباتنا

المهندس الأزهرى

06-04-2005, 11:39 PM

هههههههههههههههههههه
الله يجازيكى يا انفااااال
هههههههههههههههههههههههههههههه
يا جماعه المهم الفهم عند التخاطب
يعنى بصراحه انا بافضل دى (ى) مش ( ي) لانى اعتقد ان دى الاصح والله اعلم
ويجعلوا عااااااامر
انوووووووووووبيس
أنا معاك أن المهم الفهم عند التخاطب ولكن ينبغى أن نلتزم بمبادئ لغتنا ولمبادئ أي شيء تعمله.
ولكن كيف تعتقد أن (ى)أصح ؟إن علماء اللغة هم الذين يحددون.

النمر الاسود

07-04-2005, 07:38 AM

السلام عليكم

واحدة واحدة يا جماعة ......ممكن اقول رأيى
اه طبعا ممكن ولو حد قال انى مش فاهم حاجة يبقى انا اكيد فهمت الموضوع كله غلط

اللى اعرفه ان الياء هى (ى)

لكن بعد استخدام الكمبيوتر وجدنا (ي) موجودة فى لوحة المفاتيح واللى انا فهمته ساعتها انها موجودة اصلا عشان لو الياء جت فى وسط الكلمة
انما لو جت فى اخر الكلمة يبقى تتكتب زى ما احنا عارفينها

فى ناس ايديهم اتعودت على ال (ي) فبيكتبوها كدة سواء فى اخر الكلمة اوالوسط او البداية

دة مجرد رأى وياريت تفيدونا

وبردو انا مش عارف هو الموضوع ليه ارتبط بالمصريين فقط مع انه خاص باللغة العربية عموما

دى تانى مرة النهاردة ادخل موضوع فيه نداء للمصريين والاقيه موضوع غريب

النمر الاسود

07-04-2005, 07:43 AM

استنوا استنوا كدة انا مش فاهم حاجة

التدقيق الاملائى فى برنامج الوورد بيكتب الياء فى اخر الكلمة اذا لم تكن الف لينة بيكتبها (ي)

زى حرف الجر في مثلا

لاء ياريت حد يفهمنا بجد عشان انا فعلا اتلخبطت

الله يرحمه بقى وجزاه الله كل خير الخليفة عبد الملك بن مروان هو اللى حطنا فى الورطة دى

ما كانت الحروف من غير نقط احسن
:d

Abdou Basha

07-04-2005, 11:23 AM

مين اللى منع كده يا بسنت ؟؟

مش دى قوانين المنتدى : http://www.egyptsons.com/misr/law.php

مفيش حاجة بتقول انه ممنوع التسجيل بأكتر من إسمين !!

وشكراً على مرورك

7- اختيار الاسم بالمنتدى هو عنوان لشخصية العضو ، فلا تقبل إدارة المنتدى اختيار الأسماء غير اللائقة أو الشاذة أو المنافية للآداب أو الذوق العام أو المشابهة لأسماء أعضاء سابقين بالمنتدى.

إنت يا احمد مش بتقلد أسماء أعضاء سابقين غريبين عنك ده انت كده بتقلد نفسك .. :d

هو بس الحكاية عشان كده ما بيبقاش فيه عدالة.. يعني انت بتأيد وجهة نظرك بكذا عضو .. وكذا مشاركة ع الموضوع الواحد..

ده غير التشتيت و لفت الأنظار عن الموضوع الأصلي اللي بيتظلم كده .. ودي حاجة انت ما ترضهاش ..

تخيل أنا داخلك بعد شوية بكذا اسم.. مش حاجة تعصب وبشتت التفكير عن الموضوع ..؟ *4*