سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : آه بحــــبَّك

رشا عبد الرازق
25-03-2005, 02:55 PM
آه بحبَََّـــك
بعترفلَـك
انت أغلى من حياتي
انت حلم العمر كله
خدت قلبي وقلت هاتي
انت أجمل بكره عندي
صعب يجي لحد عندي
قسمتي ألقاك وتبقا
أحلى صفحه في ذكرياتي !!

رشا



يا حبيب غير معالم خطوتي وخلاها تقدرْ
تزرع الزرعاية تكبرْ
تكتب الحرف اللي يفضل
دقة مش محتاجه تنطق أو نعيدها عشان نفسَّرْ :
يعني ايه فارس أميرة؟
يعني ايه بنت بضفيره؟
يعني ايه الحب يبدأ خطوة متكونشِ الأخيرة !!
نقطة الميَّه اللي تروي أرض ناشفه وحلم أخضرْ
دمعة العين اللي جتني دافيه في عيون اللي قدّر
هو ايه في الدنيا أحلى من سما تغضب علينا
وفجأه ترضى عشان تمطّرْ ....!.!
شفت فيك كل القصايد والمعاني اللي في حروفي
والتقيت صوت الغناوي لحن طيب دارى خوفي
يا حبيبي حد قالك ..............
اني عشت العمر كله أشتكي رعشة كفوفي ؟!!
وانت جيت دفيت شبابي اللي عاش في البرد يسهرْ
قطفة الاحساس جميلة لما جوا عنيك تزهَّــرْ
(أه بحبِك) حاسه بيها
وانت ساكت
قولها أكترْ
شقشقت ويّاها روحي فجر كان مكسوف ينوَّرْ
قلتلك معقوله جتني ؟!!!!
قلت :" عشت سنين أدوّرْ
كنت عارف انك انتي قسمة الحلم اللي صوَّرْ
صورة كات مسجونه عندي
يسلم الرمش اللي حرَّرْ "
تسلم انت وكل حاجه عشتها وياك
تصوَّرْ ؟؟؟؟!!
بكره يمكن نبقى ذكرى
والنصيب يبعدنا لكن تبقى فاكر وأبقى فاكره
اننا مره التقينا
بس كان الوقت أخّر
بنت مصر
25-03-2005, 06:54 PM
رشا الغالية
اولا الف حمد الله على السلامة
وحشتينا جداااااااا ووحشتنا ابداعات
ويشرفني اني اكون اول من يمر ويستمتع
بهذه القصيدة الرائعة التى كتبتها ارق شاعرة
في مصر والوطن العربي كله ...

شكرا لك حبيبتي واتمنى الا يغيب قلمك ابدا عن ابناء مصر



تقبلي كل التقدير


بسنت
عصفور الشعر
25-03-2005, 08:23 PM
الله عليكى يا أختى الكريمه((رشا)) كلامك بجد خطفنى معاه*6* ....صورك الشعريه فى قصيدتك تدفقت ...فغمرت فوأدى بارقى واصدق مشاعر الحب

ياسلام عليكى لما بتقولى


يا حبيبي حد قالك ..............
اني عشت العمر كله أشتكي رعشة كفوفي ؟!!
وانت جيت دفيت شبابي اللي عاش في البرد يسهرْ
قطفة الاحساس جميلة لما جوا عنيك تزهَّــرْ
(أه بحبِك) حاسه بيها
وانت ساكت
قولها أكترْ
شقشقت ويّاها روحي فجر كان مكسوف ينوَّرْ


بجد ميحسش ولا يكتب الكلام ده اى حد....مش عارف اقولك ايه بجد منبهر بالمقطوعه الشعريه اللى انت ألفتيها دى:)

وفعلا بنت مصر لما وصقتك الوصف ده مكنتش ابدا بتجاملك
ويشرفني اني اكون اول من يمر ويستمتع
بهذه القصيدة الرائعة التى كتبتها ارق شاعرة
في مصر والوطن العربي كله ...

أد ايه القصيده دى بتثبت ان الحب فعلا الحب الحقيقى بينى ويرتقى بالانسان ((الحب الحقيقى بجد))


لكى منى كل الانبهار*8*

عصفور الشعر :توت*3*
رشا عبد الرازق
25-03-2005, 08:42 PM
رشا الغالية
اولا الف حمد الله على السلامة
وحشتينا جداااااااا ووحشتنا ابداعات
ويشرفني اني اكون اول من يمر ويستمتع
بهذه القصيدة الرائعة التى كتبتها ارق شاعرة
في مصر والوطن العربي كله ...

شكرا لك حبيبتي واتمنى الا يغيب قلمك ابدا عن ابناء مصر



تقبلي كل التقدير


بسنت


*3*

بسنت
دوما اغيب عنكم لاعود

ومهما غبت

وكلما عدت

وجدتك بذات القلب الذي يستقبلني بكل الود

ويتقبل غيابي ملتمسا لي كل الاعذار

صدقيني

بودي لو وهبت عمري للكتابة ولمعانقة حروف المبدعين

لكنها حياتنا تمضي وتحملنا معها وتشغلنا

أحبكم واحب هذا المكان

ولهذا اعود اليه دوما


بسنت

*11* أخجلني اطراؤك فقد تخطى قدر قلمي كالعاده

ممتنة انا دوما لك

كوني جميلة كما انت

فانت دوما في قلبي جميلة

تحياتي لك
رشا عبد الرازق
25-03-2005, 08:56 PM
الله عليكى يا أختى الكريمه((رشا)) كلامك بجد خطفنى معاه*6* ....صورك الشعريه فى قصيدتك تدفقت ...فغمرت فوأدى بارقى واصدق مشاعر الحب

ياسلام عليكى لما بتقولى


بجد ميحسش ولا يكتب الكلام ده اى حد....مش عارف اقولك ايه بجد منبهر بالمقطوعه الشعريه اللى انت ألفتيها دى:)

وفعلا بنت مصر لما وصقتك الوصف ده مكنتش ابدا بتجاملك


أد ايه القصيده دى بتثبت ان الحب فعلا الحب الحقيقى بينى ويرتقى بالانسان ((الحب الحقيقى بجد))


لكى منى كل الانبهار*8*

عصفور الشعر :توت*3*

عصفور الشعر

اهلا بك

وقد اعجزتني حروفك التي يقطر منها الذوق والتقدير فيضا لا مثيل له عندي *7*

ممتنة لهذا الحضور الرقيق

الذي أشرف به واتمنى ان يستمر في اعمالي جميعا حين تراني اهلا له

شكرا لك

تحياتي
sakhrawy2001
25-03-2005, 10:32 PM
الف الف شكر اخت رشا

تشكرك اذاننا التى سمعت ذلك التغريد

تشكرك عيوننا التى استمتعت بالبناء الرائع

للحروف فى كلماتك

بل تشكرك جوارحنا لتلك النزهه

التى نطمع فى المزيد منها
د. جمال مرسي
26-03-2005, 07:22 AM
مش ح. غيب

مش هغيب عنك و لا اقدر
اقتل الحلم اللي نور
جوه قلبي بعد طول الإنتظار
مش هغيب
و لا حتى افكّر
إني أبعد لحظة واحدة بعد ما شفت النهار
ليل طويل عشش في قلبي
و الدموع كات تروي دربي
لحظة واحده بالسعادة
و عمر كامل بالمرار
مش كفاية العمر كله كنت ضايع
كنت تايه..
في البراري و الشوارع
في سكك من شوك و نار
مش هغيب لجل العيون
لجل حلم اخضر رسمنا من أمانينا الصغار
لجل كلمة حب قلنا
لجل لحظة صدق عشنا
كنا بنخطط لبكره زي طفلين غرقانين
نرسم الأحلام بإيدنا
و بالشمال نمسح همومنا
و نمسح اللي ف. يوم رسمنا باليمين
قلبي حاسس
إني راجع مهما اسافر أو أغيب
قلبي حاسس إني راجع للحبيب
قلبي حاسس إن لسه فيه أمل
عمري ما فقدت الأمل
إن لسه فيه نصيب
إن تلج الغربة بيننا يوم يدوب

أختي الغالية
و شاعرتنا المبدعة رشا عبد الرازق
من زمااااااااااااان و نحن لم نتحاور شعرياً
و دائما ما تعطيني قصائدك الزخم لأن أحاول أن أجاريك
و أنّى لي أن أجاريك و أنت من أنت
أنت الشاعرة التي تمتلك ناصية العامية و الفصحى و بطلاقة
افتقدناك أختي الكريمة في منتدانا
فلا تطيلي الغياب
و شكرا على تلبيتك الدعوة و نشرك للقصيدة هنا في أبناء مصر
و اسمحي لي فقد ألهمتني رائعتك الجديدة هذه الكلمات في محاولة
لمجاراة هذا الإبداع
دمتِ بخير و رضا و سعادة
و لولا أن بسنت دائما تسبقنا لكل ما هو رائع لما أعطيتها هذه الفرصة
و كنت أنا السباق إليك
و لكن اللي سبأ كل النبأ
و تقبلي ود أخيك
د. جمال مرسي
أنفـــــال
26-03-2005, 07:28 PM
الغالية رشـــــــا
بوركت يا حبيبتي..
اهلاً.. ثانية هنا..
فرحت بوجودك..
شكراً.. لهذا التناسق الانثوي.. الذي يملأ جنبات القصيد..:)
خالص التقدير.
أنفال
شاعر الرومانسية
28-03-2005, 02:13 AM
تعرفى ان اعترافك دة الوحيد

اللى خلا الحلم عنى مش بعيد
حلم عشت معاه كتير..
أنى أبقى فى يوم أسير..
أنسج الاحلام تلالى ..
تبقى دايما شمعتى طول الليالى
وان فى يوم ضلت خوطايا
وانطفت شمعة هوايا
التقيكى برضة جنبى
جوة منى ومش بعيد
توعدينى بيوم جديد
وانى عمرى فى رحلتى ماحكون وحيد
ترجع الاحلام تلالى ..
وتبقى دايما شمعتى طول الليالى
وأرجع أحلم من جديد

الاخت الكاتبة ،،،
كلمات عذبة، سلسة، تنساب بداخل الوجدان وتمس اوتار القلب
تستنفر الاقلام لتجاريها .. ولكن
لايجد القلم سوى بعض الكلمات التى تنساب على استحياء وتتقازم امام كلماتك الرائعة.
الاخت الكريمة .. أشكرك مرتين
مرة على تللك الكلمات العذبة
والاخرى على أعطائى الفرصة لمشاركتى المتواضعة
وتقبلى منى عظيم تحياتى
محمد الدسوقي
30-03-2005, 09:11 AM
عزيزتي / رشا


لقد قراءتها عشرات المرات ولم أملّ ...

وفى ذاك المنتدى مررت عليها أكثر

جميل ما يخطه مدادك

صادقة المشاعر بسيطة اللحن

تقبلي مني ذلك الاحساس






من زمان



والحب مرسوم على الكواحل



ذي نجمه ترقص



على رمال السواحل



كنت اخبي كنت أداري



كنت أقول الحب جالي



كنت أنام على حلم باعي



كنت أقول لشوق متبـــعد



لما أشوف بسمة يراعي



أنت أصلك حب المتاعب



أنتِ ليه قطعتي بيه



أنتِ اقرب مني ليه



بدون كلام



نفسي اعرف أيه السبب



عدم الكلام



ليه الخصام



هوه الغرام يا ناس حرام



لما قلت أني أحب ؟!



خرس الكلام .



كل يوم أمر أشوفكِ



تسحر عيوني بسمة شفيفك



تقولي كلمة ترمي التماسي



أجي أحتسي فنجان صبري



تتجبري تتبختري



أنتي قلتي من زمان



أني احبك من الفطام



سؤال يحير سؤال يغير



بدون كلام







محمد الدسوقي

القلم الجرئ
كانت لنا اوطان
02-04-2005, 05:52 PM
بكره يمكن نبقى ذكرى
والنصيب يبعدنا لكن تبقى فاكر وأبقى فاكره
اننا مره التقينا
بس كان الوقت أخّر

ونت يا حبيبى ساهر
ونا يا حبيبى ليك سامر
والدنيا ليوم ملتها الفرحه ع الاخر
وما تصور انك بيوم تتوه منى
وما تتصور انك هتغيب عنى
لانى بحبك من الاخر
ســـــــــــاهرى
كانت لنا اوطان
02-04-2005, 06:00 PM
نسيت اسلم لانو قلمك خلى احاسيسى تتكلم
وصمت لسانى قدام جمالك
اللى ما تحتويه كل المعانى

يسلموووو

وتمنى الايام او اللئام ما تفقدك
حبيب

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث