سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : حكاوي القهاوي ( 1 ) تشوف وتشوف

وادكول مش معقول
23-02-2005, 02:06 PM
ع الفيشاوي

والدنيا زحمة ولمـــــــــة
تحس انك في صحبـــــة
وكأن الدنيا وقفت ثانية
وتبرم بعينك برمــــــــــه
تشوف دنيا تانيـــــــــــة

تشوف شبعان لساته ضارب باميه
وتشوف غلبان عنده ميت غمــــــه

تشوف م البشر الوان من كل امـه
وتشوف اللي لابد في حضن امـه

تشوف مزكوم بيمسح في طرف كمه
وتشوف حزين عينه بترغر بدمعــــــه

تشوف واحد في غايب بينهش في لحمه
وتشوف التاني ويا الخضـار جايب لحمه

تشوف حبيب بالموزه بياخد لفه
والقديم لمراته ؟ اف يادي الغمه

تشوف حبيبه من الورده ياخدوا الشمه
وتشوف صيع حياته كــــــــوله وشمه

تشوف بياع بيبيع وشعاره الذمه
وتشوف غيره صحيح المعدن رمه

تشوف واحد يشيل ويسند وقت الزنقــــه
وتشوف التاني في الجامع بيعلق جزمه

تشوف في العركه من يفدي بدمه
وتشوف هتيف كبيره رافع للهمه

تشوف انسان بمعني الكلـــمه
وتشوف التاني واقف ولا همه

تشوف جدع وتشوف في عنيه فــــــوران دمه
وتشوف التاني كبيره بيغني المصريين اهمه

وعجبي
ميادة
24-02-2005, 12:57 AM
بسم الله الرحمن الرحيم

ياااااااااه واد كول مش معقول
والله زمان
وايام زمان
وكلام زمان

ترحيب ماينفعش يستنى قبل حتى مااقرأ
وسلام مخصوص لشوشو

ميادة
وادكول مش معقول
24-02-2005, 09:32 AM
والله زمان
وايام زمان
وكلام زمان
ترحيب ماينفعش يستنى قبل حتى مااقرأ
وسلام مخصوص لشوشو
ميادة

ميادة .... بجد بجد ... ليكم وحشة ..

وشودي بتسلم عليكي وبتقولك مش ناوية بقه ....؟؟


تبقي فرح الزمن .. اصل ...؟؟



عمر الجرح ما كان جرح زمن
ده فعل بشر وشمـــاعته الزمن
فيها بالالوان الوش اتدهــــــن
بنت مصر
24-02-2005, 07:35 PM
والله زمان زمان والله
انا قاعدة ادعك عيوني ومش مصدقة اللي انا شايفاه
معقول !!!! واد كول مش معقول ابو شودي بشحمه ولحمه هنا؟؟

بجد يا كول دي اجمل مفاجأة اهلا بيك ومليون وسهلا
وشكرا لك على كلماتك الرائعة كعادتك دائما


والله العظيم يا كول اني لسة كنت بعمل سيرش على اعمالك
وذهلت من روعتها وبقيت اقول لنفسي كان عندنا واحد مبدع بحق وحقيقي
سواء بمواضيعه اللي من ابداعه ولا بتحقيقاته الصحفية الرائعة

ياريت يا كول نشوفك دايما معانا وياريت كمان تسلم لي على لميس وطعمية
وكل من عندنا يهديكم السلام


بسنت
ابن البلد
24-02-2005, 07:56 PM
من العنوان كنت متأكد أنه لك
وقلت ده اكيد موضوع قديم ورفعوه :)

بيتهيألي يا كول أن الموضوع مكرر
أو يمكن بقه أختال عليا العنوان
أفتكر أنك كتبت حاجه زي كده زمان

وبعدين بقه متشغليش في الشعر :d

بس كلام حلو وجنان يا كول :f:
الفجر
24-02-2005, 10:52 PM
جميل ما كتبت فعلا....... هو ده الحال مش بايدنا نغيره ........

بس نرجع ونقول مصر بلدنا ..... وعجبانا كده .... ولا ايه رايك ؟؟؟؟؟؟؟؟

تحياتي... الفجر
وادكول مش معقول
02-03-2005, 06:57 AM
والله زمان زمان والله
انا قاعدة ادعك عيوني ومش مصدقة اللي انا شايفاه
معقول !!!! واد كول مش معقول ابو شودي بشحمه ولحمه هنا؟؟

بسنت

لا صدقي ...

وعلي رأي ابو العلاء المستغطي ...

الطير لو سافر .. لو هاجر .. عن بعد عشه لا يمكن يصبح قادر *8*


وبطلي دعك في عينك :) كده عينك تورم

والله العظيم يا كول اني لسة كنت بعمل سيرش على اعمالك
وذهلت من روعتها وبقيت اقول لنفسي كان عندنا واحد مبدع بحق وحقيقي
سواء بمواضيعه اللي من ابداعه ولا بتحقيقاته الصحفية الرائعة
بسنت


بسنت ... *7* بتقولي ايه ؟؟ مختش بالي *6* *7* *6* *7*
وادكول مش معقول
02-03-2005, 07:05 AM
من العنوان كنت متأكد أنه لك
وقلت ده اكيد موضوع قديم ورفعوه :):f:

رفعوه ؟؟ ايه يا عم الونش ؟؟ هو موضوع في الممنوع ولا ايه ؟

بيتهيألي يا كول أن الموضوع مكرر
أو يمكن بقه أختال عليا العنوان
أفتكر أنك كتبت حاجه زي كده زمان:):f:

والله انت اللي المفروض تدعك عينيك مش بسنت ..

ركز يا ابني دي قهوة تانية هههههه القهوة الاولانية لو مش فاكر *4* افكرك بتاعت المصيبة اياها .. افتكرت ؟ *4* ؟

بتاعت ... بعدت عنكم في زحام مصر القديمة ....احاول اقابل ناس تانين؟؟

في زحام مصر القديمة وشوارع عدت عليها السنين
عملت فيها حاوي وسط ألوف وملايين
ونزلت دروب القهاوي آحاكي ناس متنطورين
اللي منهم بالخير لسه عمرانين
ومنهم ناس بالحقد قلوبهم مليانين
ومن زحام روس البني آدمين
وفي وسط بتوع ذره علي بياعين
علي ناس في الدنيا متقمعين
شفت من العينة اللي جايين

الخ الخ الخ .. والبقية اقراها عشان تفتكر ... (http://www.egyptsons.com/misr/showthread.php?s=&threadid=1069)


وبعدين بقه متشغليش في الشعر :d :):f:

بس انا باشتغل في شركة والله


بس كلام حلو وجنان يا كول:d :):f:

ما انا عارف ؟؟ ايه الجديد *9* *5* وبدأت الغلاسة هههه *9*
وادكول مش معقول
02-03-2005, 07:22 AM
جميل ما كتبت فعلا....... هو ده الحال مش بايدنا نغيره ........

بس نرجع ونقول مصر بلدنا ..... وعجبانا كده .... ولا ايه رايك ؟؟؟؟؟؟؟؟

تحياتي... الفجر


لا انا مش معاكي ..

الحال بايدينا نغيره ..

بشباب تعمره ..
وعقول تنوره ..
وطاقة تفجره ..
وتاريخ يفكره ..
و ايمان ينبهه ..
لا السوس ينخوره ..
والهم يركبه ..
واليأس يغلبه ..
والادمان يدمره ..
وساعتها بس ..
الحال مش بأيدينا نغيره ..
الفجر
02-03-2005, 03:03 PM
فعلا فعلا معاك حق يا كوووول انا غيرت رايي..... ممكن نتغير ....

اختك الفجر

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث