khalid radio
18-02-2005, 02:43 AM
السلام عليكم جميعا ،
و بعد التحية،
معلش اتأخرت عليكم بس مشاغل و الله ،
اكيد معظمكم ان مكنش كلكم اتفرجتم على ماتش الاهلى و الزمالك و طبعا البلد كانت فاضية يوميها لدرجة ان اى حد يخاف يمشى فى ساعة زى دى فى الشارع ، و احنا سايبين كل مشاغلنا و بنتفرج على ماتش كورة !! ، اصله ماتش سينييه على رأى عادل امام ( نابليون بونابارت ساب الحملة و العساكر و الجيوش و قعد يمضى على اطباق!!!!!!!!!!!!!! ) .
المهم انى عملت زى الناس و قعدت اتفرج على الماتش و انا على السرير لانى كنت تعبان يوميها واكيد كنت انا معلى التليفزيون على الاخر و اول حاجة سمعتها كانت شتايم من الجمهور لبعض و للحكم و للمذيع و لاى حد معدى من قدام خلقتهم فوطيت الصوت عشان اللى فى البيت ........... ، و خلص الماتش 3-0 زى مانتو عارفين (للاهلى للى مش عارف) ، و على الرغم انى كنت زعلان شوية اصلى انا بينى و بينكم و دا سر فى الوقت الحالى على الاقل "زملكاوى" الا انى سمعت فى القهوة اللى على اول الشارع خناقة بين اهلاوى و زملكاوى و كان فيه ضرب و شتايم من اللى قلبكم يحبهم ( طبعا انا مش رايح احوش زى بقيت اهل الشارع لانى زى ماقولتلكم انى تعبان شوية ) طبعا انا فسرت الخناقة على انها تعصب و تعصب اعمى كمان ... !!!!!!!!!!!!! بس ايه دا ؟ ، دا لا يمكن يكون تعصب عادى بسبب الماتش دا مرض او اكيد مكروب ؟ لا لا لا دا اكيد حاجة تانية بس مش بسبب شىء هايف زى دا ؟؟؟!!!!!!!!!!! .
قلبت فى التليفزيون على قنوات الاخبار افتكرت التعصب الامريكى و العالمى ضد فلسطين و العراق و غيرهم ضد العرب و المسلمين كلهم و افتكرت تعصب اليهود لدينهم و لحقهم فى ارض مش ملكهم و افتكرت التعصب فى الحرب الاهلية فى اى بلد من جنس واحد و المفروض انهم يعيشوا تحت مسمى وطن واحد و اكتشفت انى انا كمان متعصب ممكن اكون متعصب لدينى و لوطنى او حتى لاقتناعى ان انا دائما الاذكى و الانجح و الاحسن ... الخ لا كمان دا انا متعصب حتى لنوع الاكل اللى انا بفضله!!!!!!!!!! ( انا بحب الكفته اوى ) .
نتيجة مهمة : ( التعصب غريزة فطرية لا يمكن للانسان العيش بدونها ) و دا على فكرة النتيجة اللى انا وصلتلها بعد التفكير و بعد ما افتكرت ان الانسان و دى حقيقة علمية يولد و من ضمن غرائزه الفطرية طبيعته العدوانية يعنى الانسان عدوانى بطبيعته و بتهيألى انه كمان متعصب بطبيعته .
نتيجة اهم : الانسان متعصب لنفسه بكامل شخصيته و معتقداته ضد اى حد فى اى حته حتى لو كان اقرب الناس ليه .
انا كده اتبرجلت مش عارف انا كده صح و لا غلط بس انتوا اكيد رايكوا يهمنى *4*
و لحد ما تقروا و تكتبوا انا وصلت لنتيجة اهم و اهم
نتيجة ملهاش حل : انا لازم ابقى متعصب زى بقيت الكون و عشان كده : الزمالك مع انه خسر لكن انا هشجعه و ايه رايكو بقا ان الماتش كده بنتيجته يبقى لصالح الزمالك و 4-0 للزمالك كمان هه.
و شكرا:d
و بعد التحية،
معلش اتأخرت عليكم بس مشاغل و الله ،
اكيد معظمكم ان مكنش كلكم اتفرجتم على ماتش الاهلى و الزمالك و طبعا البلد كانت فاضية يوميها لدرجة ان اى حد يخاف يمشى فى ساعة زى دى فى الشارع ، و احنا سايبين كل مشاغلنا و بنتفرج على ماتش كورة !! ، اصله ماتش سينييه على رأى عادل امام ( نابليون بونابارت ساب الحملة و العساكر و الجيوش و قعد يمضى على اطباق!!!!!!!!!!!!!! ) .
المهم انى عملت زى الناس و قعدت اتفرج على الماتش و انا على السرير لانى كنت تعبان يوميها واكيد كنت انا معلى التليفزيون على الاخر و اول حاجة سمعتها كانت شتايم من الجمهور لبعض و للحكم و للمذيع و لاى حد معدى من قدام خلقتهم فوطيت الصوت عشان اللى فى البيت ........... ، و خلص الماتش 3-0 زى مانتو عارفين (للاهلى للى مش عارف) ، و على الرغم انى كنت زعلان شوية اصلى انا بينى و بينكم و دا سر فى الوقت الحالى على الاقل "زملكاوى" الا انى سمعت فى القهوة اللى على اول الشارع خناقة بين اهلاوى و زملكاوى و كان فيه ضرب و شتايم من اللى قلبكم يحبهم ( طبعا انا مش رايح احوش زى بقيت اهل الشارع لانى زى ماقولتلكم انى تعبان شوية ) طبعا انا فسرت الخناقة على انها تعصب و تعصب اعمى كمان ... !!!!!!!!!!!!! بس ايه دا ؟ ، دا لا يمكن يكون تعصب عادى بسبب الماتش دا مرض او اكيد مكروب ؟ لا لا لا دا اكيد حاجة تانية بس مش بسبب شىء هايف زى دا ؟؟؟!!!!!!!!!!! .
قلبت فى التليفزيون على قنوات الاخبار افتكرت التعصب الامريكى و العالمى ضد فلسطين و العراق و غيرهم ضد العرب و المسلمين كلهم و افتكرت تعصب اليهود لدينهم و لحقهم فى ارض مش ملكهم و افتكرت التعصب فى الحرب الاهلية فى اى بلد من جنس واحد و المفروض انهم يعيشوا تحت مسمى وطن واحد و اكتشفت انى انا كمان متعصب ممكن اكون متعصب لدينى و لوطنى او حتى لاقتناعى ان انا دائما الاذكى و الانجح و الاحسن ... الخ لا كمان دا انا متعصب حتى لنوع الاكل اللى انا بفضله!!!!!!!!!! ( انا بحب الكفته اوى ) .
نتيجة مهمة : ( التعصب غريزة فطرية لا يمكن للانسان العيش بدونها ) و دا على فكرة النتيجة اللى انا وصلتلها بعد التفكير و بعد ما افتكرت ان الانسان و دى حقيقة علمية يولد و من ضمن غرائزه الفطرية طبيعته العدوانية يعنى الانسان عدوانى بطبيعته و بتهيألى انه كمان متعصب بطبيعته .
نتيجة اهم : الانسان متعصب لنفسه بكامل شخصيته و معتقداته ضد اى حد فى اى حته حتى لو كان اقرب الناس ليه .
انا كده اتبرجلت مش عارف انا كده صح و لا غلط بس انتوا اكيد رايكوا يهمنى *4*
و لحد ما تقروا و تكتبوا انا وصلت لنتيجة اهم و اهم
نتيجة ملهاش حل : انا لازم ابقى متعصب زى بقيت الكون و عشان كده : الزمالك مع انه خسر لكن انا هشجعه و ايه رايكو بقا ان الماتش كده بنتيجته يبقى لصالح الزمالك و 4-0 للزمالك كمان هه.
و شكرا:d