هل احمد زكى يستحق كل هذه الضجه

[محمود زايد]

السلام عليكم ورحمه الله وبركاته

اولا وقبل اى كلام انا بتوجه لله عز وجل انه يشفى الفنان احمد زكى لانه قبل ما يكون فنان ومن المشاهير هو

انسان عربى ومسلم محتاج للدعاء من كل فرد فينا فى اوقات ممكن اى دعاء منا ربنا يستجاب له ويشفيه

ثانيا الفنان احمد زكى من الفنانين الممتازين وانا من المحبين له ولاعماله ويعتبر له بصمه فى الفن لتقديمه اعمال

متميزة مثل مسلسل طه حسين

وافلام ناصر56 وايام السادات وغيرها من الاعمال التى تعمل تاريخ لصاحبها انا مش ها اقيمه فنيا لانى لا اصلح

وده مش مجالى وانا فى حل من كده

انا بس عاوز اقول رائى فى الى بيحصل الايام دى ضجه كبرى على مرض احمد زكى والخوف عليه انه يحصل له

حاجه ويموت هل الدنيا مخلده لاى شخص لو كانت مخلده كانت خلدت لافضل البشر واعظمهم سيدنا محمد عليه

الصلاه والسلام او للانبياء عليهم السلام او للصحابه لان دول الرجال الحقيقين والى تركوا بصمه فى الدنيا

انا مش شايف اى سبب للضجه دى احمد زكى مهما عمل شخص عادى وانسان بيشتغل زى اى موظف فى الدوله

والسبب فى كل ده اعلامنا الى بلانا بيه ربنا كل القنوات والصحف والمجلات مافيش وراها سيرة غير الفنانين

ولاعبو الكرة وفرضوهم علينا والخوف بس انه لو حصل له حاجه هنلاقيهم تحولوا لمندبه لمده اكثر من شهر

ومش بعيد يطلبوا حداد لمده ثلاثه ايام ودى عادة مش جديده عليهم وتطلع علينا يسرا بظرافتها المعهودة فى

المواقف دى وتمثل قدام الكاميرا ومحمد هنيدى ابو دم خفيف وسمير صبرى اللطيف ومش عارف مين كمان

ويفضلوا يحفظوا فينا كل يوم عن مواقفه وانسانيته لغايه اما يكرهونا فى عيشتنا

والله انا مش داخل اقلل واقول الكلام ده علشان اى شخص بس ده الواقع فى بلدنا والى بيحصل صح ولا ايه

ملحوظة اخيره الشعب المصرى لما بيحب حد يا سلام بيطلعه سابع سماء وبيخليه بطل قومى ويبقى هايموت عليه

ولما يكره حد بيعلق له المشانق ويطلعه مجنون واهبل ومختل عقليا واهله متبريين منه بس ياحرام مالوش مكان الا

معاهم علشان كده مقعدينه

معلش طولت عليكم بس بصراحه متغاظ من اعلامنا والى بيعمله فينا

وشكرا لكم *8*

[ماما زوزو]

بسم الله الرحمن الرحيم
الابن العزيز mahmoud79
انا معك ان اعلامنا مزودها كتييييييييييير
احمد زكى انسان زى اى انسان فى الدنيا
فلما هذة الضجة لست ادرى ؟؟؟
ولا اجد لها اى مبرر
طب ما عبدالله محمود وهو ممثل ايضا
وله شعبية وهو مريض مثل احمد زكى
فلماذا لاتعمل له ضجة هو الاخر؟؟؟

[محمود زايد]

شكرا لردك يا ست الكل ماما زوزو

وفعلا انا مش شايف اى لازمه للضجه دى بس اعلامنا عودنا انه يتعامل

باهوائه وعلى مزاجه وما بيتعامل بحق الا مرات قليله ويعطى كل ذى حق حقه

شكرا لكى وتقبلى تحياتى*8*

[مظلوووم]

والله يا مامازوزو كون اى انسان انه مريض فهو يستحق الدعاء
واحمد زكى انسان محترم وممثل قدير والاهتمام بيه يكون انسانى مش تقديرى
ويجعلوا عاااااااااااااامر
انوووووووووووبيس

[أحمد ناصر]

أخى العزيز محمود
شكرا لعرضك وجهة نظرك بهذه الطريقة الجميلة
الضجة المثارة حول أحمد زكى تختلف فيها النوايا والدوافع
فمن الناس من يفعل ذلك بدافع التقدير لشخصه وفنه
ومنهم من يفعل ذلك بغرض الفرقعة الإعلامية وحب الظهور
ومنهم من يفعل ذلك من باب النفاق
ومنهم من يفعل ذلك بدافع الدعاية لنفسه
وسؤال ماما زوزو فى غاية الوجاهة
وأعتقد أن إجابته تتلخص فى نقطتين
مشوار أحمد زكى الفنى وما قدمه فى هذا المشوار أكبر بكثير مما قدمه عبدالله محمود
أحمد زكى تم إرساله للعلاج على نفقة الدولة بأوامر من حسنى مبارك بينما لم يتم ذلك مع عبدالله محمود
أسأل الله أن يشفى مرضانا ويرحم موتانا ويحسن خاتمتنا

[سـلـوى]

اخى الفاضل محمود تسلم لطرحك هذا الموضوع و الذى يملا و يشغل بال الكثير و زى ما قلت مهرجانات و احتفالات كانة اية صحيح كان لة افلام حلوة
بس مهما كان فهو لا يستحق كل هذا بالدرجة دى
معلش الدكاترة و العلماء و غيرهم لهم مهام و فائدة اكثر بكثير هو لا يكون بينهم حاجة و لو هم حصلهم حاجة او ماتوا حتى ولا كان شئ حدث





ملحوظة اخيره الشعب المصرى لما بيحب حد يا سلام بيطلعه سابع سماء وبيخليه بطل قومى ويبقى هايموت عليه

ولما يكره حد بيعلق له المشانق ويطلعه مجنون واهبل ومختل عقليا واهله متبريين منه بس ياحرام مالوش مكان الا

معاهم علشان كده مقعدينه

معلش طولت عليكم بس بصراحه متغاظ من اعلامنا والى بيعمله فينا

وشكرا لكم *8*


تسلم ايدك هو كدة بالظبط للاسف

[محمود زايد]

والله يا مامازوزو كون اى انسان انه مريض فهو يستحق الدعاء
واحمد زكى انسان محترم وممثل قدير والاهتمام بيه يكون انسانى مش تقديرى
ويجعلوا عاااااااااااااامر
انوووووووووووبيس

اخى العزيز مظلوم احنا بنقدر احمد زكى لانه فعلا فنان محترم وبيقدم اعمال متميزة وانا قولت انه

محتاج الدعاء لانه اولا واخيرا انسان مريض ومحتاج للدعاء مننا



وشكرا لردك *8*

[محمود زايد]

أخى العزيز محمود
شكرا لعرضك وجهة نظرك بهذه الطريقة الجميلة
الضجة المثارة حول أحمد زكى تختلف فيها النوايا والدوافع
فمن الناس من يفعل ذلك بدافع التقدير لشخصه وفنه
ومنهم من يفعل ذلك بغرض الفرقعة الإعلامية وحب الظهور
ومنهم من يفعل ذلك من باب النفاق
ومنهم من يفعل ذلك بدافع الدعاية لنفسه
وسؤال ماما زوزو فى غاية الوجاهة
وأعتقد أن إجابته تتلخص فى نقطتين
مشوار أحمد زكى الفنى وما قدمه فى هذا المشوار أكبر بكثير مما قدمه عبدالله محمود
أحمد زكى تم إرساله للعلاج على نفقة الدولة بأوامر من حسنى مبارك بينما لم يتم ذلك مع عبدالله محمود
أسأل الله أن يشفى مرضانا ويرحم موتانا ويحسن خاتمتنا


اخى الحبيب احمد ناصر

انت جبت المفيد والى قصدته اننا نرى من الاعلام العجب فكل شئ فيه على الاهواء وحسب

المزاج والحب فيه

وشكرا لك وربنا يشفى كل مريض ويبعدنا عنا كل شر *8* *8*

[محمود زايد]

[QUOTE=باشمهندسة عسولة]اخى الفاضل محمود تسلم لطرحك هذا الموضوع و الذى يملا و يشغل بال الكثير و زى ما قلت مهرجانات و احتفالات كانة اية صحيح كان لة افلام حلوة
بس مهما كان فهو لا يستحق كل هذا بالدرجة دى
معلش الدكاترة و العلماء و غيرهم لهم مهام و فائدة اكثر بكثير هو لا يكون بينهم حاجة و لو هم حصلهم حاجة او ماتوا حتى ولا كان شئ حدث


شكرا لردك اختى الفاضله باشمهندسه عسوله وانتى كمان جبتى المفيد والمقصود اننا لما بنحب حد بنرفعه فوق

وبننسى اى شخص تانى مهما افاد بلدنا فى مجاله واعتقد ان التليفزيونات دلوقتى احتلها الفنانين ولاعبو الكرة

وما بنرى غيرهم الا القليل

تقبلى تحياتى *8*

[الصعيدي]

لا أريد أن يفهم ردي على أنه هجوم أو انتقاد للأستاذ أحمد زكي .. بل أسأل الله العظيم رب العرش العظيم أن يشفيه .. وأن يهديه .. وإنما أنا أنتقد واقع الأمة .. وواقع المجتمع الذي يضع البطولة في غير موضعها .. ويتخذ القدوة في غير محلها .. تحت ضغط إعلام لا يرينا إلا ما يرى ولا يهدينا إلا سبيل الفساد ..
أسأل نفسي وأسأل جميع المشاركين سؤالا واحدا .. كم من علماء الأمة .. كم من أساتذة الجامعات .. كم ممن أفنوا عمرهم بجد واجتهاد في تربية أبناء هذا الوطن .. كم منهم يكرمهم المجتمع وتنفق عليهم الحكومة في مرضهم .. وكم منهم يبكي الناس على فقدهم وتتألم الأمة لغيابهم .. إلى متى تقلب الموازبن .. ويصنع لنا حكامنا العرائس المزوقة لتلهينا عن حقيقة ما يراد بنا .. إلى متى .. إلى متى ... ؟؟؟

[zica]

السلام عليكم ورحمة الله وبركاته

أحمد زكي ... أحد رموز الافساد في الآرض تحت المسمى المدعو بالفن

الذي ينام فيه رجل أجنبي مع أمرأة أجنبيه عنه علىسرير واحد ويقبلها لانها تقوم بدور زوجته أو يقوم هذا الممثل العملاق بتشخيص دور امبراطور الكوكايين بابلوا اسكوبار الذي يجب أن يذكره التاريخ لانه قتل ملايين البشر او بدور المشعوذ السكير أو المدمن ويدعو الى مكارم الآخلاق بالسهر في الكباريهات ومرافقة الغانيات وتناول الخمر ولعب القمار هذه هي رسالة هذا الرجل في أفلامه وغيره من المفسدين في الارض الذين باعوا الآخرة بعرض زائل من الدنيا ...أنتبهوا يا أخواني فالمرء يحشر مع من يحب فأحبوا الصالحين وانبذوا هولاء الفانانيين ... انهم حثالة المجتمعات ودعاة الفساد و أذكر نفسي و إياكم بقول الله تعالى في كتابه الكريم

( إِنَّ الذين يُحِبُونَ أن تَشيعَ الفاحِشَةُ في الذين آمَنُواْ لَهُم عَذابٌ أليمٌ في الدُنيا والآخرةِ واللهُ يَعلَمُ وأنتُم لا تَعلمُونَ).

[عصفور الشعر]

مع احترامى لحضرتك...اخى الكريم ابو جهاد..لماذا كل هذه القسوه التى تقطر من حديثك عن أحمد ذكى .. وهو الان يحتضر...وعلى فراش الموت......ألم يكن من الاولى ان يكون موضوعك هو حثنا على الدعاء له بالغفران .. والرحمه ...وحسن الخاتمه....هل تضمن خاتمتك ذات نفسك يا أخى الكريم....اذا كان أحمد ذكى قام بأداء بعض الادوار السيئه ...فهو له ايضا أدوار جيده.. ومن الظلم الشديد ان تتهمه بانه احد رموز الافساد.....أرجو من الله أن تتقبل مخالفتى لرايك بصدر رحب....وألا تتهمنى انا الاخر بالفسوق والزندقه..لدفاعى عن شخص بين يدى الرحمن الان ولا حول له ولا قوه... ولعله تاب عما ارتكبه فى حياته....ولعل الله سامحه.....
وأخيرا أدعوك أخى الكريم ان ترفع يديك معى ..لندعو الله سويا أن يحسن خاتمتنا ويثبتنا على الاسلام اللهم أمين

[بنت مصر]

اخي العزيز محمود

وفيها ايه لما نتعاطف معاه؟؟
ما احنا بنتعاطف مع اي انسان مريض
انا عن نفسي لما بسمع مجرد سمع عن حالات بتعاني من المرض
لناس معرفهاش ولا عمري شفتها بقعد اعيط .. فليه ما ازعلش
عشان احمد زكي وانا عارفاه وشايفة في عينه الانكسار وقلة الحيلة
بعد ما كان قوي وشديد... فهو ممن تنطبق عليهم عزيز قوم ذله المرض

وكمان ياريت اعلامنا تكون توجهاته خير كده أحسن من الفيديو كليبات والخلاعة
يمكن من حالة أحمد زكي واللي حصل له يعتبر غيره من اللي لاهيين عن اخرتهم


تحياتي
بسنت

[zica]

اخي الكريم عصفور الشعر أنا لا احمل على أحمد زكي بصفه شخصيه ولم أدخل بينه وبين الله ولكني أتحدث عن رمز من رموز الفساد جاهر بالفحشاء ودعا اليها وعليه أن يجهر بالتوبة ويدعو اليها إذا كان صادقا مع الله ليصحح ما افسد .. اما عن مرضه فأنا أدعو الله له بالشفاء العاجل ولكل مريض لان هذه هي أخلاق الاسلام ... ولكن يجب عليه وعلينا أن ننظر الى مرضه أنه رساله من الله
له ليتوب وليخفف عنه لا ان يتمادى .... أما الفن والتمثيل فهما رسالة الشيطان في هذا العصر بل هما الشيطان ومنذ بداية هذا القرن سخرا لهدم قيم الاسلام وذرع الافكار العلمانية التي تنادي الاختلاط والمساواة والملابس العاريه وحرية الجنس ان هذا الوسط قذر ويحتاج مجتمعنا للتطهر منه لانه أخطر شىء على الاسلام في هذا العصر ... ان الاسلام يشتكي اليوم فهو بحاجه الى من ينصره
جعلني الله واياك من من ينصرون هذا الدين و أصلح حال جميع المسلمين وهدا غير المسلمين للاسلام انه على ذلك قدير ...
أما عن علامات حسن وسوء الخاتمة فسوف أضع لكي موضوع خاص عنها بالمنتدى الديني ... والسلام عليكم ورحمة الله وبركاته

[ابن البلد]

أنا شاتيف أنه يستحق الضجة دي كلها طبعا

أما عبدالله محمود فمقدمش قد اللي قدمة أحمد زكي

[بنت مصر]

لا حول ولا قوة الا بالله العلي العظيم
هو احنا دخلنا في نفسه وعرفنا هو ايه دلوقتي
وعلاقته ايه بربنا ... مش جايز يكون من اقرب خلق الله الي الله

دا في كل ايات القرآن ربنا بيقول لسيدنا محمد صلي الله عليه وسلم
(واذا سألوك عن كذا فقل) وجاء عند اية (واذا سألك عبادي عني فاني قريب أجيب دعوة الداعي اذا دعاني)


يعني بين العبد وربه مفيش وسيط ولا يحق لنا ان نحكم على العلاقة بين اي عبد وبين ربه
هو الان في شدة وعلينا اننا ندعو له بالرحم والمرض دا كاس داير على الجميع

بسنت

[عصفور الشعر]

[b]


أخى الكريم ابوجهاد....فى رايى الشخص أن(( الفن ))كرساله هى حلال حلال حلال..والفن كما وصفه الشيخ الشعراوى كالسكين..قد تستخدمه فى الحلال وقد تستخدمه فى الحرام....فهل انت ترفض الفن ذاته ..أم ترفض الحرام منه والذى أتفق معك في رفضه قلبا وقالبا.. فانا ارفض فن العرى والخلاعه وهدم القيم...ولا يوجد مسلم لبيب يقبل مثل هذا النوع من الفن.. ولكنى فى نفس الوقت أحب الكتابه الادبيه شعر ونثر وهذا فن فهل هو حرام....واحب سماع الموسيقى الكلاسيك الهادئه والاغانى الوطنيه والدينيه والفلسفيه...وهذا ايضا فن فهل هو حرام....

[العندليب الأسمر]

ياجدعان ربنا يشفيه
مالناش دعوة هو بيعمل اخطاء ولا مش بيعمل
ما كل الناس بتغلط
يعني مثلا اي حد انت بتحبه مهما كان بيعمل اخطاء برده انت هتدعيله بالشفاء لو كان تعبان ومحتاج دعائك
وربنا يشفيه وبعدين يعني احنا مالنا بالضجه دي
اللي عاوز يعمل ضجه يعملها براحته واحنا مالنا يعني احنا كل اللي علينا اننا شوفنا واحد مسلم محتاج دعائنا كل ما علينا اننا ندعليه




العندليب

[osha]

لأحمد زكي الانسان خالص الدعاء بأن يرحمه من خلقه ويغفر له ويرزقه حسن الخاتمة
أما منهج الدولة في افتعال ضجة في غير محلها.......فلنا الله من قبل ومن بعد
انطلاقا من مبدأ تكافؤ الفرص، كم من مريض مثل أحمد زكي سافر للعلاج على نفقة الدولة ؟ كم من أب أو زوج يمثل في حياة أسرته أكثر بكثير مما يمثله أحمد زكي للشعب؟الأموال التي تنفق أليس من حق دافعي الضرائب أن يوافقوا أولا على الجهة التي ستصرف فيها؟

[osha]

انا لست ضد احمد زكي فأنا أقدره كفنان متميز

[معاذ رياض]

بالنسبة لكونه شخص مسلم مريض ، ندعو له بالشفاء والهداية..

بس فعلا الضجة زايدة عن اللازم وفيه ناس قدمت أكثر منه لم تأخذ كل ده.

أنا عن نفسي مش من المعجبين بيه خالص.

[lost]

ربنا شفيه ويشفى كل مرضى المسلمين

مش هانكر ده فعلا فنان محبوب بس الاعلام بتاعنا ده أصلا بيحب يعمل من الحبة قبة واحد

مريض وبيموت خلاص يقعدوا يعرضوا كل افلامه وطبعا افلامه بها العديد والعديد والعديد من

المشاهد الاباحية وقنوات الart عملت له أغنيه وحاجات غريبة كدة يعنى يخلى الواحد بدل مايدعى له يقعد يشاهد افلامه و ينسى كل حاجة تانية .
بس اللى ضايقنى جدا انه سافر برة على حساب الدولةوتلاقيهم طبعا اخدوا معاهم كونسلتوا من الدكاترة وهو غنى اصلا ولو رحت مستشفيات التأمين الصحى والقصر العينى تشوف فيها بلاوى مش لاقيين حق الحقنة
على العموم ربنا يشفيه ويرحمه

[Tiger Woman]

انا كمان شايفه انه يستحق هذه الضجة
ده فنان ممتاز و عبقرى على الاقل فى مجاله و افلامه اكثر من رائعة
وربنا يشفى كل مرضانا و يرحم كل موتانا و الآن هو بين يدى الله فادعوا له بالرحمة

[مظلوووم]

ندعو الله له بالرحمه والثبات هو وموتانا المسلمين
اللهم ثبته اللهم ثبته اللهم ثبته
اللهم افتح له ابواب جنتك اللهم افتح له ابواب جنتك اللهم افتح له ابواب جنتك
اللهم الحقه بالصالحين اللهم الحقه بالصالحين اللهم الحقه بالصالحين
اللهم الهم اهله الصبر والسلوان
اللهم اشفى مرضانا ومرضى المسلمين وارحم موتانا وموتى المسلمين
امين امين امين
ويجعلوا عاااااااااااامر
انووووووووبيس

[محمود زايد]

الله يرحمه ويغفره له ويدخله فسيح جناته

ارجو من الاخوة الاعضاء غلق باب المناقشه فى هذا الموضوع لانه بين ايدى الله سبحانه وتعالى

[ام المصريين]

اخوتى واخواتى الاعزاء ....... ارحموا عزيز قوم ذل اخى ابو جهاد لسنا الله يااخى حتى نحكم على العبيد وان كان احمد زكى قد فتنته الدنيا ......فكم من بشر قد فعل ذالك ....رفقا يا اخواتى بمن يستحقون ان نذكر محاسن اعمالهم ولا تنسوا ان (كل نفس ذائقة الموت )

[اسيا]

السلام عليكم ورحمة الله وبركاته
اعزائى الاعضاء هل الفن حقا رساله ؟
وهل ما يقدم الان فن ؟
تخيل انك فنان او فنانه
وفكر معى
هل لاوضح وارسخ فضيلة ما يجب ان اتى برزيله ؟
وماذا لو ان فنانينا يتجهوا فى اتجاه حسن يوسف او عفاف شعيب ومنى عبد الغنى 0000000