MQQN_TEARS
31-03-2005, 09:26 AM
اولا اريد ان اشرح الموضوع
بعيد بقا عن الفصحى نتكلم عامى كدا احسن
انا كنت طالب و كان شاغل تفكيرى حاجة مهمة جدا جدت علينا فى الزمان ده بس
و هى
الفلوس و العلام ( التعليم العالى )
ايه اللى يكسب
مين المهم
الفلوس ,,,,,,,,,,,,,,,,
ولا التعليم العالى .................
فيه مثل انجليزى بيقول
التعليم مهم بس مش ضرورى و الفلوس مهمة و ضرورية
و دى النقطة اللى بتكلم عليها
علشان كدا بدأت فى كتابة اوبريت و لسه وخلصتوش
لأنى معدتش قادر على الحوار المتضاد اللى جوا نفسى و اللى هتشوفوه و تحسوه لما تبدأوا فى القرأة
يفتح الستار
المكان : احد الفصول التعليمية للمرحلة الثانوية
الزمان : وقتنا الحاضر
المشهد : مدرس يقف أمام التلاميذ و يشرح على السبورة درس و هو ....
م: العلام
شىء مهم ييجى فى أول مقاق
العلام
بالعلام تصبح مدير أو سفير
أو مهندس أو مدرس أو وزير
ت1: يا سلام
بالعلام أصبح وزير
مش كتير
م: مش كتير
م الوزير كان زمان قبلك يا شاطر
م التلاميذ الصغار
و العلام خلاه يعافر
لما اصبح بقتدار
واحد من الناس الكبار
ت1: الكبارايه يعرفوا غير اللى فات
ت2: اللى مااااااااات
ت1: اللى مش ممكن هينفع للنهاردة
(ينظر الى المدرس بإبتسامة ساخرة )
يا عزيزى احنا ابناء الزمان ده
والزمان ده زمن فلوس
مش شعارات تعليمية
بالفلوس اقدر أدوس ع العلوم الجامعية
أنت مثلا ( مشيرا للمدرس )
كنت هتعيش م المهية .. ولا لازم م الدروس
م: ( مرتبكا ) أنا... أناقصلى
ت1(مقاطعا ) الفلوس تبنيلى قصرى
أبقا شيك أبقا عصرى
أبقا واحد م الناسات المعروفين
ت2(ساخرا مصيحا ) تبقى واحد م الناسات الهباشين
ت1(مبتسما بسخرية ) أبقا واحد م الناسات الهباشين
( يلتفت للمدرس ) أبقا واحد م الناسات المشهورين
تنحنى قدامى هامة .. أى واحد م العوام
م: (منفعلا صارخا ) الكلام ده مش تمام
الكلام ده هيتعدم
لجل ما أكسب لحترام
لازم أبقا محترم
والثقافة م تنشريش
الثقافة دى إكتساب
والفلوس م تشتريش
غير الكلاب
إنما بالعلم يا ابنى
ينفتحلى ألف باب
ت1(بسخرية و ابتسامة مستفزة ) أى باب مقفول يا سيدى
الوسايط تفتحه
والفلوس م دام ف ايدى
الوسايط يطرحو
يبقو زى غيط درة مليان عيدان
تمشى فيه و تدور تقطف ف الكيذان
_____________________
هنا وقفت يا أخوتى الاعزاء
الصراع اللى داير جوايا تعبنى و معدتش قادر اعبر عن اى حاجه
حسيت انى جوة دايرة مقفولة و مش لاقى مخرج
حاولوا تجاوبونى
واى حد ليه راى يا ريت أعرفة لأنى لحد النهاردة عايش فى الصراع ده
أخوكم المعذب
MQQN_TEARS
بعيد بقا عن الفصحى نتكلم عامى كدا احسن
انا كنت طالب و كان شاغل تفكيرى حاجة مهمة جدا جدت علينا فى الزمان ده بس
و هى
الفلوس و العلام ( التعليم العالى )
ايه اللى يكسب
مين المهم
الفلوس ,,,,,,,,,,,,,,,,
ولا التعليم العالى .................
فيه مثل انجليزى بيقول
التعليم مهم بس مش ضرورى و الفلوس مهمة و ضرورية
و دى النقطة اللى بتكلم عليها
علشان كدا بدأت فى كتابة اوبريت و لسه وخلصتوش
لأنى معدتش قادر على الحوار المتضاد اللى جوا نفسى و اللى هتشوفوه و تحسوه لما تبدأوا فى القرأة
يفتح الستار
المكان : احد الفصول التعليمية للمرحلة الثانوية
الزمان : وقتنا الحاضر
المشهد : مدرس يقف أمام التلاميذ و يشرح على السبورة درس و هو ....
م: العلام
شىء مهم ييجى فى أول مقاق
العلام
بالعلام تصبح مدير أو سفير
أو مهندس أو مدرس أو وزير
ت1: يا سلام
بالعلام أصبح وزير
مش كتير
م: مش كتير
م الوزير كان زمان قبلك يا شاطر
م التلاميذ الصغار
و العلام خلاه يعافر
لما اصبح بقتدار
واحد من الناس الكبار
ت1: الكبارايه يعرفوا غير اللى فات
ت2: اللى مااااااااات
ت1: اللى مش ممكن هينفع للنهاردة
(ينظر الى المدرس بإبتسامة ساخرة )
يا عزيزى احنا ابناء الزمان ده
والزمان ده زمن فلوس
مش شعارات تعليمية
بالفلوس اقدر أدوس ع العلوم الجامعية
أنت مثلا ( مشيرا للمدرس )
كنت هتعيش م المهية .. ولا لازم م الدروس
م: ( مرتبكا ) أنا... أناقصلى
ت1(مقاطعا ) الفلوس تبنيلى قصرى
أبقا شيك أبقا عصرى
أبقا واحد م الناسات المعروفين
ت2(ساخرا مصيحا ) تبقى واحد م الناسات الهباشين
ت1(مبتسما بسخرية ) أبقا واحد م الناسات الهباشين
( يلتفت للمدرس ) أبقا واحد م الناسات المشهورين
تنحنى قدامى هامة .. أى واحد م العوام
م: (منفعلا صارخا ) الكلام ده مش تمام
الكلام ده هيتعدم
لجل ما أكسب لحترام
لازم أبقا محترم
والثقافة م تنشريش
الثقافة دى إكتساب
والفلوس م تشتريش
غير الكلاب
إنما بالعلم يا ابنى
ينفتحلى ألف باب
ت1(بسخرية و ابتسامة مستفزة ) أى باب مقفول يا سيدى
الوسايط تفتحه
والفلوس م دام ف ايدى
الوسايط يطرحو
يبقو زى غيط درة مليان عيدان
تمشى فيه و تدور تقطف ف الكيذان
_____________________
هنا وقفت يا أخوتى الاعزاء
الصراع اللى داير جوايا تعبنى و معدتش قادر اعبر عن اى حاجه
حسيت انى جوة دايرة مقفولة و مش لاقى مخرج
حاولوا تجاوبونى
واى حد ليه راى يا ريت أعرفة لأنى لحد النهاردة عايش فى الصراع ده
أخوكم المعذب
MQQN_TEARS