سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : هل هو استغلال ولا اختلاس ولا ايه ولا حلال و عادي ؟

أحمد المليجي
29-03-2005, 07:04 PM
بسم الله الرحمن الرحيم

الموضوع اللي عاوز اتكلم معكم فية لو حد حب يشترك , ربما يكون يخفي عن البعض حكمة او البعض الاخر يتجاهلة و اصبح الكثير يعتبره عادي جدا وهو

استخدام ادوات و اشياء العمل في غير العمل اي للاستخدام الشخصي
يعني مثلا زي الموظفين اللي في الحكومة و بيخدو الكربون و الورق الابيض بحجة انة بيترمي و غيرها من الادوات المكتبية او مثلا موظف في شركة و يستخدم الطباعة في اغراض شخصية او حتي اللي بيستخدم جهاز الكمبيوتر بتاع العمل في غير العمل او اي شىء اخر او حتي الظابط اللي بيخلي عربية الحكومة توصل عيالة المدرسة و الامثلة موجودة كتير جدا جدا

يا تري انتو نظرتكم اية للموضوع دي او ايه رأيكم ياريت حد *11* يفهمني عشان اصلي ناس كتير اوي بتقولي اني محبكها اوي و مزودها شويه

@@
بنت مصر
29-03-2005, 11:50 PM
الموضوع مهم جدا يا نيو توت ودا بيعتمد على الضمير
بس موضوع استخدام الكمبيوتر بتاع العمل في غير العمل
دا مش عارفة اعمل فيه ايه لاني بدخل المنتدى من جهاز الشغل
بس والله يا نيو توت المدير عارف اني بقعد على النت لما بكون فاضية

معرفش بقا مدى حرمانيتها



بسنت
Abdou Basha
30-03-2005, 07:14 AM
ليا صديق يا أحمد.. كان عايز يطبع البحث بتاعه على البرينتر بتاعت الشغل بتاع أخوه .. *17*
وأنا وقفتله زي اللقمة في الزور .. *28*
وقلتله ده غلط واستغلال..
*39*
..
ده رأيي يا أحمد.. المشكلة في الهيئات اللي بتشتري حاجات بزيادة.. من العربيات الآخر موديل عشان خاطر المديرين في المأموريات.. لحد الورق والأدوات المكتبية.. ده بيشجع الموظفين إنهم يحاولوا يستفادوا من الحاجات قبل غيرهم.. :@
أحمد المليجي
30-03-2005, 09:27 AM
الموضوع مهم جدا يا نيو توت ودا بيعتمد على الضمير
بس موضوع استخدام الكمبيوتر بتاع العمل في غير العمل
دا مش عارفة اعمل فيه ايه لاني بدخل المنتدى من جهاز الشغل
بس والله يا نيو توت المدير عارف اني بقعد على النت لما بكون فاضية

معرفش بقا مدى حرمانيتها



بسنت

بسم الله الرحمن الرحيم
الاول شكرا بنت مصر بسنت علي مرورك الطيب
اما بالنسبة للموضوع انا مش بقول حكم الدين او فتوي انما اللي بقولة دي مجرد رأي شخصي اي قابل للخطا و مقدرش اقولك حرام ولا حلال انما الله اعلم ...... بس هي فعلا زي ما انتي قولتي و اصبتي في القول عي بتعتمد علي ضمير الانسان نفسة و لكن المشكلة ان الانسان اذا اتبع الهوى هيحلل كل شىء لنفسة و بالاخص الانسان المصري لان احنا طبعا فهلويه حتي في الدين ما بتفرقش معانا
*4*

بس بالنسبة لكي النت حلال :d اي خدمة هههه
@@
أحمد المليجي
30-03-2005, 09:35 AM
ليا صديق يا أحمد.. كان عايز يطبع البحث بتاعه على البرينتر بتاعت الشغل بتاع أخوه .. *17*
وأنا وقفتله زي اللقمة في الزور .. *28*
وقلتله ده غلط واستغلال..
*39*
..
ده رأيي يا أحمد.. المشكلة في الهيئات اللي بتشتري حاجات بزيادة.. من العربيات الآخر موديل عشان خاطر المديرين في المأموريات.. لحد الورق والأدوات المكتبية.. ده بيشجع الموظفين إنهم يحاولوا يستفادوا من الحاجات قبل غيرهم.. :@

*128*
و الله يا عبده باشا انت رجل نادر الوجود اللي زيك و زيي و زي القليل ممن رحم ربي خلصو من زمان
المشكلة اني في بعض الناس بتعتبر ان استغلال ادوات العمل دي حق مكتسب لمجرد انة في هذا العمل و يتصرف علي هذا الاساس في الادوات وكانها من ممتلكاتة الخاصة

اما عن رأيك فهو سليم 100% و هما بعملو كدة عشان الحاجات دي برضة بيتسرق علي حسها مهو علي رأي اللي قال مال الحكومة دي مال سايب و مكنش يعرف انة مال عام مال الشعب المطحون المسروق يلا هنقول ايه بقي ربنا يهدي الناس و الناس ضميرها يتعدل
@@
أحمد ناصر
30-03-2005, 12:44 PM
والله يا أبو حميد المسألة مسألة ضمير فى الأول وفى الآخر
وأنا بأخلص كل الواجبات المطلوبة منى فى العمل أولا قبل المشاركة فى المنتدى
لكن على فكرة أنا بأكون فاتح على النت علشان أستقبل الإيميلات الخاصة بالعمل
فأعتقد إنه مافيش مانع أدخل على المنتدى من كمبيوتر العمل
وساعات ممكن أترك عامدا تسجيل بعض من ساعات العمل الإضافى علشان أريح ضميرى وأطمئن نسبيا
وربنا يستر ويغفر لنا
خد القمر
30-03-2005, 12:47 PM
يا ضميرررررررررررر
أحمد المليجي
30-03-2005, 04:44 PM
والله يا أبو حميد المسألة مسألة ضمير فى الأول وفى الآخر
وأنا بأخلص كل الواجبات المطلوبة منى فى العمل أولا قبل المشاركة فى المنتدى
لكن على فكرة أنا بأكون فاتح على النت علشان أستقبل الإيميلات الخاصة بالعمل
فأعتقد إنه مافيش مانع أدخل على المنتدى من كمبيوتر العمل



بسم الله الرحمن الرحيم
و الله يا اخي احمد هو فعلا زي ما قولت و زي الكل ما قال و زي ما الكل هيقول هي بالفعل مسألة ضمير بس في ناس الضمير بتاعها مرن اوي سهل الطى و الجذب فالمشكلة ان الكل بيحاول يقنع نفسة براحة الضمير و ما هي براحة انما هو تخدير ........ يلا ربنا يهدي الناس اجمعيا بس و الله فكرة جميلة بامانة و هي اللي بتعملها
وساعات ممكن أترك عامدا تسجيل بعض من ساعات العمل الإضافى علشان أريح ضميرى وأطمئن نسبيا


وشكرا لك اخي علي مرورك الطيب و اشتراكك المفيد لنا
@@
أحمد المليجي
30-03-2005, 04:45 PM
يا ضميرررررررررررر


حد بينادي :d
بنت مصر
30-03-2005, 08:01 PM
بس بالنسبة لكي النت حلال اي خدمة هههه@@

طيب يا نيو توت تسلم ايدك على الفهلوة :d

بسنت

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث