بنت مصر
01-04-2005, 05:06 PM
لسنوات طويلة كنا نظن أن هامش الحرية في مصر اكبر من باقي دول
المنطقة فقط ، ولكن اليوم ثبت أنك في مصر تتمتع بحرية اكبر
من كل دول العالم ، والا فاذكري لي مكانا واحدا في العالم
تتمتع فيه بالحريات التالية:
تستطيع ان تركن سيارتك في اي مكان على الرصيف الأيمن أو الأيسر
أو حتى في منتصف الطريق ادا كنت مستعجلا، لن يعترض اي حد
على حريتك في اغلاق الطريق حتى لو تعطلت مصالحهم، فقد
اعتادوا ان يفعلوا مثلك كثيرا !
تستطيع ان تركن السيارة طوليا أو عموديا أو بالورب، تستطيع ان ترى
الناس الذين الذين يستمتعون بهذه الحرية على أي رصيف ، سيارة راكنه
بالطول وأمامها واحدة راكنه بالعرض وخلفها واحدة راكنه على المايل ،
والكل سعيد بحريته!
تستطيع ان تركن صف أول أو ثاني أو ثاني مكرر ... براحتك، حتى لو
كنت راكن صف تالت ، وقفلت على حد مش مشكلة ، ما هو كمان راكن
صف تاني وقافل على ناس صف أول ، والصف الأول قافل على
الناس اللي راكنة على الرصيف ! حرية يا راجل!
للسيارات حرية الركن على الرصيف – والسير عليه
أحيانا – وللمشاه حرية السير في منتصف الطريق – والوقوف
لو أرادوا- تقدر تعمل كده ان شاء الله في امريكا؟
للتاكسيات أو الميكروباصات حرية الوقوف في اي لحظة في أي مكان
من الطريق لالتقاط راكب طائش سواء على جانب الطريق أو منصفة
أو مطلع كوبري أو منزل نفق وكل الشارع يحترم حريتهم في البحث
عن لقمة العيش!
وطبعا سر هذا الاحترام هو تمتعهم بحرية استخدام قاموس الشتائم التذكاري ،
وبرضه ما حدش بيعترض على الحرية دي ، ولو حاولت تودي واحد منهم
القسم وتقول لحد هناك ان السواق قليل الأدب وبيستعمل الفاظ أبيحه ،
حيقولوا لك: معلش يا توتو ، أصلهم سواقين ولاد ....
وتسمع كلمة ألعن من اللي قالها السواق!
تستطيع ان تستمتع انت أيضا ببعض حريات ساقي الميكروباص ، فيمكنك ان تقف
في أي مكان فجأة وتفتح باب سيارتك على وسعه لانزال واحد صاحبك عشان
لقى كشك عايز يشتري منه علبة سجاير او باكو لبان بيطرقع!
تستطيع ان تسير في اي حارة في الطريق او حتى
بين أي حارتين هو انت برضه وش حواري؟!
لو انت صاحب محل أو كشك تقدر تفرش بضاعتك على الرصيف
ما انت برضه اولى من العربيات وكمان انت جر تمنع الانتظار امام
محلك أو تسمح بيه حسب حالتك المواجية ، أو تقل دم سواق العربية اللي حتركن!
تستطيع ان تنحرف يمينا او يسارا في اي وقت تشاء بدون
أن تزعج نفسك بحكاية الاشارات والكلام الفارغ ده!
تستطيع ان تسير في الحارة اليمنى من الطريق عشان تدخل شارع شمال،
لان كل العبط اللي داخلين شمال بيقفوا في الشمال في صف طويل ،
لف انت حواليه وعدي قبلهم
----------------- --------------------- ------------
سؤال في التربيه القومية
اذكر خمسة من الحريات التى يتمتع بها المواطن
المصري (غير اللي مكتوبة فوق)؟
ملحوظة:
أنا غير موافق على اغنية اديها كمان حرية اللي بنسمعها
في الراديو والتليفزيون .. حرية ايه اكتر من كده يا راجل؟!
منقول بالحرف لكاتب اسمه جحا المصري
المنطقة فقط ، ولكن اليوم ثبت أنك في مصر تتمتع بحرية اكبر
من كل دول العالم ، والا فاذكري لي مكانا واحدا في العالم
تتمتع فيه بالحريات التالية:
تستطيع ان تركن سيارتك في اي مكان على الرصيف الأيمن أو الأيسر
أو حتى في منتصف الطريق ادا كنت مستعجلا، لن يعترض اي حد
على حريتك في اغلاق الطريق حتى لو تعطلت مصالحهم، فقد
اعتادوا ان يفعلوا مثلك كثيرا !
تستطيع ان تركن السيارة طوليا أو عموديا أو بالورب، تستطيع ان ترى
الناس الذين الذين يستمتعون بهذه الحرية على أي رصيف ، سيارة راكنه
بالطول وأمامها واحدة راكنه بالعرض وخلفها واحدة راكنه على المايل ،
والكل سعيد بحريته!
تستطيع ان تركن صف أول أو ثاني أو ثاني مكرر ... براحتك، حتى لو
كنت راكن صف تالت ، وقفلت على حد مش مشكلة ، ما هو كمان راكن
صف تاني وقافل على ناس صف أول ، والصف الأول قافل على
الناس اللي راكنة على الرصيف ! حرية يا راجل!
للسيارات حرية الركن على الرصيف – والسير عليه
أحيانا – وللمشاه حرية السير في منتصف الطريق – والوقوف
لو أرادوا- تقدر تعمل كده ان شاء الله في امريكا؟
للتاكسيات أو الميكروباصات حرية الوقوف في اي لحظة في أي مكان
من الطريق لالتقاط راكب طائش سواء على جانب الطريق أو منصفة
أو مطلع كوبري أو منزل نفق وكل الشارع يحترم حريتهم في البحث
عن لقمة العيش!
وطبعا سر هذا الاحترام هو تمتعهم بحرية استخدام قاموس الشتائم التذكاري ،
وبرضه ما حدش بيعترض على الحرية دي ، ولو حاولت تودي واحد منهم
القسم وتقول لحد هناك ان السواق قليل الأدب وبيستعمل الفاظ أبيحه ،
حيقولوا لك: معلش يا توتو ، أصلهم سواقين ولاد ....
وتسمع كلمة ألعن من اللي قالها السواق!
تستطيع ان تستمتع انت أيضا ببعض حريات ساقي الميكروباص ، فيمكنك ان تقف
في أي مكان فجأة وتفتح باب سيارتك على وسعه لانزال واحد صاحبك عشان
لقى كشك عايز يشتري منه علبة سجاير او باكو لبان بيطرقع!
تستطيع ان تسير في اي حارة في الطريق او حتى
بين أي حارتين هو انت برضه وش حواري؟!
لو انت صاحب محل أو كشك تقدر تفرش بضاعتك على الرصيف
ما انت برضه اولى من العربيات وكمان انت جر تمنع الانتظار امام
محلك أو تسمح بيه حسب حالتك المواجية ، أو تقل دم سواق العربية اللي حتركن!
تستطيع ان تنحرف يمينا او يسارا في اي وقت تشاء بدون
أن تزعج نفسك بحكاية الاشارات والكلام الفارغ ده!
تستطيع ان تسير في الحارة اليمنى من الطريق عشان تدخل شارع شمال،
لان كل العبط اللي داخلين شمال بيقفوا في الشمال في صف طويل ،
لف انت حواليه وعدي قبلهم
----------------- --------------------- ------------
سؤال في التربيه القومية
اذكر خمسة من الحريات التى يتمتع بها المواطن
المصري (غير اللي مكتوبة فوق)؟
ملحوظة:
أنا غير موافق على اغنية اديها كمان حرية اللي بنسمعها
في الراديو والتليفزيون .. حرية ايه اكتر من كده يا راجل؟!
منقول بالحرف لكاتب اسمه جحا المصري