سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : اسكندرية ماريا 2 - سان ستيفانو

حنـــــان
01-04-2005, 05:51 AM
السلام عليكم ورحمة الله وبركاته...

النهارده بقى قلت اروح اصور البحر في عز نوة عوه! اصلها آخر نوة ومافيش بعدها ولا نوة... خلاص الصيف قرب كل سنة وانتوا طيبين!

نزلت اتمشى مع الوالد عند سان ستيفانو... الهوا كان جااامد... بس البحر ماكناش "متكدر" قوي ومافيش موج عالي... فمعرفتش اصوره... وزعلت... بس قلت اصور سان ستيفانو ذات نفسه بقى!!

آه... مقهوره منه! موقعه روعه ولما يخلص حيبقى تحفه... بس 2 مليون على شقه حرام يا ناس...

بس يظهر مش انا لوحدي اللي مقهوره منه... واحنا في التاكسي ومعديين من جمبه... السواق بيهزر وبيقول لبابا... "طب ايه رأيك ان انا حاجز تلات تدوار فيه... ناقص قرشين كده... بس مش مشكله... ابيع ال 124 دي... واسدد اللي عليا"... بابا قاله... "وحتعمل ايه بالباقييي؟؟؟" ههه...

الوالد بعد كده ذكر ان المتر في سان ستيفانو يجي له ب15 الف جنيه... فالسواق قرر انه يشتري نص متر!


اسكندرية مارية 1 (http://www.egyptsons.com/misr/showthread.php?t=27099)
aynad
25-04-2006, 01:07 AM
معقوووووول دة تصويرك يا حنوووووونة
والله برااافوووو عليكي تنفعي
osha
25-04-2006, 03:39 AM
طيب الموضوع دا بقاله سنة ياترى عملت حسابك تكملي باقي القصة بتاعة السواق
عامة لو ماكانش قدر يلحق شقة انا اصلا بافكر ابيع الشقة بتاعتي هناك وكويس انك لقيتي لي مشتري
دي عالم فاضية سيبك انت
المهم يعني الصورة جميلة اوي اناازاي ماشفتهاش الا دلوقت
حنـــــان
25-04-2006, 10:25 AM
متشكرة يا ايناد الحمد لله ان الصورة عجبتك :)

رشا... أكمل حكاوي لأ... انما ممكن أصور سان ستيفانو دلوقتي تاني بعد ما خلاص قرب يخلص خالص... المفروض تسليم الشقق يبتدي الصيف ده على ما سمعت.
يا سلام... شقة عالبحر كده تبقى جميلة... تقومي مالنوم كل يوم تلاقي البحر قدامك... في بعد كده جمال؟
رافض للقانون
09-05-2006, 06:31 AM
انتى مصورها منين من مركب
bedo_ic
09-05-2006, 06:44 AM
جميله يا حنان
تحياتى
ميمو المصرى
09-05-2006, 10:34 AM
جميله يا حنان شكرا على الصوره
حنـــــان
09-05-2006, 04:36 PM
رافض القانون... لا مش من مركب... في لسان صناعي طالع بعد ستانلي بشويه كنت واقفه في آخره وأنا باصور.

عمرو... متشكرة يا عمرو ان شاء الله ترجع اسكندرية قريب وتشوف المنظر عالطبيعة... المكان تقريبا خلص دلوقتي... ولسه فاتحين المول والمطاعم من أسبوع تقريبا...

ميمو اليكس... العفر ونورت الموضوع.
fencer
09-05-2006, 06:54 PM
الصراحة يا حنان كل شيئ في اسكندرية جميل
تسلم ايدك و في انتظار الباقي
حنـــــان
09-05-2006, 07:29 PM
عندك حق يا فينسر... وده باكتشفه كل يوم.
كل الشكر عالمرور والتشجيع.

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث