جوه قلبى

[بخاطرى]

جوه قلبى
الف صرخة و اه قوية
الف حسرة
ع اللى كانوا بين ايديا
ضيعتهم دنيا مشلولة وهزيلة
والنهاية
نار تدوب فيها الخطية
والبداية
هاحكى ليكم م البداية
والحكاية
خطوة من واحد لمية

ابتدينا
شفنا فيلم وتمثيلية
شفنا عبد الله بيقتل
والحكاية المفترية
قلتوا ارهابى وهو
حب ربه دين ودنيا
قلتوا كافر .. لأ وكفر
قلتوا سارق قلتوا زانى
قلتوا حقة كتيير وعدتوا
والحقيقة انكوا انتوا

انتو ضيعتوا الحقيقة
وانتوا عارفين الحقيقة
وانتوا غافلين ع الحقيقة
وانتوا خايفيين م الحقيقة
والنفاق والكدب كنتوا

ابتدينا
شفنا حفرة بتتحفر تحت الايمان
شفنا رقاصة بلدنا الالعبان
شفنا حتة واد مهكع... مغنواتى
هو سلطان الزمان
هو ضيف حلقة اذاعتنا النهارده
هو ينصح نسمعه من غير معاندة
بنطلون جينز وحزام وقميص بوردة
هى مودة العصر ايوة .. اسمعوه
حتى لو كات جزمته فردة وفردة.

[mokhtarmapman]

جوه قلبى
الف صرخة و اه قوية
الف حسرة
ع اللى كانوا بين ايديا
ضيعتهم دنيا مشلولة وهزيلة
والنهاية


نار تدوب فيها الخطية
والبداية
هاحكى ليكم م البداية
والحكاية
خطوة من واحد لمية




أيــــــــــــه الروعة دى وأيه الموسيقى العسل دى

بصراحة زجال محترف زى كل أعضاء المنتدى الموهوبين بل المحترفين

شكرا جزيلا على هذة الدرر


أما الموضوع

مكتوب بطريقة جديدة

بس أنا حاسس أنها عايزة تخدنى لتكملة ما يعنى حاسس أن جواك كتير فى هذا الموضوع

منتحرمش منك

يا ( زجال المنتدى)


دكتور مختار

[سحر الليالي]

أخي بخاطرى:
جميل ما كتبه قلمك
شكرا لك وتقبل ودي

[poet]

بخاطري

الموسيقى في زجلك جميلة وتدخل القلب على طول , بس احسم القضية يا أخي , ركز في القصيدة على فكرة واضغط على حرج واحد . أنا عارف , انت عايز تقول انهم رموا المؤمن التقي بأبشع التهم , وخدوا التافه الهزلي قدوة , لكن انت بدأت القصيدة بصرخة , وانا في رأيي كمتذوق , ورأيي غير ملزم , إنك كنت لازم تنهيها برضه بصرخة ..... مش بنكتة :) , واعذرني انا مقصدش أزعلك , والله كلامك عاجبني , بس عشان عاجبني , كان لازم أقوللك رأيي , وشكرا جزيلا لك.

أخوك
أمير سيد

[بخاطرى]

لم أكن اتوقع كل هذا الاهتمام والاعجاب بما خطه قلمى

اشكركم جزيلا رفعتم معنوياتى وجعلتونى اعتبر نفسى عضوا من الان

و بخاطرى

[طارق المملوك]

اخى الحبيب بخاطري

كم اعجبنى اسلوبك و موسيقاك الرشيقة
و الفكرة ولا اجمل
لك منى كل التحية و دوام الابداع و التالق
ارجو دوام التواصل