وقالت فلاحة ((( مين البتاااعة دية ...اللي اسمها مرفت )))

[المأسور]

من البتااعه دية اللي اسمها مرفت

هي حصلت ؟؟؟

وحده زي دي تتكلم في مين ؟؟؟

يادي الكسوف

والله مش أدره...أطلع الكلام ...

ده ..دي

.......................

أنتي يابتاااعه ياللي اسمك مرفت





أيه اللي انتي عملتيه ؟؟؟؟؟؟

أنتي تستجري تجيبي سيرة سنة حبيبنا ؟؟؟ لما توصفيها بأن اللي يتبعها متخلف

أنتي كنتي في وعيك وأنتي بتحكي

أأطع أيدي ..إن كنت بتحسي باللي عماله تعمليه ...؟؟؟؟

..................

يابتااعه ...أنتي

مالإتيش غير الرجالة دول عشان تحكي فيهم ؟؟؟؟

آه ...دلؤت بس فهمت إنتي ليه اخترتي دول بالزات

.................................................. ..............

اسمعي لما أولك :

ــــــــــــــــــــــــــــــ

أوعي ...تسدأي..نفسك ..وأوعي تأولي أن ماحدش فاهمك

أنت يانن عيني ....عاوزه تتهجمي على حاجات هي عندنا ...رموز ...

عارفة يعني أيه رموز ؟؟؟

أبو هريرة ...اللي ما أعرفش إزاي سمحتي لنفسك تأولي عنه ..بتاااع

دا الراجل ده ...هو اللي وصل لينا كل كلام الرسول

ماتصلي عا النبي ...اللهم صلي وسلم عليه

...........................

هو لو أبو هريرة ما نألش كلام سيدنا محمد ...يعني أنتي كنتي حتهاجميه ؟؟؟

أما صحيح اللي اختشوا ماتوا

واللي ما اختشوش عايشين

....................

أنتي عارفة

أنا لو مكانك ...أهرب ..اتنيل بستين نيله واعد في بيتي ..أودي وشي بعد العملة السوداء دي فين ؟؟؟



ده دي

هي حصلت ياوليه أنتي ..تتهجمي على صحابي زي أبو هريرة رضي الله عنه

ولا ابن تيمية ...ألا صحيح ..أنتي تهجمتي على ابن تييمية ليه ؟؟؟

للدرجة دي ...هما فارسينك ...مفروسه يا أختي منهم أوي ...





يا حرام

كل ده علشان ...مين ؟؟

يتأولي الكلام ده ليه ؟؟؟

عاشان تحرري البنات في السعودية

هو أنتي فاكره بنات السعودية ..خشخيشه ؟؟؟؟؟؟..

لا يا أختي ...فوأي بأه

دنتي في بلد ...فيها بيت الله ...فيها مسجد المصطفى ..فيها الروضة ...دنتي في بلد فيها

فيها نسوان ..يخشوا في عينك .

...........................................

أأول ...يخيبك ياست ...أوه ...يخيبني آني .... أنا الت أيه ...ست؟؟ ...؟؟؟ أصدي يخيبك ياوليه

......................

يادي الكسوف

حيأولوا العالم علينا إيه

الحاجة اللي بتكسفني إنك مصرية .....يا خيبة المصريين فيكي

المصريين

دا المصريين أقدع ناس ..دا أهل مصر أحلى ناس ..اييييوه على مصر وأهلها وشعبها كله

شعب ...بلده أحلى بلد ...بلد الامن ...بلد دعا له النبي ..بلد ذكره ربنا في القرآن ...شعب النخوة والهمة والشهامة ......شعب ..أحلى مافيه ..طيبة الألب ....شعب الحرية والحنية

ياسلام على مصر وأهل مصر

ياسلام على ستات مصر

ياليتك كنتي معاهم

دي الست في مصر ..لما تيجي سيرة النبي بتبكي أوام

دحنا ألوبنا رأيأه

وبنحبه

بنحبه أوي

أيييييوه

اييييييييييييييوه يا اختي

هو انتي عشان الأمم المتحدة ..أقصدي ..المفرأه ...أعدوكي على حته كرسي ..خلاص ..تنسي نفسك كدا أوام

طب ...

هو أنتي مش رايحه للسعودية علشان الاقتصاد ...أيه اللي جاب سيرة ابو هريرة بأأأأأأه ؟؟؟ هيه ...؟؟؟؟؟

دا الراجل رضوان الله عليه دا حتى كان فأير .....يعني آخر واحد تتكلمي فيه في الاقتصاد ....دا حتى هو كان بيلازم الرسول والناس كلها عمال تشتغل في التجارة ..وهو كان مع الحبيب ..ماتصلي عليه

اللهم صلي وسلم عليه

.

.

.

.

أييييوه

تعرفي

ان أصحابه ..صلى الله وسلم عليه ...الله !!!! متصلي عا النبي ؟؟؟

دا صحابه ..صلى الله عليه وسلم ...مذكورين في التوراة والانجيل ..يعني أبل ما يبعس سيدنا محمد ..صلى الله عليه وسلم

ويقول الحق ( ليغيظ بهم الكفار ) اللهم لا تجعلنا من الكافرين

ما تأولي ...آمين

إوعي ..تؤلي الكلام ده مرة تانية ......أوعي يغيضك أبو هريرة ...دا الكفار هما اللي بيتغاضوا من أصحاب النبي مش المسلمين .... ..أصل الصحابة هما اللي حملوا الدعوة والدين والرسالة ووصولها للناس ..فانغاظ الكفار بأه ...

يعني

لو إن الصحابة ما وصلوش الدين لينا ...كان دلؤت بأينا ...نصارى ولا يهود ولا مجوس ..يعني كان زماني دلؤت باعبد الجاموسة

لا يا أختي

أنا مش عاوزة علام زي علام بتوع اليومين دول ...انا يدحكني البتاااع الهندي ده ... ..بأه دكتور أد الدنيا ...وبيعيد جاموسة ...هأ هأ هأ

آني بأه..حبأا ...اتعلم العلام اللي عاوزه ربنا ...عشان أعرفه واعبده ...ويارب أفضل كدا ..لحد ما أموت ...دا العمر قصير ...والجنة فيها خلود ..وعقلي يؤلي ..يابنت ماتضيعيش عمرك في حاجات مالهاش إيمه وتنسي بكرة ...دا بكرة أهم من اليوم ..بكرة جنة ونعيم ..واليوم بسرعة حيخلص ....

........................

.

.

...أنتوا دايماً يابتوع الصحافة والإعلام والمنتديات عمالين تكدبوا علينا ...وتنادوا بحاجات غريبة

.

.

وتكرهوا سيرة سي السيد ..وأكتر اللي عمالين يعارضوا ...رجالتهم ...اسمحي لي ..رجالتهم .مهماش رجاله ....دا الواحدة من الستات دول تلائيها تتمنى جوزها يشخط فيها ...دا الواحد منهم زي الفرخة أودام مراته ..وهي بتكرهه ....وتغار ..أيوه تغار مننا ...تغار من رجالتنا ..اللي هما رجاله بحق وحقيقي وتتمنى أننا ننحرم زييها

دا ...لما ييجي سي السيد ..أيوه ...سي السيداللي بتكرهوا سيرته .....دا سيدي وتاج راسي ..ربنا ما يحرمناش من طلته ..اسيب كل حاجة عشانه

أأوم ....وأتجهز ..واغسل له هدمته ..وأطبخ له لقمته ..واجيب له عيل يشيل اسمه ويشيل الحمل عنه شويه ..يا أختي ..انا يوم ما حط رجليه في المية السخنة ....وانشفها له ..عارفة أنا أحس بأيه ؟؟؟

أحس أنه راجل وأنا الست

هي الست ....أيه أحلى حاجة عندها ؟؟؟

لمن تكون هي الراجل وهو الست ؟؟؟!!!!!!!لأ لأ

لا يا أختي ..إحنا لا ..مابنعرفوش الكلام ده ..دنا حتى لما يشخط في ..بدحك في سري ...أيوه كدا

الوحدة مننا ..صحيح بنتدايء منه شويه لما يتنرفز ..بس بترفع راسها وأت ما تسمع الناس تحكي فيه..وفي رجولته

.................................

أنا أحب أكون متستته في بيتي وواخده بالي من ولادي ..وعيلتي ...وجوزي هو اللي عمال يصرف علي ..أيييوه ..دا الجنيه منه احلى من الف جنيه من مهيتي ......أصلي باحس أني ست واحس انه هو راجل البيت

أحب أبأ أخدمه وهو يخدمني

مافيهاش حاجة يا أختي لما أطبخ واكنس وامسح ..دا حتى الحاجات دي مابتعيبش الست أبداً ..دي حتى رياضة كمان ...مش انتوا بتنادوا على الرياضة وكل الدنيا عاوزة رياضة وفي السعودية عمال ينادوا عليها في المدارس ...ومستئلين بخطرها على البنات ؟؟

.................................................. ........

أنا مرة أريت في كتاب صغنن ...الشيخ الشعرواي .ربنا يرحمه ويحسن إليه ..كان مع الريس ..مرة ..وشاف العرض بتاع الرياضة ...عارفة آل أيه

دا سأل :

_ ..هي البنت لازم تلبس بنطلون أوصير وهي يتعمل رياضة .؟؟؟.وليه ما تحتشمش زي الولد دا ..الولد لابس طويل ..ليه ما يكونش العكس ..طيب ليه مافيش مساواة على الأئل ؟؟؟

مش انتوا دايما ًبتنادوا بالمساواة ..لبسوا الراجل أوصير بأه !!!!!!!

لبسوا الراجل جونله ....مش البنت تلبس دا اللي اسمه أيه ؟؟؟..الميني جب .دا .اللي مايتسماش

.................................

ياست انتي يابتاعه ..أولي لكل الستات ياللي ينادوا بالحاجات الغريبة

_ فين الوعود اللي انتوا وعدتوها ...فين الحجاب اللي حتحافضوا عليه ايام الدعوة للانفتاح ؟؟؟ فين الحشمة اللي ألتوا أنها ما تتعارضش مع الحضارة ؟؟؟!!!!!!

ماشفناش التنتين .......لا حشمة ......ولا حضارة

وأهي بلاد المسلمين كلها متخلفة عن حضارة أوروبا ..لا تونس ولا مصر ولا الكويت ولا ....

كل الحاجات دي ...لعبة عمال تلعبوها ...عشان تخرجونا من بيوتنا وجوازنا ...عشان سي السيد بكرة يدور واحدة تانيه ويتحوزها غيري ...هو الراجل عاوز أيه بالست اللي ماتهتمش فيه

.

.

.

عيني في عينك

_ هو دا اللي تعلمتوه في كمبريدج وهارفارد والسوربون ؟؟؟ _

دحنا تعلمنا هنا حاجات ..ما أدرتوش توصلوها انتوا بعلامكو برا ..دحنا عايشين عيشه .آه .لو تجربتها

دحنا بندحك من ألوبنا ..وبنتلزز بكل حاجة وبكل دأيأه ....

.

.

.

طب تعالي بأه

_ أنتي ...يا أختي ...ياست يامتنورة ومتحضرة ...إيه هي إنجازاتك ؟؟ هوأنتي اخترعتي حاجة يا أختي ومخبياها عني ...بريه بريه ...حبس حابس ...عليكي

خايفة أحسدك ..اتكلمي ...أحسدك على أيه ..على خيبتك ياخيبانه

ياريتك أعدتي هنا ..وتستتي ...وما أعدتيش تتكلمي عمال على بطال كدا

تعرفي ...أنا حاسة أنك عاوزة تألدي ..هدى شعرواي ؟؟؟؟؟

..... يا داااااا العديييييييي.....لأ يا حبيبتي ..شيليها من دماغك خالص ..دا كان زمان ..زمان أوي ..

.

.

لا هدى ولا ذرية ولا زيزي ...ولا كل بناتكو ولا بنات السعودية .... أيام زمان ولا بنات دلؤتي ...حيخلوا البنت السعودية الأصيلة تسيب حجابها وحشمتها...

.

.





مش كفاية اللي عملوه الجماعة اياها في مصر وتونس ولبنان سوريا .....مش كفاية ...طلعتواالبنت من الشأه والبيت وحتى الكفر كمان .

مش كفاية اللي انتوا عملتوه في ميدان ...التغرير ...وكدبتوا علينا فيه ؟؟؟...وكل كلامكم حضارة ..وتقدم ..ورقي ؟؟؟؟

.

.

.

وآآآآآآآآآآد يــــــــــــــــــــــــــــــــــــــــــــــنــ ــــــــــــــــــــا

وأدينا على أولتكم اتحررنا ...بس ياخسارة ..ماتغيرش حاجة ...

من سنين وإحنا ..دول نامية

دول تالته و حنفضل كدا سنين وسنين

هي فين الحرية ..والتطور والحضارة اللي انتوا أولتوا عليه ؟؟؟

دحنا ما شفناش من وراكم إلا المصايب ...وإلة البخت

.

.

.





دا حتى الواحد ما يأدرش يسق في البنات بتوع اليومين دول ..هو أنا أولت أيه ؟؟؟ بنات !!!! يا خراشي ...أصلي كنت عاوزة أأول .....ياستات ياكبار



هو انتي عاوزة من الستات في السعودية أيه ؟؟؟

عوزاهم يتمردوا على مين ؟؟؟

عاوزاهم يتحكموا في شؤون الست عندهم زي ماتحكمتوا فينا في مصر ؟؟؟

.....

دا ربنا في كتابه وهو يتكلم سبحانه عن حأويء المرأة ...كان الخطاب للرجالة ..حتى في أدق أمورنا إحنا يالستات كان الخطاب فيها للرجالة ...يبأ دا معناه أيه ؟؟؟؟؟؟!!!!!!!!!

وحكاية حرية المراة وانها تدير شؤونها بنفسيها وتتولى وزارة تهتم بالحريم دي كذبة كبيرة ...مررتوها في بلادنا العربية .......لحد ماسدأها العالم ..وربنا العالم إنتوا بتخططوا لأيه وعشان توصلوا لأيه

دي نوال سعداوي أول ما طلعت طلعت بتنادي على حرية المرأة ...وشوية شوية ....وشوية شوية ..بأت تعلى في السلم .......لحد ما بأت عاوزة تكون ريسة

دحنا حذرناكم ...بلاش الستات يمسكوا منصب ...بلاش يمسكوا وزارة ...بلاش يسيبوا بيوتهم وولادهم ..واتنوا تأولوا دا من حأيها ...هي عاوزة تتكلم عن الستات وملينا واحنا نسمع حكاية ...شؤون المرأة ...وحقوق المرأة ...

وآدي النهاية ...بكرة اللي يحكمنا ست ....يادي النيلة ...ست تحكم مصر ...ياكسوفي http://alsaha2.fares.net/Images0/Smily/embaressed.gif...وكأن البلد مافيهاش رجالة ...ملايين من الرجالة ...معقولة ..يحكمهم ست ....دا النبي يبحذرنا ...ما أفلح قوم ولوا أمرهم امراة ...واحنا عاوزين نوليها أمرنا ...

يا خيبة مصر لما تتولاها ست ...والله مش حتفلح ولا حتفلح أبداً ...دا الكلام مش مني ...دا النبي هو اللي آل مش آني .......ما تصلي عا النبي ...اللهم صلي وسلم عليه

.................................................. ............

روحي ياشيخة ..ربنا ينتئم من كل واحدة عاوزة تتوهنا معاها .....ربنا ينور لينا طريئنا ....ونرجع لحجابنا ..

هو انتي ماعرفتيش أنهم في أمريكا وأوربا عمال يتحجبوا ...يا خيبتنا ..هما عمال يتستروا ..واحنا عمالين نتعرى



.................................................. ..................

نرجع ..نأول ...يامرفت ..اخزي الشيطان وتوبي ..ربنا بيحب اللي بيتوب...واستهدي بالله كيدا ..واعتزري واستغفري ربنا وفوأي .فوأي من اللي انتي عماله تأوليه

ربنا يتوب عليكي ...وينور لك طريقك ........أو..... ربنا ينتئم منك ويورينا فيكي يوم .... مع السلامة ....فتك بعافية ياحاجة http://alsaha2.fares.net/Images0/Smily/wink.gif

للكاتبة مشاعل العيسى......الساحات العربية

[ماما زوزو]

بسم الله الرحمن الرحيم
من هذة مرفت التى يمكن
لها التطاول على سيرة
سيد الخلق اجمعين سيدنا
محمد صلى الله عليه وسلم

[المأسور]

خطوة " خطيرة " وغير مسبوقة من الدكتورة مرفت التلاوي الأمين التنفيذي للجنة الاقتصادية والاجتماعية لغربي آسيا "الاسكوا " أحدى منظمات الأمم المتحدة " وذلك في اللقاء الذي تم معها في مركز السيدة خديجة بنت خويلد لدعم صاحبات الأعمال في الغرفة التجارية والصناعية بجدة ومع مجموعة من سيدات الأعمال في المجالات المختلفة وبعض المهتمات ، وقد كان اللقاء من الساعة 11 – 12 صباح يوم الأحد 22 شوال / هـ1425الموافق 5 ديسمبر/2004م



أما الهدف من اللقاء : فقد كان بمناسبة توقيع الغرفة التجارية والصناعية بجدة اتفاقية تدريب للسيدات مع منظمة الاسكوا وبتمويل أحدى الشركات السعودية .

وبعد تقديم الدكتورة مرفت التلاوي بدأت التعريف بمنظمة الاسكوا وعبرت عن سعادتها بما رأته من تعاون بين الرجال والنساء وحرص الرجال على دعم المرأة.

وقالت أن المجتمعات المتخلفة ترفض التغيير والتطور ،وأنها استبشرت خيراً برغبة رجال الأعمال في إعطاء المجال للمرأة للمشاركة بفعالية أكثر.. وأنها سعيدة جدا وهي توقع هذه الاتفاقية لأنه يدل على مدى اهتمام أعضاء مجلس إدارة الغرفة التجارية بتطوير المرأة ، وإعطاءها المجال للمشاركة الفعلية حيث يؤيدون مشاركتها في انتخابات مجلس الإدارة .

بعد ذلك قالت أنها تود التعرف على السيدات ومعرفة احتياجاتهن التدريبية وأخيراً الطلب منهن للقيام بعملية الاختراق للرجال والمجتمع وتكون البداية بتقدم مجموعة منهن كمرشحات لمجلس إدارة الغرفة التجارية بشرط أن تأتي جميع السيدات المشتركات في الغرفة لانتخابها .. وقالت لا تيأسوا أن لم يتم انتخابكن لأن ما يهم هنا هو أن تبدأوا في عملية الاختراق .. ليتعود المجتمع على ذلك .. خاصة وأنكن كسيدات أعمال لديكن القوة الاقتصادية التي تحكم العالم الآن.. وعليكن بفهم العولمة واستيعاب جميع بنود اتفاقية التجارة الحرة التي وقعتها المملكة .

بعد ذلك شددت على أهمية الاختراق من الداخل .. حيث ثبت نجاحه مقارنة بالاختراق من الخارج الذي سيرفضه أكثر أي شخص بما فيهم الليبراليين.. ونصحتهن بأن يتنبهن لذلك حتى يضمنوا نجاح خطواتهن .

ذكرت أنها كانت تتمنى أن يكون هنالك مجالاً للتعاون مع الجمعيات الخيرية النسائية في السعودية لأن نجاح مؤسسات المجتمع المدني غير المقيدة بقوانين حكومية أقدر على دفع النساء لعملية الاختراق والمطالبة بمساواتهن مع الرجل ، ولكن وزير الشئون الاجتماعية رفض التعاون مع منظمة الاسكوا

وكان الخيار البديل هي الغرفة التجارية بجدة التي استجابت ودعمت المنظمة لتقديم برامج للمرأة السعودية . ولكن يجب أن يمارس المجتمع دوره في إقصاء المتخلفين أتباع ابن تيمية الذين يعطلون تطور المرأة .

فسألتها إحدى الحاضرات عن مدى تقبل المجتمع لذلك ، خاصة وأن الاسلاميين وجدوا أنهم متهمين بالعنف والإرهاب .. وكأن في ذلك مؤامرة لهذا الاتهام لأحداث التغيير !

وأجابت الدكتورة مرفت " وبصراحة لا تنقصها الوقاحة " بقولها : الله ابتلاكم في السعودية بجهلة ومتخلفين يتبعون أفكار المتخلف ابن تيمية .. حيث أن أفكاره المتخلفة والجاهلة هي التي نشرت الإرهاب في السعودية .. و مشكلتكم في السعودية تشبه مشكلة مصر عندما سادت أفكار " متخلف هندي " اسمه أبو الاعلى المودودي صاحب الفكر التكفيري ومورده .. حيث بدأ المجتمع يتأثر بهذا الفكر فحاول البعض توعية المجتمع من خلال المقالات والمسرحيات والأفلام ونجحوا بتوعيتهم .

ولكن لم تستطع الدولة تجفيف منابع الفكر التي كانت تتم من خلال خطب المساجد والدروس والمحاضرات . والسعودية الآن مبتلاة بفكر المتخلف ابن تيمية ويجب أن تبادروا بتجفيف منابع هذا الفكر الذي سيرجع المجتمع للوراء .. حيث أوقف الاجتهاد والفقه الذي يجب أن يواكب التغيرات .. وعندما تتحدثين مع هؤلاء يقولوا لك : قال أبو هريرة .. وروى أبو هريرة ..

وقالت بلهجتها : (هو مين ده أبو هريرة ؟ وايه التخلف ده لما راجل ميت من 14 قرن يحكمني وهو في قبره ؟ ده تخلف لما أعطل عقلي وأسيب الراجل الميت يحكمني بعقلية عمرها14 قرن وما أعطي المجال لأي تقدم وتطور واستمر في التخلف )!

وفي هذه اللحظة ثارت " قلة " ووجهن كلامهن لها بأن توجد لنفسها حدودا وهي تتعدى على الرسول صلى الله عليه وسلم والصحابة رضي الله عنها .. ولن يسمحن لها بمس ثوابت الدين وان كانت تجهل ما معنى أن الشريعة التي تقوم على كتاب الله وسنة رسوله ..فهو جهل متعمد بهدف دعوة المجتمع الانسلاخ من الشريعة والبدء في الاختراق بالسخرية من الرسول صلى الله عليه وسلم .. ودار نقاش بين الحاضرات حيث حاولت بعض الحاضرات تبرير ذلك لها ..وبأنها جاءت بهدف التنمية الاجتماعية والاقتصادية للمرأة ..حتى وان أخطأت في كلامها عن الرسول صلى الله عليه وسلم وأبوهريرة رضي الله عنه وشيخ الإسلام ابن تيمية والشيخ المودودي .. وصمت الكثير منهن وقد يكون بسبب مفاجأتهن بهذه الجرأة التي استخدمتها الدكتورة ميرفت التيلاوي والاستهزاء بعبارات واضحة وصريحة بدون خوف أو رهبة وكأنها واثقة أن الجميع سيلتزم الصمت بفعل الانبهار بشخصيتها .

[&المحب&]

تسلم ايدك موضوع هايل

[sally]

اهوه انا كده بقي فهمت


قول مادخلت يامأسور ماكدبش عليك مافهمتش ولا كلمه:d


شكرا ليك علي موضوعك http://smilies.sofrayt.com/fsc/tulips2.gif

وحسبي الله ونعم الوكيل

[المأسور]

شكرا للجميع

[pickyaaa]

شكرا يا مأسور على الموضوع الرائع
لكن في الحقيقة الموضوع مايصحش يعدي كده
الست دي لما تكون بالبجاحة دي .. لازم الموضوع فعلاً يتصعد لأكبر من كده بكتير
انا حتى الآن مصدوم و مش عارف ايه اللي ممكن يتعمل
بس هاشوف
و ربنا يقدرنا على فعل الخير و محاربة أعداء الدين
حسبنا و نعم الوكيل