من غربتى اكتب / صباح الخير يا مصر [الأرشيف]

سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث

مشاهدة النسخة كاملة : من غربتى اكتب / صباح الخير يا مصر

طارق المملوك

24-03-2005, 07:29 PM

صباح الخير يا مصر

صباح الخير .. صباح نادى ..

صباح اخضر على ولادى ..

صباح وردى .. و بينادى ..

صباح الخير على بلادى ..

صباح الخير على ناسي..

صباح الورد مش ناسي..

بدمى وروحي و احساسي..

دى راية مصر فوق راسي..

صباح الفجر اهه طالع ..

صباح الفل يا مصانع ..

صباح الخير مافيش مانع ..

صباح الفل يا جناينى ويا صانع .

صباح الخير على الدساتير ..

صباح يحلم .. صباح اساطير ..

صباح طربوش .. صباح عمه ..

صباح طراطير .

صباح ثورى .. صباح امشير ..

صباح نادى على السامعين ..

صباح دافى .. وكله حنين ..

صباح الفل .. والنرجس مع الياسمين .

صباح الخير على الواقفين ..

صباح الخير على القاعدين ..

صباح الخير على الماشي ..

وع الراكبين .

صباح الخير على الصاحى ..

و ع النايمين .

صباح احمر بلون الدم ..

صباح ابيض بيجلى الهم ..

وليل اسود .. هموم تتلم ..

وحضن كبير يفكرنى بحضن الام .

طارق المملوك

21/3/2005

عصفور الشعر

24-03-2005, 07:44 PM

ماما زوزو

24-03-2005, 07:47 PM

بسم الله الرحمن الرحيم
صباح الخير والهنا والسرور
صباح الفل والياسمين والورود
عليك ياطارق المملوك
http://smilies.sofrayt.com/1/sg/just%20for%20you.gif

ضياء الدين علي

25-03-2005, 04:44 AM

ضياء الدين علي

25-03-2005, 05:11 AM

يا بستان طيبة ومودة
على القلب اللي طال شوقه
عبيرَك في المسا عدى
فقام من بدري يكتبلَك
صباحَك فل يا وردة

صديقي العزيز
م/طارق المملوك
أسأل الله أن يهون عليك ليالي الغربة
وأن تعود لنا قريبا إن شاء الله

وتقبل محبتي واحترامي
*8*

د. جمال مرسي

26-03-2005, 07:22 AM

أنفـــــال

26-03-2005, 07:15 PM

صباح الورد يا ابوزياد..:)
جميلة هذه القصيدة الدافئة..
تحمل وراءها معنى آخر..
أدركته..!
جزيل الشكر لهذه الكلمات..
أنفال

الاسكندرانى وبس

29-03-2005, 12:07 AM

انا هاقولك صباح الخير يا طارق

وان شاءالله تكون بخير دايما

طارق المملوك

01-04-2005, 05:37 PM

الله عليك جميله جميله جميله يسلم قلمك يا بشمهندس...كلماتك طلعت من قلبك مباشرة على قلبى ..أصل انا مغترب زيك وبحب مصر جدا جدا جدا ومش مجرد كلام ..انا سافرت كتير بره وزرت احسن البلاد بس عمرى ما حبيت والا اتمنيت انى اعيش غير فى مصر وسط الناس الطيبين
اخى الحبيب اشكرك على مشاعرك
كلنا يا اخى نعشق المحروسة لاننا اجمل بها
ربنا يحرسها و يحرسنا
ويرجعك ليها منصور و ناجح ان شاء الله
ارجو منك دوام التواصل اخى الحبيب
والى لقاءات اخرى

طارق المملوك

01-04-2005, 05:42 PM

بسم الله الرحمن الرحيم
صباح الخير والهنا والسرور
صباح الفل والياسمين والورود
عليك ياطارق المملوك
http://smilies.sofrayt.com/1/sg/just%20for%20you.gif

ربنا يخليكى يا ماما زوزو نورتى صفحتى المتواضعة
كان واحشنى قوى زياراتك و تعليقاتك
فكم يهمنى رايك و تواصلك
ربنا يخليكى يا رب و منتظر دائما مرورك

طارق المملوك

01-04-2005, 05:45 PM

يا بستان طيبة و ومودة

على القلب اللي طال شوقه
عبيرك في المسا عدى
صحي من بدري يكتبلك
صباحك فل يا وردة

صديقي العزيز

م/طارق مملوك
ربنا يصبرك في غربتك
واتمنى انك ترجع لنا بسرعة

وتقبل محبتي واحترامي
*8*

اخى الحبيب ضياء
ما اروعك و اروع ردودك
رقيقة جدا مشاعرك افتقدكم جميعا
صباح الفل عليكم

طارق المملوك

01-04-2005, 05:53 PM

صباح الفل يا طارق
صباح من قلب أحبابك
يقولولك بلاش تبعد
قوام ترجع
دي كل الناس بتستنى على بابك
و بتقولك :
بلاش تتمادى ف. غيابك
دي مصر الغالية بتنادي على عيالها
في شرق الأرض أو في جنوبها و شمالها
و أنا منهم
لكن راجع
عشان السحر في عيونها ما لوهش مثيل
و يوم ما ارجع هترويني مياه النيل
و على الترعة نغني أجمل المواويل
عشانك يا قمر ساطع
في عز الليل

أخي الحبيب طارق المملوك
أعادكم الله بسلامة الله للوطن الحبيب
و يا لمشاعرك الجميلة و أنت في الغربة و التي أحسها مثلك تماما بل و زيادة
تقبل شكري و فرجتي بكلماتك الجميلة

أخوكم د. جمال

اخى الحبيب د.جمال
اشكرك من كل قلبى فانت الشاعر الفنان الحساس
اعرف انك تقدر ما انا فيه و زياده صدقت فانت قلب كبير يتسع لنا جميعا
اشكرك على حرصك الدائم على متابعتى وكل الزملاء
كما اقدر لك دائما كلماتك المشجعة
ادامكم الله لنا
ودام قلمك عاليا معبرا عن كل ما فينا من احاسيس و مشاعر
ارجو منك رايك فى قصيدتى الجديدة

طارق المملوك

01-04-2005, 05:56 PM

صباح الورد يا ابوزياد..:)
جميلة هذه القصيدة الدافئة..
تحمل وراءها معنى آخر..
أدركته..!
جزيل الشكر لهذه الكلمات..
أنفال
الاخت العزيزة انفال
كم اسعد دائما بمرورك العاطر على صفحتى
اشكر لك فهمك العميق لمحتوى ما اكتب وما بين السطور
جزيل الشكر لك اختى الكريمة

طارق المملوك

01-04-2005, 05:57 PM

انا هاقولك صباح الخير يا طارق

وان شاءالله تكون بخير دايما

صباح الفل على عيونك يا حبيب قلبى
بجد واحشنى كلكم
شكرا يا محمد وارجو منك رايك فى قصيدتى الجديدة

بنت مصر

01-04-2005, 07:42 PM

مساء النور عليك يا استاذ طارق
مساء الخير على هذه الكلمات البديعة
شكرا على كلماتك الجميلة ويارب تعود
الي الوطن وتمتليء دفئا باحضان مصر

بسنت

طارق المملوك

08-04-2005, 10:54 PM

مساء النور عليك يا استاذ طارق
مساء الخير على هذه الكلمات البديعة
شكرا على كلماتك الجميلة ويارب تعود
الي الوطن وتمتليء دفئا باحضان مصر

بسنت
الاخت العزيزة بسنت
اشكر لك كلماتك الرقيقة و متابعتك على صفحتى المتواضعة
وان شاء الله اعود لوطنى و بلدى الحبيبة و لناسها الطيبين
شكرا

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث