سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : اقفل انت .. لأ انتي!

lost
30-03-2005, 09:25 PM
اقفل انت .. لأ انتي!

عجيبة أمور المحبين في بلدنا! .. يا جدع فعلا بتلاقيهم بيعملوا
تصرفات بتكون بالنسبه لك قمة في الرزالة وتقل الدم.. انما بالنسبه ليهم .. رومانسية و حب!
يا أخي تلاقيهم بيشوفوا بعض في كليتهم الصبح . وبعد الضهر يكلمها يقولها وحشتني! ... يا كذاب انت لحقت! .. ولا يكلمها يقولها وحشني صوتك ...هو يعني اتغير فيه حاجة! .. ماهو هو ! ولا زاد عليه نغمتين ولا هيبقى صوت ام كلثوم!
المشكلة بقة انه فعلا رزق الهبل ع المجانين! .. والله انا بحسد شركات الموبايل في بلدنا على الذهب اللي بيكسبوه من الهبل دول! .. ممكن يتكلموا مكالمه ساعه.. نصها ساعتين بيسمعوا تنهيدات بعض .. والنص التاني يقولها وحشتني ..ومقدرش اعيش من غيرك ... ولا الكارثة بقه .. في آخر المكالمة .. خد عندك بقه ربع ساعة (اقفل انت .. لأ اقفلي انتي) ..وصباح الملل والناس الفاضية ..يا عم ما تقفل انت ماهو الغلبان اللي طالب هو اللي بيكع !
المفروض نتفق على حاجة .. يعني عشان نوفر في الفلوس يا جماعة .. بص يابني .. بدال ما كل مكالمة تقعد تقول : وحشتيني .. بحبك .. بموت فيكي .. حياتي من غيرك ملزقة والحوارات دي .. اتفق على حاجة .. يعني أول ماتكلمها .. قولها .: عارفة الاسطوانه اياها ..؟ هتقولك .. ايوه يا مضروب .. ويبقى خلاص .. وفرتوا الفلوس والوقت ! وتدخلوا في المهم .. وبما انه مفيش مهم .. نوصل لآخر المكالمة .. وطبعا تنسى موضوع اقفل انت و انتي.. احنا نتفق ان اللي هيقفل ا الآول هو اللي بيحب التاني أكتر .. عشان مش عايز يسمع صوتوا كتير عشان ميزهقش منه! انت اشفهمك في الحب يا بني! .. اسألني أنا!


منقووووووووووووووووول بس عايزة اناقش ياترى احنا فعلا هبل للدرجة ديه
boukybouky
30-03-2005, 10:20 PM
"اتفق على حاجة .. يعني أول ماتكلمها .. قولها .: عارفة الاسطوانه اياها ..؟ هتقولك .. ايوه يا مضروب .. ويبقى خلاص .. وفرتوا الفلوس والوقت !"

هههههههههههههههههههههههههههههههههههههه

ديه كده مش مكالمة عشاق يا lost خالص

للأسف فيه ناس هبلة كده بس متهيألي اللي كده

مش اللي بيحب بجد , اللي عايزين يحسوا انهم عايشين قصة

حب وردية و بس , حاجة كده زي عبد الحليم في الوسادة الخالية

تقبلي تحياتي,,,
Abdou Basha
30-03-2005, 10:27 PM
بيقلدوا الأفلام العربي .. عندهم فراغ.. عالم هايفة.. بيمثلوا عشان يبقى اسمهم حبوا (بالاسم).. إلخ

ياريتك يا مي .. تتابعي الحالات دي لحد بعد الجواز ..

أعتقد إنهم حيكونوا باعوا موبايلاتهم ..هههههههه
MaTR|X
30-03-2005, 10:55 PM
ههههههههههههههههه
موضوع لذيذ يا lost و مكلف
الله يكون فى عون اللى فاكرين نفسهم حبيبا

دا حكاية ( اقفل انت .. لأ انتي! ) دى لواحدها خراب بيوت
lost
30-03-2005, 11:18 PM
والله يا بوكى بوكى ( ياريت تبقى تقوليلى اسمك الحقيقى لان اسمك المستعار طويل جدا )

الواحد بيحزن لما يشوف الهبل ده دول بجد ناس فاضية .

اشكرك على مرورك الجميل .
lost
30-03-2005, 11:20 PM
عبدوا باشا

تفتكر هما اللى زى دولا بيتجوزوا بعض اصلا ديه تبقى مصيبة ههههههههههههه .
lost
30-03-2005, 11:23 PM
ماتريكس تعليقك لذيذ جدا .

الله يكون فى عون الاهالى اللى بتدفع الفواتير مش اللى فاكرين نفسهم حبيبة لانهم فى الاغلبية بيبقوا

مراهقين .
أشجان الليل
01-04-2005, 01:01 AM
ههههههه
فكرتيني بنفسي وانا بكلم خالتى الصغيره فى التليفون...
نفضل نقول لبعض اقفلى انتى.. لأ انتى..
فى الآخر نعد واحد اتنين تلاته ونقفل سوا :)

الموضوع فعلا.. محتاج دراسه..
حكاية الناس اللى بتمثل على نفسها الحب دى..
هو الفراغ بيعمل كده فعلا!!
ده فراغ خالص..
أعتقد انه مش فراغ عاطفى.. لأ.. لأ....
ده فراغ نهائي.. يمكن مافيش مخ كمان..
إن الواحد يكدب على روحه ويصدق نفسه!

يادى النيله..بلاش نعك فى الكلام..
أحسن يطلع لنا حد حبييب يرمينا بره !!!
سلامو عليكو
حنـــــان
01-04-2005, 04:52 AM
عيال فاضيه...
في مثل انجليزي مش فاكره المقابل العربي له بيقول:

Idle Hands are the Devil's Playground

ولا الرسايل اللي عالتلفزيون...

بصوا يا جماعه احنا لو جدعان نستفيد احنا "العقلاء" من الحكايه دي... كل واحد محوش له قرشين يشتري بجزء منهم كام سهم في موبينيل وكام سهم في فودافون ويكسب من وراهم بدل ما همه مكوشين على كله كده...
يعني مثلا النهارده... موبينيل بدأت اليوم 166 جنيه للسهم... وآخر اليوم قفلت على 175... يعني اللي اشترى اول اليوم... على آخره كسب 9 جنيه للسهم... والفودافون بادي اليوم ب 72 جنيه وقفل على 75...
ايه رأيكوا بقى؟ :)
بنت شهريار
02-04-2005, 07:08 PM
هههههههههههههههههههههههه
والله يالوست انتى جبتى الموضوع من الاخر..
واكيد دى مش حكاية اسطوانات ولا افلام عربى..لا حبيبتى دى دماغ فاضية مافيهاش كلام يتقال..
فابدل ما تقوله انت مش بتحبنى ولا تقول عليه خيبه ومالوش فى الحب ولا كلام الغرام..
فقال يرحم نفسه ويسمعها كلام الحب المكرر اللى مش بيتغير ابدا..
لان لو فيه مواضيع جد يتكلموا فيها اكيد مش هايكون فى وقت للتكرار اللى اكيد حفظتة..
اما بقى حلفانات التليفون وعزايم على اللى يقفل الاول دى بقى موضوع تانى
ويعينى على اللى متصل وهايدفع الفاتورة..ربنا يعينه
شكرا ليكى..تحياتى
lost
04-04-2005, 08:47 PM
ههههههه
فكرتيني بنفسي وانا بكلم خالتى الصغيره فى التليفون...
نفضل نقول لبعض اقفلى انتى.. لأ انتى..
فى الآخر نعد واحد اتنين تلاته ونقفل سوا :)



هههههههههههههههه طيب والله اقتراح حلو هابقى اقوله لصاحب المقال
lost
04-04-2005, 08:56 PM
عيال فاضيه...
في مثل انجليزي مش فاكره المقابل العربي له بيقول:

Idle Hands are the Devil's Playground

ولا الرسايل اللي عالتلفزيون...

بصوا يا جماعه احنا لو جدعان نستفيد احنا "العقلاء" من الحكايه دي... كل واحد محوش له قرشين يشتري بجزء منهم كام سهم في موبينيل وكام سهم في فودافون ويكسب من وراهم بدل ما همه مكوشين على كله كده...
يعني مثلا النهارده... موبينيل بدأت اليوم 166 جنيه للسهم... وآخر اليوم قفلت على 175... يعني اللي اشترى اول اليوم... على آخره كسب 9 جنيه للسهم... والفودافون بادي اليوم ب 72 جنيه وقفل على 75...
ايه رأيكوا بقى؟ :)

ممكن يكون قصدك الايد البطالة نجسة ؟؟؟؟؟؟؟؟؟؟

بس تعرفى يانونا اقتراحك ده بيدل على انك ممكن تكونى سيدة أعمال وعقلك ده ممكن يكسبك ثروة فى عصر الرأس مالية اللى بنعيشوا دلوقتى بس تفتكرى ان المهم المكسب ولا المهم اننا نعالج ظواهر الجهل والاستهتار وتكبير الدماغ اللى منتشرة عندنا فى وهى ديه أسس التخلف عندنا احنا مش ناقصين فلوس ولا امكانيات احنا ناقصين عقول تستغل هذه الامكانيات وتوظفها صح .
وأعتقد أنه من ناحية الاقتصاد اقتراحك فعال ومجدى ولكن من الناحية الثقافية والحضارية فإننا نستغل عيوب الامة بتاعتنا فى الكسب المادى ولذلك فان اقتراحك ده ممكن ناخده فى موضوع مستقل حتى لا يعتقد الناس اننا نريد أن نستغل هبل امتنا لتحقيق مكاسب مادية.

وشكرا على مرورك وردك .

ومتقلقيش رجعالك فى لعبة البيض :d
lost
04-04-2005, 08:59 PM
فابدل ما تقوله انت مش بتحبنى ولا تقول عليه خيبه ومالوش فى الحب ولا كلام الغرام..



هههههههههههههههههه

شكرا على مرورك وتعليقك يا بنت شهريار
سـلـوى
04-04-2005, 09:02 PM
هههههههههههههههههه انا فضلت اضحك ضح يا لوست تسلمى لعى النقل بجد

حقيقى دة بيحصل

شباب فاضية و عاملة نفسها روشة و حبيبة و انا بحبها يبقى لازم احسسها انى بدفع علشانها و الافكار الهبلة دى

و صدقينى الهبل كتير اوى الايام دى عادى..............شباب فاضى و بعيد عن الله عيزاة يكون اية يا حبيبتى

ربنا يهدى الجميع
حنـــــان
04-04-2005, 09:04 PM
عندك حق
والله اخلجتيني بردك ده *7*
بس برضوا مش حسيب لك لعبة البيض :d


ممكن يكون قصدك الايد البطالة نجسة ؟؟؟؟؟؟؟؟؟؟

بس تعرفى يانونا اقتراحك ده بيدل على انك ممكن تكونى سيدة أعمال وعقلك ده ممكن يكسبك ثروة فى عصر الرأس مالية اللى بنعيشوا دلوقتى بس تفتكرى ان المهم المكسب ولا المهم اننا نعالج ظواهر الجهل والاستهتار وتكبير الدماغ اللى منتشرة عندنا فى وهى ديه أسس التخلف عندنا احنا مش ناقصين فلوس ولا امكانيات احنا ناقصين عقول تستغل هذه الامكانيات وتوظفها صح .
وأعتقد أنه من ناحية الاقتصاد اقتراحك فعال ومجدى ولكن من الناحية الثقافية والحضارية فإننا نستغل عيوب الامة بتاعتنا فى الكسب المادى ولذلك فان اقتراحك ده ممكن ناخده فى موضوع مستقل حتى لا يعتقد الناس اننا نريد أن نستغل هبل امتنا لتحقيق مكاسب مادية.

وشكرا على مرورك وردك .

ومتقلقيش رجعالك فى لعبة البيض :d
Hesham Nassar
04-04-2005, 09:55 PM
منقووووووووووووووووول بس عايزة اناقش ياترى احنا فعلا هبل للدرجة ديه

الهبل كتير ..

بس مش كلنا هبل .. *137*

و نقول إيه .. :)

الفاضي يعمل قاضي .. *147*

و الغاوي بنقط بطاقيته ... *158*

و ربنا يهني سعيد بسعيده .. *155*


.
أحمد ناصر
07-04-2005, 04:12 PM
سمع النبى الله سليمان ذات يوم عصفور يغازل عصفورة ويقول لها:لو شئت لحملت لك عرش سليمان بمنقارى
فتبسم نبى الله قائلا:كم زين العشق للعاشقين كلاما
[line]
موضوع جميل يا مي
وكل المشاركات به لطيفة
فشكرا لك ولكل من شارك
lost
10-04-2005, 08:39 PM
أخى العزيز

هشام ناصر

أشكرك على مرورك الخفيف خفيف جدا هههههههههههه
lost
10-04-2005, 08:42 PM
أحمد ناصر

بس بجد المثال اللى انتى جبته بجد جميل

نشكرك على هذه المعرفة التى أعطتنا اياها
allyibrahem
11-04-2005, 11:43 AM
أنتوا عارفين لو المكالمة دي من واحد متجوز لمراته أو العكس ده كانوا خدوا قد إيه ثواب.......
و عارفين لو مفيش بينهم مشروع جواز على الأقل فهما خدوا قد إيه ذنوب....
عارفين هتقولوا أن الراجل المتجوز و بيكلم مراته في التليفون ده يبقى راجل أهبل؛ لكن هأولكم ده راجل عاقل جداً لأنه كدا بكسب حب مراته أكتر و في نفس الوقت بيكسب ثواب حتى لو بيكدب عليها في التليفون.
sea_wolf
11-04-2005, 11:59 AM
السلام عليكم *3*
هههههههههههههههههههههههههههههههههههههههههههههههههه ههههههههههه:d هههههههه:d
اولا شكرا يا اخت lost على الموضوع ابو دم خفيف اوى دة
والغريبة الاكتر ان كل الاعضاء مقتنعيين ان دة عبط ( قال يعنى محدش عمل كدة )
بصى يا ستى انا عن نفسى كنت بعمل كدة ......... مش نظام عيال زى ما الباقى بيقول .ولا مراهقة لاننا كن عمرنا عدنا العشرينات بتلت اربع خطوات ( دلوقتى واحد هيطلع يقولى يبقى مراهقة متاخرة*46* )*164* *166* .......كنت (كنت بحب لدرجة انى كنت معتقد ان حبها بيمشى فى دمى وكنت بعمل كل شئ علشانها هى بمعنى انى باكل واعيش من اجلها بصلى علشان ربنا يوفقنى فى الارتباط بيها بحلق علشن اكون شكى جميل امامها وقيسى على ذلك بس بعد كدة كلو محصلش نصيب وافترقنا).................*54* ...............
بس يمكن لاننا كنا بعاد عن بعض كل واحد فى قارة الرابط الوحيد الى بنا الشات والتليفون
كنا بعد ما بنخلص شات نتصل ببعض ................علشان ننام على صووت بعض( قال يعنى كروان )..........*50* بس موضوع اقفل انت ولا انتى مكنش بيحصل لان اصلا شركة التليفونات والكارت مكانش يخلينى ندلع مع بعض .كونا بالعافيه بنلحق نقول مع السلامة وخالى بالك من نفسك قبل ما الكارت يخلص
هههههههههههههههههههههههههههههههههههههههههههههههههه هههههههههههههههههههههههههههه*7*
انا عارف هشبع تريقة على الكلام دة بس دة رائى
اننا لو عشنا حياة بدون رومانسية يبقى هنعيش فى صحراء
بس مش مع كل الناس نبقى رومانسيين ... مع انسان واحد بس من وسط الكون كلو
وشكرا *66* *68* *82*

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث