متى نسحب الأجهزة عن المريض المتوفي اكليني [الأرشيف]

سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث

مشاهدة النسخة كاملة : متى نسحب الأجهزة عن المريض المتوفي اكليني

حنـــــان

02-04-2005, 10:42 AM

حكايه شاغله القنوات و الاذاعات في امريكا من فترة... حكايه المريضه تيري شيافوا (41 سنة) .... اللي تعرضت لسكتة قلبية سنة 1990 اتسببت في موت جزء كبير من مخها ومن ساعتها مش بتقدر تاكل او حتى تبلع لوحدها... وكانت من يوم الحادثة بتعتمد على الأكل عن طريق انبوبة من فمها لبطنها... زوجها قرر انه يشيل الأنبوبة دي وبالفعل اتشالت من يوم 18 مارس والمريضة اتسابت لحد ما ماتت من الجوع يوم 31 مارس...

الناس مقسومه قسمين... قسم يقول كده حرام... ما دام الست لسه عايشه وبتتتفس... حتى لو محتاجة اجهزه للتنفس والأكل... يبقى لازم تعيش لأن ده من حقها ومش من حق حد يقول ان الانابيب والأجهزة تتشال...

والقسم التاني بيقول ان الخطوة دي هيه عين العقل... لأن الست دي ميتة اكلينيكيا... السبب الوحيد اللي مخليها عايشه لحد دلوقتي الأجهزة اللي بتأمر جسمها انه يتنفس ويأكل... لكن هيه لا بتتحرك ولا بتتكلم ولا داريه باللي بيحصل حوليها وكده بنطول عذابها وخلاص... ده زائد ان بقائها عالاجهزه دي بيكلف اهلها والدوله مبالغ كبيره ممكن تنفع في علاج ناس محتاجة وليها أمل في الحياة في حين ان الست دي بتستنزف أموال وهيه مافيش أمل أبدا انها ترجع طبيعية تاني لان خلاص... مخها ميت...

القضية دي بتتكرر كل يوم في كل مكان... ايه الصح؟

انتوا بقى... شايفين ايه. امتى نقول ان المريض ميت ونشيل الأجهزة عنه؟ ايه الاعتبارات اللي لازم ناخدها في الحسبان واحنا بناخد قرار زي ده؟

أنفـــــال

02-04-2005, 11:04 AM

بسم الله الرحمن الرحيم..
الغالية نونا..
شوفي يا نونا..
الرأيين واردين..
لو كان الإنسان اللي عايش بالأجهزة دي يهمني.. يبقى أكيد هابذل قصارى جهدي إنه يفضل عايش..
حتى لو كانت الاجهزة اللي هو عايش بيها كأنه ميت ممكن تدي الحياة لناس تانية محتاجاها عشان تواصل حياتها بشكل افضل مثلاً ..
دة أسلوب عاطفي في التفكير .. مش خاطيء لكنه أناني بعض الشيء... مش بعض الشيء.. كثير الشيء كمان!

الرأي التاني رأي عقلاني و صحيح جداً..
و حسب فهمي فإن إزاحة الأجهزة عن تيري من باب الموت الرحيم.. و لا اعرف ماحكمه شرعاً..
لكن لم يتسن لي البحث عن الرأي الصحيح..و هو رأي الشرع..
و قد تكون لي عودة ..
أنفال

حنـــــان

02-04-2005, 06:47 PM

أنفـــــال الحبيبة... أشكرك عالمرور...
وانا كمان دورت ولاقيت حاجات كويسة عالنت... حاحطها هنا بعد شويه ان شاء الله...

الرأي الأول فعلا عاطفي...لكن الاستنزاف المالي اللي بيحصل للأهل عشان يخلوا المريض ده عايش مش قليل... ممكن الاهتمام بالناحية المادية يبان قاسي... لكن ياما سمعنا عن ناس ضيعت تحويشة عمرها لابقاء مريض ميت اكلينيكا عالاجهزه... وبالتالي مايقدروش يصرفوا على ولادهم ويستلفوا... في حين ان اللي مات مش حيرجع... والشئ الوحيد اللي مخليه بيتنفس هوه الاجهزه دي... هل ده حرام ولا حلال؟

بنت شهريار

02-04-2005, 06:59 PM

عزيزتى نونا ..
موضوع جميل وقاسى فى الوقت ذاته
وبالذات لو كل منا قبل كما ياخد قرارة فكر ان الموضوع دا يخصة هو..
اعذرونى يا جماعة..بس مهما كان المريض وجودة زى عدمة زى ما بيقولوا
اكيد رحمة ربنا كبيرة اوى هاتكون اكبر من رحمة اى حد عاوز يرحم الشخص المريض من مرضه..
اللهم عفوك ورحمتك بينا يا ارحم الارحمين..
تحياتى نونا ..وشكرا لكى..

حنـــــان

02-04-2005, 09:14 PM

حنـــــان

03-04-2005, 02:02 PM

السلام عليكم
انا شايفه ان عشان الواحد يتخذ قرار برفع الاجهزة عن المريض... لازم يكون في تعريف لايه هوه الموت بالظبط... يمكن السؤال يبان عبيط... لكن افرض المريض اقر الاطباء انه ميت اكلينيكيا لكنه بيتنفس عالاجهزة... هل ده ميت ام حي؟

دورت شويه ولاقيت المواقع دي بتساعد في فهم الموضوع واتخاذ القرار الصحيح... انصح المهتم انه يصبر ويقراها للآخر لانها مفيدة...

http://www.werathah.com/islam/cpr.htm

http://www.islamset.com/arabic/alwseka/sad/esaf13.htm

الموقع التالت بيتكلم في جزء منه عن موت الرحمه وده مش موضوعنا ولكن في برضو كلام مفيد

http://www.elwaha-dz.com/din1.htm

بنت شهريار

03-04-2005, 07:37 PM

عزيزتى نونا..
اكيد لازم تحتارى لان الموضوع يحير كتير اوى
واعتقد اننا صعب نمنع التنفس عن جسد حتى لو كان شبه ميت
اعتقد ننتظر رحمه الرحمن افضل..
عفانا الله جميعا من كل سوء..
تحياتى..

بنت مصر

05-04-2005, 01:47 AM

موضوعك جميل جدا اختي الحبيبة نونا

وانا بحكم عملي في شركة اجنبية فقد اخبرني مرة
رئيسي في العمل بان بلادهم سيصدر قرار ان لم يكن
قد صدر بالفعل بان الحالات الميئوس منها واللي عايشة
بتتعذب بيتم حقنها بمادة معينة بحيث انها تقضي على حياتهم
وما يستمروش في العذاب لفترة أطول ... انا بصراحة اتسغربت جدا
هذا الاسلوب الجاحد في الفكر والبعيد عن اي عواطف وبصراحة لا اؤيده ابدا
ولا اؤيد ايضا خلع الاجهزة عن المريض طالما فيه نفس .. والعمر بيد ربنا
وقد يأتي الشفاء بمعجزة من عند ربنا .. يبقى ليه احنا نسابق القدر ؟

بسنت

حنـــــان

05-04-2005, 09:08 AM

الاخت العزيزة بنت شهريار... وبنت مصر الغالية
اسفة عالرد المتأخر

هوه الموضوع صعب بعقل؟ الواحد لما بيقعد شوية يتخيل ان اللي في الموقف ده حد غالي عليه (الشر بره وبعيد الشر بره وبعيد !!) صعب صعب ان قرار زي ده يتاخد... تقولي لنفسك... انا بايدي اعمل كده؟؟ انا اموته بايدي؟؟

لكن...
هل هوه فعلا عايش؟
يبقى لازم هنا نعرف ايه هوه معنى الموت...

الموت زي ما قالوا علماء الدين هوه مفارقة الروح للجسد...

وذكر الإمام الغزالي في كتابه إحياء علوم الدين أن الموت تغير حال فقط ، وأن الروح باقية بعد مفارقة الجسد إما معذبة وإما منعمة ، ومعنى مفارقتها للجسد انقطاع تصرفها عنه بخروج الجسد عن طاعتها ، فإن الأعضاء آلات للروح ..والموت عبارة عن استعصاء الأعضاء كلها

بس التعريف ده ما ينفعناش... هوه احنا حنشوف الروح وهيه بتطلع؟ يبقى لازم يكون في تعريف تاني نقدر من خلاله نتعرف عالموت...

وقال الشيخ الدكتور بكر أبوزيد ، رئيس مجمع الفقه الإسلامي في بحثه القيم عن هذا الموضوع : ( إن حقيقة الوفاة هي مفارقة الروح البدن ، وإن حقيقة المفارقة هي خلوص الأعضاء كلها عن الروح ، من حيث لا يبقى جهاز من أجهزة البدن فيه صفة حياتية ).وقد ذكر الفقهاء علامات على الموت منها : ( انقطاع النفس ، واسترخاء القدمين ، وعدم انتصابهما ، وانفصام الكفين وميل الأنف وامتداد جلدة الوجه ، وانخساف الصدغيين ، وتقلص الخصيتين مع تدلي الجلدة ، وبرودة البدن ) وهذه العلامات جميعها ليست علامات مؤكدة على الموت ما عدا انقطاع النفس الذي ينبغي أن يستمر لفترة من الزمن ، وقد تنبه بعض الفقهاء إلى احتمالات الخطأ في تشخيص الوفاة : فقرر التريث في تشخيص الوفاة : قال الإمام النووي في روضة الطالبين (فإن شك بأن لا يكون به علة ، واحتمال أن يكون به سكتة ، أو ظهرت إمارات فزع أو غيره ،أخر ( أي تشخيص ) إلى اليقين بتغير الرائحة أو غيره ).

العلامات المذكورة دي معظمها السبب الاصلي لها هوه انقطاع الدورة الدموية عن الاعضاء اللي بيتسبب في ان العضلات "تسيب" ويحصل الارتخاء العام ده... والبروده برضوا سببها توقف الدورة الدموية...

طيب ايه اللي بيوقف الدورة الدموية؟ ايه اللي بيتحكم في التنفس؟
ممكن يكون المخ أو القلب...
لكن القلب ممكن انعاشة... اذا كان المخ لسة سليم... يبقى توقف القلب مش شرط يعني الموت لو لحقانه
لكن لو المخ مش سليم... لا يمكن انعاشه لا هوه ولا القلب...

إن موت الدماغ هو موت الدماغ بما فيه من المراكز الحيوية والهامة جدا والواقعة في جذع الدماغ ، فإذا ماتت هذه المناطق فإن الإنسان يعتبر ميتا ، لأن تنفسه بواسطة الآلة المنفسة مهما استمر يعتبر لا قيمة له ولا يعطي الحياة للإنسان . وكذلك استمرار النبض من القلب بل وتدفق الدم من الشرايين والأوردة لا يعتبر علامة على الحياة طالما أن الدماغ قد توقفت حياته ودورته الدموية توقفا تاما لا رجعة فيه . وهذا يشبه تماما ما يحدث عندما تقوم الدولة بتنفيذ حكم الله في القصاص ... في هذه الحالة يضرب السياف العنق فتتوقف الدورة الدموية عن الدماغ ويموت الدماغ خلال دقائق معدودة ( ثلاث إلى أربع دقائق )بينما يبقى القلب يضخ لمدة خمس عشرة إلى عشرين دقيقة ..ويتحرك المذبوح ، وهو أمر نشاهده عند ذبح الدجاج أو الخروف ..ولكن هذه الحركة بذاتها ليست دليلا على الحياة ، طالما أن الدماغ قد مات والأمر ذاته يحدث في الشنق ..فعندما يشنق الإنسان تتوقف الدورة الدموية عن الدماغ بينما يستمر القلب في الضخ لعدة دقائق قد تبلغ ربع ساعة إلى ثلث ساعة ...

ليه ركزوا على جذع المخ ومش المخ كله؟ لان هوه اللي فيه مراكز التحكم اللي بتقول للقلب يدق والرئة تتنفس.

سؤال في بالي بيطرح نفسه دلوقتي

الشخص اللي ميت جذع مخه وممكن يفضل يتنفس بالاجهزه... هل صح ولا غلط اننا نخليه عايش عالاجهزة دي؟ هل هوه بالفعل عايش كده؟

يبقى هنا بقى عشان تكتمل الفكرة قدامنا... مش بس بقينا محتاجين تعريف الموت... ده احنا كمان لازم نعرف معنى الحياة...

تعريف الحياة تكتنفه كثير من الصعوبات في بعض الأحيان فالكائن الحي يتنفس ويتغذى وينمو ويتكاثر...

الكائن الحي المفروض انه بيقدر يعمل الحاجات دي لوحده... بفضل جذع المخ
لو ده مات الكائن الحي مش حيقدر يتنفس ولا يتغذى... يموت...
لو الاجهزة مش موجوده يموت.
وخلايا المخ اللي بتموت ما بترجعش
يعني الشخص ده مافيش امل انه يرجع في يوم من الايام يتنفس وقلبه يدق من غير الاجهزة

السؤال...

هل ابقاءه عالاجهزة مع عدم وجود الامل في رجوعه يعتبر عدم الرضا بالقضاء والقدر؟

أو...

هل شيل الاجهزة نوع من فقدان الأمل في رحمة الله وعدم الأخذ بالحديث الشريف..." تداووا فإن الله لم يضع داء في الأرض إلا وضع له دواء إلا الهرم"
ماهو صحيح العلم بيقول المخ لما بيموت خلاياه مش بتصلح نفسها ابدا... لكن الله سبحانه وتعالى قال " وما اوتيتم من العلم إلا قليلا" (الاسراء/85) وهوه بقى قادر على كل شئ

يبقى ايه الحل؟

على فكرة يا بسنت... موضوع قتل الرحمة موضوع تاني وبرضوا عامل قلق في الغرب وفي بعض الدول خليتوا قانوني فعلا... اولها اعتقد كان هولندا (دول عندهم كلوا قانوني... المخدرات وكلوا... حتيجي على دي؟) وكمان بعض الولايات في أمريكا (نفس الدولة اللي بعض الولايات فيها برضوا عايزين يخلوا الجواز من نفس الجنس قانوني) سيبك منهم الموضوع ده حرام ومفروغ منه... اللي باتكلم عليه هوه المريض الميت اكلينيكيا... وانت قلت ان "والعمر بيد ربنا... وقد يأتي الشفاء بمعجزة من عند ربنا .. يبقى ليه احنا نسابق القدر ؟"
مش يمكن القدر حصل فعلا واحنا اللي مش قابلينه؟ القرضاوي قال:

...مات دماغه بالفعل وتعطلت كل اجهزته الدماغية تعطلا نهائيا لا رجعة فيه من وجهة نظر الاطباء الثقات المتخصصين، ومع هذا يصر أهله وذووه على أن يظل تحت أجهزة الانعاش التي توفر له الغذاء والتنفس واستمرار عمل الدورة الدموية وقد يدوم على هذه الحال شهورا أو سنين وهم ينفقون عليه بسخاء ويظنون بذلك انهم يراعون مريضهم ولا يهملونه في حين انه لم يعد في عالم المرضى بل هو في الواقع في عالم الأموات منذ تحقق موت دماغه بالكلية ومن ثم فان الاستمرار في علاجه بطريق اجهزة الانعاش ضرب من العبث واضاعة للجهد والمال والوقت في غير طائل وهو ينافي ما جاء به الاسلام.

ايه رأيك في الكلام ده؟
أشكركم بشده على مشاركتي حيرتي...

ملاحظة: الاقتباسات من المواقع التلاته اللي حطيتها في مشاركتي اللي فاتت

أحمد ناصر

05-04-2005, 01:37 PM

أختى العزيزة نونا
سمعت فضيلة مفتى الديار المصرية د.على جمعة يقول فى أحد البرامج(البيت بيتك)
أن هناك أشياء يرجع فيها إلى رأى الطبيب
فإذا كانت الأجهزة فقط هى التى تساعد على إبقاء مظاهر الحياة ولكن الوفاة قد حدثت بالفعل
فيجب إزالة هذه الأجهزة طالما لا أمل من الشفاء بدونها (الموت الإكلينيكى) هذا ما فهمته والله أعلم

حنـــــان

05-04-2005, 09:20 PM

الصعيدي

06-04-2005, 05:57 AM

تخيل انت ان القرار في النهاية يكون في ايدك انت... انت عارف اللي لازم تعملة واللي اتفق عليه معظم اهل العلم والدين... لكن هل حيجي لك قلب؟ حط نفسك مكاني... ممكن تقول اني بسأل عشان أتأكد وأريح ضميري

جزاك الله خيرا يا نونا على مشاعرك الطيبة .. بيتهيألي بعد ممارستك الطب لفترة ممكن المشاعر دي تختفي .. هههههه *9* .. والدكتور من دول يبقى عايز يقلب العيان عشان يفضي مكان للي بعده .. أحسن لك ما تشتغليش الشغلانة دي .. هههههه .. ما علينا :d .. هزاااااار .. أحسن الدكاترة يقلبوا عليا .. :d

طبعا واضح انك ملتزمة بحكم الشرع في الموضوع .. وانما المشكلة عندك هيجيلك قلب تعملي كده وللا لأ .. في بعض المستشفيات في الخارج (مش عارف في مصر وللا لأ) بيكتبوا مذكرة على بعض الحالات (no resuscitation) .. بمعنى إنه إذا انقطعت عنه الكهربا أو أجهزة الإنعاش يبقى يترك ولا يتم إعادة انعاشه .. وده لإنه بيكون من واقع الخبرة ما فيش احتمال لعودته للحياة الطبيعية مرة أخرى .. بيتهيألي وانا بعيد عن الموضوع ان الواحد لو كان متأكد فعلا انها مسألة وقت وان مافيش احتمال لعودة الحالة للحياة الطبيعية تاني .. يبقى ضميره مش هيأنبه .. وتقبلي تحياتي

حنـــــان

06-04-2005, 06:22 AM

الصعيدي...
أولا... مبروك ال 1500 مشاركة... وانا سعيده ان المشاركة ال 1500 بالظبط كانت في موضوعي... لانه رقم لذيذ بصراحة http://www.asmilies.com/smiliespic/smiliestxt/009.gif

بيتهيألي بعد ممارستك الطب لفترة ممكن المشاعر دي تختفي

على فكرة أنا اتقالت لي الحكاية دي كتير... http://skins.hotbar.com/skins/mailskins/img/060103/060103con_bor006_prv.gif
وكل مرة أقول ان ده لا يمكن يحصل ابدا...
بس انت ادعي لي الوزارة تخلص ورقي عشان ابدأ شغل بقى http://forum.matlaalshams.com/images/smilies/Ob_mak1.gif

فعلا انا حصل كام مرة في النباتشية بتاعتي ان المريض يتوفى ومرة منهم كان مكتوب له no resuscitation. والواحد فعلا لازم يتقبل الأمر...

المشكلة كمان في الأهل اللي مش بيقبلوا الموضوع ويصروا المريض يفضل عالاجهزة... اعتقد ان لازم يكون في توعية بمعنى موت المخ والموت الاكلينيكي... والناس لازم تعرف العلم والدين قالوا ايه في الموضوع ده... عشان يسهلوا الحكاية عالاهل والدكاترة... ويرحموا المرضى...

هوه موقف غلس بصراحة والشغلانة المنيلة دي ماكانش ليها لازمها هوه انا ناقصة وجع قلب! *13*

الحمد لله على كل شئ... وربنا يهون على مرضانا ويرحم امواتنا...
اشكرك يا الصعيدي...
http://www.q8moda.com/2/uploading/presence.gif

الصعيدي

06-04-2005, 09:58 AM

الصعيدي ... أولا... مبروك ال 1500 مشاركة... وانا سعيده ان المشاركة ال 1500 بالظبط كانت في موضوعي... لانه رقم لذيذ بصراحة

شكرا على التهنئة يانونا *8* .. عقبالك .. والحقيقة أنا أسعد منك بالرقم ده .. لإن دي تالت مرة مجرد ما اقرب من الرقم ده ألاقي ألاقي مشاركاتي نقصت 200 .. 150 .. وارجع تااااااااني .. بس طبعا الواحد بيكبّر :d .. هههههههه .. المرة دي بقى شفت ال 1500 .. أحمدك ياااااااااااااااااااارب

المشكلة كمان في الأهل اللي مش بيقبلوا الموضوع ويصروا المريض يفضل عالاجهزة... اعتقد ان لازم يكون في توعية بمعنى موت المخ والموت الاكلينيكي... والناس لازم تعرف العلم والدين قالوا ايه في الموضوع ده... عشان يسهلوا الحكاية عالاهل والدكاترة... ويرحموا المرضى...هوه موقف غلس بصراحة والشغلانة المنيلة دي ماكانش ليها لازمها هوه انا ناقصة وجع قلب! *13*

آآآآه .. دي فعلا مشكلة .. عدم تقبل الأهل للموقف .. بيتهيألي هنا لازم الواحد يتأقلم مع الحاجات دي .. لحد ما يعرف يتصرف التصرف المناسب .. لإن بقى فيه عناصر تانية غيرك في الموضوع .. زي تدخل الأهل مثلا
أشكرك على ردك الظريف وتهنئك الكريمة .. وتقبلي تحياتي

أحمد ناصر

06-04-2005, 02:33 PM

انا سعيده جدا بمرورك يا أحمد ناصر لأن أسلوبك دايما هادي وواضح...
هيه دي فعلا كانت وجهة نظري من الأول...
لكن بما أني في مجال الطب... عديت بالموقف ده مع الدكاتره اللي كانوا بيدربوني...
تخيل انت ان القرار في النهاية يكون في ايدك انت... انت عارف اللي لازم تعملة واللي اتفق عليه معظم اهل العلم والدين... لكن هل حيجي لك قلب؟ حط نفسك مكاني...
ممكن تقول اني بسأل عشان أتأكد وأريح ضميري

بس هوه الواضح ان شغلانة الطب دي ما كانش ليها لازمة http://www.asmilies.com/smiliespic/gefts_m1/Gif0405_094.gif

اشكرك مرة تانية واهلا بيك http://www.asmilies.com/smiliespic/avatars/010.gif
أختى العزيزة د.نونا
طبعا شغلانة الطب لها لازمة
وتخيلى معى كم الثواب الذى سيجازيك الله به إن شاء الله
مهنة الطب من أجمل وأسمى وأنبل المهن
وطبعا الشعور المرهف للطبيب شيء جميل جدا ويدل على سموه ونبله
لكن بالطبع يجب ألا تطغى رقة المشاعر على القرارات اللازم إتخاذها حيال المرضى
وأحب أن تطلعى معى على هذه الحالة فى الرابط التالى
يوميات طبيبة ...مازلت أبكي عليها (http://www.egyptsons.com/misr/showthread.php?threadid=25053)
وتحياتى لأخى الحبيب الصعيدى ولكل من شارك بالموضوع

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث